ვიოლა ფონ კრამონი - ჩვენ ძალიან დიდხანს შევინარჩუნეთ მოთმინება და ცოტა დავაგვიანეთ კიდეც

ვიოლა ფონ კრამონი - ჩვენ ძალიან დიდხანს შევინარჩუნეთ მოთმინება და ცოტა დავაგვიანეთ კიდეც

access_time2021-04-07 21:20:00

ჩვენ გადავხედავთ საქართველოს ფინანსური დახმარების საკითხს, განვიხილავთ, რა ნაბიჯები უნდა გადაიდგას და რა სახის პირობები დავაწესოთ, – ამის შესახებ ევროპარლამენტარმა, ვიოლა ფონ კრამონმა „საქართველოს პოლიტიკის ინსტიტუტის“ ონლაინკონფერენციაზე განაცხადა.


ფინანსურ დახმარებაზე საუბრისას ვიოლა ფონ კრამონმა აღნიშნა, რომ ევროპარლამენტს ასეთი მკაცრი ნაბიჯების გადადგმა არ სურს, თუმცა ეს საკითხი ქართული მხარის მიერაა პროვოცირებული.


„ძალიან სამწუხაროა, რომ საქართველოში ჩვენი განცხადება შერჩევითად აღიქვეს. ეს განცხადება გამოიყენეს იმისთვის, რისთვისაც ნამდვილად არ ყოფილა გამიზნული, ისინი შეეცადნენ ჩვენს დისკრედიტაციას და იმის თქმას, რომ ჩვენ არ გვეთქმის სიტყვა საქართველოს მაკროფინანსურ დახმარებაზე. ჩვენ ძალიან დიდხანს შევინარჩუნეთ მოთმინება და ცოტა დავაგვიანეთ კიდეც. ეს მხოლოდ დასაწყისია.


ჩვენ გადავხედავთ მაკროფინანსურ დახმარებას. განვიხილავთ, რა ნაბიჯები უნდა გადაიდგას და რა სახის პირობები უნდა დავაწესოთ. ეს არ იქნება ინდივიდუალური გადაწყვეტილება, ეს იქნება პარლამენტის ერთობლივი გადაწყვეტილება. აქვე მნიშვნელოვანია ვთქვათ, რომ ჩვენ ასეთი ნაბიჯების გადადგმა არ გვსურს. ასეთ მკაცრი გზავნილები ქართული მხარის მიერაა პროვოცირებული“, – განაცხადა ვიოლა ფონ კრამონმა.



ონლაინკონფერენციაზე ევროპარლამენტარმა საქართველოს ევროკავშირში გაწევრიანების საკითხზეც ისაუბრა და აღნიშნა, რომ საქართველო გაერთიანების წევრობისგან ძალიან შორს არის.


„ვისურვებდი, რომ უფრო ახლოს ვყოფილიყავით საქართველოს ევროკავშირში გაწევრიანებასთან, მაგრამ მას შემდეგ, რაც ვესაუბრე საქართველოს რამდნიმე ცნობილ ადამიანს, მინდა ვთქვა, რომ ჩვენ იმაზე შორს ვართ, ვიდრე წარმოგვიდგენია. ასეთი იყო ჩემი შთაბეჭდილება. მე საქართველოში ბევრჯერ ვყოფილვარ. ბოლო წლებში ყველაფერი მნიშვნელოვნად შეიცვალა. მთავრობასა და პარლამენტში გადაწყვეტილების მიღების პროცესი არ არის მკაფიო. ბევრი სტრუქტურა არ არის ისეთი გამჭვირვალე, როგორც მანამდე იყო. ევროკავშირში გაწევრიანების მიზანი არის მნიშვნელოვანი, მაგრამ არ არსებობს კონცეფცია, როგორ შეიძლება ამის მიღწევა, განსაკუთრებით როდესაც ისეთ ყველაზე პროევროპულ ფიგურებს ხსნი მნიშვნელოვანი თანამდებობიდან, როგორიც არის ნატალია საბაძანაძე. ასეთ დროს ძალიან რთულია იმის დაჯერება, რომ შენ ნამდვილად გსურს ის, რასაც ამბობ. მე ძალიან მომწონდა ყოფილი ელჩი ბრიუსელში, ის სწორად წერს, რომ ევროპულ მისწრაფებაზე მხოლოდ საუბარი საკმარისი არ არის, უნდა გადადგა ნამდვილი ნაბიჯები და სწორედ ეს ნაბიჯები გვაკლია.


ძალიან ბევრი ურთიერთსაწინააღმდეგო გზავნილი ვნახეთ „ქართული ოცნების“ ლიდერებისგან და მთავრობისგან, ბევრი როტაციაა სამინისტროებში, მაგრამ სტრატეგიას ვერ ვხედავთ, როგორ უნდა შესრულდეს ევროკავშირში გაწევრიანების მიზანი.


არსებული სიტუაციიდან გამომდინარე, ასევე იქიდან გამომდინარე, რამდენად არსებობს ძალაუფლების და პასუხისმგებლობის გაზიარების ნება, რამდენად არსებობს აღქმა, რომ ოპოზიციას და ხალხს უნდა ეთქმოდეს სიტყვა, ჩემი შეხედულებაა, რომ საქართველო ევროკავშირში გაწევრიანებიდან ძალიან შორს არის“, – განაცხადა ვიოლა ფონ კრამონმა.


