Walmart ტექნოლოგიებისა და სერვისების სტარტაპ DroneUp-თან თანამშრომლობს და საჰაერო მიწოდებისთვის სამი სრულგანაკვეთიანი აეროპორტის „ჰაბი“ ჩაუშვა. ინფორმაციას freshfruitportal ავრცელებს.

საცალო მოვაჭრე საქონელს, როგორიც არის ხველების წამალი, თერმომეტრები და ჯანმრთელობასთან დაკავშირებულ სხვა პროდუქტები, დრონის საშუალებით არკანზასელ შესაბამის მომხმარებლებს მიაწვდის.

სერვისი კვირაში შვიდი დღე, დილის 8:00 სთ-დან საღამოს 20:00 სთ-მდე იმუშავებს და უახლოეს თვეებში გაფართოვდება.

„როცა წლის დასაწყისში DroneUp-ში ინვესტიცია ჩავდეთ, ჩვენ მიზნად დავისახეთ დრონით მიწოდების ოპერაცია, რომლის სწრაფად განხორციელებაც ერთდროულად რამდენიმე მაღაზიაში არის შესაძლებელი. ჩვენი საწყისი კონცეფციიდან რამდენიმე თვეში პირველი ჰაბის გახსნა ადასტურებს DroneUp-ის უნარს, რომ დრონის მიწოდების ოპერაციები სწრაფი სიჩქარითა და უსაფრთხოდ შეასრულოს,“ - აცხადებს Walmart-ის ვიცე-პრეზიდენტი, ტომ უორდი.

საცალო მოვაჭრემ დრონით მიწოდების ექსპერიმენტი პირველად 2020 წელს ჩაატარა, რათა COVID-19-ის თვითტესტირების კომპლექტი მომხმარებლებისთვის სახლებში მიეწოდებინა. Quest Diagnostics-თან და DroneUp-თან თანამშრომლობით, Walmart-მა მომხმარებლებისთვის სამედიცინო კომპლექტების 1 მილის რადიუსში, ჩრდილოეთ ლას-ვეგასსა და ნიუ-იორკის ჩიქტოვაგაში, დანიშნული ადგილებიდან სახლების სადარბაზომდე ან უკანა ეზომდე მიწოდება შეძლო.

bpn.ge