ვერც ერთ კითხვაზე ადეკვატური პასუხი ვერ მივიღეთ - დეპუტატების შეფასება მინისტრის 6-საათიანი მოსმენის შემდეგ

ვერც ერთ კითხვაზე ადეკვატური პასუხი ვერ მივიღეთ - დეპუტატების შეფასება მინისტრის 6-საათიანი მოსმენის შემდეგ

access_time2019-06-07 20:00:34

ჭიათურაში მაღაროელების გაფიცვა, ფოთის ღრმაწყლოვანი პორტის მშენებლობა, 2019 წლის 21 აპრილს პანკისის ხეობაში განვითარებული მოვლენები და “გაზპრომთან“ გაფორმებულ ხელშეკრულება - ამ საკითხებზე დღეს ეკონომიკისა და მდგრადი განვითარების მინისტრს თითქმის 6 საათის განმავლობაში პარლამენტში, დარგობრივი ეკონომიკისა და ეკონომიკური პოლიტიკის კომიტეტის სხდომაზე დეპუტატები კითხვებს უსვამდნენ და პასუხებს ისმენდნენ.

 

 

 

სხდომის დასრულების შემდეგ კი დეპუტატების ოპოზიციური ნაწილი ერთხმად აღნიშნავდა, რომ ვერც ერთ კითხვაზე ადეკვატური პასუხი ვერ მიიღეს. თუმცა თავად მინისტრი თვლის, რომ კომიტეტზე დასმულ ყველა კითხვას ამომწურავი პასუხი გასცა.

 

 

 

დამოუკიდებელი დეპუტატი დავით ჭიჭინაძე

 

 

 

 

 

დეპუტატების არც ერთ კითხვაზე მინისტრს პასუხი არ გააჩნია. არ შეიძლება მინისტრი იძლეოდეს ზოგად რიტორიკულ პასუხებს. ვთვლი, რომ სერიოზული პრობლემაა ასეთი ეკონომიკის მინისტრის თანამდებობაზე ყოფნა.

ძალიან ნიშანდობლივია, როდესაც ქალბატონი მინისტრი 2006 წელს მინისტრის მოადგილეობიდან წასვლას გმირულ საქციელს უკავშირებს. იგი წავიდა ისეთ კომპანიაში, რომელმაც არასაბაზრო პირობებით სხვადასხვა ქონება მიითვისა და თავისი არც ერთი ვალდებულებები არ შეასრულა.

 

 

 

 

 

ევროპული საქართველოს დეპუტატი გიგა ბოკერია


 

 

 

 

 

რა თქმა უნდა, ვერც ერთ კითხვაზე ადეკვატური პასუხი ვერ მივიღეთ. თვითონ ის, რომ 4 ასეთ თემაზე ერთდროულად ტარდება მოსმენა და ის, რომ ოცნების გუნდის წევრები ყოველ ჯერზე იწყებ ისტერიკას, როცა ჩათვლიან რომ უხერხულ მდგომაროებაში ვარდება მათი მინისტრი, ესეც უწყობს ხელს პასუხების განეიტრალებას. მაგრამ ისიც მნიშვნელოვანია საზოგადოება ხედავდეს, როგორი მძიმეა სიტუაცია ქვეყანაში და ეს არ ეხება მხოლოდ მინისტრის პერსონას, ეს ეხება იმ მოწყობას, რაც გვაქვს. ეს ეხება იმას, რომ არის ერთი კაცი და მის გარშემო ტრიალებს ყველაფერი და ამიტომაა ყველაფერი ასეთ ჩიხში შესული. არის სპეციფიკური თემები, რაზეც არ გვაქვს კონკრეტული პასუხები, მაგალითად, რატომ ნარჩუნდება ჭიათურაში კორუფციული სქემა, რომელიც რეალურად აძვირებს დანახარჯებს და ეს აისახება დასაქმებულებზეც. არის ეჭვი, რომ ეს ყველაფერი ხდება მმართველი გუნდის დასაფინანსებლად, რაზეც პასუხი არ გაგვცა. ამ ამბავს არც მინისტრის გამოსვლა უშველის - მთლიანად კაბელის, ანუ ბიძინას გამოცვლა სჭირდება, მშვიდობიანად, არჩევის გზით.

