ჩინეთში კორონავირუსისგან 1000-ზე მეტი ადამიანის გარდაცვალების ფონზე, ოფიციალურმა პეკინმა მოუწოდა იმ ქვეყნებს, რომლებმაც შეწყვიტეს ავიამიმოსვლა ჩინეთთან, აღადგინონ ჩვეული კავშირები გლობალური ეკონომიკის წინსვლის შენარჩუნების მიზნით.

ჩინეთის საგარეო საქმეთა სამინისტროს განცხადება ხაზს უსვამს საფრთხეს, რომელსაც ქმნის უპრეცენდენტო გაურკვევლობა მსოფლიოს მეორე ეკონომიკაში, და ასევე მმართველი კომუნისტური პარტიის შეშფოთებას იმის გამო, რომ ვირუსის ეპიდემია შესაძლოა გადაიზარდოს სრულფასოვან შიდა არასტაბილურობაში.

ეპიდემიის წყაროს, ქალაქ უხანის ხელისუფლებამ შემოიღო ახალი შეზღუდვები მოსახლეობისთვის, რომელიც ფაქტიურად იმყოფებიან შიდა პატიმრობაში საკუთარ სახლებში - ამჟამად თითო ოჯახის მხოლოდ 1 წევრს შეუძლია გავიდეს გარეთ 3 დღეში ერთხელ აუცილებელი საქონლის შესაძენად. კარანტინის ქვეშ ხვდებიან მთელი შენობები და კვარტლები.

კომპარტია ცდილობს საზოგადოებრივი აღშფოთების ჩაქრობას, უკვე დათხოვნილია ორი მაღალჩინოსანი, რომელიც იყო პასუხისმგებელი რეგიონში ჯანდაცვის საკითხებზე.

ჩინეთის ხელისუფება ცდილობს სიტუაციის დაბრუნებას ჩვეულ კალაპოტში, და აცხადებს, რომ ვირუსისგან გარდაცვლილი ადამიანების რაოდენობამ უკვე გადააჭარბა 1000-ს, მაგრამ დაავადებულთა რაოდენობის ზრდის ტემპმა საგრძნობლად იკლო მიღებული ეფექტური და მკაცრი ზომების წყალობით.

რთული სიტუაციის მიუხედავად, ჩინეთის ეკონომიკა უბრუნდება ნორმალურ ცხოვრებას საახალწლო არდადაგების შემდეგ, რომელიც გაიწელა ვირუსის ეპიდემიის გამო. ხელისუფლებამ უკვე მისცა 160 მლნ. შიდა შრომის მიგრანტს იმ ქალაქებში დაბრუნების უფლება, სადაც ისინი მუშაობდნენ.

შესაბამისად, სულ მალე, სავარაუდოდ, ჩინეთის ეკონომიკა ამუშავდება სრული დატვირთვით.