ვინ ასაქმებს ყველაზე მეტ ადამიანს მსოფლიოში - Top-10 კომპანია

ვინ ასაქმებს ყველაზე მეტ ადამიანს მსოფლიოში - Top-10 კომპანია

access_time2021-06-24 21:30:00

კორონავირუსის პანდემიის ფონზე მსოფლიოში ტურისტულ და მასთან მიბმულ სექტორებში დასაქმებული ადამიანების რაოდენობა მნიშვნელოვნად შემცირდა.


თუმცა ზოგ სექტორში დასაქმებულებს ეს პრობლემა არ შეხებიათ, მეტიც, კომპანიების ნაწილმა მუშა-ხელის რაოდენობა გაზარდეს კიდეც.


„ბიზნესპრესნიუსი“ გთავაზობთ, თუ რომელი კომპანია ასაქმებს ყველაზე მეტ ადამიანს მსოფლიოში. Companiesmarketcap-ის სტატისტიკის მიხედვით, მსოფლიოში ყველაზე მეტი ადამიანი ამერიკულ საცალო ვაჭრობის ქსელ Walmart-ს ჰყავს დასაქმებული. დღეის მონაცემებით, Walmart-ში სრული განაკვეთით 2 200 000 ადამიანი მუშაობს.


მას მოსდევს, ასევე, ამერიკული კომპანია Amazon. მისი თანამშრომლების რაოდენობა 1,125 300-ია.


გერმანული ავტოკონცერნი Volkswagen ადამიანთა დასაქმების მხრივ მე-3 ადგილზეა. მის ქსელში 664,196 ადამიანი მუშაობს.


შემდეგ მოდის ბრიტანული კომპანია Compass Group, რომელიც კვების სერვისით ოფისებს, ქარხნებს, სკოლებს, უნივერსიტეტებს, საავადმყოფოებს, სპორტისა და კულტურის მთავარ დაწესებულებებს, სამთო ბანაკებს, გამოსასწორებელ დაწესებულებებსა და ოფშორულ ნავთობ-პლატფორმებს ემსახურება. კომპანიაში 600 000 ადამიანია დასაქმებული.



540 184 თანამშრომელი ჰყავს გერმანულ Deutsche Post-ს, რომელიც ბონში ბაზირებული საფოსტო კომპანიაა.


ირლანდიური საკონსულტაციო კომპანია Accenture მე-6 ადგილზეა. იქ 506 000 ადამიანი მუშაობს, რომლებიც ბიზნეს-ორგანიზაციებს სტრატეგიული დაგეგმარების, ოპტიმიზაციისა და ორგანიზების სფეროებში კონსულტაციებს სთავაზობენ. კომპანიამ, რომელიც თავიდან ბერმუდებში დარეგისტრირდა, სააქციო საზოგადოების სტატუსი ირლანდიაში 2001 წლის 1-ელ სექტემბერს მიიღო. თუმცა მისი სათაო ოფისი ნიუ-იორკში მდებარეობს. კომპანია კლიენტებს მსოფლიოს 120-ზე მეტ ქვეყანაში ემსახურება.


ირლანდიელებს დასაქმებით ოდნავ ჩამორჩება ამერიკული სუპერმარკეტების ქსელი Kroger, სადაც ზუსტად 500 000 ადამიანი მუშაობს. კომპანია აშშ-ში, Walmart-ის შემდეგ, მეორე საცალო ვაჭრობის ქსელს წარმოადგენს. დაარსდა 1883 წელს, ოჰაიოს შტატის ქალაქ ცინცინატში.


მე-8 ადგილს რუსული ენერგეტიკული კომპანია Gazprom იკავებს. მისი მასშტაბებისა და ფინანსური რესურსების მიუხედავად, კომპანიას სულ 473 800 თანამშრომელი ჰყავს და ათეულში ბოლოდან მე-2 პოზიციას იკავებს.


შემდეგ მოდის ჩინეთის სოფლის მეურნეობის ბანკი (Agricultural Bank of China- ACGBY), სადაც 464 011 ადამიანი მუშაობს.


ტოპ 10-ეულის ბოლო ადგილზე ბერმუდში რეგისტრირებული ჰოლდინგი Jardine Matheson-ია. Fortune Global 500-ისა და Forbes Global 2000-ის სიაში ის ერთ-ერთი უდიდესი მრავალპროფილური კონგლომერატია, რომელიც 1832 წელს ჰონგ კონგში დაფუძნდა, თუმცა ოფიციალურად დარეგისტრირებულია ბერმუდებზე. კომპანია მისი დამფუძნებლების, უილიამ ჯარდინისა და ჯეიმს მათესონის სახელებს ატარებს. დღეს Jardine Matheson Holdings-ის ძირითად ინტერესს საცალო ვაჭრობის, უძრავი ქონების, მშენებლობის, სასტუმროების, ფინანსური მომსახურების, აგრობიზნესის, ტრანსპორტისა და ლოგისტიკის სფეროები წარმოადგენს. Jardine Matheson Holdings-ში 464 000 ადამიანია დასაქმებული.


დასაქმებულთა რაოდენობით მსოფლიოში სულ 4971 კომპანია გამოირჩევა, სადაც მთლიანობაში 89 119 083 ადამიანი მუშაობს.



