„შეზღუდული მანდატის მიუხედავად, ლექვინაძე  მხარეებისთვის სათქმელის სწორად მიწოდებას ახერხებდა“- ბიზნესის შეფასება

„შეზღუდული მანდატის მიუხედავად, ლექვინაძე მხარეებისთვის სათქმელის სწორად მიწოდებას ახერხებდა“- ბიზნესის შეფასება

access_time2019-11-11 18:30:31

„ბატონ ირაკლი ლექვინაძესთან ყველა საკითხი, რომელიც ჩვენ გვინდოდა მიგვეტანა მივიტანეთ და მან კარგი კომუნიკატორისა და შუამავლის როლი შეასრულა.“ - ასე აფასებს კომპანია „ნატახტარის“კორპორაციულ საქმეთა დირექტორი ნიკიოლოზ ხუნძაკიშვილი ბიზნესობუდსმენის ირაკლი ლექვინაძის განვლილ საქმიანობას ბიზნესომბუდსმენის პოსტზე.


როგორც ცნობილია, ირაკლი ლექვინაძემ და მისმა მოადგილემ ლევან კალანდაძემ ბიზნესომბუდსმენის აპარატის დატოვების შესახებ ინფორმაცია დღეს გააჟღერეს.  ლექვინაძის მიერ სოციალურ ქსელში გავრცელებულ განცხადებაში არაფერია ნათქვამი გადაწყვეტილების წინმსწრებ მიზეზებზე, თუმცა იგი აღნიშნავს, რომ უახლოეს მომავალში ალტერნატიული გეგმის განხორციელებას აპირებს, რის შესახებაც საზოგადოება მალე შეიტყობს.


ირაკლი ლექვინაძის 22 თვიანი მოღვაწეობა „ბიზნესომბუდსმენის“ აპარატში 565 განხილულ საქმესა და 68 % ით დაკმაყოფილებულ ბიზნესის მოთხოვნებს მოიცავს, ამის შესახებ თავად ლექვინაძემ აღნიშნა. „კომერსანტი“ დაუკავშირდა ბიზნესის წარმომადგენლებს, რომლებიც სახელმწიფოსა და ბიზნეს სექტორს შორის შუამავლის თანამდებობიდან წასვლას საწყენად მიიჩნევენ, ხოლო მის აქტიურობასა და საქმიანობას მთლიანობაში დადებითად აფასებენ.


 „მიუხედავდ იმისა, რომ ყოფილი ჩინოვნიკი იყო, ბატონ ირაკლი ლექვინაძესთან ჩვენი თანამშრომლობა ნაყოფიერი იყო და  საკითხი ძალიან კარგად ესმოდა.  ბიზნესასოციაციას  არაერთხელ ჰქონდა კომუნიკაცია მის აპარატთან და აქტიური იყო ეს თანამშრომლობა.  მთლიანობაში მისი  განვლილი პერიოდი დადებითად შემიძლია შევაფასო.“ - ამბობს „რედიქს ჯგუფის“ გენერალრი დირექტორი ლაშა პაპაშვილი.


კომპანია „ნატახტარის“ კორპორაციულ საქმეთა დირექტორი ნიკოლოზ ხუნძაკიშვილი აღნიშნავს, რომ შეზღუდული მანდატის მიუხედავად, ირაკლი ლექვინაძე ახერხებდა მხარეებისთვის სათქმელის სწორად მიწოდებას და გარკვეული ზომების მიღებას, პრობლემის შემთხვევაში ბიზნესის სასარგებლოდ.


 „ზოგადად, ბიზნესომბუდსმენის ინსტიტუტი ძალიან საჭიროა ქვეყნისათვის. მას  კერძო სექტორი განვიხილავთ, როგორც მთავრობის წარმომადგენელს ბიზნესში. შესაბამისად,  ჩვენ ინსტიტუციონალურად ვუდგებოდით ყოველთვის ყველა საკითხს და ნებისმიერი პრობლემა,  რომლის გადაწყვეტაც საჭრო იყო, ბიზნესომბუდსმენის მეშვეობით წყდებოდა.  ის არის მოკლე გზა ხელისუფლებასთან ურთიერთობისთვის. მას უფრო მეტი არ უნდა მოვთხოვოთ, ვიდრე განსაზღვრულია, თუმცამ ამ პერიოდის განმავლობაში დადებითად ვაფასებ როგორც  ბატონი ირაკლის, ასევე ბატონ ლევან კალანდაძის საქმიანობასაც,  მისი კარი ნებისმიერი საკითხის მოსასმენად ღია იყო.“ - ამბობს ნიკოლოზ ხუნძაკიშვილი.


