Washington post: პუტინი  ხელში ბელორუსიის  ჩაგდებას ცდილობს

Washington post: პუტინი ხელში ბელორუსიის ჩაგდებას ცდილობს

access_time2020-02-14 20:00:05

ვლადიმერ პუტინი თავისი მმართველობის 2 ათწლეულის მანძილზე,  ყოველთვის ცდილობდა მოსკოვის ძალაუფლების აღდგენას პოსტ-საბჭოთა რესპუბლიკებზე.ძირითადად, მისი მცდელობები წარუმატებლად დასრულდა იმის მიუხედავად, რომ ის ახორციელებდა ეკონომიკური ზეწოლას, აყალბებდა არჩევნებს, აწარმოებდა პროპაგანდისტულ კამპანიებს და კიბერ-ომებს.


საქართველოს და უკრაინის შემთხვევაში მან სამხედრო ძალა გამოიყენა, თუმცა აღადგინა კონტროლი ტერიტორიების მხოლოდ ნაწილზე, რომელიც რუსეთს ესაზღვრებოდა. ქვეყნებმა შეძლეს სუვერენიტეტის შენარჩუნება და დღეს უკვე არიან რუსეთის მოსისხლე მტრები, მაშინ როდესაც არც თუ ისე დიდი ხნის წინ რუსეთის ახლო მეგობრები იყვნენ.


თუმცა, ამის მიუხედავად, პუტინი არ აპირებს შეჩერებას და ამჯერად თავის უახლოეს და მრავალწლიან მოკავშირეს - ბელორუსიას უტევს.მან მიიტანა მორიგი შეტევა ქვეყნის ერთპიროვნულ მმართველზე, პრეზიდენტ ალექსანდრ ლუკაშენკოზე, რომელიც ეწინაამღდეგება „უფროს ძმას“. მართალია, ის არაა მიმზიდველი პარტნიორი დასავლეთისთვის, ის აყალბებს არჩევნებს, არღვევს ადამიანის უფლებებს, ახშობს თავისუფალ პრესას და ოპოზიციას, თუმცა, ქვეყნის გადარჩენისთვის მისი მცდელობა მხარდაჭერას იმსახურებს.


რუსეთმა შეწყვიტა ბელორუსიის ეკონომიკისთვის ძალზე მნიშვნელოვანი სუბსიდირებული ნავთობის მიწოდება. მან მოითხოვა მოსკოვთან ინტეგრაციის გაღრმავება იმ დონეზე, რომელიც ფაქტობრივად, სუვერენიტეტზე უარის თქმაა.


ლუკაშენკო და პუტინი ერთმანეთს რამდენიმე დღის წინ შეხვდნენ, თუმცა, უშედეგოდ - რუსეთის პრეზიდენტი კვლავ უარს ამბობს ბელორუსიისთვის გაზის და ნავთობის სუბსიდირებული ფასებით მიწოდებაზე.


თუ ეს სიტუაცია არ შეიცვლება, ბელორუსიას დიდი პრობლემები ელის, რადგანაც მისი ექსპორტის 25% იაფი რუსული ნავთობიდან წარმოებულ საწვავზე მოდის.


მას აქვს ორი ვარიანტი - ან დათანხმდეს ღრმა ინტეგრაციას, ან მოიფიქროს, როგორ შეიძლება გარდაუვალი ეკონომიკური კრიზისიდან გამოსვლა. სიტუაციას ისიც ართულებს, რომ ექსპორტის გარდა, იაფი რუსული ენერგომატარებლები აქტიურად გამოიყენება ქვეყნის შიგნით - ენერგომატარებლების დაბალი ღირებულება ზრდის ბელორუსიის საბჭოთა ტიპის, გეგმიური ეკონომიკის კონკურენტუნარიანობას.



ლუკაშენკო დემონსტრაციულად ეწინაამღდეგება რუსულ ზეწოლას და ყიდულობს ნორვეგიულ ნავთობს. 1 თებერვალს აშშ-ს სახელმწიფო მდივანი მაიკ პომპეო გახდა. 1993 წლიდან ის იყო პირველი ამერიკელი მაღალჩინოსანი, რომელიც მინსკს ოფიციალური ვიზიტით ეწვია. ის შეპირდა ლუკაშენკოს, რომ ტრამპის ადმინისტრაცია 2008 წლის შემდეგ პირველად მიავლენს ბელორუსიაში ამერიკის ელჩს.


მან ასევე განაცხადა, რომ ამერიკელი მენავთობეები მზად არიან 100% დაფარონ ბელორუსიის მოთხოვნა ნავთობზე, თანაც, კონკურენტულ ფასებში.


თუმცა, ამერიკული ნავთობი ვერ გადაარჩენს ბელორუსიის ნავთობგადამამუშავებელ ქარხნებს, რადგანაც ოკეანის მიღმა მდებარე საბადოებიდან შორეულ ბელორუსიაში ჩამოტანილი ნავთობი ყველა შემთხვევაში იქნება რუსულზე ძვირი - ეს გეოგრაფიის საკითხია და არა პოლიტიკის.


საბოლოო ჯამში, ლუკაშენკოს მოუწევს ძალიან მძიმე არჩევანის გაკეთება - ის ან შეუშინდება ზეწოლას და დანებდება პუტინს, ან დააყენებს საკუთარ ქვეყანას შოკური თერაპიის აუცილებლობის წინაშე, რომლის გარეშეც შეუძლებელია რუსული გავლენიდან გამოსვლა.


