ბოლო ხუთი წლის განმავლობაში გერმანელი ავტომწარმოებლები SUV-ი ავტომობილების კუპე ვარიანტის შექმნით იყვნენ დაკავებულნი. ეს ყველაფერი სადილეროებში ასეთი ტიპის ავტომანქანების მოთხოვნით იყო გამოწვეული. თუ თქვენ ასეთი ტიპის მანქანები არ მოგწონთ, მაშინ სამწუხარო ინფორმაცია გვაქვს. ეს საავტომობილო ტრენდი შეჩერებას არ აპირებს. მეტიც, გერმანელი ავტომწარმოებლები მეტოქეთა ახალ ნიშას პასუხგაუცემელს თითქმის არასდროს ტოვებენ.

თქვენს წინაშეა Tiguan X-ი. ის Tiguan-ის კუპე ვერსიას წარმოადგენს, რომლის ყიდვაც 2021 წლიდან იქნება შესაძლებელი. თუმცა, აქ ერთი უცნაური გარემოება არსებობს. VW-მა Tiguan X-ის გამოშვება თავდაპირველად მხოლოდ ჩინური ბაზრისთვის გადაწყვიტა.
Tiguan X-ი მისი გრძელი ვარიანტის ძარას გამოიყენებს. ეს კი იმითაა გამოწვეული, რომ დახრილი სახურავი ავტომობილის დაგრძელებას იწვევს.
შედეგად, ავტომობილი სპორტული გამოყენების სედანს უფრო გავს ვიდრე კუპეს. ეს გარემოება იმაში ვლინდება, რომ სალონის უკანა ნაწილში მგზავრებს, დახრილი სახურავის გამო, სივრცე არ შეეზღუდებათ. Tiguan X-ის პარამეტრები არც სატვირთო ადგილის ემუქრება.

Tiguan X-ი Volkswagen-ის 2-ლიტრიანი 4 ცილინდრიანი ძრავით არის აღჭურვილი და ის 7-სიჩქარიან ორმაგი მოჭიდების გადაცემათა კოლოფთანაა დაკავშირებული. აღსანიშნავია ფაქტი, რომ წარმადობის გაზრდა გეგმაში არ არის. გამომდინარე აქედან, მომხმარებელი ცხენის ძალების დიდ რაოდენობას არ უნდა ელოდეს.

თუ VW-ის ჯგუფის ავტომობილები მოგწონთ გეტყვით, რომ Audi Q3 Sportback-ი კარგ პაკეტს მოიცავს თუმცა, აშშ-ს ბაზრისთვის ის არ არის განკუთვნილი. საუკეთესო ვარიანტი კი Q5 Sportback-ი იქნება, რომელიც მომავალ წელს გამოჩნდება. ის Mercedes-Benz GLC Coupe-ისა და BMW X4-ის კონკურენტად მოგვევლინება.

წყარო: crystalauto.ge