ვლადიმერ პაპავა - საქართველოს ეკონომიკის ყველაზე სერიოზული პრობლემა არის, რომ ჩამოყალიბდა, როგორც მომხმარებელი და თანაც, ღარიბი ქვეყნის ეკონომიკა

ვლადიმერ პაპავა - საქართველოს ეკონომიკის ყველაზე სერიოზული პრობლემა არის, რომ ჩამოყალიბდა, როგორც მომხმარებელი და თანაც, ღარიბი ქვეყნის ეკონომიკა

access_time2019-06-12 21:10:46

დღეს საქართველოს ეკონომიკის ყველაზე სერიოზული პრობლემა იმაში მდგომარეობს, რომ ჩამოყალიბდა, როგორც მომხმარებელი და თანაც, ღარიბი ქვეყნის ეკონომიკა, – ამის შესახებ ეკონომიკურ მეცნიერებათა დოქტორმა, ვლადიმერ პაპავამ დღეს საქართველოს პირველი არხის გადაცემა „ბიზნესპარტნიორში“ სტუმრობისას განაცხადა.გადაცემაში ლარის კურსი და აქედან გამომდინარე ზოგადად ეკონომიკის პრობლემები განიხილეს. დისკუსიისას აღინიშნა, რომ ლარის კურსის ბოლოდროინდელი გაუფასურება ეკონომიკაში არსებულ პრობლემებზე მიუთითებს.


პაპავას განმარტებით, ლარის საკითხის ეკონომიკის კონტექსტის გარეშე განხილვა არ შეიძლება, რადგან ის ეკონომიკის ნაწილია და ეკონომიკის მდგომარეობას ხდება.


„როცა ლარზე ვსაუბრობთ, არ შეიძლება, ის ეკონომიკის კონტექსტიდან იყოს ამოვარდნილი, რადგან ლარი პრაქტიკულად ეკონომიკის ნაწილია. უფრო მეტიც, ის ასახავს, რა მდგომარეობაში არის ჩვენი ეკონომიკა“, – განაცხადა ვლადიმერ პაპავამ.


ეკონომიკის მეცნიერებათა დოქტორის განცხადებით, საქართველოს ეკონომიკის გამოწვევებს შორის უპირველესია ფაქტორი, რომ ქვეყანა მეტს მოიხმარს, ვიდრე აწარმოებს, რაც ლარზეც აისახება.



„სამწუხაროდ, ჩვენს ეკონომიკას ბევრი უარყოფითი სიმპტომი ახასიათებს: ჩვენი საგარეო სავაჭრო ბრუნვა უკიდურესად უარყოფითია და იმპორტი დაახლოებით 2.7-ჯერ აღემატება ექსპორტს, რაც იმას ნიშნავს, რომ ჩვენი ეკონომიკა ყოველ გენერირებულ ერთ დოლარზე 2.7 დოლარს კარგავს იმპორტზე გასაწევი ხარჯების თვალსაზრისით. ანუ ეკონომიკა ექსპორტზე ორიენტირებული არ არის და ძირითადად, იმპორტს ეფუძნება. თუ ავიღებთ სამომხმარებლო კალათას, აქ სურათი კიდევ უფრო მძიმეა, მისი 80 პროცენტი არის იმპორტული საქონელი. თუ ავიღებთ სასურსათო კალათას, აქაც იგივე სურათი გვაქვს – მხოლოდ 20 პროცენტია ადგილობრივი წარმოება, 80 პროცენტი კვლავ იმპორტია. ანუ რა გამოვიდა? ჩვენ ვართ მომხმარებლები და მოვიხმართ იმას, რაც ჩვენ არ შეგვიქმნია. ანუ ჩამოვყალიბდით, როგორც მომხმარებელი ქვეყანა და ერი, მოვიხმართ იმაზე მეტს, ვიდრე ჩვენ შეგვიქმნია“, – განმარტა ვლადიმერ პაპავამ.


