ვლადიმერ პაპავა: ლარი გამოხატავს ეკონომიკურ მდგომარეობას, ე.ი ეკონომიკაა ცუდ მდგომარეობაში

ვლადიმერ პაპავა: ლარი გამოხატავს ეკონომიკურ მდგომარეობას, ე.ი ეკონომიკაა ცუდ მდგომარეობაში

access_time2019-06-28 10:00:52


„რუსეთის გადაწყვეტილებას ფრენების აკრძალვასთან დაკავშირებით შეიძლება არ ჰქონდეს იმდენი ეფექტი ჩვენს ეკონომიკაზე, როგორც ჩვენს ქმედებას, სასწრაფოდ გადავცვალოთ ლარი დოლარში,“ - რადიო კომერსანტის გადაცემაში „ეკონომისტის დრო ლევან ქისტაურთან ერთად“, თსუ-ს პროფესორი ვლადიმერ პაპავა, მიმდინარე მოვლენებს ეხმაურება და ეროვნული ბანკის განცხადებას აფასებს. „ეროვნული ბანკის გუშინდელი განცხადება არის არაფრის მთქმელი და გაუგებარი,“ - ამბობს პაპავა.



„ლარის კურსი არ არის ცუდ მდგომარეობაში. ლარი უბრალოდ გამოხატავს ეკონომიკურ მდგომარეობას, ე.ი ეკონომიკაა ცუდ მდგომარეობაში. პოლიტიკური არასტაბილურობა ხშირად აისახება ლარზე. რუსეთის გადაწყვეტილებამ ტურისტული სეზონის დასაწყისში, ყველაზე მნიშვნელოვან ფაზაში შექმნა არეულობა, შემცირდა ნაკადი, მოლოდინი გაჩნდა იმისა, რომ უცხოური ვალუტის შემოსვლა ქვეყანაში შემცირდება. ის ვინც ამას ელოდება, უკვე მირბის და ლარები გადაჰყავს დოლარებში. ასეთ დროს, იგი თვითონ ზრდის მოთხოვნას დოლარზე, ანუ დამატებით მოთხოვნას აჩენს. ასე, რომ რუსეთის გადაწყვეტილებას შეიძლება არ ჰქონდეს იმდენი ეფექტი ჩვენს ეკონომიკაზე, როგორც ჩვენს ქმედებას სასწრაფოდ გადავცვალოთ ლარი დოლარში.
ამ ყველაფერს ემატება შესაძლო საქინაციები. სავალუტო ბაზარზე მსხვილ მოთამაშეებს აქვთ შესაძლებლობა სპეკულირებისთვის გამოიყენონ არსებული სიტუაცია და ნებისმიერი შემთხვევა დააბრალონ პუტინს. ეროვნულ ბანკს სჭირდება მეტი მონიტორინგი, ზედამხედველობის ფუნქციის გამკაცრება.



ეროვნული ბანკის გუშინდელი განცხადება არის არაფრის მთქმელი და გაუგებარი. ეროვნული ბანკი საზოგადოებისთვის ძალიან ცუდ და გაუგებარ როლს ასრულებს. იმის ნაცვლად, რომ იყოს აქტიური, აწყნარებდეს საზოგადოებას, თუ საჭირო იქნება გარკვეულ ზომებს იღებდეს, ამბობს, რომ რეზერვებს ხომ არ დავხარჯავთ სრულადო?!. რომელი იდიოტი სთხოვს რეზერვების დახარჯვას? ეროვნულმა ბანკმა უნდა იფიქროს, როგორ შეიძლება აირიდოს თავიდან პანიკა, შექმნას გაუფასურების სტაბილური გარემო. საზოგადოება ამის შესახებ უნდა იყოს ინფორმირებული.



ქვეყანას სჭირდება ისეთი სტრატეგია, რომელიც იქნება ცოდნაზე დაფუძნებულ ეკონომიკაზე აგებული. ეს უნდა განხორციელდეს კომპლექსურად, როგორც სამეცნიერო შრომის დაფასებით, ისე იმ დარგებში საწარმოების შექნით, რომლებიც მაღალ დამატებით ღირებულებას შექნის. ეს კი არის ინოვაციური მაღალტექნოლოგიური დარგები,“ -ამბობს ვლადიმერ პაპავა.




გუშინ, ეროვნული ბანკის პრეზიდენტმა კობა გვენეტაძემ პარლამენტისთვის წლიური ანგარიშის წარდგენის შემდეგ ჟურნალისტებთან ეროვნული ვალუტის კურსზე ისაუბრა და თქვა, რომ ასეთ დროს ჩარევა კონტპროდუქტიულია:


მოხდება თუ არა ეროვნული ბანკის ჩარევა და ინტერვენცია? ასეთ სიტუაციაში, ძალიან ბევრი ქვეყნების გამოცდილება გვეუბნება, რომ ამ დროს ჩარევა არის კონპროდუქტიული. ამან შეიძლება გადაავადოს მოკლევადიან პერიოდში და შემდეგ უფრო მეტი გახდეს საჭირო კურსის კორექტირებისთვის - აღნიშნა გვენეტაძე.


ეროვნული ბანკის პრეზიდენტი სამომავლო პროგნოზებისგან თავს იკავებს და ამბობს, რომ მცურავი კურსის პირობებში, მისი პროგნოზირება შეუძლებელია. გვენეტაძის თქმით, ლარის ბოლოდროინდელი გაუფასურების მიზეზი რუსეთიდან საჰაერო მგზავრობის აკრძალვის შემდგომ გაჩენილი უარყოფითი მოლოდინებია:


დღევანდელ სიტუაციაში გამოიკვეთა ის ფაქტორი, რომელიც ამ ეტაპზე ლარის კურსს მოლოდინებით გადმოეცემა. დაანონსებული იყო ინფორმაცია, რომ შედეგად მოხდება ფრენების აკრძალვა, რაც ნიშნავს, რომ შესაძლებელია უფრო ნაკლები რაოდენობის ტურისტი ჩამოვიდეს რუსეთიდან. სწორედ მოლოდინების არხით მოხდა გადაცემა კურსზე და აისახა კიდევაც მასზე - განაცხადა გვენეტაძემ.



