WEF: მსოფლიოში ტურიზმის კონკურენტუნარიანობით საქართველო 68-ე ადგილზეა

WEF: მსოფლიოში ტურიზმის კონკურენტუნარიანობით საქართველო 68-ე ადგილზეა

access_time2019-09-11 20:00:27

საქართველო მსოფლიო ეკონომიკური ფორუმის ტურიზმის კონკურენტუნარიანობის 2019 წლის რეიტინგში დაწინაურდა. ქვეყანას 7 სარეიტინგო ქულიდან, სადაც 7 საუკეთესოს, 1 კი ყველაზე ცუდ შეფასებას გულისხმობს, 3.9 ქულა აქვს და ამ მაჩვენებლით მსოფლიოში 68–ე ადგილს იკავებს. წინა წელთან შედარებით, საქართველოს პოზიცია ორი ადგილით გაუმჯობესდა.



რეიტინგში ჯამში მსოფლიოს 140 ქვეყანა შედის და პირველ ადგილს ესპანეთი იკავებს.



WEF ინდექსის შესადგენად 14 კრიტერიუმს იყენებს, რომლებიც აჩვენებენ ტურიზმის სხვადასხვა სექტორებსა და სერვისებში ქვეყნების მზაობას.



საქართველოს საუკეთესო შედეგი ბიზნეს გარემოს კრიტერიუმში აქვს, რომლითაც მსოფლიოში 24–ე ადგილს იკავებს. თუმცა, აღსანიშნავია, რომ წინა წლის რეიტინგთან შედარებით ბიზნეს გარემოს კრიტერიუმში საქართველო 2 ადგილით ჩამოქვეითდა.



ყველაზე ცუდი შედეგი კი ბუნებრივი რესურსების კრიტერიუმში ფიქსირდება – 105–ე ადგილი.



ყველაზე მაღალი ქულა - 6 - საქართველოს უსაფრთხოების და ჯანმრთელობა/ჰიგიენის კრიტერიუმებში აქვს, თუმცა პირველ მათგანში 25–ე, მეორეში კი 41–ე ადგილი გვიკავია.



რეიტინგის ერთ–ერთი კრიტერიუმი ფასების კონკურენტუნარიანობას მოიცავს. ამ კუთხით საქართველო მსოფლიოში 36–ე ადგილზეა. წინა წელთან შედარებით, ქვეყნის პოზიცია 30 ადგილით არის გაუმჯობესებული. ფასების კონკურენტუნარიანობის გამოსათვლელად გამოიყენება სასტუმროების ფასები, საწვავის ფასები და მგზავრობის ბილეთის საფასური. საქართველოში სასტუმროების საშუალო ფასი 117 დოლარია, რეიტინგისთვის კი რაც უფრო დაბალია ეს მაჩვენებელი მით უფრო წინა პოზიციაზეა ქვეყანა. სასტუმროების ფასების კონკურენტუნარიანობით საქართველო მსოფლიოში 43–ე ადგილზეა. გასულ წელს კი მესამოცეზე იყო. საწვავის ფასების მაჩვენებლით 50–ე ადგილი გვიკავია. რაც შეეხება მგზავრობის საფასურს, ბილეთების ფასსა და აეროპორტის გადასახადს, ამ ქვეკრიტერიუმით საქართველო მსოფლიოში 68–ე ადგილზეა.



რეიტინგი ასევე აფასებს მთავრობის საქმიანობას ტურიზმის განვითარების კუთხით. ერთ–ერთ ქვეკრიტერიუმში, რომელიც ქვეყანაში ტურიზმისა და მოგზაურობის სფეროს პრიორიტეტიზაციას მოიცავს, საქართველოს 140 ქვეყანას შორის მე–18–ე ადგილზეა.



მოგზაურობასა და ტურიზმზე სახელმწიფოს მიერ დახარჯული თანხის მოცულობით (% ბიუჯეტი) საქართველო 63–ე ადგილზეა, რაც იმას ნიშნავს, რომ 62 ქვეყნის ბიუჯეტში ტურიზმს უფრო მსხვილი წილი აქვს, ვიდრე ეს საქართველოს შემთხვევაშია.



რეიტინგი აფასებს ტურიზმის კუთხით მარკეტინგული აქტივობების ეფექტურობსაც. ამ ქვეკრიტერიუმში საქართველო მსოფლიოში მეორმოცე ადგილზეა, გასულ წელს კი 62–ზე იყო.



ქვეყნის ბრენდის სტრატეგიულობის კრიტერიუმში კი საქართველო 56–ე ადგილს იკავებს.



საქართველოს პოზიცია 10 საფეხურით გაუმჯობესდა, თუმცა არც თუ ისე სახარბიელო 66-ე ადგილზეა ინფრასტრქუტურის კრიტერიუმში. ამ შემთხვევაში ყველაზე ცუდი შედეგი საჰაერო ტრანსპორტის ინფრასტრუქტურის კუთხით გვაქვს – მსოფლიოში 81-ე ადგილი. სახმელეთო და საპორტო ინფრასტრუქტურის კუთხით კი 74-ე. 41-ე ადგილზეა საქართველო ტურისტული სერვისების ინფრასტრუქტურის ქვეკრიტერიუმში.



