ვახტანგ ხმალაძე: კანონპროექტი არ ჩავარდნილა, უნდა გაიმართოს მეორე მოსმენა

ვახტანგ ხმალაძე: კანონპროექტი არ ჩავარდნილა, უნდა გაიმართოს მეორე მოსმენა

access_time2019-11-16 10:00:19

კონსტიტუციონალისტი ვახტანგ ხმალაძე ამბობს, რომ პროპორციულ საარჩევნო სისტემაზე გადასასვლელად „ქართული ოცნების“ მიერ ინიცირებული საკონსტიტუციო ცვლილების კანონპროექტი 14 ნოემბერს არ ჩავარდნილა და პარლამენტში მეორე მოსმენა უნდა გაიმართოს.

 

როგორც ის რადიო თავისუფლებასთან საუბარში განმარტავს, კონსტიტუცია არაფერს ამბობს იმის თაობაზე, რომ კონსტიტუციური კანონის მიღებისას, წინასწარ უნდა ითქვას, რომ კანონის მისაღებად საჭიროა პარლამენტის სამი მეოთხედის (113 ხმა) თუ ორი მესამედის (100 ხმა) მხარდაჭერა.

 

„კონსტიტუციაში ცვლილებების შეტანის ორი მექანიზმი არსებობს: ერთი, ეს არის ორი მესამედით (100 ხმით) მიღებული ცვლილება, რომელიც პარლამენტმა უნდა მიიღოს სამი მოსმენით, მაგრამ ის ძალაში ვერ შედის და მიღებული გადაწყვეტილება უნდა გადაეცეს მომდევნო მოწვევის პარლამენტს.

 

და მეორე მექანიზმი: კონსტიტუცია მოსმენების რაოდენობაზე არაფერს ამბობს, მაგრამ პარლამენტის რეგლამენტში მითითებულია, რომ თუ პარლამენტმა სამი მოსმენითა და პარლამენტის სამი მეოთხედის (113 ხმით) უმრავლესობით მიიღო ცვლილება, მაშინ ის მაშინვე შედის ძალაში და მომდევნო მოწვევის პარლამენტისთვის გადაცემა საჭირო აღარ არის“.

 

იქიდან გამომდინარე, რომ 14 ნოემბერს კანონპროექტმა მიიღო ორ მესამედზე, ანუ 100 ხმაზე მეტი - 101 ხმა, მაგრამ არ მიუღია ხმების სამი მეოთხედი, ანუ 113 ხმა, ვახტანგ ხმალაძის თქმით, პროექტი არანაირად არ შეიძლება ჩაითვალოს ჩავარდნილად:

 

„თუკი კანონპროექტმა მეორე მოსმენაზეც მიიღო მინიმუმ ორი მესამედი ხმებისა (100 ხმა), მაშინ უნდა გაიმართოს, მესამე მოსმენაც. თუ მესამე მოსმენაზეც მიიღო მინიმუმ ორი მესამედი (100 ხმა), მაშინ ის უნდა გადაეცეს მომდევნო მოწვევის პარლამენტს. რასაკვირველია, ასეთ შემთხვევაში, 2020-ის არჩევნები ვერ იქნება პროპორციული, შემდეგი პარლამენტის მიერ ამ კანონის დამტკიცებას აზრი აღარ ექნება, რადგან ეს ცვლილება ეხება მხოლოდ 2020-ის არჩევნებს და დაგვრჩება ასეთი კურიოზული ნორმა“.


 

კონსტიტუციონალისტის თქმით, ასევე ჩნდება კითხვა, თუკი, საბოლოო, მესამე მოსმენაზე, კანონმა მიიღო ხმების სამი მეოთხედი (113 ხმა), ის ახლავე უნდა ამოქმედდეს, თუ უნდა გადაეცეს მომდევნო მოწვევის პარლამენტს, რადგან პირველ ან მეორე მოსმენაზე მან ვერ მიიღო პარლამენტის სამი მეოთხედის მხარდაჭერა? ვახტანგ ხმალაძე ამბობს, რომ სწორედ ამ შემთხვევაში გაიყოფა სამართალმცოდნეთა აზრი:

 

„მესამე მოსმენა არის ის საბოლოო გადაწყვეტილება, როდესაც პარლამენტს გამოაქვს საბოლოო ვერდიქტი. ამიტომ მე მიმაჩნია, რომ თუ პირველ ან მეორე ან ორივე მოსმენისას კონსტიტუციური ცვლილების პროექტი მიიღებს ხმების მინიმუმ ორ მესამედს, მაგრამ მესამე მოსმენისას მიიღებს სამ მეოთხედს, მაშინ კანონი უნდა ჩაითვალოს სამი მეოთხედის უმრავლესობით მხარდაჭერილად და ის მაშინვე უნდა შევიდეს ძალაში“.

