წინანდლის კლასიკური მუსიკის რიგით მეორე ფესტივალი დასრულდა

წინანდლის კლასიკური მუსიკის რიგით მეორე ფესტივალი დასრულდა

access_time2020-09-25 09:55:39

წინანდლის მამულში 4 დღის განმავლობაში კლასიკური მუსიკის საერთაშორისო ფესტვივალი ჩატარდა.  2020 წელს შექმნილი ვითარებიდან გამომდინარე წელს ფესტივალის ფორმატი განსხვავებული იყო.  შემცირებული იყო როგორც ფესტივალის ხანგრძლივობა, ასევე ფესტივალის მონაწილეთა და დარბაზში დამსწრეთა რიცხვი. ფესტივალის სტუმრების და მონაწილეებისთვის უსაფრთხო გარემოს უზრუნველყოფა  ორგანიზატორების მთავარ პრიორიტეტად იქცა.  


წინანდლის ფესტივალის დამფუძნებლები არიან: ვერბიეს ფესტივალის დამფუძნებელი მარტინ ენგსტრომი, ისრაელის ფილარმონიის ხელმძღვანელი ავი შოშანი, კომპანია „სილქ როუდ ჯგუფის“ დამფუძნებელი გიორგი რამიშვილი.  ფესტივალის გენერალური დირექტორია - დავით საყვარელიძე.


წინანდალის ღია ამფითეატრში მსმენელის წინაშე წარსდგნენ მარტა არგერიხი,  ლიზა ბათიაშვილი, ნელსონ გიორნერი, დანიელ ლოზაკოვიჩი, ალექსანდრე კანტოროვი. ასევე, ნიკოლოზ რაჭველი და ეროვნული სიმფონიური ორკესტრი კამერული შემადგენლობით და სუხიშვილების ნაციონალური ბალეტი განახლებული პროგრამით.  შესრულდა რახმანინოვის, მოცარტის, დებიუსის, შუმანის, ბრამსის, ბახის, შტრაუსის და სხვათა ნაწარმოებები.  


ლეგენდად აღიარებულმა არგენტინელმა პიანისტმა, მარტა არგერიხმა, ორი კონცერტი გამართა. ორი ფორტეპიანოსთვის  შექმნილი პროგრამა მან წარმოშობით აგრეთვე არგენტინელ პიანისტთან, ნელსონ გიორნერთან, ერთად შეასრულა.


ორჯერ წარსდგა მსმენელის წინაშე თანამედროვეობის ერთ-ერთ საუკეთესო მევიოლინედ აღიარებული ლიზა ბათიაშვილი. პირველ დღეს მან ნიკოლოზ  რაჭველთან და ეროვნულ სომფონიურ ორკესტრთან ერთად შეასრულა ნაწარმოებები თავისი ახალი ალბომიდან „City Lights”.  სწორედ ამ კონცერტს დაესწრო გაეროს მსოფლიო ტურიზმის ორგანიზაციის (UNWTO) გენერალური მდივანი ესპანეთის, პორტუგალიის, საბერძნეთის, რუმინეთის, მაროკოს, საუდის არაბეთის, კონგოს, კენიის და სხვა ქვეყნების დელეგატებთან ერთად.   



მეორე კონცერტი ლიზა ბათიაშვილმა ახალგაზრდა მუსიკოსებთან - გიორგი გიგაშვილთან, ანასტასია აღლაძესთან, მირიან კვალიაშვილთან და ცოტნე ზედგენიძესთან - ერთად გამართა. 





პირველად წარსდგნენ ქართველი მსმენელის წინაშე ახალგაზრდა პიანისტი, ჩაიკოვსკის სახელობის საერთაშორისო მუსიკალური კონკურსის გრან პრის მფლობელი ალექსანდრე კანტოროვი და ვირტუოზი მევიოლინე დანიელ ლოზაკოვიჩი, რომელმაც ადრეული ასაკიდან მოიპოვა საერთაშორისო აღიარება. 


ამ რთულ დროს სხვადასხვა ქვეყნებში მოღვაწე მუსიკოსების საქართველოში ჩამოსვლა წლევანდელ ფესტივალში მონაწილეობის მისაღებად ერთგვარი კეთილი ნების და სოლიდარობის გამოხატულებაა, იმის გათვალისწინებით, რომ ახლადდაარსებული ფესტივალისთვის მეტად მნიშვნელოვანია პროცესის უწყვეტობა და საერთაშორისო მუსიკალური სამყაროს ყურადღების კიდევ ერთელ მიპყრობა. 

