უნგრული დაბალბიუჯეტური კომპანია Wizzair-ი ქუთაისის ბაზის მუშაობას დროებით აჩერებს - ამის შესახებ ინფორმაცია ცოტა ხნის წინ პრესკონფერენციაზე Wizz Air-ის კომუნიკაციების ხელმღვანელმა ანდრაშ რადომ დაადასტურა. მანვე აღნიშნა, რომ ბაზის აღდგენის თარიღი ჯერჯერობით უცნობია.
„ჩვენ დროებით შევწყვიტეთ ქუთაისის ბაზის ფუნქციონირება, ჩვენ არ ვაუქმებთ ქუთაისის ბაზას. ამ დროისთვის სამომავლო გეგმების დაკონკრეტება რთული იქნება. შევხედავთ გლობალურ სიტუაციას და ამის მერე მივიღებთ გადაწყვეტილებას“— განმარტა ანდრაშ რადომ.
კითხვაზე, განიხილება თუ არა ავიაკომპანიის ოპერირების განახლება ქუთაისის გარდა სხვა ბაზიდან, კომპანიაში განაცხადეს, რომ ეს საკითხიც განიხილება შესაბამისი უსაფრთხო სიტუაციის შემთხვევაში.
„ჩვენ ვფიქრობთ სხვა ვარიანტებზეც, თუ შესაძლებელი იქნება ქუთაისის გარდა სხვა ბაზიდან ფრენა, განვიხილავთ ამ საკითხსაც და მივიღებთ გადაწყვეტილებას. მოხარული ვიქნებით, რომ კვლავ აღვადგინოთ ფრენა ქუთაისიდან. ჩვენთვის სასიამოვნოა ქართველი ხალხის მომსახურება სხვადასხვა ქვეყნებში მოგზაურობისას და ასევე უცხოელების ჩამოყვანა საქართველოში და ქვეყნის ეკონომიკის წინსვლაში ხელშეწყობა. ჩვენ გვჯერა, რომ მთავრობის ნებისმიერი გადაწყვეტილება პანდემიის გავრცელების პრევენციას ემსახურება და ჩვენ ვემორჩილებით ყველა რეგულაციას,“ - განმარტა ანდრაშ რადომ.
რაც შეეხება ქუთაისის ბაზაზე დასაქმებულ თანამშრომლებს, ანდროშ რადომ აღნიშნა, რომ ამასთან Wizzair-ი ქართველი დასაქმებულებისთვის ალტერნატიულ სამუშაოებს ეძებს.
„ყველა თანამშრომელს, ვინც ქუთაისის ბაზაზე მუშაობს ექნება სამსახური და ჩვენ ვცდილობთ რომ მათ შესაფერისი ადგილი მოვუძებნოთ ჩვენს ქსელში, „- აღნიშნა რადომ.
ანდრაშ რადოს თქმით, სამომავლო გეგმებზე, ზაფხულის ფრენებსა და დამატებით რეისებზე საუბარი ნაადრევია.
1 აგვისტოს შემდეგ სიტუაციის გადახედვა მოხდება და გავავრცელებთ ინფორმაციას როგორც ფრენებზე ასევე ახალი რეისების დამატებაზე. როცა ფრენის აღდგენაზეა საუბარი გასათვალიწინებელია ერთი ქვეყნიდან სად შეიძლება ფრენა, იქაური რეგულაციები და ა.შ. ამ ეტაპზე ზუსტად ვერ გეტყვით. როდის განვაახლებთ ფრენებს ქუთაისიდან.ჩვენ ვემორჩლებით ადგილობრივ რეგულაციებს და თუ არის გადაწყვეტილება, რომ რომელიმე ქვეყანაში ან რომელიმე ქვეყნიდან ვერ ვიფრენთ, ჩვენ მოგვიწევს გათვალისწინება. გვინდოდა გვეფრინა ყველგან და არა მხოლოდ საქართველოდან. მეტიც, ჩვენ გვჯერა, რომ ფრენა უსაფრთხოა და ჩვენ ყველა ზომა გვაქვს მიღებული. როცა იქნება ეს შესაძლებლობები ჩვენ ბუნებრივია მოხარული ვიქნებით.
ჩვენი კომპანია მუდმივად დაინტერესებული ვართ ქსელის გაფართოებაში, როცა დავაკვირდებით მოვლენების განვითარებას, მივხვდებით შეგვძლია თუ არა ახალი მიმართულებების დამატება, „- განმარტა ანდრაშ რადომ.
30 ივნისს ავიაკომპანია ვიზეარმა რეისების უმეტესობა 2021 წლის მაისამდე გააუქმა
მარიამ მორგოშია