ბუნებრივი რესურსების კრიტერიუმში საქართველოს 105–ე პოზიცია ძირითადად დაცული ტერიტორიების მოცულობას და ჯამში ცნობილ სახეობებს (მცენარეები, ცხოველები) უკავშირდება. კერძოდ, თუკი ქვეყანაში დაცული ტერიტორიების ფართობს მის მთლიან ფართობს შევადარებთ, საქართველო მსოფლიოში ამ მაჩვენებლით 94-ე ადგილზეა.



forbes.ge




თეგები:
ტურიზმი



ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ

ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ
access_time2020-05-27 18:00:17
2019 წელი ფინკა ბანკისთვის ახალი ინიციატივებისა და შესაძლებლობების წელი იყო. ბანკისთვის მნიშვნელოვანი გამოწვევა 2018 წლის მეორე კვარტალში მაკროეკონომიკური ცვლილებები და ეროვნული ბანკის მიერ გატარებული  ღონისძიებები აღმოჩნდა. მიუხედავად ამ გარემოებებისა, ფინკა ბანკის 2019 წლის წმინდა მოგებამ 6 792 588  ლარი შეადგინა და დადებითი ინდიკატორებით დასრულდა საფინანსო წელი: მოგება კაპიტალზე (ე.წ. უკუგება საშუალო კაპიტალზე) - ROE 13.19%, ხოლო მოგება აქტივებზე (ე.წ. უკუგება აქტივებზე) - ROA...

გერმანიაში აშშ-ის ელჩი – გერმანიამ უნდა შეწყვიტოს მხეცის (რუსეთის) „გამოკვება“

გერმანიაში აშშ-ის ელჩი – გერმანიამ უნდა შეწყვიტოს მხეცის (რუსეთის) „გამოკვება“
access_time2020-05-27 20:30:34
გერმანიაში აშშ-ის ელჩის, რიჩარდ გრენელის ინფორმაციით, რუსულ გაზსადენ „ჩრდილოეთის ნაკადი-2“-ის წინააღმდეგ ახალი სანქციების დაწესება იგეგმება. რიჩარდ გრენელის თქმით, ამ ნაბიჯს მხარს რესპუბლიკელები და დემოკრატები უჭერენ. ელჩს არ დაუკონკრეტებია, რა სახის სანქციების განხილვა მიმდინარეობს კონგრესში, თუმცა როგორც გერმანული მედია იუწყება, სავარაუდოდ საუბარია შეზღუდვების დაწესებაზე იმ კომპანიების წინააღმდეგ, რომლებიც ამ გაზსადენით რუსულ ბუნებრივ აირს...

ვინ რა ჰკითხა გიორგი გახარიას

ვინ რა ჰკითხა გიორგი გახარიას
access_time2020-05-27 18:55:44
პარლამენტში ანგარიშის წარსადგენად მისული საქართველოს პრემიერ მინისტრი გიორგი გახარია საკანონმდებლო ორგანოში დეპუტატების კითხვებს ამ დრომდე პასუხობს. „კომერსანტი“ გთავაზობთ იმ კითხვა-პასუხების ნაწილს, რომელიც საკანონმდებლო ორგანოში  დაისვა და მთავრობის მეთაურის მიერ  პასუხებიც გაეცა. ეკონომიკისა და ეკონომიკური პოლიტიკის კომიტეტის...

პრემიერი - 520-ე დადგენილების გადახედვაზე საუბარი დღეს არ მიმდინარეობს

პრემიერი - 520-ე დადგენილების გადახედვაზე საუბარი დღეს არ მიმდინარეობს
access_time2020-05-27 18:09:22
„520-ე დადგენილების გადახედვაზე საუბარი დღეს არ არის, 520-ე დადგენილებაში შეიძლება გარკვეული რაღაც ცვლილებები შევიდეს“, - ამის შესახებ პრემიერ-მინისტრმა გიორგი გახარიამ პარლამენტში „ევროპული საქართველოს“ წევრის ზურაბ ჭიაბერაშვილის კითხვის საპასუხოდ განაცხადა. ქვეყნის მეთაურმა საკუთარ გამოსვლაშ ყურადღება...

27 მაისი - ქართული ლარი გამყარდა, თურქული ლირა და სომხური დრამი გაუფასურდა

27 მაისი - ქართული ლარი გამყარდა, თურქული ლირა და სომხური დრამი გაუფასურდა
access_time2020-05-27 19:30:30
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს.     ეროვნული ბანკის მიერ გამოქვეყნებული 27 მაისის ვაჭრობის შედეგად, ქართული ლარის კურსი მცირედით გამყარდა და ერთი აშშ...


მსგავსი სიახლეები

up