1tv.ge





LEFIGARO: გლობალურ პოლიტიკაში საზღვრების მნიშვნელობა ბრუნდება

LEFIGARO: გლობალურ პოლიტიკაში საზღვრების მნიშვნელობა ბრუნდება
access_time2021-04-10 20:00:49
ბოლო 5 წლის მანძილზე ქვეყნებს შორის საზღვრების გახსნილობამ 3 მძიმე დარტყმა მიიღო - ტერორიზმი, მიგრანტები და პანდემია.ამ სამმაგმა შოკმა ის მოიტანა, რომ განვითარებული ქვეყნების მრავალწლიანი მცდელობები საზღვრები ფაქტიურად წაეშალათ, აშკარად ჩავარდა - ფაქტი კი ისაა, რომ საზღვრები არსად არ გამქრალა, და მათ კონტროლი სჭირდებათ.ცივი ომის დასრულებიდან 30 წლის შემდეგ, ჩვენ მორიგი ციკლის დასასრულის მოწმეები ვართ -...

Daily Express: ევროკავშირში განხეთქილების 5 მთავარი ფაქტორი

Daily Express: ევროკავშირში განხეთქილების 5 მთავარი ფაქტორი
access_time2021-04-10 18:05:44
ევროკავშირის ლიდერთა სოლიდარობა და ერთიანობა პანდემიის მთელი პერიოდის მანძილზე დიდი გამოცდის წინაშე დგას, რაც ნათლად ადასტურებს, რამდენად სუსტი და არამყარია ეს გაერთიანება.თანაც კორონავირუსი ერთადერთი მიზეზი არაა, რომლის გამოც ევროკავშირის ერთიანობა კითხვის ქვეშ დგას. ევროპის ქვეყნების ლიდერები შესაძლოა ერთმანეთს შეეჯახონ რამდენიმე საკითხის გამო, რომელმაც მათ შორის უთანხმოება უკვე წარმოქმნა.საკვანძო პრობლემებია - კონსენსუსის არარსებობა...

4-11 მაისი საქართველოს მასშტაბით უქმე დღეებად ცხადდება

4-11 მაისი საქართველოს მასშტაბით უქმე დღეებად ცხადდება
access_time2021-04-09 20:11:02
უწყებათაშორისი საკოორდინაციო საბჭო დამსაქმებლებს თანამშრომელთა დისტანციურ სამუშაო რეჟიმში გადაყვანის რეკომენდაციით მიმართავს, 4-11 მაისი კი საქართველოს მასშტაბით უქმე დღეებად ცხადდება, - აღნიშნული გადაწყვეტილებები უწყებათაშორისი საკოორდინაციო საბჭოს სხდომაზე მიიღეს, რომელიც პრემიერ-მინისტრ ირაკლი ღარიბაშვილის ხელმძღვანელობით დღეს ვიდეოკონფერენციის ფორმატში გაიმართა. ინფორმაციას მთავრობის ადმინისტრაციის პრესსამსახური ავრცელებს. „საკოორდინაციო საბჭომ დღევანდელ სხდომაზე...

ჩინეთი საკუთარ ეკონომიკას თავად აზარალებს - Project-syndicate

ჩინეთი საკუთარ ეკონომიკას თავად აზარალებს - Project-syndicate
access_time2021-04-09 20:30:09
      2021 წლის მარტში ჩინეთის ხელმძღვანელობამ ქვეყნის განვითარების 14-წლიანი გეგმა ოფიციალურად დაამტკიცა, რომლის ძირითადი არსია შიდა მოხმარების სტიმულირება და ტექნოლოგიური დამოუკიდებლობის მიღწევა.თუმცა, ამ დოკუმენტზე ჯერ მელანი არ გამშრალა და პეკინი თავისივე სტრატეგიას თავად არღვევს იმით, რომ მნიშვნელოვან სავაჭრო პარტნიორებთან ურთიერთობებს იფუჭებს.კერძოდ, ჩინეთი რამდენიმე ბრიტანელი და კანადელი პოლიტიკოსის, ასევე...

აშშ-მ “ჩრდილოეთ ნაკადი-2“-ს წინააღმდეგ ახალი სანქციები დაამტკიცა

აშშ-მ “ჩრდილოეთ ნაკადი-2“-ს წინააღმდეგ ახალი სანქციები დაამტკიცა
access_time2021-04-09 19:00:28
აშშ-ს იუსტიციის სამინისტრომ როგორც მინიმუმ სანქციების 2 პაკეტი - „ჩრდილოეთ ნაკადი-2“-ს და მისი ოპერატორი-კომპანიის გენერალური დირექტორის მატიას ვარინგის წინააღმდეგ - დაამტკიცა - იტყობინება საიტი Politico.თუმცა, ეს შეზღუდვები ჯერ ძალაში არ შესულა და ამ დროისთვის თეთრი სახლი კონსულტაციებს აწარმოებს ახალი სპეცწარმომადგენლის დანიშვნის თაობაზე - სწორედ მას მოუწევს რუსული გაზსადენის წინაამღდეგ საერთაშორისო ძალისხმევის...


მსგავსი სიახლეები

up