ვინ გახდა მილიონერი კრიპტოვალუტებით?

ვინ გახდა მილიონერი კრიპტოვალუტებით?

access_time2017-09-17 12:00:17

მსოფლიოში მოქმედი ყველა კრიპტოვალუტის საერთო კაპიტალიზაცია 150 მლრდ. დოლარს შეადგენს, მათ შორის ნახევარი ბიტკოინზე მოდის.

 

უკვე გამოჩდნენ პირველი მილიონერები, რომლებიც ციფრული ფულით გამდიდრდნენ და მათი რაოდენობის ზრდა მხოლოდ დროის საკითხია. ეს კი იწვევს რეგულატორების და ცენტრალური ბანკების უკმაყოფილებას  - მათთვის პრობლემას წარმოადგნეს ის, რომ კრიპტოვალუტები და მათი მომხმარებლები ვერ კონტროლდებიან ვერც საბანკო და ვერც საგადასახადო ადმინისტრირების გზით.

 

ივლისში ერთ-ერთი კრიპტოვალუტის - ეთერიუმის კურსი ინტენსიური ნახევარწლიანი ზრდის შემდეგ რამდენიმე დღეში  400-დან 200 დოლარამე დაეცა,  თუმცა მანამდე ბევრმა მრავალმილიონიანი მოგება მიიღო.

 

ივნისში  Ethereum-ის სისტემაში დარეგისტრირებულმა მომხმარებელმა კოდით 0x00A651D43B6e209F5Ada45A35F92EFC0De3A5184  გამოაქვეყნა სოციალურ ქსელებში პოსტი ინდონეზიურ ენაზე, სადაც ეწერა, რომ მან ეთერიუმით რამდენიმე თვეში 413%-იანი მოგება  მიიღო. მან ასევე განაცხადა, რომ მისი წარმატების დანახვა შეუძლია ნებისმიერ ადამიანს, თუმცა მას ურჩევნია დარჩეს ანონიმი. არავინ არაფერი არ იცის ამ ადამიანის შესახებ - მისი უზარმაზარი კოდის გარდა.

 

ეთერიუმის კურსის ვარდნის შემდეგ, ასობით პროცენტზე საუბარი უკვე არაა, თუმცა ის მაინც იღებს მოგებას - ინდონეზიურ ენაზე მოსაუბრე ანონიმის კაპიტალი გაიზარდა 150-დან 180 მლნ. დოლარამდე უკვე დასუსტებული ეთერიუმის პირობებში.

 

ასეთი ისტორიები კი ძალიან ბევრია, როგორც მინიმუმ, რამდენიმე ათეული.

 

ანალიტიკოსები სვამენ კითხვას - არის თუ არა უკვე ვინმე, ვინც იშოვა კრიპტოვალუტით მილიარდი?  - და თვითონვე პასუხობენ - ალბათ არის და თუ არა - აუცილებლად გამოჩნდება უახლოეს მომავალში.

 

ამ დროისთვის ცნობილია, რამდენიმე მილიარდერი, რომლებიც აქტიურად ახდენდა ინვესტირებას ვირტუალურ ვალუტებში  და ამით სერიოზული მოგებაც კი მიიღო. მაგალითად, ჰეჯ-ფონდის Fortress Investment Group-ის ყოფილი მენეჯერი მაიკლ ნოვოგრაცი, რომელმაც აგვისტოში განაცხადა, რომ  თავისი კაპიტალის 10% ბიტკოინსა და ეთერიუმში ჩადო.

 

ნოვოგრაცი არ აკონკრეტებს თავისი კაპიტალის მოცულობას,  თუმცა,  ცნობილია, რომ მან ჰეჯ-ფონდისგან კომპენსაციის სახით250 მლნ. დოლარი მიიღო. მან ეთერიუმის შესყიდვა 2015 წელს დაიწყო და ამ მიზნით შეხვდა პლატფორმის  მთავარ შემქნელს ვიტალი ბუტერინს, რა დროსაც მან შეძლო გამოცდილი ინვესტორის დარწმუბება თავისი პროექტის პერსპექტიულობაში.

 

კიდევ ერთი კანდიდატი კრიპტოვალუტების მილიარდერობაზე არის ჩარლი შრემი, რომელმაც 2011 წელს, ჯერ კიდევ სტუდენტობის  ხანაში, იყიდა 500 ბიტკოინი - იმ დროს 1 ბიტკოინი  მხოლოდ 3 დოლარი ღირდა. იმ პერიოდში დაიწყო კრიპტოვალუტის კურსის ზრდა, ამიტომაც შრემმა გადაწყვიტა გაერისკა - ის  ათასობით რაოდენობის  ბიტკოინებს ყიდულობდა, შემდეგ შექმნა ბირჟა BitInstant,  რომელსაც ამერიკაში ბიტკოინებით ვაჭრობის 70 000 წერტილი ეკუთვნის, ძირითადად მსხვილი სუპერმარკეტების ტერიტორიებზე, მაგალითად, Walmart-ში. 2015 წლისთვის ჩარლი შრემის ქონება ა 45 მლნ. დოლარით გაიზრადა.