 

ვახტანგ ხმალაძის თქმით, ერთადერთი, რაც ამ ეტაპზე უპირობოა და რაზეც არ შეიძლება ვინმეს ჰქონდეს განსხვავებული აზრი, არის ის, რომ აუცილებლად უნდა გაიმართოს კანონპროექტის მეორე მოსმენა:

 

„კანონპროექტი მხოლოდ მაშინ ჩაითვლება ჩავარდნილად, თუ მესამე მოსმენაზე მან ვერ მიიღო 100 ხმა მაინც. როდესაც არჩილ თალაკვაძემ თქვა, რომ ჩავარდა პროექტი, ეს იყო ნაჩქარევი განცხადება და არ დაფიქრებულან იმაზე, რომ ეს ასე არ არის, რადგან კიდევ ერთხელ ვიმეორებ, არცერთი კანონი, არც რეგლამენტი, არ ამბობს იმას, რომ კოსნტიტუციური კანონპროექტის მიღებისას წინასწარ უნდა განისაზღვროს ამ კანონპროექტის მიღება სამი მეოთხედით არის გათვალისწინებული თუ ორი მესამედით“.

 

უმრავლესობის მიერ ინიცირებული საკონსტიტუციო ცვლილების პროექტი პროპორციულ საარჩევნო სისტემაზე გადასვლას ითვალისწინებდა უკვე მომდევნო საპარლამენტო არჩევნებისთვის და არა 2024 წლიდან, როგორც ამას მოქმედი კონსტიტუცია განსაზღვრავს.

 

კანონპროექტს მხარი დაუჭირა 101-მა დეპუტატმა 3-ის წინააღმდეგ მაშინ, როცა საკონსტიტიციო ცვლილებების მიღებას სჭირდებოდა, სულ მცირე, 113 ხმა. სხდომას 141 დეპუტატი ესწრებოდა. პარლამენტის წევრები, რომლებმაც ხმა წინააღმდეგ მისცეს ან კენჭისყრაში მონაწილეობა არ მიიღეს, „ქართული ოცნების“ უმრავლესობას წარმოადგენენ.

 

„ქართული ოცნება“ მაჟორიტარული სისტემის მომდევნო, 2020 წლის არჩევნებისთვის გაუქმებას დათანხმდა 20 ივნისს დაწყებული ანტისაოკუპაციო საპროტესტო აქციების შედეგად, რომლის მონაწილეთა ერთ-ერთი მოთხოვნა პროპორციულ საარჩევნო სისტემაზე გადასვლა იყო.

 

პარლამენტში წარუმატებელი კენჭისყრის შემდეგ, სამოქალაქო აქტივისტებმა და ოპოზიციურმა პარტიებმა „ქართული ოცნება“ და მისი თავმჯდომარე ბიძინა ივანიშვილი ხალხის მოტყუებაში დაადანაშაულეს და საპროტესტო აქციები დაიწყეს მთავრობის გადადგომის და ვადამდელი პროპორციული არჩევნების მოთხოვნით.


„რადიო თავისუფლება“




დღის Top-10 საინტერესო ამბავი

დღის Top-10 საინტერესო ამბავი
access_time2020-07-07 21:30:29
დღის Top-10 საინტერესო ამბავი 1.ტამანის პორტი საქართველოს კონკურენტი ვერ გახდება - ბათუ ქუთელია „ამ ხელისუფლების პირობებში ანაკლიის პორტი არ აშენდება იმ მარტივი მიზეზის გამო, რომ ეს არის გეოპოლიტიკური პროექტი.როგორც ჩანს, „ქართული ოცნების“ ხელისუფლებისთვის რუსული გეოპოლიტიკური ინტერესები უფრო ანგარიშგასაწევია...

