ვახტანგ შაქარიშვილი - ირაკლი კობახიძის დათვლილი პროცენტები საპრეზიდენტო არჩევნების პირველ ტურში უკვე ვნახეთ, ციფრები მისი ძლიერი მხარე არ არის

ვახტანგ შაქარიშვილი - ირაკლი კობახიძის დათვლილი პროცენტები საპრეზიდენტო არჩევნების პირველ ტურში უკვე ვნახეთ, ციფრები მისი ძლიერი მხარე არ არის

access_time2019-04-15 17:28:17

ირაკლი კობახიძის დათვლილი პროცენტები საპრეზიდენტო არჩევნების პირველ ტურში უკვე ვნახეთ, – ამის შესახებ თბილისის საკრებულოს უმრავლესობის ყოფილმა წევრმა, ვახტანგ შაქარიშვილმა განაცხადა, პარლამენტის თავმჯდომარის განცხადებასთან დაკავშირებით, რომ „დაიცავი საქართველო“ 3 პროცენტიან ბარიერსაც ვერ გადალახავს.

 

შაქარიშვილის შეფასებით, ციფრები და პროცენტები ირაკლი კობახიძის ძლიერი მხარე არ არის.

 

„მის ადგილზე ამ ველზე, სადაც აპრიორში წაგებულია, არ შევიდოდი. თანაც ვიცით, ბიძინა ივანიშვილისგან მოვისმინეთ, რომ მას ყური ერთხელ უკვე აუწიეს. ვურჩევდი, ამ ველზე ისედაც შესული არიან, მაგრამ უფრო სიღრმეებში ნუ შევლენ. ნახევარი საქართველო, პარტიის თავმჯდომარით დაწყებული და ლიდერშიფით გაგრძელებული, მოატყუა, მეც იქ ვიყავი, სალომე ზურაბიშვილის საარჩევნო შტაბში, როცა მოიყვანეს ბიძინა ივანიშვილი მოტყუებით და გამარჯვება აზეიმეს წაგებულ არჩევნებში“, – განაცხადა ვახტანგ შაქარიშვილმა.

 

მისი თქმით, ოთახში, სადაც ე.წ.მესიჯბოქსი იწერება, ინტელექტუალური კრიზისია.

 

„მმართველი პარტიის ფრაქციის თავმჯდომარის მოადგილე ვიყავი. ხელისუფლებაში ვიყავი და ოპოზიციაში წავედი, ეს არის პოლიტიკური ინტერესი“? – განაცხადა შაქარიშვილმა.


 

პარლამენტის თავმჯდომარის განცხადებას, თბილისის საკრებულოს უმრავლესობის ასევე ყოფილი წევრი ჯაბა ჯიშკარიანიც გამოეხმაურა, რომელმაც „ქართული ოცნება“ და საკრებულოს უმრავლესობა გასულ კვირაში შაქარიშვილთან ერთად დატოვა.

 

მისი შეფასებით, ირაკლი კობახიძეს და არამარტო მას, კომპლექსი ახრჩობს.

 

„ახრჩობს ეს კომპლექსი და ვერ გამოვიდა არამარტო კობახიძე ამ კომპლექსიდან. მინდა, ამ ადამიანს ვუთხრა – ბატონო ირაკლი, რამდენი წლისაც თქვენ ბრძანდებით, იმდენჯერ ვარ დაპატიმრებული თავისუფლებისთვის ბრძოლისთვის. გასაგებია, რომ ახრჩობს ეს ბოღმა და არამარტო ამ ადამიანს, მაგრამ საზოგადოება ხედავს, რა არის ჩვენი პლუსი და მინუსი. ამას ძალიან მალე დავინახავთ თითოეული ჩვენგანი, არამხოლოდ თბილისის, რეგიონების მასშტაბითაც“, – განაცხადა ჯიშკარიანმა.

 

ამასთან, მისი ინფორმაციით, „დაიცავი საქართველო“ არ აპირებს კენჭისყრას და მმართველ პარტიას სურს, ასე წარმოაჩინოს ვითარება.

 

„ეს არის საზოგადოებრივი ორგანიზაცია, რომელმაც დაიძახა და სამოქალაქო აქტივისტების შეკრება მოაწყო. გასაგებია, რომ მათ აქვთ დაწერილი მესიჯები და ამ მესიჯებით ნამდვილად ვერ გავლენ ფონს“, –  განაცხადა ჯაბა ჯიშკარიანმა.

 

„დაიცავი საქართველოს“ 13 აპრილის შეკრების შეფასებისას, ირაკლი კობახიძემ დღეს განაცხადა: „ზოგად სურათს თუ ნახავდით, ლიდერებს, რომლებიც წარმოდგენილი იყვნენ დარბაზში, აშკარაა, რომ ამ გაერთიანებას ძალიან გაუჭირდება 3-პროცენტიანი ბარიერის გადალახვაც კი. როდესაც მინუს პროცენტებით იწყებ, ამ სახეებიდან გამომდინარე, ბუნებრივია, 3 პროცენტამდე ასვლა არის ძალიან რთული“.





