დაკეტილი ოფისები, სასწვლო დაწესებულებები, რესტორნები და კაფე-ბარები, პრევენციის მიზნით გაჩერებული მიკროავტობუსები და დისტანციურ რეჟიმზე გადასული ქალაქი, ეს კორონავირუსის ეფექტია, რომელმაც რამდენიმე თვეში ქვეყანა ფორსმაჟორის რეჟიმზე გადაიყვანა.
პირველადი საჭიროების დაწესებულებებისა და სურსათის მაღაზიების პარალელურად, შეცვლილი დღის განრიგით, სავაჭრო ცენტრები და სხვა რიგითი მაღაზიებიც მუშაობას აგრძელებენ.
„ისთ ფოინთის“ წარმომადგენელი
თეაკო ლომინაძე „კომერსანტთან“ საუბრობს, რომ სავაჭრო სიცვრცეში მომხმარებლების რაოდენობა
60%-ით შემცირდა, თუმცა შემცირება არ ეხება მათ სივრცეში არსებულ სასურსათო განყოფილებას.
„ჯერ ჩვენი სავაჭრო ცენტრი განაგრძობს მუშაობას და მანამ გავაგრძელებთ სანამ არ გვექნება მთავრობისგან შესაბამისი რეკომენდაცია, თუ როგორ უნდა მოვიქცეთ. ჩვენ მათ რეკომენდაციებს ზედმიწევნით შევასრულებთ. ბოლო პერიოდში, განსაკუთრებით ბოლო რამდენიმე კვირაა საგრძნობლად შემცირდა მომხმარებლების რაოდენობა, გარდა სასურსათო განყოფილებისა.“-ამბობს თეაკო ლომინაძე და მეიჯარეებისა და მათ მიერ ნაკისრ ვალდებულებაზეც საუბრობს. მისი თქმით, კომპანია აუცილებლად გაითვალისწინებს შემქნილ ვითარებას და მისგან გამოწვეულ კრიზისს.
„ჩვენ ვაპირებთ მათთან თანამშრომლობას და საერთო გადაწყვეტილების მიღებას, თუ როგორ უნდა გამოვიდეთ შექმნილი მდგომარეობიდან ისე, რომ არცერთი მხარე არ დავზარალდეთ.“-ამბობს თეაკო ლომინაძე.
შეცვლილი სამუშაო გრაფიკით ფუნქციონირებას გააგრძელებს „გალერეა თბილისი“. სავაჭრო ცენტრის მენეჯერმა ქეთა ახობაძემ „კომერსანტთან“ საუბრისას აღნიშნა, რომ კომპანია აუცილებლად გაითვალისწინებს არსებულ მდგომარეობას და მათ მეიჯარეებს შესაბამის დახმარებას გაუწევს.
„მიუხედავად იმისა, რომ მომხმარებლების რაოდენობამ საგრძნობლად იკლო, ჯერჯერობით სავაჭრო ცენტრი აგრძელებს მუშაობას, რადგან ჩვენთან არის სასურსათო განყოფილებაც, რომელიც ადამიანებისთვის მნიშვნელოვანია. სივრცეში რამდენიმე სტენდი და კვების ობიექტი დაიხურა, თუმცა ძირითადი ობიექტები ღიაა. დღეიდან გადავდივართ ახალ რეჟიმზე 12 საათიდან საღამოს 9 საათამდე იმუშავეს „გალერეა თბილისი.“-ამბობს ქეთა ახობაძე.
არსებული მდგომარეობიდან გამომდინარე, მომხმარებლებისა და თანამშრომლების უსაფრთხოებისა და კორონავირუსის პრევენციის მიზნით, დროებით მუშაობას წყვეტს „ატელიე აუთლეტი”.
მუშაობას არ წყვეტს თუმცა, შეცვლილი გრაფიკით იმუშავენს კორეული მაღაზიათა ქსელი „მინისო“.
ჯერჯერობით მუშაობას არც კორეული მაღაზიათა „იოიოსო“ წყვეტს, თუმცა მათმა ქართულმა წარმომადგენლობამ მიიღო გადაწყვეტილება ყოველდღიური შემოსავლების 3% გადაურიცხოს დაავადებათა კონტროლის ეროვნულ ცენტრს. როგორც აცხადებენ, ქვეყანაში არსებული სიტუაციიდან გამომდინარე, ისინი განახლებული გრაფიკით მუშაობენ და თითოეულ ობიექტზე ჩატარადა სადეზინფექციო სამუშაოები. თანამშრომლები დატრენინგდნენ სახელმწიფოს მიერ მოცემული რეკომენდაციების შესაბამისად და იცავენ ყოველდღიურ ჰიგიენურ ნორმებს.
ნათია ლომიძე