ვინ რამდენი დაზოგა ხარჯების ოპტიმიზაციის ფარგლებში

ვინ რამდენი დაზოგა ხარჯების ოპტიმიზაციის ფარგლებში

access_time2017-02-10 10:00:00

მთავრობამ სახელმწიფო უწყებებში ხარჯების ოპტიმიზაციის შესახებ გასული წლის ბოლოს დააანონსა, თუმცა, ამ დრომდე სრული ინფორმაცია ოპტიმიზაციის შესახებ გავრცელებული არ არის. "ბიზნესკონტრაქტი" შეეცადა მოეპოვებინა ინფორმაცია ამ საკითხთან დაკავშირებით, მაგრამ ირკვევა, რომ პროცესის სრული შედეგები ჯერ ცნობილი არ არის. მიზეზი ისაა, რომ უწყებების ნაწილს ხარჯების ოპტიმიზაცია ჯერ დასრულებული არ აქვს. მაგალითად, სოფლის მეურნეობის სამინისტროში აცხადებენ, რომ ოპტიმიზაციის პროცესი ახლაც მიმდინარეობს.

 

 

ერთ-ერთი ვინც, ხარჯების ოპტიმიზაციის პროცესში ყველაზე მეტი დაზოგა, თავდაცვის სამინისტროა. უწყების ინფორმაციით, მათ ხარჯების შეკვეცა 32 მილიონი ლარით შეძლეს. მიუხედავად იმისა, რომ 2017 წელს სამინისტროს ბიუჯეტი გაიზარდა, თანხები სახელფასო მიმართულებით შემცირებულია.

 

 

თავდაცვის სამინისტროს ინფორმაციით, რეორგანიზაციის შედეგად თავდაცვის უწყება დატოვა 2250-მდე ადამიანმა, რომელთაგანაც სამოქალაქო ოფისიდან 400 შტატგარეშე თანამშრომელი იყო, 1350 კი შტატიანი. შეიარაღებული ძალებიდან გათავისუფლდა 217 - ოფიცერი და 123 - სერჟანტი.

 

 

უწყების ცნობით, აქედან 209 ოფიცერმა პირადი განცხადების საფუძველზე დატოვა შეიარაღებული ძალები. მათზე გასაცემი კომპენსაციის მთლიანმა თანხამ 5 მილიონ 197 ათას 500 ლარი შეადგინა.

 

 

4-დან 5-მილიონამდე დაზოგა განათლების სამინისტრომ. როგორც მინისტრი განმარტავს, სამინისტრო ხელფასების შემცირების მიმართულებით არ წასულა და უფრო კადრების ოპტიმიაზაცია მოადინა. ალექსანდრე ჯეჯელავა ამბობს, რომ ოპტიმიზაციის პროცესში დაახლოებით 400-მდე თანამშრომელი გათავისუფლდა. სახელმწიფო ბიუჯეტის პროექტში მთლიანობაში დაფინანსება გაზრდილია, თუმცა, 2 მილიონით შემცირებულია შრომის ანაზღაურების მუხლი.

 

 

"ერთდაერთი, რასაც ხარჯების ოპტიმიზაცია არ ეხებოდა, იყო კვლევითი დაწესებულებები და სკოლები. დანარჩენი ყველა უწყებას შეეხო ოპტიმიზაცია. თვითონ სამინისტროს ბიუჯეტი 10%-ზე მეტით არის შემცირებული, ადმინისტრაციული ხარჯებიც და სახელფასო ხარჯებიც. ზოგგან შემცირებულია თანამშრომლების რაოდენობა. ხელფასების შმეცირების გზით არ წავსულვართ, შევეცადეთ, ნაკლები ადამიანით შეგვესრულებინა იგივე სამუშაო.

 

 

რესურსცენტრებში შევამცირეთ იურისტები და აუდიტები და დავამტეთ განათლების სპეციალისტები. ჯამური რაოდენობა, რა თქმა უნდა, შემცირებულია.


 


პროფორიენტაციის სამსახურის კოორდინატორები, რომლებიც მანდატურის სამსახურზე იყო მიმაგრებული, პრაქტიკულად გავაუქმეთ და შევეცადეთ, გადაგვენაწილებინა მათ საქმიანობა დეპარტამენტებზე. ვცდილობთ, რომ პროფესიული განათლების დეპარტამენტებმა და სხვა დეპარტამენტებმა ეს ფუნქცია თავის თავზე იკისრონ",- განაცხადა ჯეჯელავამ.

 

 

მხოლოდ მილიონ 360 ათასი ლარით შეამცირა თანხები ინფრასტრუქტურის სამინისტრომ. როგორც "ბიზნესკონტრაქტთან" მინისტრის მოადგილე კახაბერ გულედანი განმარტავს,სამსახურიდან 14 ადამიანი გათავისუფლდა. უწყებაში დამატებითი ოპტიმიზაცია ამ ეტაპზე არ იგეგმება.

