ვირის რძით საპნების მწარმოებელმა ქართულმა კომპანიამ ახალი პროდუქცია გამოუშვა - „მალე საწარმოსაც გავაფართოვებთ“

ვირის რძით საპნების მწარმოებელმა ქართულმა კომპანიამ ახალი პროდუქცია გამოუშვა - „მალე საწარმოსაც გავაფართოვებთ“

access_time2019-09-19 21:00:02

ვირის რძით საპნების მწარმოებელმა ქართულმა კომპანიამ „დემა“ კიდევ ორი სახეობის პროდუქცია გამოუშვა. როგორც კომპანიის დამფუძნებელი მაია დევნოზაშვილი „ბიზნესპრესნიუსთან“ საუბრისას აცხადებს, საპნებზე მოთხოვნა იმდენად მზარდია, რომ პატარა საწარმო შეკვეთებს ვეღარ ასწრებს, შესაბამისად, დღის წესრიგში მისი გაფართოვების საკითხი დადგა.მისივე თქმით, „დემას“ პროდუქცია სულ მალე კიდევ ერთი ახალი პლატფორმის, ონლაინ მაღაზიის საშუალებითაც გაიყიდება.


საპნების მწარმოებელმა ქართულმა კომპანიამ „დემა“ ვირის რძით დამზადებული საპნები დაახლოებით, ერთი წლის წინ გამოუშვა. როგორც მაია დევნოზაშვილი აცხადებს, პროდუქცია ბებიის რეცეპტით მზადდება, რომელსაც სხვადასხვა სახის მცენარეებზე დამზადებული სამკურნალო მალამო ემატება.საოჯახო ტიპის საწარმო ბოლნისის რაიონის სოფელ ბალიჭში მდებარეობს და გარდა საპნებისა, სარეცხ საშუალებასაც უშვებს, რომელიც ანტიალერგიულია.


მაია დევნოზაშვილის თქმით, თავდაპირველად პროდუქცია მხოლოდ ოჯახისთვის, სახლის პირობებში მზადდებოდა, თუმცა 2016 წლიდან უკვე მცირე ბიზნესად იქცა.ამ ეტაპზე კომპანია 32-მდე სახეობის პროდუქტს უშვებს, რომელიც ძირითადად, ადგილობრივ ნედლეულზე (გვირილა, კურკუმა, თავშავა, პიტნა, ცაცხვზე, ჭინჭარი და სხვა. სამკურნალო მცენარეები) მზადდება.როგორც მაია დევნოზაშვილი აცხადებს, მცენარეები, ასევე, ვირის რძე ადგილობრივია, მხოლოდ ზეითუნის ზეთია ესპანეთიდან იმპორტირებული.


მისივე ინფორმაციით, პროდუქცია ამჟამად ერთ-ერთ სააფთიაქო ქსელში, ასევე „ევროლაინსა“ და თბილისის ტურისტულ უბნებში მდებარე სხვადასხვა მაღაზიაში იყიდება, მისი ღირებულება კი 8-დან 12 ლარამდე მერყეობს.


„სულ ახლახანს დავამატეთ კიდევ 2 სახეობის პროდუქცია. ეს არის ევკალიპტის და ლავანდას საპონი. ასევე, სპეციალურად თმისთვის შევქმენი, ოროვანდის, აბუსალათინის ზეთის, ჭინჭრის, პიტნისა და ბირკალისგან დამზადებული საპონი. ის ხელს უწყობს ახალი თმის ამოსვლას და აჩერებს თმის ცვენას. რაც შეეხება ევკალიპტს და ლავანდას, კანისთვის არის განკუთვნილი, ანთებითი პროცესების საწინააღმდეგოა, თან დამამშვიდებელი ეფექტი აქვს“,- ამბობს მაია დევნოზაშვილი.


ახალი პროდუქციის საბითუმო ფასი 6-დან 7 ლარამდეა. მისი შეძენა კი სულ მალე ახალი პლატფორმის საშუალებითაც იქნება შესაძლებელი.

„სულ მალე კიდევ ერთი გაყიდვის წერილი დაგვემატება. კერძოდ, „თბს ბანკმა“ გააკეთა ონლაინ მაღაზია, სადაც ჩვენ პროდუქციაც გაიყიდება.ასევე მოლაპარკებას ვგეგმავთ ერთ-ერთ აფთიაქთან, უბრალოდ, რატომღაც ერთდროულად ვერცერთმა მხარემ ვერ მოვიცალეთ და ჯერ-ჯერობით მათ ქსელში არ შევსულვართ“,- აცხადებს მაია დევნოზაშვილი.


როგორც „დემას“ დამფუძნებელი აღნიშნავს, პროდუქციაზე, განსაკუთრებით კი ვირის რძის საპონზე მოთხოვნა საკმაოდ მაღალია, რის გამოც არსებული საწარმოს გაფართოვება გახდა საჭირო.


