„ივანიშვილი სიმართლეს არ ამბობს, როდესაც რუსული ბაზრის მნიშვნელობაზე ამახვილებს ყურადღებას - ასე ჩრდილოეთ კორეას ვემსგავსებით„

„ივანიშვილი სიმართლეს არ ამბობს, როდესაც რუსული ბაზრის მნიშვნელობაზე ამახვილებს ყურადღებას - ასე ჩრდილოეთ კორეას ვემსგავსებით„

access_time2019-07-22 10:00:34

„ქვეყანაში არ არსებობს ბაზრის დივერსიფიცირების პოლიტიკური ნება, სხვანაირად ვერ შევაფასებ ივანიშვილის განცხადებას“, - ასე გამოეხმაურა ეკონომისტი ვახტან ხომიზურაშვილი ბიძინა ივანიშვილის განცხადებას.


 „ქართული ოცნება-დემოკრატიული საქართველოს“ თავმჯდომარემ რამდენიმე დღის წინ ღიად დააფიქსირა თავისი პოზიცია ბაზრის დივერსიფიცირების პერსპექტივებსა და რუსული ბაზრის მნიშვნელობაზე:


“აბსოლუტურად უცოდინარი და უვიცია, ვინც მიგვანიშნებს, იმაზე, რომ რუსული ბაზარი აუცილებლად ევროპული და უკრაინული ბაზრით უნდა ჩავანაცვლოთ”.


მისივე თქმით,  ადგილობრივი ბაზრის დივერსიფიცირება რთული პროცესია და რუსული კაპიტალის გარეშე საქართველოს ეკონომიკური განვითარება შეუძლებელია. ქვეყნის მმართველს მთავარ არგუმენტად ევროპაც მოჰყავს და ამბობს:


„თუ ყურადღებას მიაქცევთ, თვითონ ევროპელები, განვითარებული ევროპული ქვეყნებიც კი, როგორ ცდილობენ რუსულ ბაზარზე დამკვიდრებას“.


ამ განცხადებებიდან „კომერსანტი“ რამდენიმე მნიშვნელოვანი საკითხით დაინტერესდა - შესაძლებელია თუ არა  ბაზრის დივერსიფიცირება უახლოეს მომავალში და რა გზებით?


ვახტანგ ხომიზურაშვილის პოზიციამდე  უფრო დეტალურად შეგახსენებთ,  ოფიციალურ სტატისტიკას, რომელიც ბიძინა ივანიშვილის განცხადების საპირისპირო რეალობას ასახავს:


ევროკავშირის 28 ქვეყნიდან ექსპორტის თვალსაზრისით საქართველოზე უფრო მეტად დამოკიდებული რუსულ ბაზარზე ევროპის ოთხი ქვეყანაა - ლატვია, ლიტვა, ესტონეთი და პოლონეთი - ძირითადად პოსტ საბჭოთა ქვეყნები, რომლებიც შედარებით ღარიბი ქვეყნებიც არიან ამავდროულად ევროკავშირში.


პ.ს. ღია ვარდისფრად ენერგეტიკის წილია აღნიშნული.



რაც შეეხება იმპორტს აქ უფრო  მეტი ქვეყანაა დამოკიდებული რუსეთზე - მათ შორის, ყველაზე მეტად - ისევ ძირითადად პოსტსაბჭოთა სივრცე - ანუ ისინი, ვინც ენერგეტიკული თვალსაზრისით არიან მიბმულები რუსეთზე.


რაც შეეხება ბიძინა ივანიშვილის განცხადებას, რომ ევროპის ქვეყნისთვის ყველაზე მოთხოვნადი სწორედ რუსული ბაზარია, სიმართლეს საერთოდ არ შეესაბამება:



აქ ევროსტატს 2017 წლის სურათი აქვს შესწავლილი რიცხვებში და კარგად ჩანს, რომ მსოფლიოში უფრო მეტი მოთხვონაა ჩინეთთან, ევროკავშირთან, შეერთებულ შტატებთან, იაპონიასთან ვაჭრობის კუთხით. რუსეთი მეათე ადგილზეა.


და კიდევ ერთი, თუ შევხედავთ რა პოზიცია უჭირავს რუსეთს ევროკავშირის სხვა სავაჭრო პარტნიორებთან მიმართებით – ასეთ სურათს მივიღებთ: ექსპორტი მხოლოდ 4% ევროპოს ბაზარზრ და იმპორტი მხოლოდ 8%. თავად რუსეთის უფრო მსხვილი სავაჭრო პარტნიორები არიან შეერთებული შტატები და ჩინეთი. წილებით რუსეთთან ძალიან ახლოა თურქეთის, შვეიცარიის, ნორვეგიის ბაზრები.


ციფრები BGM-მ გამოაქვეყნა.


საქართველოს სტატისტიკის სამსახურის მონაცემებით, დღეს რუსეთი 14.9%–იანი წილით საქართველოსთვის უმსხვილესი საექსპორტო ბაზარია; იმპორტის მიხედვით კი, თურქეთის შემდეგ, მეორე ბაზარია – 10%–იანი წილით.