„მოხარული ვარ, რომ ჩვენ არა მარტო ჩავატარეთ წელს ფესტივალი, არამედ ჩამოვიყვანეთ უმაღლესი კლასის შემსრულებლები მსოფლიოს სხვადასხვა ქვეყნიდან. ამ პანდემიის დროს უნდა გვახსოვდეს, რომ მძიმე დღეები გაივლის და კარგი დღეები ისევ დადგება. ეს არის ჩვენი გზავნილი წლევანდელი წინანდლის ფესტივალიდან.  ჩვენ ვრჩებით პოზიტიურები და ოპტიმისტურები. ის, რომ აქ გვყავდა მარტა არგერიხი, ლიზა ბათიაშვილი, ნელსონ გიორნერი, ალექსანდრე კანტოროვი, დანიელ ლოზაკოვიჩი - თავად ეს ადამიანები არიან გზავნილი, რომ ყველაფერი კარგად იქნება.“ - გიორგი რამიშვილი . 

წინანდლის ფესტივალის მუსიკალური დირექტორი, თანამედროვეობის ერთ-ერთი ყველაზე ცნობილი და წარმატებული დირიჟორი, მაესტრო ჯანანდრეა ნოზედა, წელს საქართველოში ვერ ჩამოვიდა. შარშან ფესტივალი გაიხნა გუსტავ მალერის მეორე სიმფონიით, რომელიც შეასრულეს  თბილისის ზაქარია ფალიაშვილის სახელობის ოპერისა და ბალეტის პროფესიული სახელმწიფო თეატრის გუნდმა და პან-კავკასიურმა ახალგაზგარდულმა ორკესტრმა სწორედ მაესტრო ნოზედას დირიჟორობით (სოლისტები: ქეთევან ქემოკლიძე - მეცცო-სოპრანო და ინგ ფანგი - სოპრანო.)


წინანდლის ფესტივალის გახსნის დღეს, 17 სექტემბერს, ალექსანდრე ჭავჭავაძის მუზეუმმა საჩუქრად მიიღო გენერალ შარლ დე გოლის ხელნაწერი 16 წერილი, რომელიც მუზეუმს დე გოლების ოჯახის ჩამომავალმა, მხატვარმა და წინანდლის დიდმა მეგობარმა, ფრანსუა ანტონიოზმა გადასცა. წერილების საზეიმო გადაცემას დაესწრნენ საქართველოს პრეზიდენტი ქალბატონი სალომე ზურაბიშვილი და საფრანგეთის ელჩი საქართველოში ბატონი დიეგო კოლასი.


წინანდლის კლასიკური მუსიკის ფესტივალი გასულ წელს დაარსდა და 2019 წლის სექტემბერში წინანდლის მამულმა 15 დღის განმავლობაში 40-მდე კონცერტს უმასპინძლა, რომელშიც მსოფლიოში აღიარებულ ვარსკვლავებთან ერთად კამერული და სიმფონიური ორკესტრები მონაწილეობდა. ასევე, ფესტივალის აკადემიის ფარგლებში დაარსებული პანკავკასიური ორკესტრი, რომელმაც 80-მდე ახალგაზრდა მუსიკოსი გააერთიანა რეგიონის რამდენიმე ქვეყნიდან. მდიდარი საკონცერტო პროგრამის გარდა, საგანმანათლებლო მხარე ფესტივალის კონცეფციის ერთ-ერთი მთავარი ნაწილია, რომელიც, სამწუხაროდ, წლევანდელი ფორმატიდან ამოღებული იქნა გასაგები მიზეზების გამო.


ფესტივალის ორგანიზატორები და დამფუძნებლელი მომავალი წლის მასტაბურ პროგრამაზე უკვე მუშაობენ და მას უახლოეს მომავალში წარუდგნენ კლასიკური მუსიკის მოყვარულებს.


დავით საყვარელიძე: ასეთ დროს კონცერტების ოთხდღიანი სერიის ორგანიზება უცხოეთიდან მოწვეული მუსიკოსებისა და აუდიტორიისთვის განსაკუთრებით რთული იყო, თუმცა ძალიან ვამაყობთ, რომ ჩვენ ეს შევძელით. დიდ მადლობას ვუხდით ყველა შემსრულებელს და ფესტივალის სტუმარს, რომლებმაც ძალა არ დაიშურეს, რომ წელს ჩვენთან ერთად ყოფილიყვნენ. 2021 წელს კვლავ დავბრუნდებით და მოუთმენლად ველით შემდეგ შეხვედრას. 



