წარმოებული ელექტროენერგიის 21%-ზე მეტი 11-მა კომპანიამ მოიხმარა

წარმოებული ელექტროენერგიის 21%-ზე მეტი 11-მა კომპანიამ მოიხმარა

access_time2021-05-04 12:30:53

იურიდიული პირი, რომელიც წლიურად 180 მლნ კვტ/სთ-ს ან უფრო მეტ ელექტროენერგიას მოიხმარს, სავალდებულო წესით, ენერგოდისტრიბუტორების გვერდის ავლით პირდაპირ მომხმარებლად რეგისტრირდება. ნებაყოფლობითი რეგისტრაცია სხვა, შედარებით მცირე ზომის კომპანიებსაც შეუძლიათ. 2020 წელს 11-მა უმსხვილესმა კომპანიამ ჯამში 2.436 მლრდ კვტ/სთ ელექტროენერგია მოიხმარა, რაც ქვეყნის მთლიანი მოხმარების 20%-ზე ოდნავ მეტია და გენერაციის 21.8%-ს უტოლდება.


ყველაზე მეტი - 1.012 მლრდ კვტ/სთ ელექტროენერგია „ჯორჯიან მანგანეზის“ ანგარიშზე მოდის. „ჯორჯიან მანგანეზი“ უმსხვილესი ქართული ინდუსტრიული ჯგუფია რომელიც ზესტაფონის ფეროშენადნობთა ქარხანას, ჭიათურის სამთო-გამამდიდრებელ კომბინატს, ვარციხის ჰიდროელექტროსადგურსა და კლინიკა „ფერომედს“ აერთიანებს. 2020 წელს ფეროშენადნობის ექსპორტმა $247 მლნ შეადგინა, რაც ქვეყნის მთლიანი ექსპორტის 7.45%-ის ტოლია. იმავე 2020 წელს ვარციხეჰესმა 591 მლნ კვტ/სთ ელექტროენერგია გამოიმუშავა, ანუ მთლიანი ჯგუფის საჭიროების 58.4%.


მეორე ადგილზე 266 მლნ კვტ/სთ-ით „რუსთავის აზოტია.“ აზოტოვანი სასუქების ექსპორტმა გასულ წელს $72 მლნ შეადგინა - მთლიანი ექსპორტის 2%-ზე მეტი. სასუქის გარდა რუსთავის აზოტი ამონიუმის სულფატს, ნატრიუმის ციანიდს, თხევად ამიაკს, ამიაკის წყალს, აზოტმჟავას, თხევად ჟანგბადს, აირად ნახშირორჟანგს, თხევად ნახშირორჟანგს, თხევად აზოტს, მშრალ ყინულსა და აირად აზოტსაცაწარმოებს.


2020 წელს „ჰაიდელბერგცემენტი ჯორჯიამ“ 201 მლნ კვტს/სთ მოიხმარა და მესამე ადგილი დაიკავა. კომპანია საქართველოში 2006 წლიდან საქმიანობს. კასპში, რუსთავსა და ფოთში ფლობს 4 ქარხანას და წლიურად 2 მლნ ტონას აწარმოებს. მის ძირითად ბაზარს, საქართველოსთან ერთად აზერბაიჯანი წარმოადგენს.


178 მლნ კვტ/სთ-ით მეოთხე ადგილს „ჯორჯიან უოთერ ენდ ფაუერი“ იკავებს. კომპანიის ძირითად საქმიანობას თბილისისა და მისი შემოგარენის წყალმომარაგებაა. კომპანიის აბონენტთა რაოდენობა 0.5 მლნ-ს აღემატება, საიდანაც 480 000 ფიზიკური პირია, 30 000 - იურიდიული. თბილისის წყალსადენის ქსელის სიგრძე, დიამეტრით 13 მმ-დან და 1400 მმ-მდე 3000 კმ-ზე მეტია. მაგისტრალური წყასადენები თუჯის და ფოლადის მილებით არის მოწყობილი, განშტოებები კი უმეტესად ფოლადის მილებით.



წყალმომარაგებასა და საკანალიზაციო ქსელის ოპერირებასთან ერთად GWP ელექტროენერგიის გენერაციასაც ახდენს. 2020 წელს ჟინვალჰესიდან, თეთრხევიჰესიდან და ბოდორნაჰესიდან კომპანიამ 212 მლნ კვტ/სთ ელექტროენერგია აწარმოა ანუ საკუთარ მოხმარებასთან შედარებით 19%-ით მეტი.


„რუსთავის ფოლადმა“ იმავე რუსთავის მეტალურგიულმა ქარხანამ გასულ წელს 172 მლნ კვტ/სთ ელექტროენერგია მოიხმარა. ქარხანა უშვებს: არმატურას, უნაკერო მილებს, თუჯის სხმულებს, ლითონკონსტრუქციებსა და სხვა მეტალის დეტალებს.


რაც შეეხება ბიტკოინების წარმოებას, რომელიც საკმაოდ დიდი მოცულობის ენერგიას მოითხოვს, ამ მხრივ გაცილებით უფრო დიდი პრობლემა ოკუპირებულ აფხაზეთშია, ვიდრე თბილისის მიერ კონტროლირებად ტერიტორიაზე. 2020 წელს „ბიტფურმა“ 132 მლნ კვტ/სთ მოიხმარა. გავრცელებული აზრის საწინააღმდეგოდ კომპანიას იაფი დენი აქვს და არა უფასო, დაბალ ფასი კი დღგ-სგან გათავისუფლებით მიიღწევს. რაშიც სხვა 118 ლარს იხდის ბიტფურისთვის ის 100 ლარი ღირს, აფხაზეთში - ნული, რის გამოც რეგიონის მოხმარებამ 2021 წლის პირველ კვარტალში თბილისის მაჩვენებელს 27%-ით გაუსწრო.


