HUB Georgia: მთავრობას უნდა ტექდათვალიერების ბაზარზე „ალდაგის“ სახელით თავად გახდეს მონოპოლისტი

HUB Georgia: მთავრობას უნდა ტექდათვალიერების ბაზარზე „ალდაგის“ სახელით თავად გახდეს მონოპოლისტი

access_time2018-10-19 17:30:00

„ტექდათვალიერების რეფორმა ჩავარდა“, - სწორედ ასე შეაფასა ავტომანქანების ტექდათვალიერების (ტექნიკური ინსპექტირება) პროცესი HUB Georgia-ს აღმასრულებელმა დირექტორმა  ვასო ურუშაძემ.


2018 წლის 1 იანვრიდან სავალდებულო გახდა ეტაპობრივად ავტომანქანების ტექდათვალიერება, თუმცა მას შემდეგ, რაც მიმდინარე წლის 1-ლი ოქტომბრიდან რეფორმის მესამე ეტაპი დაიწყო, დარგის სპეციალისტებმა სულ უფრო ხშირად დაიწყეს პროცესების გაუმართაობაზე საუბარი.  მეტიც, ისინი რეფორმის ჩავარდნას მაღალჩინოსნების პირად ინტერესებსა და მათი სახელით ბაზარზე სადაზღვევო კომპანია „ალდაგის“ მონოპოლიურ პირობებში ჩაყენებას უკავშირებენ. „კომერსანტი“-ს ინფორმაციით, ტექდათვალიერების თემის შესწავლა უკვე დაწყებული აქვთ სამართალდამცველ ორგანოებს და პროკურატურაში სისხლის სამართლის საქმეცაა აღძრული.

 

მორიგი კორუფციული სქემა თუ უბრალოდ დაუგეგმავი რეფორმა? - ამ კითხვაზე პასუხს, ვასო ურუშაძე რამდენიმე მნიშვნელოვან კომპონენტში ხედავს.


ვიდრე საქართველოს პროკურატურა საქმეს იძიებს, HUB Georgia-ს აღმასრულებელი დირექტორი დეტალების გასაჯაროვებისგან თავს იკავებს, თუმცა შესაძლო კორუფციული გარიგებების არსებობაში დარწმუნებულია.

 

აქ არის ორი მიმართულება: ერთი, რომ  რეფორმა ტარდება  პრობლემების რეალურად მოსაგვარებლად, რათა გაუმჯობესდეს საავტომობილო გზებზე არსებული ვითარება  და ეკოლოგიური მდგომარეობა. მეორე - არსებობს კერძო, პირადი ინტერესები გარკვეული მაღალჩინოსნების,  ეს ინტერესები კი უკავშირდება ბიზნესს და შემოსავლებს. ამ შემთხვევაში მეორე ფაქტორმა გადაწონა პირველი - ქვეყნის მთავარი ინტერესი. ამის გამო, უკვე დიდი პრობლემა შეიქმნა. თურმე კორუფციის გზით ხდება პირდაპირ უაპელაციოდ დარიგება ტექნიკური დათვალიერების ინსპექტირების სერთიპიკატების. ეს უკვე საბოლოო განაჩენია აღნიშნული რეფორმის. დიახ, რეფორმა ჩავარდა“, - განმარტავს ვასო ურუშაძე.

 

კერძო ინტერესებზე საუბრისას, HUB Georgia-ს აღმასრულებელი დირექტორი აქცენტს   სადაზღვევო კომპანია „ალდაგი“-ზე აკეთებს. ამბობს, რომ სწორედ აღნიშნული სადაზღვევო კომპანიის უკან დგას კერძო ინტერესი და მონოპოლისტური მმართველობაც. როგორც ირკვევა, სწორედ ამ გარემოების გამო თქვეს თავის დროზე საერთაშორისო კომპანიებმაც ტენდერში მონაწილეობაზე უარი.

 

ვასო ურუშაძე:  „კონკრეტულ სახელებზე და გვარებზე ამ ეტაპზე ვერ ვისაუბრებ, რადგან ჩემი ინფორმაციით, საქართველოს პროკურატურა უკვე  იძიებს ამ საქმეს. თუმცა მაინც ვიტყვი,  არაერთხელ გაჟღერდა ყოფილი ეკონომიკის მინისტრის დიმიტირი ქუმსიშვილისა და მის უწყებაში დასაქმებული მაღალჩინოსების სახელები. გარდა ამისა უამრავი შეკითხვები დაისვა მაშინ, როცა გამოცხადდა ინტერესთა გამოხატვა და ტენდერი. არაერთი საერთაშორისო კომპანია იყო მსურველი მიეღო კონკურსში მონაწილეობა, მაგრამ თავი შეიკავა და ბაზარი დატოვა. რატომ? - იმიტომ, რომ დაინახეს მონოპოლიის რისკები. ადგილობრივ ბაზარზე უკვე იყვნენ კომპანიები, რომლებიც ემზადებოდნენ მონოპოლიისთვის. ასეთია „ალდაგი“ და სწორედ ის არის ხელისუფლებასთან ასოცირებული კომპანია. სახელმწიფოს ბრალია ისიც, რომ დღეს გამოვლინდა 10 ცენტრი, რომელიც  ავტომობილების ტექდათვალიერების ყალბ მოწმობებს გასცემდა. უბრალოდ, მთავრობას უნდა ტექდათვალიერების ბაზრიდან მოთამაშეები განდევნოს, რათა „ალდაგის“ სახელით თავად შემოვდეს და გახდეს მონოპოლისტი. წინააღმდეგ შემთხვევაში წინასაარჩევნოდ ამას არ გააკეთდებნენ“.