 

ტყუპები კემერონ და ტაილერ ვინკლკოსები მრავალი წლის განმავლობაში, უშედეგოდ ედავებოდნენ მარკ ცუკერბერგს Facebook-ის ავტორობას, ასევე ითვლებიან მოწინავე მოთამაშეებად კრიპტოვალუტების ბაზარზე. 2013 წელს მათ შექმნეს ფონდი Winklevoss Capital და დადეს ფსონი ბიტკოინებზე. იმ დროს, მათ უკვე გააჩნდათ სერიოზული კაპიტალი - 100 000 ბიტკოინი.  თუ მათ მარაგები გაყიდული არ აქვთ, ბიტკონში მათ მიერ დაბანდებული ინვესტიციების მოცულობამ უნდა მიაღწიოს 400 მლნ. დოლარს.

 

ჩრდილოეთ ამერიკის ფარგლებს გარეთ - თავიანთი გმირები ყავთ - ჩინელმა იოფუ გოუმ ბიტკოიების ბაზარზე 2010 წელს დაიწყო მუშაობა, მაშინ როდესაც ეს იყო ახალი და უჩვეულო. იმ დროს მისი მიზანი არა გამდიდრება, არამედ სტუდენტური ხარჯების დაფინანსება იყო. თუმცა როდესაც ბიტკოინი გაძვირდა, გოუ გადავიდა სამრეწველო მოცულობებზე და შექმნა ინკუბატორი CoinApex.

 

ასე რომ, თანდათანობით, ვირტუალური ვალუტები ხდება დიდი მოგების წყარო, როგორც კრიპტოვალუტების სათავეში მდგომი ენთუზიასტებისთვის, ასევე პროფესიონალი ინვესტორებისთვის - მათ ბიტკოინში, ეთერიუმში და სხვა არატრადიციულ ფულად ერთეულებში მომავლის ძალა და პერსპექტივა დაინახეს.

 

სწრაფი გამდიდრების საშუალება ახარებს ინვესტორებს, თუმცა სახელმწიფოსგან კრიპტოვალუტების ბაზრის სრული უკონტროლობის  და გაუმჭირვალობის გამო, ეს ფაქტი სერიოზულად აშინებს რეგულატორებს და ცენტრალურ  ბანკებს. პირველ რიგში,  კრიპტოვალუტების მეშვეობით, ადვილად შეიძლება საეჭვო ოპერაციების განხორციელება. ვირტუალური ფული უკვე დღეს აქტიურად გამოიყენება ნარკოტიკებით და იარაღით ვაჭრობაში, ტრეფიკინგსა და ფულის გათეთრაბაში. ფინანსურ ზედამხედველებს განსაკუთრებით აღელვებს ის ფაქტი, რომ ვირტუალური ვალუტები გამოჩნდა ზუსტად იმ დროს, როდესაც მსოფლიო  მასშტაბით ქვეყნების მთავრობებმა დაიწყეს სერიოზული ბრძოლა ფულის გათეთრების წინააღმდეგ.

 

მეორე პრობლემა მდომარეობს იმაში, რომ ბიტკოინების კონტროლი  საგადასახადო ორგანოიების მიერ  თითქმის შეუძლებელია - იდუმალი ინდონეზიელი ინვესტორი 0x00A651D43B6e209F5Ada45A35F92EFC0De3A5184  არის ამის ერთ-ერთი, თუმცა ძალიან საგულისხმო  მაგალითი. არსებობს ანგარიში, რომელზეც მშვიდად დევს ასობით მილიონი დოლარი, მაგრამ შეუძლებელია გარკვევა - ვინ არის ამ უზარმაზარი სიმდიდრის პატრონი.

 

თანაც ეს პრობლემები ეხება მხოლოდ კერძო პირებს. და რა მოხდება ხვალ რომ ბიტკოინებით ან ეტერიუმებით ვაჭრობა დაიწყონ სახელმწიფოებმა, მათ შორის, საერთაშორისო სანქციების ქვეშ მყოფებმა?

 

კრიპტოვალუტების ბაზრის განვითარება შეიცავს კიდევ ერთ სერიოზულ რისკს - ფინანსური საპნის ბუშტის შექმნის საფრთხეს. გარკვეული ზღვარის მიღწევის შემთხვევაში, ასეთი ბუშტის გასკდომას შეუძლია სერიოზულად დააზიანოს მსოფლიო ეკონომიკა. კრიპტოვალუტების ბაზარზე კრიზისის ალბათობა კი არც თუ ისეთი დაბალია, როგორც  ეს ერთი შეხედვით ჩანს.

 

ჰონკონგური ბანკის Union Bancaire Privee მთავარი ეკონომისტის მარკ მაკფარლენდის აზრით, „როდესაც ტაქსისტები 1 თვეში ხდებიან მილიონრები - აქ რაღაცა საეჭვო ხდება“.

