Versace-მ მაისურზე ჰონგ-კონგის ქვეყნად მოხსენიების გამო ჩინეთს ბოდიში მოუხადა

Versace-მ მაისურზე ჰონგ-კონგის ქვეყნად მოხსენიების გამო ჩინეთს ბოდიში მოუხადა

access_time2019-08-11 22:00:07

იტალიურმა მოდის სახლმა და მისმა სამხატვრო ხელმძღვანელმა დონატელა ვერსაჩემ ბრენდის მაისურზე დატანილი წარწერის გამო ბოდიში მოიხადა. კერძოდ, საუბარია თეთრ მაისურზე, რომელზეც ჩინეთის მიერ კონტროლირებადი ტერიტორიები: ჰონგ-კონგი და მაკაო ქვეყნებადაა მოხსენიებული.


Reuters-ის ინფორმაციით, Versace-მ ჩინურ სოციალურ ქსელ Weibo-ზე დაწერა, რომ მათ მაისურის შექმნისას შეცდომა დაუშვეს, ამიტომ პროდუქტის გაყიდვა შეაჩერეს და დარჩენილი მაისურები გაანადგურეს.


“კიდევ ერთხელ აღვნიშნავთ, რომ ჩვენ გვიყვარს ჩინეთი და მტკიცედ ვცემთ პატივს ჩინეთის ტერიტორიასა და მის ეროვნულ სუვერენიტეტს", - წერია კომპანიის განცხადებაში.


Versace-ის მაისურის ფოტო ბოლო დღეების განმავლობაში სოციალურ მედიაში მასობრივად გავრცელდა. მაისურზე "ქალაქი-ქვეყნის" პრინციპით სხვადასხვა გეოგრაფიული ერთეულია ჩამოთვლილი, მათ შორის "ნიუ-იორკი - აშშ", "ბეიჯინგი-ჩინეთი", თუმცა წარწერები, რომლებსაც კრიტიკა მოჰყვა ასეთი ფორმულირებით წერია - "ჰონგ-კონგი - ჰონგ-კონგი" და "მაკაო - მაკაო".



სოციალურ მედიაში მწვავე კრიტიკის შემდეგ გარდა კომპანიის ოფიციალური განცხადებისა, ბოდიში მოდის სახლის დამფუძნებლის, ჯანი ვერსაჩეს, დამ - დონატელა ვერსაჩემაც მოიხადა.


“არასდროს მდომებია შეურაცხყოფა მიმეყენებინა ჩინეთის სუვერენიტეტისთვის და ამიტომაც მინდა პირადად მოვიხადო ბოდიში ასეთი უზუსტობისთვის და იმ შფოთვისთვის, რაც ამ ყოველივემ გამოიწვია", - დაწერა ვერსაჩემ Instagram-ზე.


მანამდე მომხდარის გამო, ჩინეთში Versace-ის ბრენდ ამბასადორმა, ცნობილმა მსახიობმა იანგ მიმ კომპანიასთან კონტრაქტი შეწყვიტა. მსახიობმა ამის შესახებ Weibo-ზე დაწერა, სადაც მისი განცხადება 640 მილიონზე მეტმა მომხმარებელმა ნახა.


imedinews


თეგები:
Versace



„ფრესკო“ პროტესტის ნიშნად 24 საათით იკეტება

„ფრესკო“ პროტესტის ნიშნად 24 საათით იკეტება
access_time2019-11-18 21:29:59
„ფრესკო“ პროტესტის ნიშნად 24 საათით იკეტება. ამის შესახებ კომპანია ინფორმაცია სოციალურ ქსელში ავრცელებს. ქსელური ჰიპერმარკეტის განცხადებას კომერსანტი უცვლელად გთავაზობთ:   „მიგვაჩნია, რომ ის, რაც დღეს ჩვენს ქვეყანაში ხდება, ჩვენთვის და ჩვენი მოქალაქეებისთვის კონსტიტუციური უფლების წართმევაა! დღეს, კიდევ ერთხელ ვრწმუნდებით, რომ ადამიანის ფუნდამეტური უფლება - აზრისა და სიტყვის გამოხატვის თავისუფლება იზღუდება.   რთულია, ამ სიტუაციაში იყო უმოქმედოდ, მაგრამ...

