ქართულ კლინიკებში ფატალური შემთხვევები სულ უფრო რეზონანსული ხდება

ქართულ კლინიკებში ფატალური შემთხვევები სულ უფრო რეზონანსული ხდება

access_time2018-05-15 14:30:34


 

სოციალურ ქსელში ბათუმში მცხოვრები ნათია ჩაგანავას ფოტოები გავრცელდა. 26 წლის  გოგო დაახლოებით ერთი თვეა კომაშია. ოჯახის ინფორმაციით, ნათია 11 აპრილს, საკეისრო კვეთის შემდეგ კომაში ჩავარდა და დღემდე მისი მდგომარეობა კრიტიკულია. მედიაში გავრცელდა ოჯახის ახლობლის კომენტარი.

 

„სპინალური გაუტკივარება გაუკეთეს, ვერ მოხვდნენ ხერხემალში, შემდეგ კიდევ ნარკოზი გაუკეთეს... ამ ყველაფერს ძალიან დიდი გამოცდილება სჭირდება და დღეს შეცდომას თავის თავზე არავინ იღებს... ნათია ერთი დღე კარგად იყო, შემდეგ დაეწყო ჩივილები - ხელები მიბუჟდება, ფეხები მიერთმევაო. შემდეგ  კომატოზურ მდგომარეობაში ჩავარდა“

 

გამომდინარე იქიდან, რომ ნათია ჩაგანავას გადარჩენის შანსს ქართველი ექიმები ოჯახს ვერ აძლევდნენ,  პაციენტი 11 მაისს სამკურნალოდ თურქეთის კლინიკაში გადაიყვანეს. თურქეთში მკურნალობა 54 200 აშშ დოლარი ღირს. გავრცელებული ინფორმაციით,  ბათუმის ჯანდაცვის სამინისტრომ ოჯახს მხოლოდ 15 000 ლარი ჩაურიცხა. ამიტომ ოჯახი იძულებული გახდა სოლიდური თანხა საზოგადების დახმარებით შეეგროვებია.

 

მომხდარის შესახებ  ჩაგანავას ოჯახს ჯანდაცვის სამინისტროს სამედიცინო საქმიანობის სახელმწიფო რეგულირების სააგენტოში საჩივარი არ შეუტანია. შესაბამისაც სააგენტო ამ საკითხის შესწავლით არც დაინტერესებულა.  არადა, სწორედ ეს უწყება სწავლობს სამედიცინო გადაცდომის საკითხებს.

ჯანდაცვის სამინისტროს კონტროლის დეპარტამენტის უფროსი ნინო ხუციშვილი ამბობს, რომ პროცესი სამი ძირითადი კანონით რეგულირდება, დარღვევის აღმოჩენის შემთხვევაში კი ექიმების პროფესიული პასუხისმგებლობის საკითხი დგება.

 


„მომართვის შემთხევაში სასამართლო გვაძლევს ნებართვას, შევდივართ დაწესებულებაში და ვსწავლობთ სამედიცინო დოკუმენტაციას კანონმდებლობასთან შესაბამისობაში. კლინიკური შეფასებისთვის უკვე ვრთავთ ექსპერტებს. საბოლოოდ შეჯამებული ანალიზი კეთდება, თუ გამოიკვეთება დარღვევები ექიმების მხარიდან ისმება პროფესიული განვითარების საბჭოს წინაშე ექიმის პასუხისმგებლობის საკითხი.სამი ძირითად კანონი არეგულირებს ჯანდაცვის სფეროს ეს არის: საექიმო საქმიანობის შესახებ კანონი, ჯანდაცვის შესახებ კანონი და პაციენტის უფლებების შესახებ კანონი,“ - განაცხადა „კომერსანტთან“ საუბარში ნინო ხუციშვილმა.

 

ის, რომ საქართველოში დაშვებული სამედიცინო შეცდომის გამო სახელმწიფო სათანადო მორალურ და ფინანსურ პასუხისმგებლობას არ იღებს, კავკასიის უნივერსიტეტის ეკონომიკისა და ჯანდაცვის სკოლის დეკანი ვატო სურგულაძე საკანონმდებლო ხარვეზებით ხსნის.

 

როგორც ვატო სურგულაძე ამბობს, სამედიცინო გადაცდომის შემთვევაში ჯანდაცვის სამინსიტროს მაქსიმუმი ქმედითი ნაბიჯი ექიმის ლიცენზიის შეწყვეტაა.

 

სურგულაძის განმარტებით, პაციენტისთვის თანხის გამოყოფა იმის შემდეგ ხდება რაც სამედიცინო საქმიანობის სახელმწიფო რეგულირების სააგენტო მომხდარ ფაქტს შეისწავლის. თანხის გამოყოფა კი საქმის სირთულის მიხედვით ხდება, თუმცა ხშირ შემთხვევაში ჯანდაცვის სამინისტრო დიდი თანხას არ აფინანსებს. კავკასიის უნივერსიტეტის ეკონომიკისა და ჯანდაცვის სკოლის დეკანი გამოსავალს პროფესიონალურ დაზღვევაში ხედავს.