 

 

„დაზოგილი თანხიდან 360 ათასი ლარის ეკონომია განხორციელდა სახელფასო ფონდში, დანარჩენი შეეხო სხვა მუხლებს- ეს არის მივლინება, რემონტი და სხვა. რაც შეეხება ოპტიმიზაციას, 14 მუშაკს შეუწყდა ხელშეკრულება, რომლებმაც მიირეს კანონით გათვალისწინებული კომპენსაცია",- განაცხადა კახა გულედანმა.

 

 

ხარჯების ოპტიმიზაციის მიმართულებით ნაბიჯები გადაიდგა გარემოს დაცვის სამინისტროშიც. როგორც მინისტრმა გიგლა აგულაშვილმა „ბიზნესკონტრაქტს" განუმარტა, უწყებამ დაახლოებით2,5 მილიონი ლარის დაზოგვა შეძლო.

 

 

"ხარჯები დაახლოებით 10%-ის ფარგლებში შემცირდა. გარკვეული ვაკანსიები აღარ ავითვისეთ და ამის ფონზე ცალკეული ხარჯები შემცირდა, ოღონდ ეს იმ სერვისების საზიანოდ არ მომხდარა, რომელსაც სამინისტრო ახორციელებს. ჩვენი ამოცანა ამ შემთხვევაში ბუნებრივია იყო, რომ ძირითადად ისეთი ტიპის ხარჯები შეგვემცირებინა, რომელიც უფრო მეტი კაპიტალდაბანდებისთვის გამოიყენება ხოლმე",- აცხადებს მინისტრი.

 

 

მისივე თქმით, ხარჯების შემცირება გასული წლის ბოლოს, ბიუჯეტის ფორმირების პროცესში დასრულდა.

 

 

რაც შეეხება სხვა უწყებებს, ამ საკითხზე ინფორმაცია „ბიზნესკონტრაქტმა" შინაგან საქმეთა სამინისტროსა და ეკონომიკის სამინისტროსგანაც მოითხოვა, თუმცა, ამ დრომდე ინფორმაცია არ მიუღია.

 

 

ხარჯების გარკვეული ოპტიმიზაცია მოხდა დიასპორის საკითხებში სახელმწიფო მინისტრის აპარატის გაუქმებით, რომელიც საგარეო საქმეთა სამინისტროს შეუერთდა. დიასპორის სამინისტროს ბიუჯეტი დამოუკიდებლად მილიონ 200 ათასი იყო, ახლა უწყების ბიუჯეტი ცალკე მოცემული არ არის.

 

 

ხარჯების ოპტიმიზაცია გასული წლის ბოლოს საქართველოს მთავრობამ დააანონსა. ითქვა, რომ ყველა უწყებას ხარჯები 10-10-%-ით უნდა შეემცირებინა. როგორც მთავრობის ერთ-ერთ სხდომაზე გიორგი კვირიკაშვილმა განაცხადა, ადმინისტრაციული ხარჯების შემცირების უმარავი რესურსი არსებობს და არ არის საჭირო მეათეხარისხოვან კონფერენციებში ნახევარი სამინისტროს დასწრება. ბიუჯეტიდან სამინისტროებისთვის გამოყოფილი თანხებიდან ირკვევა, რომ შრომის ანაზღაუების მიმართულებით რიგ შემთხვევებში ხარჯები შემცირებულია, თუმცა, არა 10%-ით, როგორც ეს დაანონსებული იყო.

 

 

გასული წლის ბოლოს ასევე დაანონსდა, საინვესტიციო სააგენტოს გაუქმება და დაზღვევის ზედამხედველობის სამსახურის რეფორმა, რომლის მიხედვითაც, უწყებას ბიუჯეტი აღარ დააფინანსებდა. მიუხედავად ამისა, 2017 წლის სახელმწიფო ბიუჯეტში ორივე მიმართულებით თანხები კვლავ გათვალისიწნებულია.

