ვერტიკალურად აფრენა-დაფრენის ელექტროთვითმფრინავების მწარმოებელი კომპანია მალე ნიუ-იორკის საფონდო ბირჟაზე გამოჩნდება

ვერტიკალურად აფრენა-დაფრენის ელექტროთვითმფრინავების მწარმოებელი კომპანია მალე ნიუ-იორკის საფონდო ბირჟაზე გამოჩნდება

access_time2021-06-11 16:50:00

ბრიტანული კომპანია Vertical Aerospace, რომელიც ვერტიკალურად აფრენა-დაფრენის ელექტროთვითმფრინავებს აწარმოებს, საკონტროლო ფირმა Broadstone Acquisition Corp-თან შერწყმისთვის ემზადება. ფინასნური გარიგების ღირებულება 2,2 მლრდ დოლარია, რის შემდეგაც Vertical Aerospace აშშ-ს საფონდო ბირჟაზე საჯარო კომპანია გახდება. ამის შესახებ კომპანიის განცხადებაშია ნათქვამი, რომელსაც სააგენტო Reuters ავრცელებს.


Vertical Aerospace-ის ერთ-ერთი ინვესტორი ავიაგიგანტი American Airlines-ია. კომპანიას 1000-მდე წინასწარი შეკვეთა აქვს ვერტიკალურად აფრენა-დაფრენის ელექტროთვითმფრინავების (electric vertical takeoff and landing aircraft-eVTOL) დასამზადებლად. მისი სასტარტო კლიენტები არიან როგორც American Airlines, ისე კომპანია Avolon. ეს უკანასკნელი მსოფლიოში სიდიდით მესამე ირლანდიური სალიზინგო ავიაკომპანიაა, რომლესაც ე.წ. ავიატაქსების კომერციულ მცირე ჯეტებში 2 მლრდ დოლარამდე აქვს ჩადებული. ავიატაქსები მზარდი ბიზნესია და ისეთი გიგანტები, როგორებიც Airbus და Boeing არიან, მათ სერიოზულ კონკურენციაზე საუბრობენ. Avolon-ის გენერალური დირექტორი დომნალ სლეტერი აცხადებს, რომ Vertical Aerospace-ის ელექტროთვითმფრინავ VA-X4-ის ფრენის არეალი 120 მილია, თუმცა მისი 400-500 მილამდე გაზრდა უკვე შესაძლებელია.


„ეს თვითმფრინავები მალე მოძველებული ვერტმფრენებს შეცვლის. ისინი 100-ჯერ უფრო ჩუმი და ნულოვანი გამონაბოლქვით არიან,“ - აცხადებს სლეტერი.


მისი თქმით, Avolon-მა კომპანია Vertical Aerospace-ს 1,25 მლრდ დოლარის ღირებულების 310 ერთეული eVTOL და 750 მლნ დოლარის 190 ოპციონი (სხვა მოდელი) შეუკვეთა. დომნალ სლეტერი ვარაუდობს, რომ მაშინ, როცა ავიაკომპანიები ეკოლოგიის დღის წესრიგში ლიდერობისთვის იბრძვიან, მომავალი ნულოვანი გამონაბოლქვის თვითმფრინავების კომერციას ეკუთვნის.



იგივეს აცხადებენ Vertical Aerospace-ში. კომპანიას აქვს ამბიცია, ავიაინდუსტრიას ნულოვანი გამონაბოლქვით ნახშირბადის შემცირების მიღწევაში დაეხმაროს. თუმცა კომპანიას უსაფრთხოების სერტიფიკაციის ვადებთან დაკავშირებით ჯერჯერობით გაურკვეველი მდგომარეობა აქვს. Vertical Aerospace-ში მოელიან, რომ ასეთი სერთიფიკატი 2024 წლისთვის ექნებათ. სწორედ ეს წელი დაასახელა მაისში ავიაუსაფრთხოების სფეროში ევროპის მარეგულირებელმა სამსახურმაც, რომელიც ევროპის რეგიონში პირველი მფრინავი ელექტროტაქსების გამოჩენას 2024 წლისთვის ვარაუდობს.


Vertical Aerospace-ისა და Broadstone Acquisition-ის ფინანსური გარიება მიმდინარე წლის მეორე ნახევარში დაიხურება, რის შემდეგაც ნიუ-იორკის საფონდო ბირჟაზე Vertical Aerospace-ის აქციები „EVTL“ ტიკერის ქვეშ გამოიფინება. American Airlines-ისა და Avolon-ის გარდა, Vertical Aerospace-ში საჯარო კაპიტალის გარიგებით კერძო ინვესტიციები კომპანია Honeywell-მა და Rolls-Royce-მაც განახორციელეს. მისი ინვესტორები, ასევე, არიან Microsoft-ის ვენჩურული ფონდი - M12, საინვესტიციო მენეჯერი - 40 North და ვენჩურული კაპიტალის ფირმა - Rocket Internet.