ივა ჭყონია იმედოვნებს, რომ შემდეგი ბიზნესომბუდსმენი მისი წინამორბედის გზას გააგრძელებს და ბიზნესთან უშუალო დამოკიდებულებით დღეს არსებული უამრავი პრობლემის გადასაჭრელად იზრუნებს.



 „ირაკლი იყო საკმაოდ წარმატებული თავის თანამდებობაზე, ავლენდა ერთ-ერთ ყველაზე მეგობრულ დამოკიდებულებას ბიზნესის მიმართ. საკმაოდ ოპერატიულად იყო იმ პროცესებში ჩართული, რომელიც ბიზნესს სტკიოდა.  მე არა მხოლოდ ჩემი გადმოსახედიდან, არამედ ასოციაციების სახელითაც შემიძლია ანალოგიური ვთქვა. არაერთი პრობლემა ერთობლივად გადაგვიწყვეტია ბატონ ირაკლისთან, რომელიც საკმაოდ აქტიურად იყო  ჩართული ყველა საკითხში. საუბარია მთლიანად მის აპარატზე, საკმაოდ გასაკვირია ჩემთვის ბატონი ლევანის წასვლის გადაწყვეტილებაც. ვისურვებ, რომ ახალ ბიზნესომბუდსმენს ის ხაზი გაეგრძელებინოს, რომელიც ირაკლის ჰქონდა დაწყებული. ამ საქმეში დიდი მნიშვნელობა აქვს ვინ იქნება შემდეგი ბიზნესომბუდსმენი და როგორ დაუდგება ბიზნესს გვერდით.“ - აღნიშნავს დისტრიბუტორთა ბიზნესასოციაციის ხელმძღვანელი ივა ჭყონია „კომერსანტთან“ საუბარში.


„კომერსანტი“ უცვლელად გთავაზობთ ირაკლი ლექვინაძის მიერ Facebook გვერდზე გავრცელებულ პოსტს თანამდებობიდან წასვლის შესახებ:


 მეგობრებო,მინდა გაცნობოთ რომ დასრულდა ჩემი 22 თვიანი მოღვაწეობა საქართველოს ბიზნესომბუდსმენის პოზიციაზე.


მინდა მადლობა გადავუხადო ბიზნეს კომპანიებს და ბიზნეს ასოციაციებს ნდობისთვის, აქტიური თანამშრომლბისთვის და მხარდაჭერისთვის;


მადლობა მინდა გადავუხადო სახელმწიფო უწყებებს, საქართველოს პარლამენტს საინტერესო თანამშომლობისთვის, დისკუსიებისთვის, ოპონირებისთვის და ბიზნესისთვის რიგი სასარგებლო გადაწყვეტილებებისთვის


მადლობა მინდა გადავუხადო დონორ და პროფესიულ ორგანიზაციებს, მათთან ერთად ბევრი საინტერესო პროექტი განვახორციელეთ ინსტიტუტის გაძლიერებისთვის და საერთაშორისო პლატფორმებზე წარმოჩენისთვის.


მადლობა მედიას მხარდაჭერისთვის და გვერდში დგომისთვის


მადლობა ბიზნესომბუდსმენის აპარატის ყველა თანამშრომელს თავდადებული შრომისთვის ბიზნესის მხარდასაჭერად!


 .. აქვე გეტყვით რომ 22 თვიანი მუშაობის პერიოდში ჩვენმა აპარატმა 565 საქმე განიხილა, რომელთაგანაც 300 ზე მოვახდინეთ შესაბამისი რეაგირება და 68% ში ბიზნესის მოთხოვნები სრულად ან ნაწილობრივ იქნა დაკმაყოფილებული.


.. მინდა აქვე განვაცხადო რომ ჩემი პოზიციდან წასვლა უკავშირდება შეთანხმებულ ალტერნატიულ გეგმებს, რომლის შესახებაც უახლოეს მომავალში ვისაუბრებ და ეს არ არის სპონტანურად მიღებული გადაწყვეტილება !:)„“-წერს ლექვინაძე.

 

 მარიამ მორგოშია






„კომერსანტის“ 20 იანვრის TOP 10 თემა

„კომერსანტის“ 20 იანვრის TOP 10 თემა
access_time2020-01-20 21:30:20
„კომერსანტის“ 20 იანვრის TOP 10 თემა 1.„საყოველთაო ჯანდაცვის პროგრამა სრულყოფას მოითხოვს, ახლა სწორედ ეს პროცესი მიმდინარეობს“ — https://commersant.ge/ge/post/sayoveltao-djandacvis-programa-srulyofas-moitxovs-da-axla-swored-es-procesi-mimdinareobs 2.კაზინოების ინკოგნიტო ბარათები ფულის უკონტროლო...

