კასეტები, ვინილები და სხვადასხვა ნივთები, რომლებმაც გარკვეული პერიოდის განმავლობაში აქტუალურობა დაკარგეს, დღეს ბაზარზე გრანდიოზულად ბრუნდებიან.

კლასიკურ ნივთებს ორმაგი და სამმაგი ფასიც კი დაედოთ. წარმოგიდგენთ რამდენიმე მათგანს:

ვინილი

1930-იან წლებში გამოჩენილი ვინილის ჩანაწერები მალე მსოფლიოში მუსიკის მოსასმენად ყველაზე პოპულარული საშუალება გახდა. თუმცა, ტექნოლოგიურმა მიღწევებმა, როგორიცაა კასეტები და CD-ები, ვინილი ყურადღების მიღმა დატოვა.

2021 წელს ვინილის ჩანაწერების გაყიდვამ პიკს მიაღწია. ბრიტანული ფონოგრაფიული ინდუსტრიის თანახმად, მხოლოდ დიდ ბრიტანეთში 2021 წელს ხუთ მილიონზე მეტი ვინილის ჩანაწერი გაიყიდა.

IKEA-ს Löwet მაგიდა

Lövet მაგიდა, IKEA-ს ბესტსელერი იყო, რომელიც მომხმარებელს თავად უნდა აეწყო. სამფეხა მაგიდა 1956 წელს გამოვიდა და მალევე შვედური ავეჯის კომპანიის ერთ-ერთი ყველაზე გაყიდვადი მოდელი გახდა.

2013 წელს IKEA-მ მე-20 საუკუნის შუა პერიოდის ავეჯის დიზაინი განაახლა და Lövet მაგიდა ხელახლა გამოუშვა. ახლა ის ცნობილია როგორც Lövbacken და ხელმისაწვდომია დიდ ბრიტანეთში, ნიდერლანდებში, IKEA-ს მაღაზიებში მთელს მსოფლიოში.

Levi Jeans 505

Levi Jeans 505, მე-20 საუკუნის ერთ-ერთი მოდური ჯინსი Levi Strauss & Co -მ 1967 წელს გამოუშვა, პოპულარული კი 1970-იანი წლების დასაწყისში გახდა. ამ სტილს უპირატესობას ანიჭებდნენ ბენდები, როგორიცაა Ramones და Blondie.

სტილი Levi's-მა 2016 წელს აღადგინა. Levi's-ის დიზაინი დღეს ერთ-ერთი ყველაზე გაყიდვადია.

Super 8 camera

Kodak-მა Super 8 camera პირველად 1965 წელს გამოუშვა. იმ დროს კამერა და ფილმის ფორმატი კინოსთვის სტანდარტი გახდა. მას შემდეგ, რაც ამ მოდელმა აქტუალურობა დაკარგა, Kodak-მა გადაწყვიტა კამერის განახლება და გაყიდვაში გაშვება ისევ გადაწყვიტა. ახალ ვერსიას აქვს თანამედროვე ვიზუალი და აღჭურვილია ციფრული მახასიათებლებით.

კასეტა

ბელგიაში Philips-ის მიერ 1962 წელს გამოგონილმა კასეტებმა რევოლუცია მოახდინეს მუსიკალურ ინდუსტრიაში. შემდეგ, 1979 წელს, ბაზარზე Sony-ს ლეგენდარული Walkman გამოჩნდა და კასეტების გაყიდვები გაიზარდა. 1980-იან წლებში კასეტები პოპულარული იყო, მაგრამ 1990-იან წლებში ისინი დისკებმა ჩაანაცვლა.

თუმცა, კასეტები მსოფლიო ბაზარზე ბრუნდებიან. ბრიტანული ფონოგრაფიული ინდუსტრიის მონაცემებით, მხოლოდ 2021 წელს დიდ ბრიტანეთში 190 000 კასეტა გაიყიდა. ეს არის ყველაზე მეტი გაყიდული კასეტა 2003 წლის შემდეგ.