მისი მოსაზრებით, საქართველოს იმპორტზე დამოკიდებულებას ქვეყნიდან გასული ეკონომიკური მიგრანტები აფინანსებენ სამშობლოში გადმორიცხული ფულადი ტრანსფერების მეშვეობით.


„იბადება კითხვა, საიდან მოვიხმართ? ამაზე პასუხი რთული საპოვნელი არ არის, თუ გავიხსენებთ, რომ ჩვენი მოსახლეობის საკმაოდ დიდი ნაწილი, დაახლოებით მილიონზე მეტი ადამიანი ქვეყნის გარეთ არის გასული, რომლებიც სხვადასხვა ქვეყანაში მუშაობენ და იმ ქვეყნის ეკონომიკას ავითარებენ, იქ მიღებული შემოსავლების ნაწილს კი, საქართველოში ახლობლებს ურიცხავენ და ეს ადამიანები ამის საშუალებით მოიხმარენ პროდუქციას, რაც ამ ქვეყანაში არ შექმნილა. ეს არის ყველაზე სერიოზული პრობლემა, რაც დღეს საქართველოს ეკონომიკას აქვს – ის ჩამოყალიბდა, როგორც მომხმარებელი და თანაც, ღარიბი ქვეყნის ეკონომიკა. ეს პრობლემა ბუნებრივია, ლარზე აისახება“, – განაცხადა ვლადიმერ პაპავამ „ბიზნესპარტნიორში“ სტუმრობისას.


1tv.ge






არჩილ მესტვირიშვილი - რეგულაციების გადახედვაზე ვმუშაობთ, მაგრამ ეს არ ნიშნავს, რომ შერბილდება ან პრინციპები შეიცვლება

არჩილ მესტვირიშვილი - რეგულაციების გადახედვაზე ვმუშაობთ, მაგრამ ეს არ ნიშნავს, რომ შერბილდება ან პრინციპები შეიცვლება
access_time2019-09-19 22:40:22
საბანკო რეგულაციების გადახედვაზე ვმუშაობთ, მაგრამ ეს არ ნიშნავს, რომ ის შერბილდება ან პრინციპები შეიცვლება, – ამის შესახებ ეროვნული ბანკის ვიცე-პრეზიდენტმა, არჩილ მესტვირიშვილმა დღეს საქართველოს პირველი არხის გადაცემა „ბიზნესპარტნიორში“ სტუმრობისას განაცხადა. გადაცემაში ქართულ ბიზნესზე ეროვნული ვალუტის კურსისა და საბანკო რეგულაციების გავლენის საკითხი...

2020 წლიდან ამოქმედდება საპილოტე პროექტი, რომელიც ქუჩაში მანქანების გაჩერებას, ადგილზე შემოწმებას და ნორმების შეუსაბამობის შემთხვევაში, მათ დაჯარიმებას ითვალისწინებს

 2020 წლიდან ამოქმედდება საპილოტე პროექტი, რომელიც ქუჩაში მანქანების გაჩერებას, ადგილზე შემოწმებას და ნორმების შეუსაბამობის შემთხვევაში, მათ დაჯარიმებას ითვალისწინებს
access_time2019-09-19 19:00:57
ტექინსპექტირება, რომელიც თავდაპირველად ჰაერის დაბინძურების მიზეზით დაიწყო, ფაქტია, ამ მხრივ უშედეგო აღმოჩნდა. თითქმის ყველა საზოგადოებრივი ტრანსპორტი, ასევე მსუბუქი ავტომობილების ნაწილი დღესაც ისეთ შავ კვამლს უშვებს,რომ შეიძლება 200-300 მეტრზე ვერაფერი გაარჩიოთ. რადიო „ფორტუნამ“ ამ თემაზე ვრცელი სტატია გააკეთა, სადაც სპეციალისტები ტექინსპექტირების რეფორმის ჩავარდნაზე პირდაპირ საუბრობენ. ცოტა ხნის წინ კი ცნობილი გახდა, რომ გარემოს დაცვის სამინისტროში კონცეფციაზე მუშაობენ,...

