თურქეთსა და სირიაში  ორი ძლიერი მიწისძვრის შედეგად ათასობით შენობა განადგურდა. წინასწარი მონაცემებით ზარალი  1 მილიარდ დოლარს გადააჭარბებს. - აღნიშნულ ინფორმაციას გამოცემა reinsurancene  აქვეყნებს.

მონაცემების თანახმად, ზარალმა შესაძლოა თურქეთის მთლიანი შიდა პროდუქტის 2%-მდე შეადგინოს.

თურქეთის პრეზიდენტმა რეჯეფ თაიფ ერდოღანმა მიწისძვრებს 1939 წლის შემდეგ წლის შემდეგ ყველაზე დიდი კატასტროფა უწოდა.

ვიცე-პრეზიდენტის განცხადებით, მხოლოდ თურქეთში 1700-ზე მეტი შენობაა დაზიანებული ან დანგრეული, ზოგიერთი  ქალაქი კი განსაკუთრებით მძიმედ დაზარალდა.

USGS აღნიშნავს, რომ არსებობს 34% შანსი იმისა, რომ ეკონომიკური ზარალი 1 მილიარდ აშშ დოლარს გადააჭარბებს. რისკების გადაზღვევის ბროკერმა და  Gallagher Re-ის მთავარმა სამეცნიერო ოფიცერმა სტივ ბოუენმა აღნიშნა, რომ 6.7 მაგნიტუდის მიწისძვრამ, რომელიც იმავე რეგიონში 2020 წლის იანვარში მოხდა დაახლოებით 600 მილიონი დოლარის ზარალი გამოიწვია.

7.8 მაგნიტუდის მიწისძვრა დღეს ადგილობრივი დროით 04:17 წუთზე 17.9 კილომეტრის სიღრმეზე თურქეთის სამხრეთ-აღმოსავლეთით, სირიის საზღვართან, ქალაქ გაზიანტეპთან მოხდა. ადგილობრივი დროით, 13:24 საათზე კიდევ ერთი, 7.5 მაგნიტუდის მიწისძვრა კაჰრამანმარასის პროვინციაში დაფიქსირდა.