წალკის კანიონზე მრავალფეროვანი ეკოტურისტული სივრცე პირველ ვიზიტორებს ივლისიდან მიიღებს

წალკის კანიონზე მრავალფეროვანი ეკოტურისტული სივრცე პირველ ვიზიტორებს ივლისიდან მიიღებს

access_time2021-05-12 15:45:00

„ეს ადგილი, არა მხოლოდ წალკის და ამ რეგიონის, არამედ მთელი ჩვენი ქვეყნის , სავიზიტო ბარათი იქნება,“ - განაცხადა კომპანია KASS LAND-ის დირექტორმა, ეკა თორდიამ წალკის კანიონზე მრავალფეროვანი ეკოტურისტული სივრცის მოწყობაზე საუბრისას.

დაცულ ტერიტორიაზე ისრაელის კომპანია KASS LAND-ის მრავალფეროვანი ეკოტურისტული სივრცის მოსაწყობად სამუშაოების დიდი ნაწილი უკვე დასრულების ეტაპზეა. წალკის კანიონზე ვიზიტორთა ცენტრი, 120 ადამიანზე გათვლილი რესტორანი და 250 ადამიანზე გათვლილი ღია კაფე უკვე აშენებულია.


დასრულების ეტაპზეა 240 მეტრიანი შუშის ხიდის მშენებლობაც. გარდა ამისა, აშენებულია 57 კოტეჯიც. ეკოტურისტული სივრცე პირველი ვიზიტორების მიღებას უკვე ივლისიდან შეძლებს. თუმცა, ამ ეტაპზე, კომპანიას უჭირს ფასებზე საუბარი უჭირს.


ტერიტორიაზე მოეწყობა 240 მეტრიანი ზიპლაინ-ველოსიპედი, სასტუმრო კომპლექსი, სპა, აუზი, საქანელა და ამასთან, ვიზიტორებს ცხენებით გასეირნების სერვისიც დახვდებათ.


ახალი ეკოტურისტული სივრცე, რომელშიც 120 მლნ. ლარის ინვესტიცია განხორციელდა, 250 ადგილობრივ მოსახლეს დაასაქმებს. ადგილობრივების დასატრენინგებლად კი საერთაშორისო გამოცდილების მქონე სპეციალისტები ჩამოვლენ.



კომპანია KASS LAND-ის დირექტორის, ეკა თორდიას თქმით, პროექტის შედეგი წალკის მუნიციპალიტეტის ეკონომიკური გამოცოცხლება იქნება. კომპანია შეიძენს და პოპულარიზაციას გაუწევს ადგილობრივ პროდუქციას. გარდა ამისა, ეკა თორდიას განცხადებით, ტურისტების მაღალი ინტენსივობის ნაკადი ადგილობრივ ფერმერებს, სოფლის მეურნეობაში დასაქმებულ პირებსა თუ მცირე მეწარმეებს ახალ შესაძლებლობებს გაუჩენს, ასობით ათას ტურისტს მიაწოდონ თავიანთი სერვისი და განახორციელონ პროდუქციის რეალიზაცია.


პროექტის განსახორციელებლად, როგორც კომპანიაში აცხადებენ, ინსპირაციაის წყარო წალკის კანიონის ბუნება იყო, თუმცა დაცულ ტერიტორიაზე ასეთი მასშტაბური პროექტის განხორციელებას თან გამოწვევებიც ახლდა.


„მთავარი გამოწვევა იყო შეგვენარჩუნებინა ამ უნიკალური ბუნების ავთენტურობა და შეგვძლებოდა ტექნიკურად ამ ხიდის ისე აშენება, რომ გადაადგილება უსაფრთხო ყოფილიყო. პროექტის შემუშავებაში მონაწილეობდნენ საერთაშორისო და ადგილობრივი სპეციალისტები, გეოლოგები, ინჟინრები, გარემოს დამცველები, გვაქვს არაერთი ტექნიკური საექსპერტო დასკვნა და ყველა ამ დოკუმენტისა და რეკომენდაციების სრული დაცვით ვახორციელებთ ამ პროექტს,“ - განაცხადა ეკა თორდიამ.


კიდევ ერთი გამოწვევა კოვიდ პანდემიას და შედეგად ტურიზმის სექტორზე მიყენებულ ზიანს უკავშირდება, თუმცა როგორც აღმოჩნდა, პანდემია კომპანიისთვის არა შემაფერხებელი, არამედ სტიმულის მიმცემი ფაქტორი აღმოჩნდა.


„პანდემიის დროს უკვე დაწყებული გვქონდა ინვესტიცია და რა თქმა უნდა პანდემიამ დიდი ზიანი მიაყენა ტურიზმს, მაგრამ ჩვენთვის ეს იყო უფრო მეტი სტიმული, რომ გაგვეგრძელებინა ინვესტიცია. წარმოიშვა მოთხოვნა ეკოტურიზმის მიმართულებით, შიდა ტურიზმი და ბუნებაში დასვენებაზე მოთხოვნა გაიზარდა, სწორედ ეს იყო მიზეზი, რომ არც ერთი დღე არ შეგვიჩერებია მშენებლობა, პირიქით, ინტენსიურად ვაგრძელებდით სამშენებლო სამუშაოებს და უფრო მეტიც, 30 მლნ ლარით გაიზარდა ჩვენი საინვესტიციო პაკეტი.“ - აღნიშნა ეკა თორდიამ.