გია ვოლსკი - კომპანია, რომელიც „ანაკლიის კონსორციუმმა“ ამერიკული კონტი ჯგუფის ნაცვლად წარმოადგინა, ფაქტობრივად, რუსული კომპანიაა

გია ვოლსკი - კომპანია, რომელიც „ანაკლიის კონსორციუმმა“ ამერიკული კონტი ჯგუფის ნაცვლად წარმოადგინა, ფაქტობრივად, რუსული კომპანიაა
access_time2019-09-19 17:15:52
ხაზარაძეს უნდა, რომ ორი კურდღელი ერთი გასროლით მოკლას. მე ვფიქრობ, ეს შეუძლებელია, მაგრამ, ამავე დროს ძალიან ცუდად ახასიათებს თავად ახალ შექმნილ პარტიას, - ამის შესახებ საპარლამენტო უმრავლესობის ლიდერმა გია ვოლსკიმ ჟურნალისტებს განუცხადა. ვოლსკის თქმით, კომპანია, რომელიც „ანაკლიის განვითარების კონსორციუმმა“ ამერიკული კონტი ჯგუფის ნაცვლად წარადგინა, ფაქტობრივად, რუსული კომპანიაა. “ხაზარაძე ასახელებს კომპანიას, რომელიც ფაქტობრივად, რუსული...

აკაკი ზოიძე- „ადამიანებს უნდა ვაჩვენოთ, რომ სწორ და ეფექტიან ნაბიჯებს ვდგამთ, რომელიც მათ გაჭირვებას შეამსუბუქებს, ზოგიერთი მათგანისთვის ცხოვრება აუტანელი ტვირთია“

აკაკი ზოიძე- „ადამიანებს უნდა ვაჩვენოთ, რომ სწორ და ეფექტიან ნაბიჯებს ვდგამთ, რომელიც მათ გაჭირვებას შეამსუბუქებს, ზოგიერთი მათგანისთვის ცხოვრება აუტანელი ტვირთია“
access_time2019-09-19 15:20:57
„ეროვნულ-დემოკრატიული ინსტიტუტის“ (NDI) კვლევის შედეგების მიხედვით, გამოკითხულთა 49 პროცენტი ფიქრობს, რომ ქვეყანა არასწორი მიმართულებით ვითარდება, 63 პროცენტი ფიქრობს, რომ საქართველოს ეკონომიკური მდგომარეობა ცუდია. გამოკითხულთა 84 პროცენტი პასუხისმგებლობას ხელისუფლებას და მთავრობას აკისრებს.   საზოგადოებრივი აზრის კვლევა, რომელიც 13-29 ივლისს ჩატარდა, ნათლად აჩვენებს იმ მძიმე სოციალურ-ეკონომიკურ მდგომარებას,  რომელიც დღეს ქვეყანაშია შექმნილი....

ნათია თურნავა არ ადასტურებს გავრცელებულ ინფორმაციას სამთავრობო ცვლილებების შესახებ

ნათია თურნავა არ ადასტურებს გავრცელებულ ინფორმაციას სამთავრობო ცვლილებების შესახებ
access_time2019-09-19 15:00:53
საქართველოს ეკონომიკისა და მდგრადი განვითარების მინისტრის ნათია თურნავას განცხადებით, ეკონომიკისა და მდგრადი განვითარების სამინისტროდან ენერგეტიკის ცალკე სამინისტროდ გამოყოფის საკითხი მთავრობაში არ განიხილება. „არ გიდასტურებთ ინფორმაციას ეკონომიკისა და მდგრადი განვითარების სამინისტროდან ენერგეტიკის ცალკე სამინისტროდ გამოყოფის შესახებ, მთავრობაში მსგავსი ცვლილება არ განიხილება, ჩვენ ვართ მცირე მთავრობის კონცეფციის ერთგულები, - განაცხადა ნათია თურნავამ ჟურნალისტის მიერ...


მსგავსი სიახლეები

up