Swan Teasmade

Swan Teasmade-მა უგემრიელესი ფინჯანი ჩაით ათწლეულების განმავლობაში დიდ ბრიტანეთში ასობით ათასი ადამიანი გააღვიძა, სანამ ის მოდიდან გადავიდოდა.

2001 წელს მისი გამოშვება შეწყდა. გაჯეტის ერთგული თაყვანისმცემლების მეშვეობით, კომპანიამ Swan Teasmade-ის წარმოება განაახლა. მისი ფასი დაახლოებით 100 დოლარია.

Raleigh Chopper ველოსიპედი

1970-იან წლებში Raleigh Chopper-ის ველოსიპედი წარმოდგენილი იყო საშობაო სურვილების ბევრ სიაში - იმ დროს ის ბავშვებისთვის საოცნებო ნივთი იყო. 1979 წლამდე, სანამ მისი წარმოება შეიცვლებოდა, 1,5 მილიონი ველოსიპედი გაიყიდა.

პოპულარული ველოსიპედის შეზღუდული გამოცემა 2014 წელს გამოვიდა და 400 ერთეული იყო.

Polaroid OneStep კამერა

Polaroid-მა კამერების დამზადება 1948 წელს დაიწყო და გაყიდვების პიკმა 1977 წელს მიაღწია. ამერიკაში ყველაზე გაყიდვადი კამერა OneStep Polaroid იყო.

90-იან წლებში Polaroid-ის რამდენიმე მოდელი ძალიან პოპულარული იყო. კამერა, რომელსაც შეეძლო ფოტოების მყისიერად დამუშავება, ფოტოგრაფებისთვის დიდ ფუფუნებას წარმოადგენდა. თუმცა, დროთა განმავლობაში ციფრულმა კამერებმა გაზარდა კონკურენცია და გაყიდვების მუდმივი კლების გამო 2009 წლისთვის კომპანიამ წარმოება შეაჩერა.

ჯგუფმა, რომელიც ცნობილია როგორც Impossible Project, გადაწყვიტა ემოქმედათ. 2017 წლის მაისში მათ შეიძინეს Polaroid Corporation-ის ბრენდი, ინტელექტუალური საკუთრება და ბოლო დარჩენილი ქარხანა ნიდერლანდებში. ანალოგური და ძველი სკოლის ტენდენციით შთაგონებულმა მათ გააცოცხლეს OneStep. პოპულარული მოდის ფოტოგრაფებსა და მხატვრებში, კამერა გაიყიდა, როგორც შეზღუდული გამოცემის ნაკრების ნაწილი, ფასი 470 აშშ დოლარია.

Sega Genesis / Mega Drive

1988 წელს გამოშვებული Sega Genesis, ცნობილი როგორც Sega Mega Drive, იყო იმ დროის ყველაზე გაყიდვადი კონსოლი. მთელ მსოფლიოში სულ 30,75 მილიონი Sega კონსოლი გაიყიდა, მაგრამ მოწყობილობის წარმოება შეწყდა 1997 წელს.

2019 წლის სექტემბერში Sega-მ გამოუშვა Sega Genesis-ის მინიატურული ასლი, სახელწოდებით Mega Drive Mini, რომლის შეძენაც შესაძლებელია დაახლოებით 60 დოლარად.

playstation

Sony-მ დაიჭირა ნოსტალგიური ტენდენცია და 2018 წელს ორიგინალური 1994 წლის PlayStation კონსოლის ვერსია - სახელწოდებით PlayStation Classic გამოუშვა. ამ "ახალ" ვერსიას აქვს 20 წინასწარ დაინსტალირებული თამაში. იგი გამოიყურება ზუსტად ისე, როგორც ორიგინალი, მაგრამ მათ, ვისაც რეალურად ახსოვს პირველი ვერსია, შეამჩნევს, რომ კონსოლი 45%-ით პატარაა.

წყარო: lovemoney.com,  "ბიზნესპრესნიუსი"