დამოუკიდებელი საქართველოს ისტორიაში სტრატეგიული პარტნიორისგან პირველი სანქცია მივიღეთ - ბათუ ქუთელია

დამოუკიდებელი საქართველოს ისტორიაში სტრატეგიული პარტნიორისგან პირველი სანქცია მივიღეთ - ბათუ ქუთელია
access_time2020-07-07 16:00:47
„ღიად და პირდაპირ,  „ქართული ოცნების“ მთავრობამ მიიღო პირველი სანქცია, რომელიც თავისი მასშტაბით არ არის დიდი, მაგრამ მნიშვნელობით არის კატასტროფული, — ასე აფასებს საერთაშორისო ურთიერთობების ექსპერტი ბათუ ქუთელია აშშ-ს კონგრესის კანონპროექტს საქართველოსთვის განკუთვნილი დახმარების 15 პროცენტის გაყინვის შესახებ.  ცოტა ხნის წინ ცნობილი გახდა, რომ აშშ-ის წარმომადგენელთა პალატამ ასიგნებების კომიტეტის მიერ წარდგენილი კანონპროექტი გამოაქვეყნა,...

მსოფლიო ბანკის მიერ დაფინანსებული პროექტი გორის მუნიციპალიტეტში 4 წლის განმავლობაში ვერ დასრულდა

მსოფლიო ბანკის მიერ დაფინანსებული პროექტი გორის მუნიციპალიტეტში 4 წლის განმავლობაში ვერ დასრულდა
access_time2020-07-06 16:00:47
მსოფლიო ბანკის მიერ მხარდაჭერილი პროექტის დასრულება ხიდისთავი-ატენი-ბოშურის 10 კმ-იან მონაკვეთზე ისევ გადაიდო. ამჯერად მისი განმახორციელებელი უწყება ვარაუდობს, რომ პროექტი, რომელიც ტენდერში გამარჯვებულმა უცხოურმა კომპანიამ 2016 წელს დაიწყო შემოდგომამდე დასრულდება. ხელშეკრულებით გათვალისწინებული პირობების დარღვევისთვის კი სამუშაოების განმახორციელებელ კომპანიას ჯარიმა დაეკისრა. ეს გადაწყვეტილება დამკვეთმა უწყებამ 2019 წლის 31 ოქტომბრის შემდეგ...

Handelsblatt: უკრაინას გაკოტრება ემუქრება

Handelsblatt: უკრაინას გაკოტრება ემუქრება
access_time2020-07-07 20:00:58
უკრაინის ეროვნული ბანკის პრეზიდენტი იაკოვ სმოლი მოულოდნელად გადადგა. ეს იმ დროს მოხვდა, როდესაც მთავრობამ 1, 7 მლრდ. დოლარის სახელმწიფო ობლიგაციების გამოშვება დაიწყო.უკრაინა, როგორც სახელმწიფო, ისევ გაკოტრების წინაშე დგას.მხოლოდ 2020 წელს კიევმა 17 მლრდ. დოლარის ოდენობის საგარეო დავალიანება ან უნდა დაფაროს, ან მისი რესტრუქტურიზება მოახერხოს.ამ მიზნით გამოშვებული ობლიგაციების გაყიდვა ლონდონის საფონდო ბირჟაზე იგეგმებოდა. თუმცა, ეროვნული ბანკის პრეზიდენტის...

ტურისტების გარეშე Hilton-ის გახსნას აზრი არ აქვს - ლაშა პაპაშვილი

ტურისტების გარეშე Hilton-ის გახსნას აზრი არ აქვს - ლაშა პაპაშვილი
access_time2020-07-07 13:30:27
თბილისში Hilton-ის ბრენდის პირველი სასტუმროს გახსნა კიდევ ერთხელ გადაიდო. პროექტი ბიზნესმენ ლაშა პაპაშვილის კომპანია „რედიქსს“ ეკუთვნის. ამის შესახებ ბიზნესმენმა „კომერსანტს“ თავად განუცხადა. მისი განმატებით, თბილისში, ჭავჭავაძის გამზირზე Hilton-ის ბრენდის პირველი სასტუმროს გახსნამ ტურისტების არარსებობის გამო, კიდევ ერთხელ გადაიწია. „Hilton-ის გახსნა გადადებულია. ფანჯარაში ვიხედებით, როდესაც მსოფლიოში კარგი სიტუაცია იქნება ანუ როცა ტურისტები შემოსვლას დაიწყებენ,...


მსგავსი სიახლეები

up