 

ამ ბაზარზე აკრძალვები არ მუშოაბს - ფინანსური ნაკადები მაინც მოძებნის ალტერნატიულ გზებს. შესაბამისად, უახლოეს პერიოდში კრიპტოვალუტებზე კაპიტალის დაგროვება კვლავაც შესაძლებელი იქნება, კანონების შესაბამისად ან მათი გვერდის ავლით.

 

lenta.ru



მიზანი იყო კონტრაბანდული გზით სიგარეტის აფხაზეთის გავლით რუსეთში ჩატანა - სომეხი პოლიტოლოგი ნიკოლ ფაშინიანის სახელისუფლებო კორუფციაზე

მიზანი იყო კონტრაბანდული გზით სიგარეტის აფხაზეთის გავლით რუსეთში ჩატანა - სომეხი პოლიტოლოგი ნიკოლ ფაშინიანის სახელისუფლებო კორუფციაზე
access_time2020-05-25 20:00:15
სომხეთის პრემიერის ოჯახი ოკუპირებულ აფხაზეთში რუსეთის გავლით სიგარეტის ექსპორტის გამო სკანდალში რომ გაეხვა, ამის შესახებ ინფორმაცია სომხეთის ყოფილმა ელჩმა ვატიკანში მიკაელ მინასიანმა გაავრცელა. „კომერსანტმა“ მოიპოვა მასალა, სადაც მინასიანი თავის ვიდეომიმართვაში განმარტავს, რომ სქემის მიხედვით, სომხეთის პრემიერ-მინისტრის ნიკოლ ფაშინიანის ოჯახი სიგარეტის ექსპორტს ახორციელებს და ეს...

მთავრობამ Air Baltic-ს საქართველოს მიმართულებით ფრენების განახლების ნებართვა მისცა

მთავრობამ Air Baltic-ს საქართველოს მიმართულებით ფრენების განახლების ნებართვა მისცა
access_time2020-05-25 19:30:03
„როგორც საქართველოს, ასევე ლატვიის მხრიდან არის მზადყოფნა, რათა აღდგეს პირდაპირი ავიამიმოსვლა. ახლა მთავარია, ორი ქვეყნის მთავრობებმა ძალიან სწრაფად გავცვალოთ ის პროტოკოლები, რომელთა მიხედვითაც ჩვენს შორის ადამიანების მიმოსვლის დროს უსაფრთხოება იქნება დაცული. ეს არის სწრაფი და ეფექტური გზა იქითკენ, რომ ჩვენ, ზაფხულის სეზონზე, შევძლოთ ვუმასპინძლოთ ტურისტებს როგორც ლატვიიდან, ასევე მთლიანად ბალტიის ქვეყნებიდან უსაფრთხოების ყველა ნორმის დაცვით,” – განაცხადა ეკონომიკისა და მდგრადი განვითარების...

25 მაისი - ქართული ლარის კურსი არ შეცვლილა, აზერბაიჯანული მანათი გამყარდა

25 მაისი - ქართული ლარის კურსი არ შეცვლილა, აზერბაიჯანული მანათი გამყარდა
access_time2020-05-25 19:00:15
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს.      ეროვნული ბანკის მიერ გამოქვეყნებული 25 მაისის ვაჭრობის შედეგად, ქართული ლარის კურსი აშშ დოლართან...

უძრავი ქონების პლკატფორმა Livo იპოთეკური სესხების 4%-იან სუბსიდირებას ვარაუდობს

უძრავი ქონების პლკატფორმა Livo იპოთეკური სესხების  4%-იან სუბსიდირებას ვარაუდობს
access_time2020-05-25 18:00:49
უძრავი ქონების პლკატფორმა Livo ვარაუდობს, რომ მთავრობა იპოთეკურ სესხებს 4%-ით დაასუბსიდირებს.როგორც პლატფორმის დამფუძნებელმა გადაცემა „ბიზნესპარტნიორში“ განაცხადა, თუ სახელმწიფო ამ გადაწყვეტილებას მიიღებს, წელს თბილისში საცხოვრებელი ქონების დონე 2019 წლის მაჩვენებელს დაუბრუნდება. კითხვაზე თუ აქვს მოლოდინი რომ მთავრობა იპოთეკური სესხების 4%-ით სუბსიდირებაზე დადებით გადაწყვეტილებას მიიღებს, გიორგი ჩუმაშვილი ამბობს, რომ ეს არის ერთადერთი ჭეშმარიტი, სწორი და სამართლიანი...

დღის Top-10 საინტერესო ამბავი

დღის Top-10 საინტერესო ამბავი
access_time2020-05-25 21:30:49
დღის Top-10 საინტერესო ამბავი 1.ივლისიდან გადაუდებელ სამედიცინო დახმარებასა და კარდიოქირურგიაში სანებართვო მოთხოვნები მკაცრდება საქართველოს მთავრობის № 520-ე დადგენილების ამოქმედების შემდეგ ახალი ცვლილებების დრო დადგა. ამჯერად, საქმე ეხება №385-ე...


მსგავსი სიახლეები

up