თბილისის მოვლენებს მსოფლიოს წამყვანი გამოცემები ეხმაურება

თბილისის მოვლენებს მსოფლიოს წამყვანი გამოცემები ეხმაურება
access_time2019-11-18 21:00:20
თბილისში მიმდინარე მოვლენები მსოფლიო მედიის ყურადღების ცენტრშია. “საქართველოში მიმდინარე პროტესტს პარლამენტთან შეერთებული შტატები და ევროკავშირი უჭერს მხარს“, - სტატიას ამ სათაურით France 24 აქვეყნებს. გამოცემა წერს, რომ მიმდინარე აქციები, ბოლო წლების მანძილზე ყველაზე მასშტაბური ანტისამთავრობო გამოსვლებია საქართველოს დედაქალაქში. გამოცემის ცნობით, დაახლოებით 20 000 ადამიანი თბილისის ქუჩებში რიგგარეშე საპარლამენტო არჩევნებს ითხოვს. საპროტესტო აქციებზე წერს ასევე...

კახა კალაძე –სახელმწიფომ საკუთარი ვალდებულება შეასრულა და პარლამენტის უკანონო ბლოკირება აღკვეთა

კახა კალაძე –სახელმწიფომ საკუთარი ვალდებულება შეასრულა და პარლამენტის უკანონო ბლოკირება აღკვეთა
access_time2019-11-18 20:15:51
გვინდა გამოვეხმაუროთ რუსთველის გამზირზე მიმდინარე მოვლენებს და საპოლიციო ღონისძიებას, რომელიც წესრიგის აღსადგენად ჩატარდა. საქართველოში, დაცულია სიტყვისა და გამოხატვის თავისუფლება, თუმცა პარლამენტთან, ოპოზიციის ქმედებები გასცდა კანონის ჩარჩოებს.   ჩვენ, ორი დღის განმავლობაში, ვაფრთხილებდით აქციის ორგანიზატორებს, რომ სახელწიფო ინსტიტუტის, პარლამენტის ბლოკირება არის უკანონო ქმედება, თუმცა, მიუხედავად ამისა, ნახეს რა, რომ არ ჰქონდათ ხალხის სათანადო მხარდაჭერა, აქციის...

„ბიძინა ივანიშვილი ერთადერთი პასუხისმგებელია არსებულ დესტაბილიზაციაზე და ასევე ერთადერთია, ვისაც ყველაფრის შეჩერება შეუძლია“ - ფადი ასლი

„ბიძინა ივანიშვილი ერთადერთი პასუხისმგებელია არსებულ დესტაბილიზაციაზე და ასევე ერთადერთია, ვისაც ყველაფრის შეჩერება შეუძლია“ - ფადი ასლი
access_time2019-11-18 20:00:53
„დღეს ეს დემონსტრანტები თუ გაიყვანეს პარლამენტის შენობის მიმდებარე ტერიტორიიდან, ხვალ ისევ დადგებიან და ეს პროცესი არასდროს დასრულდება, შესაბამისად, გაგრძელდება ქვეყნის არასტაბილური მდგომარეობაც. არ უნდა დაგვავიწყდეს, რომ ბიძინა ივანიშვილმა პირობა დაარღვია და აზრი შეიცვალა არჩევნების პროპორციულ სისტემაზე გადასვლასთან დაკავშირებით, ის ერთადერთია ვისაც უნდა ვადანაშაულებდეთ. ივანიშვილი ამბობს,  რომ მისმა პარლამენტარებმა უღალატეს, მაგრამ ამას ორი წლის ბავშვიც კი არ დაიჯერებს.  ჩვენ...

საპარლამენტო უმრავლესობა ბიუროს სხდომის ჩასატარებლად ემზადება, ჟურნალისტებს პარლამენტში არ უშვებენ

საპარლამენტო უმრავლესობა ბიუროს სხდომის ჩასატარებლად ემზადება, ჟურნალისტებს პარლამენტში არ უშვებენ
access_time2019-11-18 18:00:59
საპარლამენტო უმრავლესობა ბიუროს სხდომის ჩასატარებლად ემზადება. როგორც ცნობილია, სპეცრაზმმა პარლამენტის ტერიტორია აქციის მონაწილეებისგან რამდენიმე წუთის წინ გაათავისუფლა.არსებული ინფორმაციით, საპარლამენტო უმრავლესობის წევრები პარლამენტში შეკრებას იწყებენ. აღსანიშნავია, რომ ჟურნალისტებს პარლამენტში არ უშვებენ. როგორც „ინტერპრესნიუსს“ საკანონმდებლო ორგანოს პრესსამსახურში განუცხადეს, დღეს ბიუროს სხდომა მედიის გარეშე ჩატარდება, თუმცა საზოგადოებას სხდომის მიმდინარეობის ნახვა...


მსგავსი სიახლეები

up