ცნობისთვის, KASS LAND-მა საქართველოში ოპერირება 2016 წლიდან დაიწყო და ამ ეტაპამდე დაასაქმა 1000-მდე ადამიანი.


business-partner.ge




საქართველოში ელექტრომომარაგება აღდგა

საქართველოში ელექტრომომარაგება აღდგა
access_time2021-06-14 17:46:59
თბილისსა და საქართველოს რეგიონებში ელექტრომომარაგება, სისტემური ავარიის შემდეგ, მთლიანად აღდგა. ამის შესახებ საქართველოს "სახელმწიფო ელექტროსისტემაში"...

14 ივნისი - რეგიონში მხოლოდ ქართული ლარი გაუფასურდა

14 ივნისი - რეგიონში მხოლოდ ქართული ლარი გაუფასურდა
access_time2021-06-14 18:00:57
14 ივნისის ვაჭრობაზე დაფიქსირებული ოფიციალური კურსის თანახმად, წლის დასაწყისიდან ქართული ლარი აშშ დოლართან მიმართებაში დაახლოებით 7 პუნქტით გამყარდა. შედარებისთვის, დაახლოებით 112 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი, პრაქტიკულად, უცვლელია. 14 ივნისის ვაჭრობის შედეგად ეროვნული ვალუტა აშშ დოლართან მიმართებაში გაუფასურდა და 3.2040 ლარი გახდა (ეს კურსი 15 ივნისს შევა ძალაში). ქართული ვალუტით ვაჭრობა Bloomberg-ზე...

ხვალიდან „ბელავია“ საქართველოში რეისებს აორმაგებს

ხვალიდან „ბელავია“ საქართველოში რეისებს აორმაგებს
access_time2021-06-14 18:45:14
ბელარუსულმა ავიაკომპანიამ „ბელავია“ გაავრცელა ინფორმაცია, რომ საქართველოსთან პირდაპირი ფრენების რაოდენობას 15 ივნისიდან მნიშვნელოვნად გაზრდის. „15 ივნისიდან ბათუმის რეისების რაოდენობა გაორმაგდება – კვირაში 7–დან 14–მდე. „ბელავია“ საქართველოს მთავარ საზღვაო ქალაქში დღეში ორჯერ იფრენს. 15 ივნისიდანვე იგეგმება თბილისის მიმართულებით ფრენების სიხშირის გაზრდაც – ნაცვლად არსებული 7 რეისისა კვირაში – 11 რეისამდე. ოთხი რეისი დაემატება: სამშაბათობით, ოთხშაბათობით და შაბათ–კვირას“, – განაცხადეს...

ნატო–ს სამიტზე არ დასახელდება საქართველოს და უკრაინის გაწევრიანების ვადები

ნატო–ს სამიტზე არ დასახელდება საქართველოს და უკრაინის გაწევრიანების ვადები
access_time2021-06-14 16:50:28
ნატო–ს სამიტზე საქართველოსა და უკრაინის ალიანსში გაწევრიანებასთან დაკავშირებით არავითარი თარიღები და შესაძლო ვადები არ დასახელდება, მხოლოდ დადასტურდება, რომ ნატო–ს კარი ღიაა და ამ პროცესში რუსეთს ვეტოს უფლება არ გააჩნია. ამის შესახებ ჩრდილოატლანტიკური ალიანსის გენერალურმა მდივანმა იენს სტოლტენბერგმა გერმანიის მარშალის ცენტრში ონლაინ–დისკუსიის დროს განაცხადა, რომელიც ნატო–ს სამიტის დაწყებას უძღოდა წინ. „საქართველოსა და უკრაინასთან მიმართებაში ჩვენ ბუქარესტის სამიტზე (2008 წლის აპრილი....

კაპიტალის ბაზარი მოწმენდილ მინდორზე არ ვითარდება

კაპიტალის ბაზარი მოწმენდილ მინდორზე არ ვითარდება
access_time2021-06-14 16:45:54
საქართველოს ფინანსთა მინისტრი ლაშა ხუციშვილი პარლამენტში მინისტრის საათზე დეპუტატებს დაეთაბნხმა, რომ  კაპიტალის ბაზარი განუვითარებელია და მხოლოდ ერთეული ტრანზაქციები ხორციელდება. მისივე თქმით, „მოწმენდილ მინდორზე კაპიტალის ბაზარი არ ვითარდება“. „ჩვენ შემოვიღეთ კაპიტალის ბაზრის დაბეგვრის ძალიან ლიბერალური რეჟიმი. პრაქტიკულად, ყველა მიმართულებით ჩვენ გავანულეთ განაკვეთები. დავხვეწეთ საკანონმდებლო გარემო და მივუახლოვეთ საუკეთესო საერთაშორისო სტანდარტებს. საპენსიო რეფორმით შევქმენით...


მსგავსი სიახლეები

up