„საწარმოს გაფართოვებას ვგეგმავთ, რადგან არსებული ფართი პატარაა, შეკვეთები კი გაცილებით მეტია. იმავე ტერიტორიაზე გვინდა შედარებით დიდი ფართობის ათვისება. ჯერჯერობით ვადებს ვერ გიკოკრეტებთ, მაგრამ რაც შეიძლება ახლო მომავალში ვაპირებთ. იმიტომ, რომ ჩვენს საპნებზე მოთხოვნა საკმაოდ მზარდია. თავიდან უპირატესობას არომატებს ანიჭებდნენ, მაგრამ ვინც „დემას“ საპნები გამოიყენა, ჩვენი მომხმარებლი გახდა და მიხვდა, რომ სუნი არ არის მთავარი ფაქტორი, გაცილებით ეფექტიანია ის საპნები, რომელსაც არანირი არომატი არ აქვს. სხვათაშორის, გერმანიიდან გვყავდა სტუმრები და მათაც სულ უსუნო საპნები წაიღეს. ამასთან, დიდია მოთხოვნა


ქართველი ემიგრანტების მხრიდანაც, მაგრამ ჩვენ ჯერ ექსპორტს ვერ ვიწყებთ, რადგან ბიო სერთიფიკატია საჭირო. ჩვენს პროდუქციას შორის კი, ყველაზე პოპულარული ვირის რძის საპონია. ამის გამო, პროდუქტის წარმოება მნიშვნელოვნად გავზარდეთ“,- აცხადებს მაია დევნოზაშვილი.


BPN






იაპონია საქართველოს სამედიცინო დანადგარებით დაეხმარება

იაპონია საქართველოს სამედიცინო დანადგარებით დაეხმარება
access_time2020-06-06 17:31:53
დღეს იაპონიის მთავრობამ მიიღო გადაწყვეტილება საქართველოს აღმოუჩინოს მხარდაჭერა სამედიცინო დანადგარებით. დეტალები დაზუსტდება ორმხრივი შეთანხმების შედეგად. ამჟამად მიმდინარეობს სამუშაო პროცესი იაპონიისა და საქართველოს მთავრობებს შორის რათა დროულად მოეწეროს ხელი ორმხრივ შეთანხმებას. საქართველოს მოსახლეობა გაერთიანებულია ახალი კორონავირუსის საფრთხის წინაშე და შედეგიც შთამბეჭდავია. იაპონიის მთავრობამ გადაწყვიტა საქართველოს აღმოუჩინოს სამედიცინო მხარდაჭერა მსოფლიოში ახალი კორონა ვირუსის...

რატომაა წამლები იაფი თურქეთში, ვიდრე ჩვენთან?- ვთავაზობთ სამინისტროს, თურქეთი გავხსნათ

რატომაა წამლები იაფი თურქეთში, ვიდრე ჩვენთან?- ვთავაზობთ სამინისტროს, თურქეთი გავხსნათ
access_time2020-06-06 16:00:33
...

ლიბერთის მობაილ ბანკით სარგებლობა უკვე მობილური ინტერნეტის გარეშეც შესაძლებელია

ლიბერთის მობაილ ბანკით სარგებლობა უკვე მობილური ინტერნეტის გარეშეც შესაძლებელია
access_time2020-06-06 13:00:27
ლიბერთი აგრძელებს ზრუნვას სოციალური პასუხისმგებლობის...

Wizz Air-ი ქუთაისიდან ფრენის მიმართულებებს ამცირებს, ცვლილებებია ავიაკომპანიის ბაზირების სხვა აეროპორტებშიც

Wizz Air-ი ქუთაისიდან ფრენის მიმართულებებს ამცირებს, ცვლილებებია ავიაკომპანიის ბაზირების სხვა აეროპორტებშიც
access_time2020-06-06 13:38:15
დაბალბიუჯეტიანი ავიაკომპანია Wizz Air ქუთაისის აეროპორტიდან ფრენებს ამცირებს. საუბარია 19 მარშრუტზე, მათ შორის შარლერუას და ეინდჰოვენის მიმართულებაზე. დაბალბიუჯეტიანი გადამზიდველის ოპერირების გეგმები აღმოსავლეთ ევროპის სხვა ბაზირების აეროპორტებთან...

ექნება თუ არა ინფექციურ საავადმყოფოს დაპირებული ახალი შენობა

ექნება თუ არა ინფექციურ საავადმყოფოს დაპირებული ახალი შენობა
access_time2020-06-06 15:00:13
“ჩვენ ვცდილობთ არ შევაწუხოთ უმაღლესი თანამდებობის პირები და ვისთანაც გვაქვს კონტაქტი, გვეუბნებიან, რომ თქვენზე მუდმივად მიდის მუშაობა. იმასაც გვეუბნებიან, რომ ბოლო პერიოდში ეს მუშაობა დაჩქარდა და მალე ყველაფერი დამთავრდება. ეს ვიცით ჩვენ, მეტი არაფერი”,  - უთხრა რადიო თავისუფლებას 3 ივნისს თენგიზ ცერცვაძემ, ინფექციური პათოლოგიისა და შიდსის ცენტრის ხელმძღვანელმა, როცა ვკითხეთ, რა ბედი ეწია დაპირებას ინფექციური საავადმყოფოს ახალ ფართში გადაყვანის შესახებ. 25 მაისს...


მსგავსი სიახლეები

up