„ქართული ოცნების“ პროგრამა ცარიელი რვეულია, რომელსაც სარჩევიც არ აქვს“ - ლევან კობერიძე

„ქართული ოცნების“ პროგრამა ცარიელი რვეულია, რომელსაც სარჩევიც არ აქვს“ - ლევან კობერიძე
access_time2020-09-25 19:30:42
„ლელოს ვაკის მაჟორიტარობის კანდიდატი ლევან კობერიძე დარგობრივი ეკონომიკისა და ეკონომიკური პოლიტიკის კომიტეტის თავმჯდომარის რომან კაკულიას განცხადებას „კომერსანტთან“ საუბრისას პასუხობს, რომლის თქმით, „ლელო საქართველოსთვის ლიდერის მამუკა ხაზარაძის ინიციატივა, რომელიც მევახშეობის აკრძალვას მოიცავს, „მომავალში დასაწერი წიგნის სარჩევს ჰგავს, რომლის შინაარსიც დაწერილი არ არის და თანაც, განძის კუნძულია ალბათ, სადღაც აღმოჩენილი“. „იმის ნაცვლად რომ ქვეყნის...

დავით სონღულაშვილის პასუხი ,,ლელოს”: ნუ იგდებთ თავს უხერხულ მდგომარეობაში

დავით სონღულაშვილის პასუხი ,,ლელოს”: ნუ იგდებთ თავს უხერხულ მდგომარეობაში
access_time2020-09-25 18:50:59
„ლელოს” წევრმა, ბატონმა საბა ბუაძემ გაავრცელა ყალბი განცხადება, რის მიხედვითაც, ჩემს დეკლარაციაში ასახული გადასესხების ფაქტი თითქოს და ეხება თანხის ხელზე გადასესხებას.   პირადად მას მსურს ვუთხრა და საზოგადოებას მივაწოდო ინფორმაცია, რომ კერძო სექტორში საქმიანობის პერიოდში, პირადი კრედიტი გადავასესხე კომპანიაზე, რაც მთელს მსოფლიოში და საქართველოშიც მიღებული პრაქტიკაა.   ბატონ ბუაძეს შეცდომაში შეჰყავს საზოგადოება და ავრცელებს დეზინფორმაციას....

მიმდინარე კვირაში რეგიონში მხოლოდ ლარმა განიცადა რეკორდული გაუფასურება

მიმდინარე კვირაში რეგიონში მხოლოდ ლარმა განიცადა რეკორდული გაუფასურება
access_time2020-09-25 18:10:49
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა და მისი გაუფასურება დღემდე გრძელდება. მიმდინარე კვირაში, Bloomberg-ის სავაჭრო სისტემაში ლარი რეკორდულად თითქმის 11 თეთრით გაუფასურდა. ეროვნული ბანკის მიერ გამოქვეყნებული 21 სექტემბრის ვაჭრობის შედეგად კი ერთი აშშ დოლარის ღირებულება 3.2295 ლარი იყო, ხოლო დღევანდელი მონაცემებით 3.3332 ლარი შეადგინა.   დღეს დილიდან ვაჭრობა Bloomberg-ის სავაჭრო სისტემაში $1/3.3175 ლარით...

„მევახშეები თავის პარტიაში მოიკითხონ“ - „ქართული ოცნების“ პასუხი „ლელოს“

„მევახშეები თავის პარტიაში მოიკითხონ“ - „ქართული ოცნების“ პასუხი „ლელოს“
access_time2020-09-25 17:20:49
„ძალიან ცუდია, რომ ეს ადამიანი კარიერას ტყუილებით იწყებს. მევახშეები თავის პარტიაში მოიკითხოს“, - ასე აფასებს საპარლამენტო უმრავლესობის წევრი ილია წულაია „ლელო“ მიერ გამოქვეყნებული „ქართული ოცნების“ დეპუტატების სიას, რომლებიც მევახშეობით ფულის „ხელზე გასესხებით“ არიან დაკავებულები. ილია წულაია „კომერსანტთან“ საუბარში აცხადებს, რომ გავრცელებული ინფორმაცია სიმართლეს არ შეესაბამება. ამბობს იმასაც, რომ თანხები საკუთარ კომპანიაზე ინვესტიციის სახით აქვს...

სადაზღვევო კომპანიებისთვის მინიმალური კაპიტალის ზღვრის გაზრდის მოთხოვნა გადავადდა

სადაზღვევო კომპანიებისთვის მინიმალური კაპიტალის ზღვრის გაზრდის მოთხოვნა გადავადდა
access_time2020-09-25 16:05:44
სადაზღვევო კომპანიების სავალდებულო საწესდებო კაპიტალის მინიმალური ოდენობის ზრდის გადავადების შესახებ განცხადება დაზღვევის სახელმწიფო ზედამხედველობის სამსახურის უფროსმა, დავით ონოფრიშვილმა, საქართველოს ბიზნეს ასოციაციიაში გამართულ შეხვედრაზე გააკეთა. შეხვედრას ასოციაციის პრეზიდენტი, სოსო ფხაკაძე უძღვებოდა. სადაზღვევო კომპანიების წარმომადგენლებს, აღნიშნულ საკითხზე მთავრობის მოსაზრება, პრემიერ-მინისტრის მრჩეველმა ეკონომიკურ საკითხებში, ბექა ლილუაშვილმა გააცნო. აღსანიშნავია,...


მსგავსი სიახლეები

up