ვახტან ხომიზურაშვილის თქმით, ევროპა რუსული კაპიტალისგან გათავისუფლებას მუდმივად ცდილობს და დღეს საქართველოსაც თავისუფლად შეუძლია ბაზრის დივერსიფიცირება კონკრეტული მიმართულებებით:


„ყველა ის ქვეყანა, ვინც იგივე ენერგეტიკის კუთხით, დამოკიდებულია რუსეთზე, ცდილობს შიდა ალტერნატიული რესურსის გაძლიერებას და ეს ჩვენც შეგვიძლია. მათ შორის მცირე ჰიდროელექტრო და ქარის ელექტრო სადგურების აშენებით.  ასევე სწორად გამოსაყენებელია თავისუფალი სავაჭრო ურთიერთობები ჩინეთთან და ევროკავშირთან, ამ მხრივ კი იგივე აღმოსავლეთ პარტნიორთან წამგებიან პოზიციაში ვართ. იმპორტ-ექსპორტის დისბალანსი იმდენად დიდია, რომ ადგილობრივ მცირე მეწარმეებს კონკურენციის გაწევა უჭირთ. ამიტომ ეს დოკუმენტები არ უნდა დარჩეს ფორმალურ ქაღალდით და აუცილებელია მათი გამოყენება. მთავარია, ქვეყანაში შეიქნას ინვესტიციებისთვის შესაბამისი წინაპირობები. ასეთ შემთხვევაში ერთ ქვეყანაზე დამოკიდებულება და შესაბამისად მაღალი კომერციული რისკები საბოლოოდ მოიშლება“.


ინვესტიციების შესაბამისი წინაპირობების შექმნასა და ბაზრის დივერსიფიცირების განვითარებაში ვახტანგ ხომიზურაშვილი გადამწყვეტ ფაქტორად მიიჩნევს პოლიტიკურ ნებას, რაც დღეს არ არის. შესაბამისად მიიჩნევს, რომ ივანიშვილი სიმართლეს არ ამბობს, როდესაც რუსული ბაზრის მნიშვნელობაზე ამახვილებს ყურადღებას:


„რადგან ივანიშვილი ამბობს ეს რთულია და რუსული ბაზრის დამოკიდებულების გარეშე ვერ ვიარსებებთო, ესე იგი არ აქვს შესაბამისი პოლიტიკური ნება. ალბათ ასეა. იგი დღევანდელი მოცემულობიდან გამომდინარე აფასებს მდგომარეობას, რაც არასწორია. სხვა შემთხვევაში მსოფლიოს უამრავი განვითარებული და ეკონომიკურად დამოუკიდებელი ქვეყანა დღეს ასეთი წარმატებული ვერ იქნებოდა. ამიტომ, პოლიტიკური ნება სჭირდება ყველაფერს და მათ შორის, სხვა ბაზრების მოზიდვასაც. ივანიშვილი გახლავთ პარტიის თავმჯდომარე და ჩვენ სწორი ნაბიჯების გადადგმა არა მას, არამედ ქვეყნის ეკონომიკურ გუნდს უნდა მოვთხოვოთ, თუმცა ჩვენი ოფიციალური მთავრობაც ამ  პიროვნებაზეა დამოკიდებული, რაც დამაზიანებელია ქვეყნისთვის. როგორ შეიძლება ალტერნატიული აზრი არ არსებობდეს ქვეყანაში. ასე ჩრდილოეთ კორეას ვემსგავსებით“.



შეგახსნებთ, ბაზრის დივერსიფიცირება განსაკუთრებით აქტუალური გახდა ე.წ. გავრილოვის თემის შემდეგ, როდესაც ოფიციალურმა რუსეთმა მიმდინარე წლის 8 ივლისიდან საქართველოსთან ავიამიმოსვლები შეწყვიტა. მხარი დაუჭირა ქართული ღვინისა და მინერალური წყლების იმპორტსა და  ფულადი გზავნილების გადარიცხვებს. 



სალომე ლემონჯავა 





ანა მიქაძე: ფერმერებს რეალიზაციის შემცირების ფონზე ყველის წარმოების ინტერესი ეკარგებათ

ანა მიქაძე: ფერმერებს რეალიზაციის შემცირების ფონზე ყველის წარმოების ინტერესი ეკარგებათ
access_time2020-09-18 17:42:25
კოვიდ პანდემიის გავლენის ფონზე ჩავარდნილმა ტურიზმმა, სასტუმროებისა და რესტორნების დახურვამ ყველის გაყიდვები შეამცირა. საქართველოს ყველის მწარმოებელთა ასოციაციის თავმჯდომარის თქმით, ფერმერებს რეალიზაციის არეალის შემცირების ფონზე ყველის წარმოების ინტერესი ეკარგებათ. ამასთან პრობლემას წარმოადგენს პირუტყვის საკვებიც. ანა მიქაძის თქმით, ამ პრობლემების ფონზე, უფრო საქონლის  ხორცად გაყიდვის ტენდენცია შეინიშნება.   „ადამიანებს ინტერესი ეკარგებათ, ვინაიდან კორონავირუსის გამო...