 

 

 

„ერთიანი ნაციონალური მოძრაობის“ დეპუტატი სალომე სამადაშვილი

 

 

 

რეალურად ვერ მივიღეთ ვერანაირი პასუხები. ვინ არის პასუხისმგებელი იმაზე, რომ ანაკლიის პორტის მშენებლობა საფრთხის ქვეშ არის, ისევ მივიღეთ ცარიელი დაპირება, რომ პორტი აშენდება, მაგრამ ვერანაირი რეალური ინფორმაცია ვერ მოვისმინეთ, როგორ აპირებს ხელისუფლება ამის უზრუნველყოფას. მეორე მნიშვნელოვანი პრობლემა რაც დღეს განვიხილეთ, ეს არის „გაზპრომი“ - დავრწმუნდით კიდევ ერთხელ იმაში, რომ ჩვენი სახელმწიფოსთვის, ჩვენი ბიუჯეტისთვის წამგებიან პირობებზე დათანხმდა ხელისუფლება. გარდა ამის ვერ მივიღეთ პასუხი როგორ აპირებს მინისტრი დაიცვას ჩვენი ენერგოსისტემა და ჩვენი სახელმწიფო რუსეთის შემდგომი ზეგავლენის გაზრდისგან. რაც შეეხება პანკისს, ამ საკითხზეც ჩვენ დღეს ვერანაირი ახალი ინფორმაცია ვერ მოვისმინეთ. თუ ხელისუფლებისთვის ცნობილი იყო რომ ხეობაში არ იყო მიღწეული თანხმობა ჰესის მშენებლობაზე, გაურკვეველია რატომ გადაწყვიტა ჯარის მობილიზება იმის ნაცვლად, რომ მიეღწიათ ადგილობრივ ხელისუფლებასთან თანხმობისთვის. მოკლედ, არც ერთ შეკითხვაზე ახალი ინფორმაცია არ მიგვიღია.

 

 

 

ეკონომიკისა და მდგრადი განვითარების მინისტრი ნათია თურნავა

 

 

 

მიმაჩნია, რომ დარგობრივი ეკონომიკისა და ეკონომიკური პოლიტიკის კომიტეტზე დასმულ ყველა კითხვას ამომწურავი პასუხი გავეცი. ჩემი აზრით,  მსგავსი შეხვედრები ნაკლები ემოციის ფონზე უნდა წარიმართოს და მეტი დრო დაეთმოს ეკონომიკურ პრიორიტეტებზე მსჯელობას.

 

 

 

 სხვა საკითხია, თუ ვინმეს ჩემი პასუხები არ მოეწონა და სხვა რამეს ელოდა. ვისურვებდი, ნაკლები ემოციებით გაიმართოს ასეთი მსჯელობა, მეტად პროფესიონალური იყოს და უფრო მეტი დრო დაგვეთმო კონკრეტულად ეკონომიკის სამინისტროს პრიორიტეტებისთვის, რადგან ეს ჩემი პირველი სტუმრობა იყო დარგობრივ კომიტეტში და სურვილი მქონდა, გამეცნო დეპუტატებისთვის, რას ვაკეთებთ სიღარიბის დაძლევის კუთხით, ინვესტორებისთვის „ერთი ფანჯრის“ პრინციპის განმტკიცების მიმართულებით.

 

 

 

სხდომის დასრულების შემდეგ, მინისტრმა  ანაკლიის პროექტზე და ფოთის პორტზე კიდევ ერთხელ გაამახვილა ყურადღება. 

 

 

 

„სახელმწიფო არ დაუშვებს არც ერთ გადაწყვეტილებას, რომელიც დააზიანებს ანაკლიის პორტს, ანაკლია არის ჩვენი სტრატეგიული პრიორიტეტი. ყველაფერს ვაკეთებთ, რომ ეს პორტი განვითარდეს და შედგეს. ნებისმიერი სხვა პროექტი უნდა იყოს განხილული, მაგრამ მხოლოდ ანაკლიის პრიორიტეტის კონტექსტში. რთული საკითხებია ფოთი, ანაკლია. იყო განსხვავებული აზრი დარბაზში, მათ შორის ოპოზიციის შიგნითაც, მაგრამ მთავარია, ხელისუფლება ვამბობთ, რომ ანაკლია არის ჩვენი პრიორიტეტი, რასაც შევინარჩუნებთ სხვა პროექტებთან მიმართებაში“, – განაცხადა თურნავამ.

 

ამასთან, მინისტრის თქმით, უწყება დეტალურად შეისწავლის ფოთის პორტთან დაკავშირებით წარდგენილ ბიზნეს გეგმას.

 

„ძალიან დეტალურად გავეცნობი „ეიფიემ ტერმინალის“ ბიზნეს გეგმას, შევხვდები ინვესტორებს, მაგრამ ანაკლიის პრიორიტეტი შენარჩუნებული იქნება“, – აღნიშნა ეკონომიკისა და მდგრადი განვითარების მინისტრმა.

 




„არავინ არ მისცემს „ქართულ ოცნებას“ უფლებას, რომ გზას გადაუხვიოს და ქვეყანა პროპორციულ არჩევნებზე არ გადავიდეს“ - ლევან კობერიძე

 „არავინ არ მისცემს „ქართულ ოცნებას“  უფლებას, რომ გზას გადაუხვიოს და ქვეყანა პროპორციულ არჩევნებზე არ გადავიდეს“ - ლევან კობერიძე
access_time2019-11-12 20:10:35
„საეჭვოა ის, რომ „ქართული ოცნება“ ამ ხალხის მოთხოვნას მხარს დაუჭერს და ბოლომდე მიიყვანს. რა პროცესი მიდის უმრავლესობის შიგნით, გაურკვეველია. თავიანთი შიდა სამზარეულოს პრობლემები, ქვეყნის რეალურ პრობლემებად იქცა.  ამიტომაა მნიშვნელოვანი გუნდში გამჭვირვალობა იყოს.“ - ასე აფასებს საქართველოს პარლამენტის დამოუკიდებელი დეპუტატი ლევან კობერიძე დღეს პარლამენტში განვითარებულ...

