„წინასაარჩევნოდ მთავრობა და ეროვნული ბანკი შეცდომების გამოსწორებას ცდილობენ“

„წინასაარჩევნოდ მთავრობა და ეროვნული ბანკი შეცდომების გამოსწორებას ცდილობენ“

access_time2019-12-20 10:00:20

საქართველოს ეროვნული ბანკი 2020 წელს საბანკო რეგულაციების გამარტივებას გეგმავს. საერთაშორისო სავალუტო ფონდის პროგრამის მეხუთე მიმოხილვის დასრულების შემდეგ გამოქვეყებული დოკუმენტის მიხედვით, შესაბამისი ცვლილებები მომავალი წლის მარტამდე განხორციელდება.


ეკონომიკისა და მდგრადი განვითარების მინისტრი ნათია თურნავა ადასტურებს, რომ „ეროვნული ბანკი“ ლიბერალიზების მიმართულებით წინადადებებზე მუშაობს. 


„მიუხედავად მკაცრი მონეტარული პოლიტიკისა, საბანკო რეგულაციების ლიბერალიზება ხელს შეუწყობდა ეკონომიკური ზრდის მაღალ ნიშნულზე შენარჩუნებას.  შეგახსენებთ, რომ პრემიერ-მინისტრის დავალებით, პირველ რიგში, ეროვნული ბანკი მუშაობს წინადადებებზე. შემიძლია, დაგიდასტუროთ, რომ ლიბერალიზება იგეგმება. ეს იქნება მთელი პაკეტი. არ მინდა, წინ გავუსწრო მოვლენებს და კონკრეტულ დეტალებზე ვისაუბრო, მაგრამ ძალიან მალე დასრულდება. როგორც ეკონომიკის მინისტრი, გარკვეული ლიბერალიზების მომხრე ვარ, რადგან მნიშვნელოვანია ეკონომიკაში გაჩნდეს დაბანდების მეტი რესურსი“, – განაცხადა ნათია თურნავა.


დღეისთვის სესხის მომსახურების კოეფიციენტები ყოველთვიური შემოსავლის მიხედვით ოთხ ჯგუფად არის დაყოფილი – 1000 ლარამდე, 1000-დან 2000 ლარამდე, 2000-დან 4000 ლარამდე და 4000 ლარზე მეტი. ცვლილების შემდეგ, დარჩება მხოლოდ ორი კატეგორია. სავალუტო ფონდში აღნიშნავენ, რომ ცვლილება დადებითად აისახება მათზე, ვისი შემოსავალი 1000-დან 4000 ლარამდეა, ანუ მათ შედარებით დიდი მოცულობის სესხის აღება შეეძლებათ.


ადამიანების შემოსავლის დაყოფის ასეთ სქემას ეკონომიკის ექსპერტი ზვიად ხორგუაშვილი არათანმიმდევრულს და უსამართლოს უწოდებს.



„სამწუხაროა რომ უკვე მერამდენედ იღებენ სრულიად გაურკვევლად ისეთ რეგულაციებს, რომლებიც ადამიანებს აზარალებს და შემდეგ ის უკან მიაქვთ. თუმცა, ცალსახაა რომ გამარტივება უნდა მოხდეს. იმედი არ მაქვს რომ ყველა იმ მავნებლურ რეგულაციას გააუქმებენ. დიდი ეჭვი მაქვს, რომ ესეც არათანმიმდევრული და ბევრი ადამიანისთვის უსამართლო იქნება, რადგან თუ 1000 ლარის ზემოთ უუქმებ ადამიანს გარკვეულ რეგულაციებს, რა დააშავა იმან, რომელსაც შედარებით ნაკლები შემოსავალი აქვს? არ შეიძლება ადამიანების შემოსავლების მიხედვით გამოყოფა და შემდეგ სხვადასხვა პირობებში ჩაყენება. განსაკუთრებით მნიშვნელოვანია, ისიც რომ საერთოდ არ ამბობენ კონკრეტულად რას აპირებენ, როგორც ჩანს თვითონაც არ არიან ბოლომდე ჩამოყალიბებულები“, - აცხადებს ზვიად ხორგუაშვილი.