რადიო კომერსანტი

ნათია კეკენაძე






„სპარი“ლოჯისტიკურ ცენტრს აამოქმედებს

„სპარი“ლოჯისტიკურ ცენტრს აამოქმედებს
access_time2019-11-12 16:00:01
„დამოუკიდებელი დილერების სიცოცხლისუნარიანობა დაღმავალ ტრენდს აჩვენებს“-ამის შესახებ „სპარის“ მმართველმა დირექტორმა მირანდა მანჯგალაძემ პირველი არხის გადაცემა „ბიზნესპარტნიორში“ განაცხადა.მისი განმარტებით, ამის გათვალისწინებით, „სპარი“ უბნის მაღაზიის ტიპის ბიზნესებს თავის პირობებს სთავაზობს, რაც ფრანჩიზაში გამოიხატება. „ვყიდით ერთგვარად ბრენდს, მათ შეუძლიათ „სპარის“ ბრენდით ისარგებლონ“, – აცხადებს მანჯგალაძე. მისივე განცხადებით, 2020 წლიდან იგეგმება...

ლალი მოროშკინა: „სიღნაღი დაცლილია, არ შეიძლება სეზონზე ჩურჩხელა 10 ლარი ღირდეს, ხოლო ხაჭაპური 25 ლარი“

ლალი მოროშკინა: „სიღნაღი დაცლილია, არ შეიძლება სეზონზე ჩურჩხელა 10 ლარი ღირდეს, ხოლო ხაჭაპური 25 ლარი“
access_time2019-11-12 15:00:28
ჟურნალისტი და პიარ-ტექნოლოგი ლალი მოროშკინა სიღნაღში ორი სასტუმროს (Sighnaghi Art Hotel და Villa Provance) მფლობელია, რომლებიც განსაკუთრებული პოპულარობით უცხოელ ტურისტებში სარგებლობს. ლალი მოროშკინა წლევანდელი სეზონის ჩავარდნაზე და სიღნაღში არსებულ მძიმე მდგომარეობაზე „კომერსანტს“ ესაუბრა. „რუსეთის მიერ ფრენების შეწყვეტამ და ტურისტული სეზონის დასრულებამ, ძალიან იმოქმედა ჩემს სასტუმროზე და ზოგადად, სიღნაღში არსებულ სასტუმროებზე. რა თქმა უნდა მთავარი პრობლემა არა...

BAG-ის ორგანიზებით, ასოციაციის წევრი კომპანიები შრომის კანონმდელობაში დაგეგმილი ცვლილებების შესახებ იმსჯელებენ

BAG-ის ორგანიზებით, ასოციაციის წევრი კომპანიები შრომის კანონმდელობაში დაგეგმილი ცვლილებების შესახებ იმსჯელებენ
access_time2019-11-12 12:45:38
საქართველოს ბიზნეს ასოციაციის (BAG) ორგანიზებით, ასოციაციის წევრი კომპანიები შრომის კანონმდელობაში დაგეგმილი ცვლილებების განსახილველად დღეს კიდევ ერთხელ შეიკრიბებიან. შეხვედრის ფარგლებში განხილული იქნება, როგორც საკანონმდებლო ცვლილებების მომზადების პროცესი, ასევე ამ ცვლილებებთან დაკავშირებული მთელი რიგი პრობლემატური საკითხები, მათ შორის: ვადიანი შრომითი ხელშეკრულების დადების საფუძვლების შეზღუდვა; სტაჟირების დაქვემდებარება შრომის კოდექსით განსაზღვრული სტანდარტებისადმი;...

მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით

მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
access_time2019-11-12 17:00:50
თბილისის სატრანსპორტო სისტემის მოსაწყობად დედაქალაქის მთავრობა მასშტაბური ღონისძიებების განხორციელებას ტრანსპორტის გენერალური გეგმის მიხედვით გაზაფხულიდან დაიწყებს. მერიას გენერალური გეგმისთვის კვლევა უკვე დაკვეთილი...

მაია ბითაძე - ხმამაღლა ვაცხადებთ, რომ საზოგადოებრივი ტრანსპორტით მგზავრობის საფასურის გაზრდა არ იგეგმება

მაია ბითაძე - ხმამაღლა ვაცხადებთ, რომ საზოგადოებრივი ტრანსპორტით მგზავრობის საფასურის გაზრდა არ იგეგმება
access_time2019-11-12 13:00:35
თბილისის მერის მოადგილის, მაია ბითაძის განცხადებით, საზოგადოებრივი ტრანსპორტის სრულად ჩანაცვლების შემდეგ მგზავრობის საფასური არ შეიცვლება.როგორც მაია ბითაძემ „ინტერპრესნიუსთან“ ინტერვიუში განაცხადა, მერია საზოგადოებრივ ტრანსპორტში სოციალური პროექტების სუბსიდირებას მომავალშიც გააგრძელებს. “ჩვენ ხმამაღლა ვაცხადებთ, რომ არ იგეგმება საზოგადოებრივი ტრანსპორტის ფასის მატება. სახელმწიფო კვლავ გააგრძელებს სუბსიდირებას საზოგადოებრივ ტრანსპორტში, მიუხედავად იმისა, რომ...


მსგავსი სიახლეები

up