(R)

თეგები:
წინანდლი



„ჩვენ პრობლემებს დაუხვეწავ კანონმდებლობაში ვხედავთ და არა თიზ-ის ინფრასტრუქტურაში“ - ჰუალინგის თიზ-ის აღმასრულებელი დირექტორი

„ჩვენ პრობლემებს დაუხვეწავ კანონმდებლობაში ვხედავთ და არა თიზ-ის ინფრასტრუქტურაში“ - ჰუალინგის თიზ-ის აღმასრულებელი დირექტორი
access_time2021-04-16 18:30:56
„ჩვენ პრობლემებს დაუხვეწავ კანონმდებლობაში ვხედავთ და არა თიზ-ის ინფრასტრუქტურაში, რაზეც უკვე წლებია ვსაუბრობთ* - აცხადებს ჰუალინგის თიზ-ის აღმასრულებელი დირექტორი სოსო ნიბლაძე, თუმცა არ ეთანხმება ქეთი ბოჭორიშვილის მოსაზრებას, რომ თიზ-ებში ინვესტორებს პრობლემების მოგვარება თვითონ უხდებათ და თიზ-ებში არ არის მოწესრიგებული ინფრასტრუქტურა. „ჰუალინგის თიზ-ში გასული 5 წლის განმვალობაში განხორციელდა 50 მლნ დოლარზე მეტი ინვესტიცია, როგორც უშუალოდ ინდუსტრიული პროექტების მოზიდვის...

რუსეთი დსთ - დან ჩასულ არალეგალ მიგრანტებს ქვეყნის დატოვებას სთხოვს

რუსეთი დსთ - დან ჩასულ არალეგალ მიგრანტებს ქვეყნის დატოვებას სთხოვს
access_time2021-04-16 19:00:31
რუსეთის შინაგან საქმეთა სამინისტრო დსთ-ს ქვეყნებისგან მოითხოვს, რომ მათ რუსეთში არალეგალურად მყოფი თავისი მოქალაქეები 15 ივნისამდე დაუყოვნებლივ გაიყვანონ. ამის შესახებ საპარლამენტთაშორისო ასამბლეაზე უწყების ხელმძღვანელის მოადგილემ ალექსანდრ გორავოიმ განაცხადა. შინაგან საქმეთა სამინისტროს სტატისტიკის მიხედვით, დღეს რუსეთში 332 ათასი არალეგალი მიგრანტი იმყოფება უზბეკეთიდან, 247 ათასი  - ტაჯიკეთიდან, 152 ათასი - უკრაინიდან, 120 ათასი...

16 აპრილი - რეგიონში მხოლოდ თურქული ლირა გაუფასურდა

16 აპრილი - რეგიონში მხოლოდ თურქული ლირა გაუფასურდა
access_time2021-04-16 18:00:21
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 16 აპრილის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 16 აპრილის ვაჭრობის შედეგად (რომლის ოფიციალური კურსი 19 აპრილისთვისაა) ეროვნული...

დღის Top 10 საინტერესო ამბავი

დღის Top 10 საინტერესო ამბავი
access_time2021-04-16 21:00:47
დღის Top 10 საინტერესო ამბავი: 1.„ახალი ობლიგაციების დაბალი საპროცენტო განაკვეთით ბიუჯეტი 350 მლნ ლარს დაზოგავს“ „ფინანსთა სამინისტრომ წარმატებით დაასრულა 500 მლნ აშშ დოლარის ღირებულების ევრობონდების გამოშვება. საპროცენტო განაკვეთმა (coupon rate) შეადგინა 2,75%. ახალი ობლიგაციებით მოხდა 2011 წელს გამოშვებული ევროობლიგაციების...

„ქართული ოცნება“ საჯაროდ აწერს ხელს შარლ მიშელის ეგიდით შექმნილ დოკუმენტს - არჩილ თალაკვაძე

„ქართული ოცნება“ საჯაროდ აწერს ხელს შარლ მიშელის ეგიდით შექმნილ დოკუმენტს - არჩილ თალაკვაძე
access_time2021-04-16 17:15:15
„ქართული ოცნება“ მედიატორის მიერ შექმნილ დოკუმენტს ხელს საჯაროდ აწერს. ამის შესახებ განცხადება პარლამენტის თავმჯდომარემ არჩილ თალაკვაძემ პარტიის ოფისში გამართულ ბრიფინგზე ცოტა ხნის წინ გააკეთა. „ქართული ოცნება“ საჯაროდ აწერს ხელს ევროკავშირისა და ევროსაბჭოს პრეზიდენტის შარლ მიშელის ეგიდით შექმნილ დოკუმენტს, რომელიც ევროსაბჭოს პრეზიდენტის სპეციალურმა წარმომადგენელმა საქართველოში კრისტიან დანიელსონმა წარადგინა. ჩვენ დიალოგის დასკვნით შეხვედრაზევე დავაფიქსირეთ დოკუმენტის...


მსგავსი სიახლეები

up