ეკონომიკის ექსპერტი ასეთი სახით რეგულაციების შერბილებაში პოლიტიკურ სარჩულს ხედავს და ამ ყველაფერს საარჩევნო წელს უკავშირებს.


„საარჩევნო წელი მოდის და ყველანაირად ეცდებიან, რომ ხალხის გული მოიგონ, მაგრამ ჯერჯერობით ეკონომიკის მინისტრი მხოლოდ პოლიტიკური განცხადებებით შემოიფარგლა და დეტალებზე არ უსაუბრია. მთავრობა და ეროვნული ბანკი თავიანთ შეცდომების გამოსწორებას ცდილობენ. ასეთი პატარ-პატარა რეგულაციებით არ უნდა შემოიფარგლონ, მნიშვნელოვანია სხვებიც გამარტივდეს, მაგალითად შემოსავლების დადასტურების გარეშე სესხის გაცემა, პროცენტებზე ჭერის დაწესება. ერთი-ორ რეგულაციას თუ მოხსნიან არაფერს შეცვლის, ის ზარალი რაც საბანკო სექტორმა და თითოეულმა მოქალაქემ განიცადა - არსად წასულა, ახლაც ვზარალდებით“, - განმარტავს ზვიად ხორგუაშვილი.


„საზოგადოება და ბანკების” დამფუძნებელი გიორგი კეპულაძე მიიჩნევს, რომ ნებისმიერი მსგავსი რეგულაციის მოხსნა ან შერბილება დადებითად აისახება საბანკო სფეროზე და ეკონომიკურ აქტივობასაც გაზრდის.


„თავიდანვე ვამბობდით, რომ ეს რეგულაციები ჩვენი ეკონომიკისთვის ამ ეტაპზე ზედმეტად მკაცრი იყო. შესაბამისად, ნებისმიერი რამ, რომელიც ამ რეგულაციების შერბილებას ემსახურება - რა თქმა უნდა ვიწონებთ. ახალი ბრძანებულება ყოველთვიური შენატანის ოდენობას განსაზღვრავს და სავარაუდოდ, აქ შევა ცვლილებები, რომელიც გულისხმობს შემოსავლის გათვალისწინებით ყოველთვიური შენატანის განსაზღვრას. გაიზრდება სასესხო ლიმიტიც და უფრო მეტ ადამიანს შეეძლება აიღოს სესხი, რაც საბანკო პორტფელის ზრდას და ეკონომიკურ აქტივობასაც შეუწყობს ხელს. როგორც ჩანს, ეროვნულ ბანკში და მთავრობაში დაინახეს რეალური პრობლემები რაც რეგულაციებმა გამოიწვია, არ ვიცი რამდენად სიხარულით დგამს ამ ნაბიჯს სებ-ი, მაგრამ ფაქტია, რომ მთავრობასთან კონსულტაციების შედეგად მიიღეს ეს გადაწყვეტილება. დეტალები ალბათ მოგვიანებით გახდება ცნობილი“, - განაცხადა გიორგი კეპულაძემ.


ნინო თამაზაშვილი





21 სექტემბერი - რეგიონში ქართული ლარი და თურქული ლირა გაუფასურდა

21 სექტემბერი - რეგიონში ქართული ლარი და თურქული ლირა გაუფასურდა
access_time2020-09-21 18:05:22
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ გამოქვეყნებული 21 სექტემბრის ვაჭრობის შედეგად, ქართული ლარის კურსი 1 თეთრით გაუფასურდა და ერთი...

