Wizz Air-ი ქუთაისიდან ფრენის მიმართულებებს ამცირებს, ცვლილებებია ავიაკომპანიის ბაზირების სხვა აეროპორტებშიც

Wizz Air-ი ქუთაისიდან ფრენის მიმართულებებს ამცირებს, ცვლილებებია ავიაკომპანიის ბაზირების სხვა აეროპორტებშიც

access_time2020-06-06 13:38:15

დაბალბიუჯეტიანი ავიაკომპანია Wizz Air ქუთაისის აეროპორტიდან ფრენებს ამცირებს. საუბარია 19 მარშრუტზე, მათ შორის შარლერუას და ეინდჰოვენის მიმართულებაზე. დაბალბიუჯეტიანი გადამზიდველის ოპერირების გეგმები აღმოსავლეთ ევროპის სხვა ბაზირების აეროპორტებთან მიმართებაშიც იცვლება.

სააგენტო www.aviation24.be ტვიტერის მომხმარებელ @SeanM1997-ზე დაყრდნობით წერს, რომ ბაზირებული საჰაერო ხომალდების შემცირების გამო (წყაროს ინფორმაციით სამი თვითმფრინავის მაგივრად ქუთაისის აეროპორტში 2 ხომალდი გააგრძელებს ბაზირებას) ავიაკომანიამ ბოლო დღეების განმავლობაში ბილეთების დაჯავშნის სისტემიდან ქუთაისის მიმართულებაზე ბევრი მარშრუტი ამოიღო, მათ შორის არ იძებნება შარლერუას და ეინდჰოვენის მიმართულება.

2019 წლის ივლისში, Wizz Air ქუთაისის აეროპორტში 5 თვითმფრინავის ბაზირებას და 12 ახალი მიმართულების გახსნას აანონსებდა. ამჟამინდელი მონაცემებით აღნიშნული მარშრუტებიდან მხოლოდ პოზნანი დარჩა, ხოლო 11 მიმართულება ფრენების დაწყებამდევე გაუქმდა. როგორც ჩანს, კორონავირუსის გამო, უნგრული კომპანია ოპერირების გეგმებს ცვლის, ბაზირებული საჰაერო ხომალდების რაოდენობას ორამდე ამცირებს და 19 მიმართულებაზე ფრენებს აუქმებს.

წყაროს ინფორმაციით ეს მიმართულებებია: ნიცა, სტოკჰოლმი, ტურკუ, ჰერაკლიონი, კარსლრუე/ბადენ-ბადენი, ნიურბერგი, ვენეცია, პიზა, ნეაპოლი, ლონდონი (ლუტონი), კიოლნი, კოპენჰაგენი, ეინდჰოვენი, ბარსელონა, ბარი, პარიზი (ბოვე), ბრიუსელი (შარლერუა), ფრანქფურტი, ჰამბურგი.


გარდა ამისა, მილანის, ტირანას, ლარნაკასა და ლვოვის 4 ახალი ბაზის დაფუძნების გადაწყვეტილების გამო, ავიაკომპანიას დასჭირდა რამდენიმე თვითმფრინავის დამატება აღმოსავლეთ ევროპიდან. შესაბამისად, ავიაკომპანია ამცირებს თვითმფრინავების რაოდენობას ზოგიერთ ბაზაზე: ბუდაპეშტში (15-დან 13-მდე), ვარშავა (8-დან 7-მდე), კატოვიცესა და გდანსკში (7-დან 6-მდე), კლუჟ ნაპოკაში (7-დან 5-მდე), სკოპიეში (5-დან 4-მდე), კიევი ჟულიანიში (4 – დან 3), ქუთაისში, ტიმიშორასა და ვილნიუსში (3 – დან 2), ხოლო კრაიოვაში, დებრეცენში, სიბიუსა და ვროცლავში (2 – დან 1).