4 კომპანიის: „ჯი ემ თი გრუპის,“ „ჯეოსთილის,“ „ჭიათურმანგანუმ ჯორჯიასა“ და „რუსელოისის“ წლიურმა მოხმარებამ თითოეულის შემთხვევაში 100-100 მლნ კვტ/სთ შეადგინა. შედარებით მცირე - 74 მლნ კვტ/სთ მოიხმა RMG Group-მა. პირდაპირი მომხმარებლების ბაზაში 2020 წლის ბოლოსთვის სულ 17 კომპანია იყო რეგისტრირებული, მაგრამ მათგან 6-ს ნომინალური ადგილი ეკავა. მათმა ჯამურმა მოხმარებამ მხოლოდ 1.8 მლნ კვტ/სთ შეადგინა.


სიაში არაა „თბილისის სატრანსპორტო კომპანია. პანდემიამდე თბილისის მეტრო წლიურად 66 მლნ კვტ/სთ ელექტროენერგია ესაჭიროებოდა.


გიორგი ელიზბარაშვილი




მაისი-ივნისში ბათუმში ფრენებს ყაზახური, პოლონური, უკრაინული და არაბული ავიაკომპანიები განაახლებენ

მაისი-ივნისში ბათუმში ფრენებს ყაზახური, პოლონური, უკრაინული და არაბული ავიაკომპანიები განაახლებენ
access_time2021-05-15 15:51:59
ბათუმის განახლებულ საერთაშორისო აეროპორტში დღეს პირველი რეისი შეასრულა ყაზახურმა ავიაკომპანიამ „ეარ ასტანა", რომელმაც რეგულარული რეისების შესრულება განაახლა ალმათი - ბათუმი - ალმათის...

ირაკლი ნადარეიშვილი: „ყველა საკითხი, რასაც ბიზნესი აყენებს რეგულაციების შემსუბუქების თუ ვაქცინაციის კუთხით, საქართველოს მთავრობის დღის წესრიგშია და მიმდინარეობს აქტიური განხილვა

ირაკლი ნადარეიშვილი: „ყველა საკითხი, რასაც ბიზნესი აყენებს რეგულაციების შემსუბუქების თუ ვაქცინაციის კუთხით, საქართველოს მთავრობის დღის წესრიგშია და მიმდინარეობს აქტიური განხილვა
access_time2021-05-15 11:53:01
„ბიზნესთან აქტიური კომუნიკაცია წარმოადგენს საქართველოს მთავრობის პრიორიტეტს და პანდემიასთან დაკავშირებული გამოწვევების ფონზე განსაკუთრებით აქტუალურია, მათთან ერთად ვიმსჯელოთ როგორც რეგულაციების შემსუბუქების ან ეტაპობრივი მოხსნის, ასევე ვაქცინაციის და სხვა მნიშვნელოვან საკითხებზე, რათა დავიცვათ ბალანსი და ვიპოვოთ ისეთი შუალედი, რომ მაქსიმალურად დავიცვათ როგორც ბიზნესის, ასევე ჩვენი საზოგადოების ინტერესები და ეპიდემიოლოგების რეკომენდაციები - ამის შესახებ...

14 მაისი - რეგიონში ქართული ლარი და თურქული ლირა გამყარდა

14 მაისი - რეგიონში ქართული ლარი და თურქული ლირა გამყარდა
access_time2021-05-14 18:00:19
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 14 მაისის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 14 მაისის ვაჭრობის შედეგად (რომლის ოფიციალური კურსი 15 მაისისთვისაა) ეროვნული ვალუტა აშშ...

Die Welt: კვლევის შედეგები - კორონავირუსს არა 3,2, არამედ 6,9 მლნ. ადამიანი შეეწერია

Die Welt: კვლევის შედეგები - კორონავირუსს არა 3,2, არამედ 6,9 მლნ. ადამიანი შეეწერია
access_time2021-05-15 20:00:28
ამერიკელი მკვლევარები მიიჩნევენ, რომ რეალურად კორონავირუსს არა 3,2 მლნ. როგორც ამბობს ოფიციალური სტატისტიკა, არამედ 6,9 მლნ. ადამიანი შეეწირა.   მათი აზრით, თითქმის ყველა ქვეყანაში კორონავირუსისგან სიკვდილიანობის სტატისტიკაში მნიშვნელოვანი ხარვეზებია და ეს თითქმის ყველა ქვეყანას ეხება - მდიდარს და ღარიბს, დემოკრატიულს და ავტორიტარულს.   განსაკუთრებით დიდია სხვაობა სტატისტიკას და რეალობას შორის რუსეთში.   ვაშინგტონის უნივერსიტერის...

Le Monde: ევროპა ტურისტებს „კოვიდ-თავისუფალი“ კუნძულებით იზიდავს

Le Monde: ევროპა ტურისტებს „კოვიდ-თავისუფალი“ კუნძულებით იზიდავს
access_time2021-05-15 18:00:26
ათენთან ყველაზე ახლოს მდებარე კუნძულ კეიაზე ტემპერატურის მომატებასთან ერთად ცხოვრების რიტმიც მატულობს. 27 გრადუსი იდეალური ტემპერატურაა შენობების გადაღებვის, რესტორნების და სასტუმროების მოწესრიგების და ახალი ტურისტული სეზონის დაწყებისთვის.   საბერძნეთში შეზღუდვები ყველგან იხსნება, უცხოელებისთვის აუცილებელი კარანტინი უქმდება, კეთილმოწყობილი პლიაჟები ისევ ამუშავდა, კლიენტები კი ბარების და რესტორნების ტერასებზე დაბრუნდნენ.   უცხოელ...


მსგავსი სიახლეები

up