ვლადიმერ კონსტანტინიდი - აფხაზეთში ჩატარებული ეთნიკური წმენდის შედეგად, ასობით ათასი ადამიანია გამოდევნილი, ე.წ. არჩევნებს ვერანაირი ლეგიტიმაცია ვერ ექნება

ვლადიმერ კონსტანტინიდი - აფხაზეთში ჩატარებული ეთნიკური წმენდის შედეგად, ასობით ათასი ადამიანია გამოდევნილი, ე.წ. არჩევნებს ვერანაირი ლეგიტიმაცია ვერ ექნება

access_time2019-08-25 19:00:31

იმ ფონზე, როდესაც ასობით ათასი ადამიანია გამოდევნილი აფხაზეთში ჩატარებული ეთნიკური წმენდის შედეგად, ე.წ. საპრეზიდენტო არჩევნებს ვერანაირი ლეგიტიმაცია ვერ ექნება, - ამის შესახებ საგარეო საქმეთა სამინისტროს წარმომადგენლმა ვლადიმერ კონსტანტინიდმა რუსეთის დუმის დსთ-ს საკითხთა კომიტეტის თავმჯდომარე კონსტანტინ ზატულინის განცხადების შეფასებისას აღნიშნა.


როგორც კონსტანტინიდმა მედიასთან საუბრისას განაცხადა, საოკუპაციო ძალის უკანონობის ფონზე ვერც ე.წ. არჩევნების სამართლებრივ შედეგებზეც ისაუბრებს.


„იმ ფონზე, როდესაც ასობით ათასი ადამიანია გამოდევნილი აფხაზეთში ჩატარებული ეთნიკური წმენდის შედეგად და ისინი იძულებით გადაადგილებულ პირებად იქცნენ, ბუნებრივია, ამ „არჩევნებს“ ვერანაირი ლეგიტიმაცია ვერ ექნება და სამართლებრივ შედეგებზეც ვერ ვისაუბრებთ. მითუმეტეს მაშინ, როდესაც საოკუპაციო ძალა ადგილზე ახორციელებს კონტროლს და ფაქტიურად შეუზღუდავი ძალაუფლება აქვს. ამ უკანონობის ფონზე, ამ არჩევნებს ვერანაირი შედეგი ვერ ექნება, მიუხედავად ზატულინის განცხადებისა“, - განაცხადა ვლადიმერ კონსტანტინიდმა.


მისივე განცხადებით, საქართველოს საგარეო საქმეთა სამინისტროს მოლოდინი აქვს, საერთაშორისო თანამეგობრობა ამ ე.წ. არჩევნებსაც დაგმობს.


„საგარეო უწყებას არაერთხელ დაუყენებია ეს საკითხები და პრევენციულ რეჟიმშიც სვამს საერთაშორისო თანამეგობრობასთან, რაზეც გვაქვს მოლოდინი, რომ სერიოზული განცხადებები გაკეთდება. იცით, საერთაშორისო მიდგომა იქ მიმდინარე უკანონობაზე, მათ შორის საერთაშორისო თანამეგობრობის პასუხი ივლისში ჩატარებულ ე.წ. საპარლამენტო არჩევნებზე ცხინვალის რეგიონში, რაც თანამეგობრობამ ერთხმად დაგმო და არალეგიტიმურად ცნო ეს ე.წ. არჩევნები“, - განაცხადა კონსტანტინიდმა.


ცნობისთვის, რუსეთის დუმის დსთ-ს საკითხთა კომიტეტის თავმჯდომარე კონსტანტინ ზატულინმა, რომელიც ოკუპირებულ აფხაზეთში ე.წ. საპრეზიდენტო არჩევნებზე დამკვირვებლის სტატუსით იმყოფება, განაცხადა, რომ არჩევნები აფხაზი ხალხის საშინაო საქმეა და მოსკოვი მის ნებისმიერ არჩევანს პატივს სცემს. დუმის დეპუტატმა პოლიტიკურ ძალებს სიმშვიდისკენ მოუწოდა. მისი თქმით, აფხაზეთში მიმდინარე არჩევნები დესტაბილიზაციის საბაბად არ უნდა იქცეს.

მანვე აღნიშნა, რომ არჩევნების განმავლობაში დამკვირვებლებს სერიოზული დარღვევა არ დაუფიქსირებიათ. ზატულინმა გამოთქვა მოსაზრება, რომ დიდი ალბათობით, ე.წ. საპრეზიდენტო არჩევნების მეორე ტური გაიმართება.