საქართველომ იაფი ინტერნეტის მქონე ქვეყნებს შორის მე-19 ადგილი დაიკავა, ყველაზე იაფად ინტერნეტს სირიაში მოიხმარენ

საქართველომ იაფი ინტერნეტის მქონე ქვეყნებს შორის მე-19 ადგილი დაიკავა, ყველაზე იაფად ინტერნეტს სირიაში მოიხმარენ
access_time2020-01-20 18:00:21
ბრიტანულმა კომპანია BDRC Continental-მა და პროვაიდერმა Cable.co.uk-მ ჩაატარა კვლევა, რომლის მიხედვითაც სირიამ ყველაზე იაფი ინტერნეტის მქონე ქვეყნებს შორის პირველი ადგილი დაიკავა. ამავე კვლევის მიხედვით, გასულ წელს რეიტინგის სათავეში უკრაინა იყო, თუმცა, წელს მეორე ადგილზე აღმოჩნდა.   ყველაზე იაფი ინტერნეტის ქვეყნებში საქართველო 19-ე ადგილს იკავებს, ხოლო ინტერნეტის ღირებულება საშუალოდ თვეში 13,86...

Forbes: როგორ გახდა ბერნარ არნო მსოფლიოში უმდიდრესი ადამიანი

Forbes: როგორ გახდა ბერნარ არნო მსოფლიოში უმდიდრესი ადამიანი
access_time2020-01-20 20:05:45
Amazon-ის დამაარსებელი მსოფლიოში ყველაზე მდიდარი ადამიანი აღარ არის. მან პირველობა Louis Vuitton-ის და Dior-ის მფლობელს ბერნარ არნოს დაუთმო.ამის მიზეზი გახდა ონლაინ-რითეილერის მფლობელის ქონების შემცირება 760 მლნ. დოლარით - 115,6 მლრდ-მდე, იმის შემდეგ, რაც კომპანიის აქციები 0,7%-ით გაიაფდა. ბეზოსისთვის -760 მლნ-ი ხურდა ფულია, თუმცა, ეს საკმარისი აღმოჩნდა მის მიერ ლიდერობის...

“სამუშაო ძალის ახალი მეთოდოლოგიით გამოკვლევის შემდეგ, უმუშევრობის მაჩვენებელი გაიზრდება”

“სამუშაო ძალის ახალი მეთოდოლოგიით გამოკვლევის შემდეგ, უმუშევრობის მაჩვენებელი გაიზრდება”
access_time2020-01-20 15:45:22
2020 წლის მესამე კვარტლიდან სტატისტიკის ეროვნული სამსახური დასაქმებისა და უმუშევრობის შესახებ მონაცემებს ახალი მეთოდოლოგიით შეაგროვებს. საქსტატის აღმასრულებელი დირექტორის, გოგიტა თოდრაძის ინფორმაციით, ახალი მეთოდოლოგიით, დასაქმებულად ჩაითვლება მხოლოდ ის ადამიანი, რომელიც საკუთარ სერვისს ან პროდუქტს ბაზარს სთავაზობს, ანუ საკუთარ შრომას ყიდის. ხოლო ადამიანი, რომელიც საკუთარ ნაკვეთზე სასოფლო-სამეურნეო საქმიანობით არის დაკავებული და მიღებულ მოსავალს მხოლოდ თავად მოიხმარს და არა კომერციული...

“საერთაშორისო ბაზრებზე არსებული დღევანდელი სიტუაციის გათვალისწინებით, ფქვილის ფასი შეიძლება 1-2 ლარით გაძვირდეს”

“საერთაშორისო ბაზრებზე არსებული დღევანდელი სიტუაციის გათვალისწინებით, ფქვილის ფასი შეიძლება 1-2 ლარით გაძვირდეს”
access_time2020-01-20 13:37:42
„პირველ ეტაპზე, ფქვილის ფასზე სერიოზულად არ აისახება რუსულ ხორბალზე კვოტირების დაწესების ფაქტორი“ ბოლო წლების განმავლობაში რუსეთში ხორბლის რეკორდული მოსავალი მოდის. 2019 წელს ქვეყანაში 120,7 მლნ ტონა ხორბალი აიღეს, რაც ერთ-ერთი ყველაზე მაღალი მაჩვენებელია ისტორიაში. შედეგად, 2018-2019 წლების სეზონზე რუსეთიდან 35,8 მლნ ტონა ხორბლის ექსპორტი განხორციელდა საქართველოში. აღსანიშნავია, რომ რეკორდული მოსავლების პარალელურად, მზარდია რუსული...


მსგავსი სიახლეები

up