ქვეყანაში მიზნობრივი სოციალური დახმარებების „დრო გავიდა“ და ახლა მთავრობამ ფართო სოციალური ჯგუფების დახმარება უნდა დაიწყოს - ამის შესახებ საქართველოს პრემიერ-მინისტრმა გიორგი გახარიამ, მთავრობის სხდომაზე, ანტიკრიზისული გეგმის მე-3 ეტაპზე საუბრისას განაცხადა.
მისი განცხადებით საქართველოს ყველა 17 წლამდე მოქალაქე სახელმწიფოს მხრიდან ერთჯერადად 200-ლარიან დახმარებას მიიღებს და კომუნალური გადასახადების სუბსიდირების პროგრამა ნოემბერ-თებერვალშიც იმოქმედებს.
„თავისუფლებისა და დემოკრატიის ფონდის“ აღმასრულებელ დირექტორი ანა გოგოლაძე „კომერსანტთან“ საუბრისას აცხადებს, რომ 5-6 წლის ბავშვი 200 ლარს თვითონ ვერ განკარგავს, შესაბამისად გამოდის, რომ მთავრობა ოჯახებს ეხმარება განურჩევლად იმისა აქვთ თუ არა მათ ამის საჭიროება.
„5-6- წლის ბავშვი თვითონ ვერ განკარგავს 200 ლარს, შესაბამისად, ამ დახმარებას ვაძლევთ ოჯახებს, რომლებსაც ჰყავთ ბავშვები/ თუ ეს სოციალური ფონის დასაბალანსებლად და იმათთვის კეთდება ვისაც ნამდვილად სჭირდება, მაშინ რატომ ვერ ვახდენთ შემოსავლების მიხედვით სეგრეგაციას, ანუ პირობითად თუ ოჯახს წლიურად 40 000 -მდე აქვს შემოსავალი, ნამდვილად სჭირდება მას თუ არა ეს დახმარება ან ბიუჯეტს აქვს თუ არა იმის რესურსი, რომ ყველანაირი შემოსავლის მქონე ჯახს დაუფინანსოს ეს 200 ლარიანი დახმარება“, - აღნიშნავს ანა გოგოლაძე.
ანა გოგოლაძე აღნიშავს, რომ კითხვებს იწვევს ის ფაქტიც, რომ ამ ეტაპზე სამას ლარიანი თვითდასაქმებულების დახმარება საბუთის გარეშე გაიცემა. გოგოლაძე დახმარების ამ ეტაპს წინასაარჩევო პერიოდს უკავშირებს და აღნიშნავს, რომ კორონავირუსი რეალურად მარტში დაიწყო და მთავრობას ამ დახმარებების გაცემა მაისი-ივნისის თვეშიც შეეძლო, მითუმეტეს იმ პერიოდში უფრო მძიმე სოციალური ფონი იყო, რადგან პანდემიის გამო ყველაფერი გაჩერდა.
„სამას ლარიან დახმარებას რაც შეეხება, თუ აქამდე ითხოვდნენ დოკუმენტაციას, ეხლა ასეთ დოკუმენტაციას არ ითხოვენ, მაშინ როდესაც მოსახლეობა მოუწოდებდა მსგავსი მკაცრი შეზღუდვების გარეშე თვითდასაქმებულებისათვის უფრო მარტივად გადაეცა დახმარება, ამაზე მთავრობამ უარი გამოგვიცხადა. ეხლა მოხსნილია რაღაცა რაოდენობის თანხა, ან თავიდანვე დაგეგმილი იყო რომ დაახლოებით 100 000 თვითდასაქმებული, რომელმაც ეს სამას ლარიანი დახმარება ვერ აიღო, ეხლა ყოველგვარი საბუთის გარეშე მიიღებს ამ სამას ლარს.
ეყოფა თუ არა ეს თანხებს და რატომ მაინცდამაინც წინასაარჩევნოდ, ყველაზე სენსიტიური მომენტია, რადგან რეალურად კორონავირუსი მარტის თვეში დაიწყო და ამ დახმარებების გაცემა სექტემბერ-ოქტომბრის თვეში იგეგმება, როდესაც წინასაარჩევნო პერიოდია. დაფინანსების წყარო არის stop covid ფონდი, სადაც 140 მილიონი უკვე იმ დრორისათვის იყო მობილიზებული, როცა მთავრობამ ანტიკრიზისული ბიუჯეტი პარლამენტში წარადგინა. სოციალური ფონი არც ივნისში ყოფილა უკეთესი და არც მაისის თვეში, თუ 17 წლამდელ მოქალაქეებზე 200 ლარის გაცემა უნდოდათ ეს ნამდვილად სოციალურ დატვირთვას ატარებდა, მაშინ რატომ არ გაიცა ეს დახმარება, მით უმეტეს უფრო უჭირდა ეკონომიკას, რადგან ყველაფერი გაჩერებული იყო. ფონდში ასახული 133 მილიონი არ იყო ბიუჯეტში ნაჩვენები, როდისთვის აისახებოდა ეს თანხა სხვა შემოსავლების ნაწილში და რა მიზნობრიობით დაიხარჯებოდა იმ დროისთვის ფინანსთა სამინისტროს პასუხი ამაზე არ ჰქონია და გვეუბნებოდნენ, რომ ამას წლის ბოლომდე გადაწყვეტდნენ, ანუ დიდი ალბათობით თავიდანვე ჩადებული იყო ამ თანხების წინასაარჩევნოდ დახარჯვა“, — განმარტავს გოგოლაძე.
ანა გოგოლაძის განმარტებით, ასევე საინტერესოა თუ საიდან ხდება ამ თანხების მოძიება, რადგან დახმარებებიც რაც საქართველოში შემოვიდა თავისი მიზნობრიობა ჰქონდა, ეს იყო ორასლარიანი, საშემოსავლოს დაბალანსება, სამასლარიანი თუ სხვა ტიპის დახმარება. მისივე განცხადებით წელს პირველად მოხდა ისე, რომ სახელმწიფო ბიუჯეტში ნაშთი 2,5 მილიარდი ლარი დარჩა.
„წელს პირველად მოხდა ესეთი რაღაც, რომ 2.5 მილიარდი ლარი სახელმწიფო ბიუჯეტში არის ნაშთი, მანამდე იყო პროფიციტული მინუს 100 ან 200 მლნ გვქონდა ეხლა კი მოხდა ესეთი რაღაც, მთავრობამ ისესხა რვა მილიარდი ლარი და აქედან 2.5 მილიარდი ხაზინის ანგარიშზე დადო, აქ ბუნებრივად ლოგიკური კითხვა გაჩნდა მაშინ რატომ ვსესხულობთ ამდენს თუ დახარჯვას არ ვაპირებთ, მთავრობის პასუხი იყო ის, რომ რეალურად თუ როგორი სიტუაცია იქნება მომავალში უცნობია და შესაბამისად ამ ყველაფერს ვინახავთ. სწორედ ამ 2.5 მილიარდი ლარით მოხდება სოციალური დანაპირების შესრულება წინასაარჩევნოდ რაც ხაზინის ნაშთზე აღმოჩნდა სესხის სახით“, — განმარტავს ანა გოგოლაძე.
თაკო კვაჭანტირაძე
ანა გოგოლაძე