 

 

 



13:00 საათის მონაცემებით, Bloomberg-ზე ერთი დოლარი 3.2600 ლარად ივაჭრება, ბანკებში კი 1 დოლარი 3.2940 ლარი ღირს

13:00 საათის მონაცემებით, Bloomberg-ზე ერთი დოლარი 3.2600 ლარად ივაჭრება, ბანკებში კი 1 დოლარი 3.2940 ლარი ღირს
access_time2020-09-23 13:05:21
Bloomberg-ის სავაჭრო პლატფორმაზე 13:00 საათისთვის ერთი დოლარი 3.2600 ლარად ივაჭრება. პლატფორმაზე ვაჭრობა დღეს 3.2520 კურსით დაიწყო. საქართველოს ეროვნული ბანკის მიერ გუშინ დადგენილი კურსით, ერთი აშშ დოლარის ოფიციალური ღირებულება 3.2537 ლარია. შედარებით განსხვავებულია კომერციულ ბანკებში არსებული კურსი. „თიბისი ბანკში“ 1 აშშ დოლარის ყიდვა 3.2940 ლარადაა შესაძლებელი, ხოლო მისი გაყიდვა - 3.2100 ლარად. „საქართველოს ბანკში“ 1 დოლარის ყიდვა 3.2920 ლარადაა...

სახელმწიფო ავტოიმპორტიორებისთვის არაფერს აკეთებს, მოდით ხელს მაინც ნუ შეუშლით - ალექსი ნონიაძე

სახელმწიფო ავტოიმპორტიორებისთვის არაფერს აკეთებს, მოდით ხელს მაინც ნუ შეუშლით - ალექსი ნონიაძე
access_time2020-09-23 13:40:46
რა გავლენა იქონია პანდემიამ ავტოიმპორტიორების ბიზნესზე და რა მოთხოვნები აქვთ ამ ბიზნესში ჩართულ ადამიანებს მთავრობასთან ? - საქართველოს ავტო იმპორტიორთა ასოციაციის გამგეობის წევრის, ალექსი ნონიაძის განცხადებით, საზღვრების ჩაკეტვით საქართველოში არსებულ 24 ათასზე მეტი ავტოიმპორტიორს გაკოტრების საშიშროება უდგას. „დღეს საქართველოში დაახლოებით...

ეროვნულ ბანკს კონკურენციის შესახებ კანონის აღსრულება დაევალება

ეროვნულ ბანკს კონკურენციის შესახებ კანონის აღსრულება დაევალება
access_time2020-09-23 09:50:04
საქართველოს ეროვნული ბანკის შესახებ საქართველოს ორგანულ კანონში შესული ცვლილებების თანახმად, ეროვნულ ბანკს კონკურენციის შესახებ კანონის აღსრულება დაევალა. ცვლილებები ძალაში 4 ნოემბრიდან შევა და შეავსებს იმ ვაკუუმს რაც კანონის აღსრულების კუთხით იდგა ბანკებისა და მიკროსაფინანსო ორგანიზაციების მიმართ.   ორგანულ კანონში ცვლილებებს წლებია ითხოვს სადაზღევევო სექტორი, რომელმაც ბანკების მხირდან კონკურენციის შესახებ კანონის დარღვევა არაერთხელ საჯაროდ...

ქართული კომპანიების ფინანსური მონაცემები ერთ სივრცეში

ქართული კომპანიების ფინანსური მონაცემები  ერთ სივრცეში
access_time2020-09-23 09:50:26
Bihub.ge-ზე უკვე შესაძლებელია საქართველოს ეკონომიკის მამოძრავებელი აქტიური კომპანიების ფინანსური მონაცემების ერთიან სივრცეში ნახვა. ინტერაქტიულ დეშბორდზე ნახავთ I, II, III და IV კატეგორიაში შემავალი ბიზნესებისა და სდპ პირების ფინანსური შედეგების ანალიტიკას.   3000-ზე  მეტი I-III კატეგორიის კომპანიის დეტალური ინდივიდუალური (კონსოლიდირებული) ფინანსური ანგარიშგებები. სულ რამდენიმე კლიკით შესაძლებელია გაიგოთ, თუ როგორაა 25000-ზე მეტი კომპანია,...

სს „წყალი მარგებელმა”, ბუღას ბრენდით სამი ახალი პროდუქტის წარმოება დაიწყო

სს „წყალი მარგებელმა”, ბუღას ბრენდით სამი ახალი პროდუქტის წარმოება დაიწყო
access_time2020-09-23 09:30:08
„ვარდისფერი ბუღა“, „ბუღა ტონიკი“ და „ბუღა ველნესი 0 კალორია“ ქართულ ბაზარზე სს „წყალი მარგებელმა“ ბუღას ბრენდით, სამი ახალი პროდუქტის წარმოება დაიწყო.   კომპანიის პორტფელში, ერთ-ერთი ყველაზე მოთხოვნად პროდუქტს, ქართულ ენერგეტიკულ სასმელ, „ბუღას“, 2020 წლის სექტემბრიდან ორი ახალი ენერგეტიკული სასმელი და მატონიზირებელი წყალი დაემატა. მომხმარებელს ახალი გემოების დაგემოვნება უკვე შეუძლია. ენერგეტიკული სასმელი „ვარდისფერი...


მსგავსი სიახლეები

up