წელს საქართველოში ვაშლი გაძვირდება

წელს საქართველოში ვაშლი გაძვირდება

access_time2019-08-13 20:30:45

წელს საქართველოში ვაშლის გაძვირებას და ამასთან, იმპორტირებული პროდუქტის ზრდას ელოდებიან. როგორც East fruit-თან საუბრისას ადგილობრივი მწარმოებლები აცხადებენ, ამის მიზეზი სეტყვაა, რამაც მოსავლის მნიშვნელოვანი ნაწილი დააზიანა.


როგორც ფერმერები აცხადებენ, შიდა ქართლში (პროდუქტის მთავარი მწარმოებელი რეგიონი) ვაშლის მოსავლის აქტიური სეზონი აგვისტოს მეორე ნახევრიდან იწყება. ამჟამად კი ადრეული ჯიშების მოკრეფა და რეალიზაცია მიმდინარეობს.


ადგილობრივი მწარმოებლების პროგნოზით, მიმდინარე სეზონზე, რიგმა ფაქტორებმა, მათ შორის სეტყვამ, ვაშლის მოსავლის მნიშვნელოვანი შემცირება გამოიწვია, რაც მის ფასზე აისახება. კერძოდ, პროდუქტის ღირებულება უფრო მაღალი იქნება, ვიდრე გასულ წელს.


„წელს საქართველოს ბაზარზე, ვაშლის მოსავალი მცირეა, რაც გავლენას მოახდენს მის ღირებულებაზე. ფასის ზუსტი პროგნოზირება, ამ ეტაპზე შეუძლებელია, თუმცა ფერმერები პროდუქტის გაძვირებას ელოდებიან. მაგალითად, ჩვენ უკვე დავიწყეთ ვაშლის ადრეული სახეობის, „გალას“ გაყიდვა, რომლის ღირებულებაც ამ ეტაპზე 2,5 ლარია. მაშინ, როდესაც გასულ წელს აღნიშული სახეობის მაქსიმალური ფასი 1, 7 ლარი იყო“,- განაცხადა ვაშლის მწარმოებელი სამი კომპანიის გაერთინების წარმომადგენელმა ზურაბ გოძიაშვილმა.



აღნიშული კომპანიები : „ტირიფონის ბაღები“, „კვარხიტი აგრო“ და „აგროგორი“ 31 ჰექტარზე გაშენებულ ვაშლის ბაღებს გორის ტერიტორიაზე ფლობენ.


ზურაბ გოძიაშვილის ინფორმაციით, კომპანიებში ვაშლის მოსავლის აღება ოქტომბრის ბოლომდე გაგრძელდება, ხოლო მთლიანი მოსავალი დაახლოებით, 800 ტონა იქნება.


წელს სეტყვამ განსაკუთრებით დააზიანა შპს „გარნეტი“, რომლის ბაღები ასევე გორის მუნიციპალიტეტის ტერიტორიაზე მდებარეობს. კომპანიის დირექტორის გოჩა ღვინიაშვილის თქმით, სეტყვის საწინააღმდეგო ბადეებით მხოლოდ 12,5 ჰექტარი იყო დაცული, 35 ჰექტარი კი მნიშვნელოვნად დაზარალდა. შედეგად, კომპანია, 50%-ით ნაკლებ მოსავალ ელოდება, ვიდრე პროგნოზირებული იყო.


„რაც შეეხება ვაშლის ფასებს, წინასწარ ძნელი სათქმელია, თუმცა, ჩვენ ვფიქრობთ, რომ წელს უფრო მაღალი იქნება, ვიდრე გასულ წელს. სავარაუდოდ, ის იმპორტირებული პროდუქტის ფასებს გაუტოლდება. ამასთან, იმპორტირებული ვაშლის ოდენობაც გაიზრდება. სავარაუდოდ, ვაშლის მინიმალური ღირებულება 1 ლარზე დაბლა არ ჩამოვა “,- განაცხადა გოჩა ღვიანიაშვილმა.


სტატისტიკის ეროვნული სამსახურის მონაცემებით, 2018 წელს 82,7 ათასი ტონა ვაშლის წარმოება მოხდა, რაც 4,2%-ით უფრო მეტი იყო, ვიდრე წინა წელს. 2017 წელს ვაშლის მოსავალმა 72 ათასი ტონა შეადგინა. აქედან 87,1% ქართლის რეგიონზე მოდის.


