ტურიზმის საერთაშორისო ორგანიზაციის (UNWTO) პროგნოზით, საერთაშორისო ტურიზმის აღდგენის მაჩვენებელი წელს 65% იქნება. ორგანიზაციის ინფორმაციით, იანვარ-სექტემბერში 700 მლნ ტურისმტმა იმოგზაურა მთელ მსოფლიოში, რაც წლიურად 133%-ით გაზრდილი მაჩვენებელია, ხოლო 2019 წლის შესაბამისი პერიოდის 63%-ს შეადგენს.
აღდგენის ეს მაჩვენებელი გამოწვეულია მოგზაურობაზე მაღალი მოთხოვნითა და „კოვიდის“ გამო დაწესებული შეზღუდვების შემსუბუქებით.
საანგარიშო პერიოდში რეგიონში 477 მლნ საერთაშორისო ვიზიტი განხორციელდა, რაც 2019 წლის მაჩვენებლის 81%-ს შეადგენს. წლიური ზრდა კი 126%-ს შეადგენს. ევროპაში ტურისტების მაჩვენებელი განსაკუთრებით III კვარტალში გაიზარდა, რა დროსაც ვიზიტებმა 2019 წლის მაჩვენებლის თითქმის 90%-ს მიაღწია. ევროპაში ზოგიერთ რეგიონში იანვარ-სექტემბერში ტურიზმის აღდგენის მაჩვენებელმა 80-90%-მდეც კი გაიზარდა. მაგალითად, საანგარიშო პერიოდში დასავლეთ ევროპასა და ხმელთაშუაზღვის ქვეყნებში აღდგენის მაჩვენებელმა 88-86% მიაღწია.
UNWTO-ს თანახმად, სასტუმროებში დატვირთულობის კოეფიციენტმა სექტემბერში 66%-ს მიაღწია. ევროპაში სასტუმროების დატვირთულობის მაჩვენებელი ერთ-ერთი ყველაზე მაღალია და 77%-ს აღწევს.
UNWTO-ს პროგნოზით, წელს ტურიზმიდან მიღებულმა შემოსავლებმა შესაძლოა 1.3 ტრილიონ დოლარს მიაღწიო, რაც 2019 წელთან შედარებით დაახლოებით 70%-იანი აღდგენის მაჩვენებელი იქნება.
UNWTO.com