ქვეყანაში არსებული სიტუაციიდან და მაღალი სამოქალაქო ინტერესიდან გამომდინარე, წისქვილკომბინატი „ბარაქა“ განმარტავს, რომ ხორბლის ფქვილის პროდუქციის დეფიციტსა მარაგებთან და მის მიწოდებასთან დაკავშირებითპრობლემები არ არსებობს.  

იმ შემთხვევაში, თუ რომელიმე სავაჭრო ობიექტი ხორბლის ფქვილის მარაგებთან დაკავშირებული დეფიციტის წინაშე დადგება, კომპანია მზად არის, რომ მოახდინოს პროდუქციის საჭირო რაოდენობით უზრუნველყოფა და მისი მარაგების შევსება.

„ვინაიდან, ხორბლის ფქვილი ერთ-ერთი ყველაზე მოთხოვნადი პროდუქტია, წარმადობის კუთხით დავამატეთ ღამის ცვლა და წარმოება  მაქსიმალური დატვირთვით მუშაობს 24 საათიან რეჟიმში, რომ დროულად მოვახდინოთ სხვადასხვა ობიექტებისთვის პროდუქციის მიწოდება.

არსებული გრაფიკიდან და პროდუქციის უწყვეტ რეჟიმში წარმოებიდან გამომდინარე, დამატებითი სამუშაო ადგილებიც შევქმენით და აქტიურად ვეძებთ 10 ახალ თანამშრომელს სენაკისა და ლილოს დასახლების მიმდებარე ტერიტორიაზე, საწარმოო პროცესთან დაკავშირებულ სხვადასხვა პოზიციებზე.  დაინტერესებულ პირებს შეუძლიათ მობრძანდენ წისქვილკომბინატის ტერიტორიაზე ან დარეკონ აღნიშნულ ნომერზე 577 282 390“ - განაცხადა კომპანიის დირექტორმა, ლადო ბიძინაშვილმა.

„წისქვილკომბინატი „ბარაქა“ (შპს ბეღელი) 2007 წელს ხორბლის ფქვილის წარმოებისა და რეალიზაციის მიზნით დაარსდა. კომპანიის მფლობელობაშია ორი წისქვილკომბინატი დასავლეთ და აღმოსავლეთ საქართველოში, რომელთა ჯამური წარმადობა თვეში 7,000 ტონას აღწევს. პროდუქციის რეალიზაცია საცალო, კორპორატიული და საბითუმო გზით საქართველოს უმსხვილეს სავაჭრო ქსელებში ხორციელდება. წისქვილკომბინატს 200-ზე მეტი სტაბილური მომხმარებელი ჰყავს. კომპანია საქართველოს ბაზარზე სამი დასახელების პროდუქტით არის წარმოდგენილი: „ბეღელი“, „თონე“ და „ბარაქა“