“ვერონა” ჯგუფი - ვირუსის საშიშროებამ სახლის კეთილმოწყობა და კომფორტის შექმნა უპირველეს აუცილებლობად აქცია

COVID-19-ის გავრცელების საწინააღმდეგოდ შემოღებულმა მკაცრმა ღონისძიებებმა  ქვეყანას საშუალება მისცა რეალურად შეეჩერებინა ვირუსის გავრცელება და დაგეგმილზე უფრო ადრე გაეხსნა ეკონომიკა. 18 მაისიდან გაიხსნა ავეჯის, საოჯახო ნივთების და სარემონტო მასალების საცალო ვაჭრობის ობიექტები და მოიხსნა გადაადგილებაზე შეზღუდვა.დაწესებულმა ღონისძიებებმა ეკონომიკის ყველა სფეროში შექმნა კრიზისული მდგომარეობა, ბიზნესები გაჩერდა თითქმის ორი თვით, თუმცა როგორც მოსალოდნელი იყო გახსნის შემდეგ ახალი და საინტერესო დინამიკაა. შექმნილ მდგომარეობაზე და მომხმარებელთა ქცევაში წარმოჩენილ ცვლილებაზე “ვერონა” ჯგუფის წარმომადგენელი საუბრობს.

“დავიწყოთ იქიდან რომ, “ვერონა” ჯგუფი რომელიც წარმოადგენს იტალიური ავეჯის სახლ “ვერონა”-ს და აბაზანის და სამზარეულოს სარემონტო მასალების შოურუმ “ვენეტო დიზაინს” 2020 წელს ელოდა გაყიდვებზე 20%-იან ზრდას და ამ მიზნით 2019 წელს ჩვენ მოვიზიდეთ 3.5 მილიონი ევროს ოდენობის ინვესტიცია. თბილისში, აღმაშენებლის ხეივნის 51 ნომერში ჩვენ ავაშენეთ ათიათასი კვადრატული მეტრის შენობა, რომელშიც ელეგანტური და კლასიკური, ტენდენციური და მოდური, თანამედროვე და მინიმალისტური გავაერთიანეთ მარტივად და შევქმენით უნიკალური სავაჭრო ცენტრი, სადაც ივნისის თვიდან მომხმარებლებს მიიღებს სრულიად ახალი ავეჯის სახლი “ვერონა”.

დამატებით ერთი მილიონი ევროს ინვესტიცია განვახორციელეთ კერამიკული ფილების, აბაზანის და სველი წერტილების მოწყობილობების, სამზარეულოს ავეჯის და ტექნიკის შოურუმ “ვენეტო დიზაინში”, რომელიც მდებარეობს აღმაშენებლის ხეივნის 38 ნომერში.ადვილად წარმოსადგენია ბიზნესის მდგომარეობა, რომელმაც ამ მოცულობის ინვესტიცია განახორციელა, ელოდება ზრდას და მოულოდნელად უწევს საქმიანობის სრულად გაჩერება.

“ვერონა”-ს ბიზნეს ჯგუფისთვის ყველაზე დიდი აქტივი და კაპიტალი არის ადამიანთა გუნდი, რომლებთან ერთადაც წლებია მოვდივართ, ვიზრდებით და გვაქვს წარმატება. ბიზნესის დახურვის დღეს 18 მარტს რაც ჩვენ გავაკეთეთ, ყველა ერთად შევიკრიბეთ და თითოეულ თანამშრომელს ვუთხარით, რომ არავის გავუშვებდით სამსახურიდან, ჩვეულ ვადაში ყველა მიიღებდა კუთვნილ ხელფასს და ჩვენ ამისთვის მინიმუმ მაისის საჭიროების ჩათვლით დავარეზერვეთ რესურსი.  ერთიანობის და გუნდურობის თვისებამ საშუალება მოგვცა, ყველაზე სტრესულ პეროდში შეგვენარჩუნებინა კომუნიკაცია მომხმარებლებთან, მომწოდებლებთადა პარტნიორებთან და ბიზნესი მზად ყოფილიყო გახსნისთვის ნებისმიერ მომენტში.