ოპოზიციის კანონპროექტი ჩავარდა, ჩავარდება თუ არა „ქართული ოცნების“ მიერ შემოთავაზებული ვარიანტი

ოპოზიციის კანონპროექტი ჩავარდა, ჩავარდება თუ არა „ქართული ოცნების“ მიერ შემოთავაზებული ვარიანტი
access_time2019-11-12 19:16:27
საქართველოს პარლამენტმა ოპოზიციის ინიცირებულ საკონსტიტუციო ცვლილებებს, რომლის მიხედვით 2020 წლის საპარლამენტო არჩევნები სრულად პროპორციული წესით ჩატარდება, მხარი არ დაუჭირა. ახლა კენჭისყრაზე უნდა დადგეს უმრავლესობის მიერ მომზადებული კანონპროექტი, რომელიც პროპორციული არჩევნების ნულოვანი ბარიერით ჩატარებას გულისხმობს. კენჭისყრამდე კი ქართული ოცნების დეპუტატებმა საკითხის დამატებით განხილვა მოითხოვეს.   საპარლამენტო ოპოზიციამ იმ განცხადებებს, რომელიც სხდომათა...

„არ გაბედო ჩვენი გადაგდება! არ გაბედო კანონის ჩაგდება“ - პარლამენტთან აქცია დაიგეგმა

„არ გაბედო ჩვენი გადაგდება! არ გაბედო კანონის ჩაგდება“ - პარლამენტთან აქცია დაიგეგმა
access_time2019-11-12 18:51:39
საპარლამენტო უმრავლესობის რამდენიმე დეპუტატმა პროპორციულ სისტემაზე გადასვლას მხარი არ დაუჭირა, რის გამოც გაჩნდა ეჭვი, რომ „ქართული ოცნება" კანონპროექტის ჩაგდებას აპირებს.   „დღეს პროპორციულის კენჭისყრაა - არ გაბედო ჩაგდება! - ამ ტიპის განცხადებით გამოდიან ფეისბუქზე პროპორციული სისტემაზე გადასვლის მომხრეები, რომლებიც 20:00 საათზე პარლამენტთან გამაფრთხილებელი აქციის გაიმართვას გეგმავენ.   „პარლამენტში დღეს საკონსტიტუციო ცვლილებების განხილვა დაიწყო, რომლის...

თავისუფლების მოედანზე სასტუმრო „მონოგრაფი“ დეკემბერში გაიხსნება

თავისუფლების მოედანზე სასტუმრო „მონოგრაფი“ დეკემბერში გაიხსნება
access_time2019-11-12 17:50:48
თავისუფლების მოედანზე  5-ვარსკვლავიანი სასტუმრო “მონოგრაფი“, რომლის გახსნა  აგვისტოში იგეგმებოდა პირველ სტუმარს დეკემბერში მიიღებს.  ამის შესახებ „კომერსანტს“ „მონოგრაფის“ პრესსამსახურში განუცხადეს.სასტუმროს ფასადი კულტურული მემკვიდრეობის ძეგლს წარმოადგენს, რის გამოც სარესტავრაციო სამუშაოების დასრულება გაჭიანურდა. როგორც ცნობილია, სასტუმროში  100 ადამიანი დასაქმდება. პროექტის განმახორციელებელი  დეველოპერული  კომპანია Well House-ია. მაღალი...

გიორგი კერპულაძე-„შემოსავალი რაშიც გვაქვს, იმ ვალუტაში დავზოგოთ“

გიორგი კერპულაძე-„შემოსავალი რაშიც გვაქვს, იმ ვალუტაში დავზოგოთ“
access_time2019-11-12 17:30:57
„ანაბრების არსებობა მნიშვნელოვანია ეკონომიკისთვის. ბანკი ანაბრებს იზიდავს და შემდგომ გასცემს სესხებს, შესაბამისად, რაც უფრო მეტი თანხა იზოგება ლარში, მით უფრო მეტი საშუალებაა,რომ ეკონომიკა დაკრედიტდეს და უცხოეთიდან არ შემოვიტანოთ თანხა,“ - აღნიშნავს რადიო კომერსანტის რუბრიკა ფინანსურ მრჩეველში გიორგი კეპულაძე. მისი ინფორმაციით, არსებობს რამდენიმე ტიპის ანაბარი, მათ შორისაა, ვადიანი ანაბარი, როცა დიდ თანხას ვდებთ ბანკში და მას გარკვეული დროის შემდეგ პროცენტი...


მსგავსი სიახლეები

up