 

„როდესაც სამედიცინო გადაცდომას აქვს ადგილი სახელმწიფო როგორც წესი ცდილობს, რომ დააფინანსოს პაციენტი. დაფინანსება დამოკიდებულია თანხებზე, შეიძლება იყოს 100%-იანი, 90%-იანი ან 50 %-იანი დაფინანსება. ხშირ შემთხვევაში თუ თანხა აღემატება 30 000-ს ლარს ჯანდაცვის სამინისტრო სრულად ვერ აფინანსებს  მკურნალობას. არსებობს ცნება პროფესიონალური დაზღვევა, რომელიც გულისხმობს დაზღვევას პროფესიონალური შეცდომის შემთხვევაში. ეს დაზღვევა პრაქტიკულად სრულად აფინანსებს საექიმო შეცდომას. ხდება ხოლმე პროფესიონალური შეცდომა. ჩემი აზრით, საჭიროა შემოვიღოთ  სავალდებულო პროფესიონალური დაზღვევა“,- განაცხადა ვატო სურგულაძემ.

 

ბაჩო ადამია

 

 

 

 





"ყაზტრანსგაზი" და კალაძის ინტერესები - კომპანიის წამყვან თანამდებობებს თბილისის მერის პროტეჟეები იკავებენ

access_time2019-01-20 21:29:31
დიდ დიღომში დატრიალებული ტრაგედიის შემდეგ სულ უფრო აქტუალური ხდება კითხვა - ვინ არის მომხდარზე პასუხისმგებელი? დედაქალაქის მერია პასუხისმგებლობას იხსნის და ხელს კანონში არსებული რეგულაციებისკენ იშვერს, რომლის მიხედვითაც, ექსპლუატაციაში მიღებამდე კორპუსში ადამიანების ცხოვრება დაშვებულია. დიდი დიღომში მომხდარი უბედური შემთხვევისგან ქალაქის მერის მიერ პასუხისმგებლობის თავიდან არიდების მცდელობას პოლიტიკური ოპონენტები უზნეობად აფასებენ. კახა კალაძე...

როგორ გამოიყურებიან ცნობილი ბრენდების ნაკლებად ცნობილი შემქნელები

როგორ გამოიყურებიან ცნობილი ბრენდების ნაკლებად ცნობილი შემქნელები
access_time2019-01-20 20:00:48
მსოფლიო ბრენდების მფლობელების და დამაარსებლების...

ფარული ჩანაწერი, რომელმაც კვირიკაშვილი გადაიყოლა და საბედისწერო სიტყვა „ოლიგარქი“

ფარული ჩანაწერი, რომელმაც კვირიკაშვილი გადაიყოლა და საბედისწერო სიტყვა „ოლიგარქი“
access_time2019-01-19 21:30:38
ფარული ჩანაწერები, რომელმაც პრემიერი გიორგი კვირიკაშვილის პოსტი შეიწირა - ამბავი, რომლის გამოც ბიძინა ივანიშვილი ქვეყნის მთავარ ბანკირს - მამუკა ხაზარაძეს, დაუპირისპირა და გიორგი კვირიკაშვილს გადადგომა აიძულა, ფარულ ჩანაწერს უკავშირდება. წყარო კურიერს უყვება, რომ...

10 წლის ჩელენჯი - 10 ფაქტი საქართველოს ეკონომიკის შესახებ

10 წლის ჩელენჯი - 10 ფაქტი საქართველოს ეკონომიკის შესახებ
access_time2019-01-20 12:00:01
გასული 10 წლის განმავლობაში საქართველოს ეკონომიკამ მნიშვნელოვანი გარდაქმნები გაიარა, ამიტომ გადავწყვიტეთ წარმოგვედგინა რამდენიმე ფაქტი საქართველოს ეკონომიკის შესახებ 2008 წლისა და 2018 წლის...

ზურაბ გურული - „ ისტერიკა იმაზე, რომ დიღომში მომხდარ ტრაგედიას კავშირი არა აქვს პოლიტიკასთან, არის უშედეგო ფარსი“

ზურაბ გურული - „ ისტერიკა იმაზე, რომ დიღომში მომხდარ ტრაგედიას კავშირი არა აქვს პოლიტიკასთან, არის უშედეგო ფარსი“
access_time2019-01-19 20:00:36
ზურაბ გურული — აშშ-ის მონტგომერის სახელობის ფედერალური კლინიკის ანესთეზიისა და ქირურგიის დეპარტამენტების დირექტორი, ასევე მისისიპის უნივერსიტეტის კლინიკური ანესთეზიოლოგიის პროფესორი — დიდ დიღომში მომხდარ ტრაგედიას და ბოლო პერიოდში განვითარებულ მოვლენებს სოციალურ ქსელში გამოეხმაურა, რომელსაც „კომერსანტი“ უცვლელად...


მსგავსი სიახლეები

up