საქართველოს მთავრობის გადაწყვეტილებით, მომეტებული საფრთხის შემცველი სამუშაოების შემსრულებელ კომპანიებს ევალებათ დააზღვიონ დასაქმებულები უბედური შემთხვევისგან. დაზღვევა სავალდებულო 2018 წლის 27 ივლისიდან გახდა. კომპანიებს, რომელთათვისაც დასაქმებულთა უბედური შემთხვევებისგან დაზღვევა სავალდებულოა, ალდაგი სპეციალურად მათზე მორგებულ პორტალს სთავაზობს. რატომ შეიქმნა ახალი პლატფორმა და როგორ დაეხმარება ის ბიზნესს. საკითხზე ალდაგის მცირე და შაუალო ბიზნესის დაზღვევის განყოფილების უფროსი, თამარ ძნელაძე საუბრობს. მისი თქმით, paportal.aldagi.ge -ზე კომპანიები თანამშრომელთა სადაზღვევო პოლისებს ქმნიან, ამატებენ ან აუქმებენ დაზღვეულ თანამშრომლებს, ამოწმებენ გადახდის გრაფიკებს , პრემიებს და ა.შ.
„პლატფორმა შეიქმნა იმისთვის, რომ კომპანიებს ჰქონდეთ საშუალება, თავად მართონ თანამშრომელთა დაზღვევის პროცესი და განახორციელონ პოლისებისთვის საჭირო ყველა ოპერაცია. დღეს, როდესაც მომსახურება სრულად დისტანციურად ხორციელდება, ჩვენი ამოცანაა, იმდენად მოქნილი პროდუქტი შევთავაზოთ ჩვენს კლიენტებს, რომ მათ აღარ უწევდეთ დაზღვევის მენეჯერის დახმარება, ოფისში მისვლა, დანართების გაფორმება, დოკუმენტის აღება-ჩაბარება და ა.შ. პორტალის გამოყენება ძალიან მარტივია, ავტორიზაციის შემდეგ კლიენტი თვითონ ქმნის ან აახლებს პოლისებს, აგენერირებს რეპორტს, ამოწმებს გადახდის გრაფიკს და ა.შ.,“- ამბობს თამარ ძნელაძე.
„ჩვენი პროდუქტი იმითაც არის გამორჩეული, რომ ჩვენი ხელშეკრულება და შესაბამისად, პოლისები, სრულად შეესაბამება საკანონმდებლო მოთხოვნას, ყველა დეტალი და ნიუანსია გათვალისწინებული იმისთვის, რომ ჩვენი დაზღვეული კომპანია იყოს დარწმუნებული, რომ ზუსტად ის პოლისი აქვს შეძენილი, რომელიც მოთხოვნილია კანონით. ჩვენი დაკვირვებითა და პრაქტიკით, ძალიან ხშირია მსგავსი კომპანიების მხრიდან პოლისებში ცვლილებები, დაზღვეული თანამშრომლების გაუქმება, დამატება, პოლისის ცვლილების მოთხოვნები და მივედით იმ ეტაპამდე, რომ მიგვეცა მათთვის საშუალება და კომფორტი, რომ კომპანიებმა თავად შეძლებოდათ პოლისების მართვა. ამით ჩვენმა კომპანიამ კიდევ ერთი ნაბიჯი გადადგა გაციფრულებისკენ, რომელიც დაზღვევის პროცესს უფრო მარტივს და მოქნილს ხდის“, - განაცხადა თამარ ძნელაძემ.
თამარ ძნელაძე გვიყვება, რომ პორტალის თაობაზე კომპანიების უკუკავშირი ძალიან პოზიტიურია.
„გვაქვს უკუკავშირი, კომპანიები კმაყოფილები არიან და განახლების პროცესს უპრობლემოდ გადიან. ამ პორტალის აქტუალობიდან გამომდინარე, 2021 წელს ველით, რომ უფრო და უფრო მეტი კომპანია გადავა პორტალის გზით პოლისების მართვის სქემაზე. კომპანიები თავიანთ თანამშრომლებზე ზრუნავენ, თავად იძენენ დასაქმებულთათვის დაზღვევას, რაც უზრუნველყოფს დაზარალებულისა და დამსაქმებლის ფინანსურ დაცვას. დაზღვევის არსებობა ასევე არის დაკავშირებული თანამშრომლის კმაყოფილების ზრდასთან. იგი ფარავს ჯანმრთელობის მსუბუქ დაზიანებას, მსუბუქი დაზიანების შემთხვვევაში შრომის უნარიანობის დაკარგვას, ასევე უფრო სერიოზულ დაზიანებებს, დროებით და მუდმივ შრომისუნარიანობის დაკარგვას და ა.შ.“- განმარტავს თამარ ძნელაძე.
(R)