BPN.GE








წელს მსოფლიო ტურიზმი 65%-ით აღდგება - UNWTO

წელს მსოფლიო ტურიზმი 65%-ით აღდგება - UNWTO
access_time2022-11-29 23:55:13
ტურიზმის საერთაშორისო ორგანიზაციის (UNWTO) პროგნოზით, საერთაშორისო ტურიზმის აღდგენის მაჩვენებელი წელს 65% იქნება. ორგანიზაციის ინფორმაციით, იანვარ-სექტემბერში 700 მლნ ტურისმტმა იმოგზაურა მთელ მსოფლიოში, რაც წლიურად 133%-ით გაზრდილი მაჩვენებელია, ხოლო 2019 წლის შესაბამისი პერიოდის 63%-ს შეადგენს. აღდგენის ეს მაჩვენებელი გამოწვეულია მოგზაურობაზე მაღალი მოთხოვნითა და „კოვიდის“ გამო დაწესებული შეზღუდვების შემსუბუქებით. საანგარიშო პერიოდში რეგიონში...

2022 წლის ათასწლეულის ინოვაციის კონკურსის ფინალისტების ვინაობა ცნობილია

2022 წლის ათასწლეულის ინოვაციის კონკურსის ფინალისტების ვინაობა ცნობილია
access_time2022-11-29 21:55:59
2022 წლის ათასწლეულის ინოვაციის კონკურსის მთავარი პრიზი - აშშ-ში ნასას საზაფხულო ბანაკში გამგზავრება, გუნდმა “LIGGA“-მ პროექტით „რადიაციის კვლევის, მონიტორინგისა და უსაფრთხოების სისტემა“ მოიპოვა. გუნდის მიერ შექმნილიპროექტის საშუალებით, შესაძლებელია ოთახებსა და შენობებში რადიაციის დონის კონტროლი და რადიაციის გავრცელების არეალის განსაზღვრა. გამარჯვებული გუნდის წევრები გაემგზავრებიან აშშ-ში და მონაწილეობას მიიღებენ NASA-ს კოსმოსური ცენტრის უნივერსიტეტის საზაფხულო სკოლაში....

ნატო-ს საგარეო საქმეთა მინისტრებმა ერთობლივი განცხადება გაავრცელეს, რომელშიც საქართველოს მხარდაჭერაზეც არის საუბარი

ნატო-ს საგარეო საქმეთა მინისტრებმა ერთობლივი განცხადება გაავრცელეს, რომელშიც საქართველოს მხარდაჭერაზეც არის საუბარი
access_time2022-11-29 20:55:28
ნატო-ს საგარეო საქმეთა მინისტრებმა ბუქარესტში გამართული შეხვედრის შემდეგ ერთობლივი განცხადება გაავრცელეს, რომელშიც საქართველოს მხარდაჭერაზეც არის საუბარი. როგორც განცხადებაშია აღნიშნული, ნატო-ს საგარეო საქმეთა მინისტრები გამოხატავენ მტკიცე ერთგულებას ალიანსის ღია კარის პოლიტიკისადმი. „დასავლეთ ბალკანეთის და შავი ზღვის რეგიონებს სტრატეგიული მნიშვნელობა აქვს ალიანსისთვის. ჩვენ მივესალმებით ჩვენს შეხვედრას ნატო-ს პარტნიორების, ბოსნია და...

ეკონომიკის ორნიშნა ზრდას და ლარის სიმყარეს მხოლოდ რუსეთის ეფექტს ვერ დავაბრალებთ - ვახტანგ ჭარაია

ეკონომიკის ორნიშნა ზრდას და ლარის სიმყარეს მხოლოდ რუსეთის ეფექტს ვერ დავაბრალებთ - ვახტანგ ჭარაია
access_time2022-11-29 21:30:15
ეკონომიკის ორნიშნა ზრდა და ლარის სიმყარეს მხოლოდ რუსეთის ეფექტს ვერ დავაბრალებთ, -ამის შესახებ გრიგოლ რობაქიძის სახელობის უნივერსიტეტის ბიზნესისა და მართვის სკოლის დეკანმა, პროფესორმა ვახგანგ ჭარაიამ, გიორგი აბაშიშვილის საავტორო გადაცემაში „ბიზნეს ინსაიდერი“ განაცხადა. მისი თქმით, გლობალურმა თუ ეკონომიკურმა ცვლილებებმა საქართველოზე გარკვეული პოზიტიური ეფექტი იქონია, მაგრამ საქართველო ამისთვის წლების განმავლობაში ემზადებოდა და ბევრი...

კომპანია Starlink-მა უკრაინის მაცხოვრებლებს ინტერნეტის ტარიფი გაუზარდა

კომპანია Starlink-მა უკრაინის მაცხოვრებლებს ინტერნეტის ტარიფი გაუზარდა
access_time2022-11-29 20:30:44
კომპანია Starlink-მა ინტერნეტის ტარიფი გაუზარდა უკრაინის მაცხოვრებლებს. კომპანიამ აბონენტებისთვის შესაბამისი წერილების დაგზავნა დაიწყო. 29 დეკემბრიდან სატელიტური ინტერნეტი კერძო პირებისთვის თვეში 60 დოლარიდან გაიზრდება 75 დოლარამდე. როგორც „ტელეგრამში“ წერს Инсайдер UA, Starlink-ის ტერმინალისა და ანტენის ფასი გაიზრდება და 500 დოლარის ნაცვლად 700 დოლარი ეღირება. ომის დაწყებიდან ილონ მასკის კომპანია SpaceX-მა უკრაინას Starlink-ის დაახლოებით 20...


მსგავსი სიახლეები

up