დღის Top 10 საინტერესო ამბავი

დღის Top 10 საინტერესო ამბავი
access_time2020-09-21 21:00:56
დღის Top 10 საინტერესო ამბავი: 1. გაზრდილი ხელფასები, ბანკების სუბსიდირება და რეკორდული ვალი - პანდემიური ბიუჯეტის პარადოქსები COVID-19-ის გავრცელებამ საქართველოს 2020 წლის სახელმწიფო ბიუჯეტზე დიდი გავლენა მოახდინა. პანდემიისგან გამოწვეულმა ეკონომიკურმა კრიზისმა ბიუჯეტის შემოსავლები მნიშვნელოვნად შეამცირა. ამავე დროს,...

ფულის გათეთრება და საეჭვო ტრანზაქციები - ქართული ბანკები საერთაშორისო ჟურნალისტურ გამოძიებაში მოხვდნენ

ფულის გათეთრება და საეჭვო ტრანზაქციები - ქართული ბანკები საერთაშორისო ჟურნალისტურ გამოძიებაში მოხვდნენ
access_time2020-09-21 17:00:17
ფულის გათეთრებასა და საეჭვო ტრანზაქციებზე გამომძიებელ ჟურნალისტთა საერთაშორისო გაერთიანების (ICIJ)  კვლევაში ქართული ბანკებიც მოხვდნენ.  ანგარიში ამერიკული კომერციული ბანკების მიერ 1997-2017 წლებში რეგისტრირებულ საეჭვო ტრანზაქციების სიას ეფუძნება, რომლის ჯამური მოცულობაც $2 ტრილიონს შეადგენს. ამ ტრანზაქციების უმეტესობა ევროპის, აშშ-ის და აზიის წამყვანი ბანკების მიერ იყო განხორციელებული და ფულის გათეთრების მომეტებულ რისკებს შეიცავდა. FinCEN-ის მონაცემებში...

Forbes: მსოფლიო ახალი კარანტინის ზღვარზეა

Forbes: მსოფლიო ახალი კარანტინის ზღვარზეა
access_time2020-09-21 19:00:29
კორონავირუსით დაავადებულთა სწრაფმა ზრდამ შესაძლოა მთელ რიგ ქვეყნებს ახალი კარანტინის შემოღება აიძულოს. მათი უმეტესობა ყველანაირად ამას ეწინაამღდეგება თუმცა, ტენდენციის გაძლიერების შემთხვევაში მათ, შესაძლოა სხვა არჩევანი არც დარჩეთ.   საფრანგეთში პარასკევს დაავადებულთა რაოდენობა 10 000-ით გაიზრდა  - ეს მაისის შემდეგ მაქსიმალური ზრდაა.   პორტუგალია დღეში 770 დაინფიცირებულზე იტყობინება - ის ყველაზე მაღალი მაჩვენებელია 5 თვის მანძილზე,...

ლარსაც კორონავირუსი შეეყარა?!

ლარსაც კორონავირუსი შეეყარა?!
access_time2020-09-21 15:15:46
ლარს კორონავირუსი შეეყარა და ხელოვნურ სუნთქვაზეა გადაყვანილიო, ხუმრობენ ეროვნულ ვალუტაზე, მაგრამ საქმე სახუმაროდ ნამდვილად არა გვაქვს, რადგან ბოლო ორ კვირაში ლარი დოლარის მიმართ თითქმის 14 თეთრით გაუფასურდა. წლის დასაწყისიდან დღემდე საქართველოს ეროვნულმა ბანკმა (სებ) ბაზარს 400 მილიონ დოლარზე მეტი მიაწოდა. ბოლო ორ კვირაში ორჯერ გაყიდა 40-40 მილიონი, მაგრამ ლარის კურსს ვერც ამან უშველა. ექსპერტების თქმით, ლარი “შავ დღეშია” და ეროვნული ვალუტის მკვეთრი გაუფასურების არაერთ მიზეზს...


მსგავსი სიახლეები

up