თუ ბელორუსიამ აირჩია მეორე გზა, აშშ-მა და ევროკავშირმა უნდა გააკეთონ ყველაფერი იმისთვის, რომ შეუმსუბუქოს ტკივილი ბელორუს ხალხს. ამავე დროს განაგრძონ ძალისხმევა ქვეყანაში ადამიანის უფლებების მეტად დაცვისთვის.


წყარო: Washington post,inopressa.ru

თენგიზ აბლოთია

თეგები:
პუტინი



Financial Times: რუსული ფული ბრიტანულ პოლიტიკაში

Financial Times: რუსული ფული ბრიტანულ პოლიტიკაში
access_time2020-09-23 21:00:36
ბრიტანეთის კონსერვატიული პარტიის ერთ-ერთი უმსხვილესი დონორის მეუღლე  კრემლთან დაკავშირებული რუსი ბიზნესმენისგან დაფინანსებას იღებდა. ეს დონორი - რუსული წარმოშობის ბრიტანეთის მოქალაქე ლუბოვ ჩერნუხინაა, რომლის გვარიც საეჭვოდ ემთხვევა ახლო წარსულში რუსეთის ფინანსთა მინისტრის მოადგილის გვარს.   არსებული ინფორმაციის თანახმად, ეს რუსი მილიარდერია პუტინის კარის ოლიგარქი სულეიმან კერიმოვი, რომელიც ამერიკული სანქციების ქვეშაა.   პირველმა ეჭვები...

კრიპტოვალუტის მაინინგის გამო აფხაზეთი ენერგოკოლაფსის ზღვარზეა

კრიპტოვალუტის მაინინგის გამო აფხაზეთი ენერგოკოლაფსის ზღვარზეა
access_time2020-09-23 20:00:02
ამ დღეებში აფხაზეთის დე ფაქტო რესპუბლიკის მთავრობამ კრიპტოვალუტის მოპოვების რეგულირების თაობაზე კანონი მიიღო.   პარალელურად კი არ აღიარებული რესპუბლიკის სახელმწიფო ენერგეტიკული კომპანია „ჩერნომორენერგო“-ს დირექტორმა მიხაილ ლოგუამ განაცხადა, რომ უახლოეს პერიოდში სავარაუდოდ ენერგიის პერიოდული გათიშვები დაიწყება.   „ისეთი დატვირთვა ენერგოსისტემაზე, როგორიც დღეს არის არასდროს ყოფილა, მაშინაც კი, როდესაც ტურისტული სეზონი ძალიან აქტიური იყო. დღეს მოხმარება...

დავა სასამართლოში მიმდინარეობს, თუ მათი ბრალდებები სიმართლეს შეესაბამება გამართლდებიან, - ილია წულაია

დავა სასამართლოში მიმდინარეობს, თუ მათი ბრალდებები სიმართლეს შეესაბამება გამართლდებიან, - ილია წულაია
access_time2020-09-23 19:00:54
„დავა სასამართლოში მიმდინარეობს, თუ მათი ბრალდებები სიმართლეს შეესაბამება გამართლდებიან“, - ასე ეხმაურება „არქი ჯგუფის“ დამფუძნებელი ილია წულაია კომერსანტის სტატიას, სადაც თამარაშვილის ქუჩაზე მცხოვრები მოსახლეობის პროტესტზეა საუბარი. მმართველი გუნდის დეპუტატი აცხადებს, რომ ძველი იპოდრომის ტერიტორიაზე დეველოპერული კომპანია მშენებლობას დარღვევების გარეშე, კანონის სრული დაცვით ახორციელებს.   „მესმის რომ მეზობლებს არ სიამოვნებთ მშენებლობა, ერჩიათ როდესაც ​გადმოიხედავდნენ...

დღის TOP 10 საინტერესო ამბავი

დღის TOP 10 საინტერესო ამბავი
access_time2020-09-23 21:30:55
დღის TOP 10 საინტერესო ამბავი:  1.უბანი წყალზე - როგორ აშენებს „არქი“ პრემიუმ კლასის პროექტს „კომერსანტს“ თამარაშვილის ქუჩაზე მცხოვრები მოსახლეობა დაუკავშირდა, ისინი წლებია ძველ იპოდრომთან მაღალსართულიანი კორპუსების მშენებლობას აპროტესტებენ, თუმცა უშედეგოდ. ,,არქის  წინააღმდეგ დავა წლებია სასმართლოშიც მიმდინარეობს,   მაგრამ პრობლემის...

აშშ-ის სამი ყოფილი ელჩი საქართველოში დემოკრატიის და ბიზნესგარემოს გაუარესებაზე ერთობლივ სტატიას აქვეყნებს

აშშ-ის სამი ყოფილი ელჩი საქართველოში დემოკრატიის და ბიზნესგარემოს გაუარესებაზე ერთობლივ სტატიას აქვეყნებს
access_time2020-09-23 18:13:22
საქართველოში ამერიკის შეერთებული შტატების სამი ყოფილი ელჩი, ჯონ ტეფტი, უილიამ კორტნი და კენეტ იალოვიცი საქართველოში დემოკრატიისა და ბიზნესგარემოს უკუსვლის შესახებ გამოცემა The National Interesrt-ში ერთობლივ სტატიას აქვეყნებენ.   დიპლომატები აღნიშნავენ, რომ პოლარიზებული პოლიტიკური ვითარება, საარჩევნო პროცესში არსებული დარღვევები და საერთაშორისო ინვესტორთა შევიწროების...


მსგავსი სიახლეები

up