კომპანია Wizz Air, ამჟამად, ოპერაციების მხოლოდ 3%-ით ახორციელებს. მიუხედავად მოსალოდნელი 270-280 მილიონი აშშ დოლარის ზარალისა, კომპანიას გააჩნია 1,5 მილიარდიანი ქეშ ბალანსი-ერთ-ერთი ყველაზე დიდი საავიაციო ინდუსტრიაში.როგორც კომპანიაში აცხადებენ, Wizz Air წარმატებით შეძლებს გაუმკლავდეს არსებულ კრიზისს.
კორონავირუსის გავრცელებასთან დაკავშირებული მოვლენების ფონზე, Wizz Air კვლავ აგრძელებს ევროპის, ცენტრალური აზიის, ჩრდილოეთ აფრიკისა და ჩრდილოეთ ამერიკის ქვეყნების მთავრობებთან მოლაპარაკებას, მათი მოქალაქეების სამშობლოში დაბრუნების უზრუნველყოფის თაობაზე. კომპანია ასევე ახორციელებს ფრენებს ჩინეთსა და უნგრეთს შორის სამედიცინო მარაგის მიწოდების მიზნით.
Wizz Air განაგრძობს სხვადასხვა ბაზრის ათვისებაზე მუშაობას. კომპანიის წარმომადგნლები იმედოვნებენ,რომ სიტუაციის დასტაბილურების პარალელურად, Wizz Air წლიურ 15%-იანი ზრდას შეინარჩუნებს.
მათი თქმით, მაქსიმალური მცდელობის მიუხედავად, Wizz Air-ს მძიმე ნაბიჯის გადადგმა უწევს, რაც 1000 დასაქმებულის (მომსახურე პერსონალის 18 %) სამსახურიდან დათხოვნას გულისხმობს.
Covid -19 - ის პანდემიით გამწვეული სამოგზაურო შეზღუდვებიდან გამომდინარე, დასაქმებულთა შვებულებასთან დაკავშირებულ დამატებით ზომებს უახლოეს პერიოდში მიიღებენ. დღეს ასევე გაცხადდა, რომ მენეჯმენტის ხელფასი 22 % - ით შემცირდება. ხოლო პილოტების, სალონის ეკიპაჟისა და ოფისის თანამშრომლების ანაზღაურება 14 % - ით.
Wizz Air – ის მთავარმა აღმასრულებელმა, ჯოზეფ ვარადიმ მადლობა გადაუხადა კომპანიის თანამშრომლებს და განაცხადა,რომ კომპანია მომავალი წლების განმავლობაში სააქციო ღირებულების მნიშვნელოვან ზრდას, ეკოლოგიასთან დაკავშირებულ სიახლეებსა და დასაქმების დიდ შესაძლებლობას მოელის.
“პირველ რიგში, მინდა მადლობა გადავუხადო ჩვენს ხალხს იმ უზარმაზარი მხარდაჭერისთვის, რომელსაც მგზავრებისა და მთელი მსოფლიოს მოსახლეობისადმი ამ უპრეცედენტო ჟამს იჩენდნენ. ისინი ძალიან დიდი თავდაჭერილობითა და მიზანდასახულობით შეხვდნენ Wizz Air - ისა და მთელი ინდუსტრიის წინაშე დამდგარ გამოწვევებს. განსაკუთრებული აღნიშვნის ღირსია ფრენები, რომლითაც მათ Covid - 19 - ით დაზარალებული და მიტოვებული მოქალაქეების გადაეყვანა უწევთ. ასევე, მნიშვნელოვანია ფრენები, რომელთა წყალობით ხერხდება აუცილებელი სამედიცინო აღჭურვილობის გადატანა ჩვენი ქვეყნების, პაციენტებისა და მათზე მზრუნველი ადამიანების დასახმარებლად.
Covid-19-ის პანდემიის პირობებში, კომპანიის პოზიციის დასაცავად ჩვენ არაერთი ინიციატივა გამოვიჩინეთ და ახლა მის კონკურენტუნარიანობასა და აქტივების განაწილებას განვიხილავთ. ჩვენ ვმუშაობთ იმისთვის, რომ კრიზისის შემდგომ გავიუმჯობესოთ სტრატეგიული და ფინანსური მდგომარეობა, რათა დავრწმუნდეთ, რომ გრძელვადიან ზრდასთან დაკავშირებული მიზნის შესრულება შეგვიძლია. Wizz Air უდავოდ რჩება გრძელვადიანი პერსპექტივით შექმნილ საუკეთესო სივრცედ ევროპული ავიაციის ინდუსტრიაში, დაბალი ფასებითა და ცენტრალურ და აღმოსავლეთ ევროპის ბაზარზე წამყვანი პოზიციით,- აღნიშნავს ჯოზეფ ვარადი.
როგორც კომპანიაში ამბობენ,Wizz Air Abu Dhabi ოპერაციების დაწყების თარიღის ცვლილება ჯერჯერობით არ იგეგმება.
Wizz Air წამყვანი დაბალბიუჯეტიანი ავიაკომპანიაა ცენტრალურ და აღმოსავლეთ ევროპაში. ავიაკომპანია აკავშირებს მსოფლიოს 45 ქვეყნის 154 მიმართულებას. Wizz Air გასული 12 თვის განმავლობაში 40 მილიონმა მგზავრმა აირჩია.
(R)