ტყეში, სიმწვანესა და სუფთა ჰაერზე ცხოვრება, ალბათ, ყველა ადამიანის რეალობის თუ არა, ოცნების ნაწილი ერთხელ მაინც ყოფილა. ვის არ უნატრია ზღაპრული გარემო, როცა ჩიტების ჭიკჭიკი გაღვიძებს და აივანზე ჟანგბადით სავსე ჰაერს ხარბად ისუნთქავ...

ამ ოცნების რეალობად ქცევა ადამიანებს მალე თბილისშიც შეეძლებათ, ამ შანსს კი, „ვუდსაიდ დიღომი“ ჰქვია. 

ეს პროექტი დიღმის ტყის ახლოს მთელ დასახლებას მოიცავს გამწვანებული ეზოთი, ბავშვთა სათამაშო და სპორტული მოედნებით, აქტიური და პასიური დასვენების ზონებით, მიწისქვეშა და მიწისზედა პარკინგით, ველობილიკებით, ელექტრომობილების დამტენებითა და სხვა საჭირო ინფრასტრუქტურით. ფაქტობრივად, ყველაფერი, რის გამოც მობინადრეებს საცხოვრებელი ადგილებიდან შორს უწევთ ხოლმე წასვლა, მათივე ეზოში მოიყრის თავს.  კომპლექსის ტერიტორიაზე, ბევრ საინტერესო და სასიამოვნო დეტალთან ერთად, ჩიტებისთვის პატარა სახლებსაც შეხვდებით.

“ვუდსაიდ დიღომი” ლუბლიანის ქუჩისა და ა.ბელიაშვილის ქუჩების დამაკავშირებელი კ. ჩაჩავას ქუჩის მიმდებარედ, შალვა გოგიძის პირველი ჩიხის N4-ში გაშენდება. ობიექტიდან 700 მეტრ რადიუსში სხვადასხვა სახის საზოგადოებრივ-საქმიანი ობიექტია წარმოდგენილი: საფეხბურთო მოედნები, კორტები, რესტორნები და ა.შ. მოკლედ, თუ ეზოდან გამოსვლა დაგჭირდებათ, შორს წასვლა მაინც არ მოგიწევთ. ყველაფერს თქვენთან ახლოს იპოვით.

რაც მთავარია, ტერიტორიას დაუბრკოლებლად აქვს წვდომა მზის სხივებთან, რაც ძალიან მნიშვნელოვან ფაქტორს წარმოადგენს. აქ განლაგებულია სხვადასხვა ჯიშის მრავალწლოვანი ხეები, რომელთა წყალობით, კომპლექსის ეზო წყნარი და ეკოლოგიურად სუფთა იქნება. თანაც, დასახლების გარშემო არასდროს შეგაწუხებთ გადატვირთული საავტომობილო მოძრაობა.

რაც შეეხება უშუალოდ კომპლექსს, იგი 4 ბლოკისგან შედგება. გასართობი, სპორტული და დასასვენებელი ინფრასტრუქტურის გარდა, ტერიტორიაზე გამტარი მოკირწყვლის სისტემა მოეწყობა. შედეგად, საპარკინგე ადგილი ასფალტით არ დაიფარება. მის ნაცვლად, იქნება გამტარი ზედაპირი, რომელიც წვიმის წყალს მიწის მოსარწყავად გამოიყენებს და ხელს შეუშლის მის დაგუბებას. თავად საპროექტო ნაგებობა მიწის ზევით 19 სართული იქნება. შეიფუთება მაღალი ხარისხის მოსაპირკეთებელი მასალებით, მოაჯირებით და მინა-პაკეტით. ტერიტორიაზე დაიდგმება ნარჩენების სეპარაციისთვის განკუთვნილი ურნები და ინკლუზიური ფანტანები 3 პოზიციით, რომლით სარგებლობას ზრდასრულიც, ბავშვიც და შინაური ცხოველიც შეძლებს. შენობა დაპროექტდება მდგრადი განვითარების პრინციპებით, ეკოლოგიურად სუფთა გადაწყვეტებითა და სრულად იქნება ადატირებული შშმ პირებზე.  

„ვუდსაიდ დიღომის“ ტერიტორია საკამოდ დიდ ფართობს მოიცავს. მიწის ნაკვეთი 6 660 კვ.მ-ს შეადგენს, რაც არქიტექტორებს საშუალებას აძლევს, დააპროექტონ შიდა საუბნო ველოგზები ისე, რომ ადამიანებმა ველოსიპედებით სეირნობა ტერიტორიიდან გაუსვლელად შეძლონ. 

აღსანიშნავია, რომ კომპლექსი ითვალისწინებს ღია გეგმარებას, რათა მობინადრემ, სურვილის შემთხვევაში, თავისუფლად შეძლოს ბინების გაერთიანება და საინჟინრო ნაწილმა ამაში ხელი არ შეუშალოს. 

„ვუდსაიდ დიღომის“ გაყიდვები უკვე დაიწყო. პირველი ათი ბინის შეძენის მსურველი განსაკუთრებულ ფასდაკლებას მიიღებს, რისი წყალობითაც 22 000 ათას ლარზე მეტ თანხას დაზოგავს.

(R)