შეთანხმება გასულ კვირას იქნა დამოწმებული, მაგრამ ლიდერებს დოკუმენტზე ჯერ ხელი არ აქვთ მოწერილი.
მიმდინარე კვირა საავტომობილო სამყაროსთვის დატვირთული გამოდგა: Nissan Z Proto-ს გამოჩენა, Hyundai Tucson-ის ახალი მოდელის წარდგენა და Ferrari Portofino M-ის დებიუტი. თუმცა, ყველაზე მნიშვნელოვანი ამბავი შესაძლოა ახალი მოდელების გამოჩენას საერთოდ არ ეხებოდეს. სიტყვა „შესაძლოას“ ვიყენებთ იმიტომ, რომ ჯერ ოფიციალური სახე ამ საკითხს არ მისცემია. Car Magazine-ი ასაჯაროვებს ინფორმაციას, რომლის თანახმად, Volkswagen Group-ს ელიტარული ბრენდი Bugatti-ს Rimac Automobili-სთვის მიყიდვა აქვს განზრახული.
წყაროს მიხედვით, შეთანხმება გასულ კვირას VW-ს აღმასრულებლების მიერ დამოწმდა, მაგრამ სამეთვალყურეო საბჭოს ჯერ დოკუმენტზე შტამპი არ დაურტყავს. Bugatti-ის წილი ტექნიკურად VW Group-ს დარჩება. Porsche 15.5 პროცენტს Rimac-ს უზიარებს. Car Magazine-ის ინფორმაციით კი შეთანხმებაში Rimac-ისთვის Porsche-ს წილის გაზრდაც იგეგმება.
აშკარაა, რომ VW Group-ი, ფერდინანდ პიჩის კონგლომერატის შემდეგ, მოლშეიმში დაფუძნებული ბრენდის განვითარებისთვის ფულის დახარჯვას აღარ აპირებს. პიჩი 2019 წელს გარდაიცვალა. Lamborghini-მ მას პატივი პირველი ელექტრო მოდელის სახელის გადაკეთებით მიაგო და მას Sian FKP 37 დაარქვა. პიჩი 1937 წელს იყო დაბადებული.
ფერდინანდის ოჯახს VW Group-ის 50 პროცენტიანი საკონტროლო ინტერესი აქვს და Bugatti-ს გასაყიდად ერთადერთი მიზეზი, ალბათ, გაცვლაში Porsche-ს პრივილეგიის გაზრდა იქნება. შტუტგარტელების მთავარი მიზანი მათი წილის 49%-ის Rimac-ისთვის გადაცემაა. ბოლო წლებში Hyundai/Kia, Koenigsegg-ი, Jaguar-ი და Magma 11 წლის წინ დაარსებულ კომპანიაში ინვესტირებით იყვნენ დაკავებულნი.
VW Group-ის ქოლგის ქვეშ Bugatti ერთადერთი ბრენდი არაა, რომელსაც გაყიდვა ემუქრება. მოხსენების მიხედვით, Lamborghini, SEAT-ი, Italdesign-ი და Ducati განხილვას ექვემდებარებიან. მიჩნეულია, რომ VW-ს პოტენციურ ინვესტორებთან მოლაპარაკებები დაწყენბული აქვს, მაგრამ პროცესები კორონა ვირუსის პანდემიის გამო შენელდა.
crystalauto.ge