შეგახსენებთ, რომ ოკუპირებულ აფხაზეთში ე.წ. საპრეზიდენტო არჩევნები მიმდინარეობს,






კორონავირუსით დაავადებულებისთვის ჩინეთში სპეციალურ ჰოსპიტალს 6 დღეში ააშენებენ

კორონავირუსით დაავადებულებისთვის ჩინეთში სპეციალურ ჰოსპიტალს 6 დღეში ააშენებენ
access_time2020-01-25 10:00:11
ჩინეთის ქალაქ უხანში ახალი კორონავირუსით დაავადებულებისთვის დროებითი საავადმყოფოს მშენებლობა დაიწყო. ამის შესახებ რუსული „კომერსანტი“ წერს და ვიდეოს...

სოსო გალუმაშვილი - სახელმწიფო მზად არ არის მწარმოებლის გაფართოებული ვალდებულებების დანერგვისთვის

სოსო გალუმაშვილი - სახელმწიფო მზად არ არის მწარმოებლის გაფართოებული ვალდებულებების დანერგვისთვის
access_time2020-01-25 11:00:19
სახელმწიფო მზად არ არის მწარმოებლის გაფართოებული ვალდებულებების დანერგვისთვის, რაც კომპანიების მიერ წარმოების შედეგად წარმოქმნილი ნარჩენების გადამუშავებას გულისხმობს, – ამის შესახებ საქართველოს პირველი არხის გადაცემა „ბიზნესპარტნიორის“ თანაწამყვანმა და კომპანია „ჯეპრას“ დამფუძნებელმა, სოსო გალუმაშვილმა გადაცემაში დღეს განაცხადა.   გადაცემაში ნარჩენების გადამუშავების მნიშვნელობა და მასთან დაკავშირებული გამოწვევები განიხილეს. დისკუსიის დროს აღინიშნა, რომ ნარჩენების...

პროკრედიტ ბანკს საქართველოში მოქმედი ბიზნეს ასოციაციების წარმომადგენლები სტუმრობდნენ

პროკრედიტ ბანკს საქართველოში მოქმედი ბიზნეს ასოციაციების წარმომადგენლები სტუმრობდნენ
access_time2020-01-24 17:00:32
დღეს, პროკრედიტ ბანკს საქართველოში მოქმედი ბიზნეს ასოციაციების წარმომადგენლები სტუმრობდნენ.ბანკის მენეჯმენტთან შეხვედრის ფარგლებში, მოეწყო დისკუსია თემაზე „ინოფინის საგარანტიო პროგრამა და მისი მნიშვნელობა მცირე და საშუალო ბიზნესის განვითარებისთვის“. მონაწილეებმა ამომწურავი ინფორმაცია მიიღეს პროგრამის ფარგლებში არსებული დაფინანსების შესაძლებლობების შესახებ. ღონისძიების ძირითადი მიზანი გახლდათ,...

„როგორ უნდა ვისაუბროთ ლარის კურსის სტაბილურობაზე, როცა 100 მილიონი ყალბი ფული არსებობს“

„როგორ უნდა ვისაუბროთ ლარის კურსის სტაბილურობაზე, როცა 100 მილიონი ყალბი ფული არსებობს“
access_time2020-01-24 18:30:53
„როგორ უნდა ვისაუბროთ ლარის კურსის სტაბილურობაზე, როცა 100 მილიონი ყალბი ფული არსებობს“- პარლამენტის წევრი, ლევან კობერიძე ტვ პირველის გადაცემაში „რეაქცია“ პოლიტიკურ და ელიტურ კორუფციაზე საუბრობს. ის აღნიშნავს,რომ არსებობენ „მსხვილი ჯგუფები“, რომლებიც ქვეყანაში არსებულ პროცესებს მართავენ. „ეს ის ჯგუფებია,რომლებმაც თავის დროზე არაერთი ფინანსთა მინისტრი და პრემიერ მინისტრიც კი...

„კომერსანტის“ 24 იანვრის TOP 10 თემა

„კომერსანტის“ 24 იანვრის TOP 10 თემა
access_time2020-01-24 21:30:35
„კომერსანტის“ 24 იანვრის TOP 10 თემა 1.მმართველი გუნდის წევრები კორუფციის აღქმის ინდექსის შედეგებს არ იცნობენ 2.„ეს არის იმ დიდი კამპანიის ნაწილი, რაც სებ-ის უფლებების განუსაზღვრელად ზრდას და ფინანსური ინსტიტუტების მკაცრად...


მსგავსი სიახლეები

up