ამასთან, საჰაერო ხომალდების რაოდენობა იზრდება ზოგიერთ ძველ ბაზაზე: ვენაში (8-დან 9-მდე), კრაკოვში (3-დან 4-მდე), ხოლო, ბუქარესტის, ლონდონის ლუთონის, სოფიას, ბელგრადის, კიშინიოვის, ტუზლას, ვარნას, იასის და რიგის აეროპორტებში თვითმფრინავების რაოდენობა უცვლელი რჩება.


avianews.ge

თეგები:
Wizz Air



დღის Top 10 საინტერესო ამბავი

 დღის Top 10 საინტერესო ამბავი
access_time2020-10-22 21:00:21
1. ბანკებზე თავდასხმის ქრონიკა საქართველოში   ბანკების ძარცვა ტექნოლოგიების ერაში ბევრს ყველაზე მოძველებულ კრიმინალურ აქტად მიაჩნევა, თუმცა ფინანსურ ინსტიტუტებზე შეიარაღებული თავდასხმა პლანეტის ერთერთ მთავარ გადაუჭრელ პრობლემად დღემდე რჩება....

22 ოქტომბერი - რეგიონში ქართული ლარი გამყარდა, თურქული ლირა გაუფასურდა

22 ოქტომბერი - რეგიონში ქართული ლარი გამყარდა, თურქული ლირა გაუფასურდა
access_time2020-10-22 18:10:25
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 22 ოქტომბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, კურსის ცვლილებამ 0.93 თეთრი შეადგინა, რის შედეგადაც ერთი...

Forbes: აშშ-ს იუსტიციის სამინისტრომ Google-ს უჩივლა

Forbes: აშშ-ს იუსტიციის სამინისტრომ Google-ს უჩივლა
access_time2020-10-22 20:00:48
აშშ-ს იუსტიციის სამინისტრომ Google-ის წინაამღდეგ სასამართლოში ანტიმონოპოლური სარჩელი შეიტანა.   უწყების აზრით, კორპორაცია ონლაინ-ძიების ბაზარზე ხელოვნულ მონოპოლიას აჩენს.   Google არის მსოფლიოს ერთ-ერთი უმდიდრესი კომპანია, რომლის საბაზრო ღირებულებაც 1 ტრლნ. დოლარია. ის თითქმის მონოპოლოსტია მილიარდობით ინტერნეტ-მომხმარებლისთვის, კომპანია ისეთ სერვისებს ფლობს, როგორც  Chrome,  YouTube, Google maps, Google translate და...

უნდა გახსნას თუ არა საზღვრები საქართველომ - PMC RESEARCH-ის შეფასებები

უნდა გახსნას თუ არა საზღვრები საქართველომ - PMC RESEARCH-ის შეფასებები
access_time2020-10-22 17:30:00
2020 წლის სამ კვარტალში, საერთაშორისო მოგზაურობიდან საქართველომ 499 მლნ დოლარის შემოსავალი მიიღო, ეს 81%-იანი დანაკლისია 2019 წლის ანალოგიურ მაჩვენებელთან შედარებით. PMC Research-ის ინფორმაციით, 2020 წლის სექტემბერში საერთაშორისო მოგზაურთა რიცხვი 94.2%-ით შემცირდა. აპრილის შემდეგ, 2019 წლის შესაბამის პერიოდთან შედარებით, ყოველ თვეში, მოგზაურების, ვიზიტორებისა და ტურისტების რაოდენობა 90%-ზე მეტად მცირდებოდა. კვლევაში მითითებულია, რომ COVID-19...

ნოემბრის შუა რიცხვებში ინფიცირების დღიურმა მაჩვენებელმა შესაძლოა, 4-5 ათას მიაღწიოს - გამყრელიძე

 ნოემბრის შუა რიცხვებში ინფიცირების დღიურმა მაჩვენებელმა შესაძლოა, 4-5 ათას მიაღწიოს - გამყრელიძე
access_time2020-10-22 17:00:34
დაავადებათა კონტროლისა და საზოგადოებრივი ჯანდაცვის ეროვნული ცენტრის ხელმძღვანელის ამირან გამყრელიძის განცხადებით, კორონავირუსის გავრცელებასთან დაკავშირებით, ნოემბრის პროგნოზი ახლიდან გაკეთდება.   მისივე ინფორმაციით, აქამდე გაკეთებული პროგნოზის თანახმად, ვირუსის გავრცელების პიკი ნოემბრის შუა რიცხვებში დადგება და ამ პიკის დროს დღიურმა მაჩვენებელმა შესაძლოა 4-5 ათას შემთხვევას მიაღწიოს.   „პროგნოზირება ძალიან უმადური რამ არის. არ არსებობს არც ერთი...


მსგავსი სიახლეები

up