გაეროს მსოფლიო ტურიზმის ორგანიზაციის დელეგაცია წინანდლის ფესტივალის გახსნას დაესწრო

გაეროს მსოფლიო ტურიზმის ორგანიზაციის დელეგაცია წინანდლის ფესტივალის გახსნას დაესწრო
access_time2020-09-18 15:00:11
გაეროს მსოფლიო ტურიზმის ორგანიზაციის (UNWTO) გენერალური მდივანი ზურაბ პოლოლიკაშვილი  დელეგაციასთან ერთად წინანდლის მამულში გამართულ კონცერტს დაესწრნენ.  სტუმრებს შორის იყვნენ ესპანეთის, პორტუგალიის, საბერძნეთის, რუმინეთის, მაროკოს, საუდის არაბეთის, კონგოს, კენიის და სხვა ქვეყნების წარმოამდგენლები,  საქართველოს ეკონომიკისა და მდგრადი განვითარების მინისტრი - ნათია თურნავა და ტურიზმის ეროვნული ადმინისტრაციის ხელმძღვანელი - მარიამ ქვრივიშვილი. წინანდლის ფესტივალის პირველ...

ბიძინა ივანიშვილს საქართველო წარმოუდგენია, როგორც თავისი დენდროლოგიური პარკი - მისი ინტერესია რომ ქვეყანაში ქვეყანაში ინვესტიცია არ შემოვიდეს

ბიძინა ივანიშვილს საქართველო წარმოუდგენია, როგორც თავისი დენდროლოგიური პარკი - მისი ინტერესია რომ ქვეყანაში ქვეყანაში ინვესტიცია არ  შემოვიდეს
access_time2020-09-18 15:48:14
„ბიძინა ივანიშვილის ინტერესი არის რომ ქვეყანაში ინვესტიცია არ  შემოვიდეს, მას  საქართველო წარმოუდგენია, როგორც  თავისი დენდროლოგიური პარკი, თავისი ზოოპარკი უნდა ჰყავდეს და სხვამ არ უნდა გაბედოს ბიზნესის კეთება“, - ამის შესახებ „ევროპული საქართველოს“ წევრმა, ზურაბ ჭიაბერაშვილმა პარლამენტში განაცხადა სადაც ეკონომიკისა და მდგრადი განვითარების მინისტრს დეპუტატები ინტერპელაციის წესით უსმენენ.  ჭიაბერაშვილის თქმით, საქართველოში უმძიმესი მდგომარეობა, უმუშევრობა, ფასების ზრდა...

თქვენს მთავრობაში ვიყავი და ვნახე როდის დაანებეთ თავი რეფორმების გატარებას და გადახვედით ბიზნესის ტერორზე, - თურნავა ოპოზიციას

თქვენს მთავრობაში ვიყავი და ვნახე როდის დაანებეთ თავი რეფორმების გატარებას და გადახვედით ბიზნესის ტერორზე, - თურნავა ოპოზიციას
access_time2020-09-18 15:16:52
„წინა ხელისუფლების დროსაც ვმუშაობდი ეკონომიკის მინისტრის მოადგილედ და დავინახე წყალგამყოფი, როდის დაანებეთ თავი რეფორმების გატარებას და გადახვედით ბიზნესის ტერორზე, - ამის შესახებ ეკონომიკისა და მდგრადი განვითარების მინისტრმა პარლამენტში გამოსვლისას განაცხადა. ნათია თურნავამ პლენარულ სხდომაზე ოპოზიციის საპასუხოდ იმ არაეფექტურ პროგრამებზე ისაუბრა, რომელიც  ერთიანმა ნაციონალურმა მოძრაობამ წინა მმართველობის დროს გაატარა. „წინა ხელისუფლების დროს...

ეკონომიკის მინისტრი არ უნდა საუბრობდეს ბუღალტრულ თემებზე, უნდა გვესაუბრებოდეთ ეკონომიკურ ხედვებზე - კობერიძე თურნავას

ეკონომიკის მინისტრი არ უნდა საუბრობდეს ბუღალტრულ თემებზე, უნდა გვესაუბრებოდეთ ეკონომიკურ ხედვებზე - კობერიძე თურნავას
access_time2020-09-18 14:18:32
„გვაინტერესებს რა არის თქვენი ხედვა, თუნდაც მომავალი წლის ეკონომიკურ სტრატეგიასთან დაკავშირებით რაც უკვე ბიუჯეტში უნდა აისახოს“, - ამ კითხვით მიმართა „ლელოს“ ვაკის მაჟორიტარი დეპუტატობის კანდიდატმა, ლევან კობერიძემ ნათია თურნავას სადაც ეკონომიკისა და მდგრადი განვითარების მინისტრს დეპუტატები ინტერპელაციის წესით უსმენენ.     „პირველი ოქტომბრისთვის მზად უნდა იყოს სახელმწიფო ბიუჯეტის 2020-2021 წლის პროექტი. კარგი იქნება თუ დაგვანახებთ, რომ მთავრობას 2020-21 წლის ბიუჯეტის...


მსგავსი სიახლეები

up