BPN.GE


თეგები:
დასაქმება



ლარი ყველა ძირითად საერთაშორისო და რეგიონულ ვალუტასთან გაუფასურდა

ლარი ყველა ძირითად საერთაშორისო და რეგიონულ ვალუტასთან გაუფასურდა
access_time2021-07-27 18:00:21
27 ივლისის ვაჭრობის შედეგად ლარი აშშ დოლართან მიმართებაში 0.64 თეთრით 3.0892-მდე გაუფასურდა. Bloomberg-ის პლატფორმაზე კი დღის ბოლოს 3.0930-იანი კურსი დაფიქსირდა. დოლარის მსგავსად ლარი ყველა სხვა ძირითად საერთაშორისო და რეგიონულ ვალუტასთან გაუფასურდა. კერძოდ: ევროსთან 0.38 თეთრით - 3.6409-მდე, ბრიტანულ ფუნტთან 0.67 თეთრით 4.2588-მდე, თურქულ ლირასთან 0.02 თეთრით 0.3604-მდე, აზერბაიჯანულ მანათთან 0.52 თეთრით 1.8159-მდე, 100 რუსულ რუბლთან 2.74 თეთრით 4.1895-მდე, 1000 სომხურ...

დღის TOP 10 მნიშვნელოვანი ამბავი

დღის TOP 10 მნიშვნელოვანი ამბავი
access_time2021-07-27 21:00:12
დღის TOP 10 მნიშვნელოვანი ამბავი:   1. მასობრივი ვაქცინაციის ცენტრები კვირის ბოლომდე მომზადდება იმუნიზაციის პროცესის შეუფერხებლად და კიდევ უფრო სწრაფი ტემპებით წარმართვის მიზნით, მასობრივი ვაქცინაციის ცენტრები მიმდინარე კვირის ბოლომდე უნდა მომზადდეს.   2. რა ღირს ყველაზე ძვირი...

ისრაელის პარლამენტმა გადადო საქართველოს „წითელ სიაში“ შეყვანა

ისრაელის პარლამენტმა გადადო საქართველოს „წითელ სიაში“ შეყვანა
access_time2021-07-27 17:00:45
ქნესეთის (ისრაელის პარლამენტი) იურიდიულ და საკონსტიტუციო საკითხთა კომიტეტმა იმ ქვეყნებს ჩამონათვალის გაფართოების შესახებ კენჭისყრა გადადო, რომელში მოგზაურობაც, წითელის ზონის სტატუსის გამო, ისრაელის მოქალაქეებს შეეზღუდებოდათ პარასკევიდან. საუბარია დიდ ბრიტანეთზე, კვიპროსზე, თურქეთსა და საქართველოზე. კომიტეტეტის თავმჯდომარემ გიდალ კარივმა ისრაელის ხელისუფლებას იზოლაციის წესების აღსრულებასთან დაკავშირებით, აგრეთვე სპეციალური ნებართვის მისაღებად მოქმედი ზომების ეფექტიანობის...

აფბა: დღეს ქვეყანაში საწვავის გაიაფების ყველა წინაპირობა არსებობს

აფბა: დღეს ქვეყანაში საწვავის გაიაფების ყველა წინაპირობა არსებობს
access_time2021-07-27 12:45:13
“ახალგაზრდა ფინანსისტთა და ბიზნესმენთა ასოციაცია“ – აფბა, საწვავის ბაზარზე არსებულ მდგომარეობას აფასებს და აცხადებს, რომ დღეს როგორც საერთაშორისო ბაზარზე ფასწარმოქმნაზე მოქმედი, ასევე ადგილობრივი პარამეტრები იძლევა იმის საშუალებას, რომ საქართველოში დაიწყოს საწვავის გაიაფება.   აფბას განცხადებას უცვლელად გთავაზობთ:   „როგორც საზოგადოებისთვის ცნობილია, მიმდინარე წელს საწვავის ფასი საქართველოში განუხრელად იზრდება. მან ისტორიაში პირველად, გადალახა ყველა...

10-ჯერ მაღალი საპროცენტო სარგებლის მიუხედავად, დეპოზიტების ლარიზაციის მაჩვენებელი 25%-ზე ნაკლებია

10-ჯერ მაღალი საპროცენტო სარგებლის მიუხედავად, დეპოზიტების ლარიზაციის მაჩვენებელი 25%-ზე ნაკლებია
access_time2021-07-27 16:00:19
ბანკებში ფიზიკური პირების დეპოზიტების ლარიზაციის მაჩვენებელი 25%-ზე ნაკლებია. მიუხედავად იმისა, რომ ლარში განთავსებულ ანაბარს თითქმის 10-ჯერ მეტი საპროცენტო სარგებელი ერიცხება და 6 თვეში 5%-ით გამყარდა, ეროვნული ვალუტის მიმართ ნდობა კვლავ დაბალია. მიმდინარე წლის პირველ 6 თვეში ლარში განთავსებული ანაბრის მთლიანი მოცულობა (ფიზიკური და იურიდიული პირები) 1.047 მლრდ-ით 13.903 მლრდ-მდე გაიზარდა, უცხოურ ვალუტაში კი 235 მლნ-ით 21.385 მლრდ-მდე შემცირდა, რისი მთავარი მიზეზიც ლარის...


მსგავსი სიახლეები

up