BPN


თეგები:
ვაშლი



ევროპის უმსხვილესი ბანკი მოგების 65%-იან ვარდნას ვარაუდობს

ევროპის უმსხვილესი ბანკი მოგების 65%-იან ვარდნას ვარაუდობს
access_time2020-08-04 18:15:55
HSBC (ჰონგ-კონგისა და შანხაის საბანკო კორპორაცია) სამუშაო ადგილების შემცირების დაჩქარებას გეგმავს. ბანკის განცხადებით, კორონავირუსთან დაკავშირებული უმოქმედო სესხების რაოდენობამ შესაძლოა $13 მილიარდს მიაღწიოს. HSBC-ს ხელმძღვანელის ნოელ ქუინის განცხადებით ეს „აჩქარებს“ ადრეული რესტრუქტურიზაციის გეგმას, რომელიც 35 000 სამუშაო ადგილს მოიცავდა. ქუინის თქმით, ბიზნესის გასაძლიერებლად, ბანკი ასევე „დამატებით აქტივობებს“ გამოიკვლევს. BBC-ის ინფორმაციით, ევროპის უმსხვილესი...

ბანკები გადავადებულ პროცენტებს ერთბაშად ითხოვენ?!

ბანკები გადავადებულ პროცენტებს ერთბაშად ითხოვენ?!
access_time2020-08-04 17:00:31
კომერციული ბანკები, საშეღავათო პერიოდის დასრულების შემდეგ, თანხის გადახდას ერთიანად ითხოვენ. ინფორმაცია როგორც ბანკის მსესხებლების, ასევე არასამთავრობო ორგანიზაციების მხრიდან დასტურდება. ასეთ ვითარებაში ათასობით ოჯახს გაკოტრება ელის. პირველ ეტაპზე, სამთვიანი საშეღავათო პერიოდი, უგამონაკლისოდ, ყველა კომერციულმა ბანკმა დაუწესა მსესხებლებს. მიზეზი პანდემია და საგანგებო რეჟიმი იყო, რომლის გამოც, მოქალაქეები შემოსავლის გარეშე დარჩნენ . ბანკებისა და მთავრობის ერთობლივი...

მოსკოვი კვიპროსის ოფშორებს რუსული ბიზნესისთვის ხურავს

მოსკოვი კვიპროსის ოფშორებს რუსული ბიზნესისთვის ხურავს
access_time2020-08-04 19:30:06
...

დღის Top 10 საინტერესო ამბავი

დღის Top 10 საინტერესო ამბავი
access_time2020-08-04 21:00:02
დღის Top 10 საინტერესო ამბავი: 1.Doctor Goods, Group Inn, KTW, ყვარლის ედემი - Bellingcat კორონავირუსთან დაკავშირებულ საჯარო ტენდერებში კორუფციაზე წერს საერთაშორისო საგამოძიებო გამოცემა Bellingcat საქართველოში კორონავირუსთან დაკავშირებულ საჯარო ტენდერებში კორუფციაზე წერს. Bellingcat-ის ცნობით, პანდემიის პერიოდში, საგანგებო მდგომარეობის გამოცხადების შემდეგ...

მთავრობა „შტადლერის“ ქარხნის მშენებლობის მოლოდინშია

მთავრობა „შტადლერის“ ქარხნის მშენებლობის მოლოდინშია
access_time2020-08-04 14:05:06
უცხოური ინვესტიციების პროაქტიური მოზიდვისა და საქართველოში უცხოური წარმოებების რეალოკაციის სტრატეგიის ფარგლებში, ეკონომიკისა და მდგრადი განვითარების მინსიტრი ნათია თურნავა ცნობილი შვეიცარიული კომპანია „შტადლერის ჯგუფის პრეზიდენტს პიტერ შპულერს შეხვდა. შეხვედრას ასევე ესწრებოდნენ „შტადლერის მარკეტინგისა და გაყიდვების აღმასრულებელი ვიცე-პრეზიდენტი ანსგარ ბროკმაიერი, დსთ-ის ქვეყნების მარკეტინგისა და გაყიდვების დირექტორი მატიას შტორი, საქართველოში შვეიცარიის ელჩი პატრინ...


მსგავსი სიახლეები

up