ჩვენი მაღაზიები “ვერონა” და “ვენეტო დიზაინი” გაიხსნა 18 მაისს და ჯანდაცვის სამინისტროს რეკომენდაციათა სრული დაცვით განაგრძო საქმიანობა. გახსნის დღიდან გამართლდა ჩვენი ის მოლოდინი, რასაც ვგრძნობდით დახურვის პერიოდში მომხმარებლებთან დისტანციური კომუნიკაციით - ფეისბუკის მეშვეობით. ჩვენ მომსწრე ვართ ძველი ჭეშმარიტების დადასტურების “ჩემი სახლი ჩემი ციხესიმაგრეა!” იმ დროს, როდესაც ეკონომიკური მდგომარეობა ერთიან სურათში ნეგატიურია და კრიზისამდელი მონაცემის აღდგენას არ ეყოფა ერთი კალენდარული წელი, შეცვლილია მოსახლეობის პრიორიტეტები და დანახარჯის პორტფელი: თითოეულმა ჩვენგანმა დახურვის პერიოდი გავატარეთ სახლებში, რა დროსაც უამრავი საოჯახო ნივთის დანაკლისი და საჭიროება აღმოვაჩინეთ. ექსპერტები საუბრობენ საშიშროებაზე, რომ პანდემიამ კვლავ თავი იჩინოს შემოდგომა-ზამთრის განმავლობაში და ამ მიზნით მოსახლეობა უკვე აქტიურ მზადებას ახორციელებს. ვიღაცას აკლია სანათი და ჭაღი, უამრავს აბაზანაში კერამიკული ფილა აქვს შესაცვლელი, საშხაპე კაბინა, ხელსაბანი, შემრევი, საწოლი, ტანსაცმლის გარდერობი და რაც არანაკლებ მნიშვნელოვანია კომფორტული სავარძელი და ღრუბელივით მატრასი სჭირდება. უამრავ ადამიანს შეძენილი აქვს ბინა ანდა დაუმტავრებელი სახლი, სადაც აპირებდა გაფართოვებას და უბრალოდ ვერ ახერხებდა და ვერ იცლიდა ამისთვის. ახალა კი ამისი გადაუდებელი აუცილებლობა წარმოიქმნა. მოგეხსენებათ “ვერონა” ჯგუფი ავეჯის სახლ “ვერონა”-ს და სარემონტო მასალების შოურუმ “ვენეტო დიზაინში” წარმოდგენილი პროდუქცის არჩევანით სრულად ფარავს სახლის მოსაწყობად საჭირო ნივეთების ჩამონათვალსდა აკმაყოფილებს ნებისმიერი გემოვნების მომხმარებელთა სურვილებს.

მნიშვნელოვანი მომენტია, რომ ეკონომიკის სექტორებიდან ყველაზე მეტად ტურისტული, გასართობი და და სარესტორნე სექტორები ზარალდებიან,გადაადგილებასა და შეკრების უსაფრთხოების ნორმებზე დაწესებული შეზღუდვების გამო. ჩვენი მომხმარებლები, რომლებიც საშუალო და მაღალ სეგმენტს წარმოაგენენ მნიშვნელოვან რესურსს ხარჯავდნენ ამ მიმართულებით და იმედი გვაქვს ყველა ერთად მალე დავბრუნდებით ცხოვრების ჩვეულ რიტმს, თუმცა მანამდე, ჩვენი გაყიდვების შესწავლით მომსწრე ვართ მდგომარეობის, როდესაც დანახარჯი მთლიანად წარიმართა ბინების და სახლების კეთილმოწყობაზე. აღსანიშნავია, რომ “ვერონა”-ს და “ვენეტო დიზაინი”-ს მიწოდებული პროდუქციის მნიშვნელოვანი ნაწილი არის ქალაქგარეთ ლოკაციებზე - ოჯახები ზრუნავენ და ფიქრობენ კეთილმოაწყონ და სრული კომფორტი შეიქმნან კერძო სივრცეებში, სადაც შეუძლიათ იყვენ დაცულები და ამავდროულად დრო გაატარონ მეგობრების და ახლო ნათესავების წრეში, ნაცვლად რესტორნების და სასტუმროებისა, რათა მოერიდნენ ხალხმრავლობას.

“ვერონა” ბიზნეს ჯგუფი სახლში კომფორტის შექმნის მხრივ ბაზრის ლიდერია და ამ მხრივ გემოვნებიან მყიდველს შეუზღუდავი არჩევანი აქვს, მით უმეტეს ახლა, როდესაც ჩვენ 2019 წელსვე მოვემზადეთ ბაზრის ზრდისთვის. მნიშვნელოვანი ფაქტია, რომ პანდემიით ყველაზე დაზარალებულ იტალიის ლომბარდიის და ტრევიზოს რეგიონებში მხოლოდ რამოდენიმე კვირით შეჩერდა საწარმოო პროცესი და იმ დროსაც არ გაჩერებულა მზა პროდუქციის დატვირთვა და მოწოდება. არცერთი დღით არ გაჩერებულა საერთაშორისო გადაზიდვები და ჩვენ მოვახერხეთ და შევძელით მნიშვნელოვანი მარაგების დაგროვება ადგილზე. 4 მაისიდან საწარმოო პროცესები განაახლა ყველ ჩვენმა პარტნიორმა ავეჯის ქარხანამ და მომავალ კვირაში დაიტვირთება და ჩვენ მივიღებთ სრულიად ახალი კოლექციებს რომელთა წარდგენა ქარხნებმა ვერ შეძლეს 2020 წლის მილანის ავეჯის ჩაშლილ გამოფენაზე. კერამიკული ფილების და სანტექნიკის მწარმოებელი ესპანური და იტალიური ქარხნები, სადაც წარმოება სრულად ავტომატიზირებულია, არც გაჩერებულან და ამ მხრივ საერთოდ არ ყოფილა შეფერხება. 

ასე რომ, მიუხედავად საერთო ეკონომიკური კრიზისის, განკარგვადი შემოსავლების კლების, ერთიანი დანახარჯების პორტფელის შემცირებისა, ავეჯის, საოჯახო ნივთების და სარემონტო მასალების გაყიდვებზე ზაფხული-შემოდგომის განმავლობაში ჩვენ ველოდებით არა მხოლოდ წინა წლის მოცულობის შენარჩუნებას, არამედ მნიშვნელოვან ზრდას.

გისურვებთ ჯანმრთელობას და რაც მთავარია ხალისს და სურვილს ახლის შესაძენად!”- აცხადებენ ვერონა ჯგუფში.

R