 


„კომერსანტის“ კითხვაზე, როგორ მივედით იქამდე, რომ მსგავსი კორუფციული სქემა განვითარებულიყო და რეფორმა ჩავარდნილიყო, ვასო ურუშაძე მთლიან პროცესსზე ამახვილებს ყურადღებას. მისი თქმით, პროექტი თავიდანვე ფორმალურ ხასიათს ატარებდა, რადგან არც სიღრმისეული კვლევა ჩატარებულა, არც ანალიზი და არც შესაბამისი მონიტორინგი განხორციელებულა, -  ეს ყველაფერი კარგად ჩანს რამდენიმე კომპონენტის განსაზღვრისას:

 

„პირველი, ჩვენ რეალურად არ ვიცით ქევყანაში რა გავლენას ახდენს გარემოზე ზემოქმედების კომპონენტში ტექნიკურად გაუმართავი ავტომობილი. ყველამ ვიცით, რომ ავტომობილის გამონაბოლქვი ახდენს ჰაერის დაბინძურებას, თუმცა რა როლი აქვს ამ ნაწილში ტექნიკურად გაუმართავ ავტომობილს, უცნობია. ამ კითხვაზე პასუხი არავის აქვს. შესაბამისად, შეუძლებელია ტექდათვლიერების რეფორმის გატარების თავალსაზრისით, რაიმე მოლოდინი გვქონოდა“,- აღნიშნავს ვასო ურუშაძე.

 

მეორე კომპონენტად  ურუშაძე საგზაო მოძრაობის უსაფრთხოებას ასახელებს. მისივე შეფასებით,  ამ შემთხვევაშიც არაერთელ დაისვა შეკითხვა, ზუსტად რას გააუმჯობესებდა ავტომობილების ტექნიკური ინსპექტირება; რამდენად გამოსწორდებოდა მოძრაობის უსაფრთხოების სტანდარტი ქვეყანაში, თუმცა პასუხი არ არსებობს. თანაც მაშინ, როცა ავტოსაგზაო შემთხვევების სტატისტიკაში რეალურად არცერთი ავტოსაგზაო შემთხვევა არ ფიქსირდება ავტომობილის ტექნიკური გაუმართაობის გამო. შესაბამისად, იმის მტკიცება, თითქოს ტექდათვალიერების რეფორმა საგზაო მოძრაობის უსაფრთხოების სტანდარტებს აამაღლებდა, ტყუილია. მარტივად, რომ ითქვას, სახელმწიფო მხოლოდ აღწერს ავტოსაგზაო შემთხვევებს, მაგრამ რეალურ შედეგებს არ ადგენს.

 

„ასევე არაერთი ხარვეზი გამოვლინდა თავად დაგეგმარების პროცესში, დაწყებული საზოგადოების ინფორმირებულობიდან, დამთავრებული ტექინსპექტირების ცენტრების აკრედიტაციით.  დავაზუსტებ იმასაც, რომ არაერთი ცვლილება მოხდა უშუალოდ სტანდარტში - ტექნიკური დათვალიერების ინსპექტირების რეგლამენტში, სადაც მაგალითად გამონაბოლქვის შემთხვევაში მოხდა იმ სტანდარტის შემსუბუქება, რაც 90 -იან წლებში გვქონდა.  გამონაბოლქვში  CO-ს შემცველობა თუ იყო 90-იანებშიც კი 0.3, ის გაიზარდა 0.5-მდე და მეორე შემთხვევაში თუ იყო 0.5 გაიზარდა 0.8-მდე. ფაქტობრივად, რაც არ უნდა ტექნიკურად გაუმართავი ყოფილიყო ავტომობილი და ჰქონოდა გადაცდომები, ტექნიკურ დათვალიერებას თეორიულად მაინც გაივლიდა. ჩვენ რეალურად ვატარებდით ტექინსპექტირებას იმ მოტივებით, რომ  ამის სათქმელი გვქონოდა საერთაშორისო დონეზე. მეტი არაფერი“, - აღნიშნავს ვასო ურუშაძე.

 

 შეგახსენებთ, ფინანსთა სამინისტროს საგამოძიებო სამსახურმა დღეს გამოავლინა ტექნიკური ინსპექტირების განმახორციელებელი 10 ცენტრი, რომლის თანამშრომლები როგორც მუნიციპალური, ასევე კერძო მფლობელობაში არსებული ავტოსატრანსპორტო საშუალებების შემოწმებისას, მიუხედავად მათი ვიზუალური ან/და ტექნიკური დაზიანებებისა, ტექნიკური ინსპექტირების დადებითად გავლის ყალბ ანგარიშებს გასცემდნენ. ამ ეტაპზე, ტარდება შესაბამისი ექსპერტიზები.

 

2018 წლის პირველი ოქტომბრიდან საქართველოში ავტოსატრანსპორტო საშუალებების პერიოდული ტექნიკური ინსპექტირების მესამე ფაზა ამოქმედდება. ინსპექტირება სავალდებულოა  ყველა ავტომობილისთვის, რომლის ძრავის მოცულობა 3 000 კუბური სმ. ან მეტია.

ავტოსატრანსპორტო საშუალებების სავალდებულო ტექნიკური ინსპექტირება 2018 წლის 1 იანვრიდან დაიწყო და ეტაპობრივად მიმდინარეობს.

 

ტექინსპექტირების გავლა საქართველოს მასშტაბით მოქმედ 32 აკრედიტებულ, პერიოდული ტექნიკური ინსპექტირების ცენტრშია შესაძლებელი. თემაზე ყველა საჭირო ინფორმაციის ნახვა კი შესაძლებელია ვებგვერდზე pti.ge. მოქმედებს ცხელი ხაზიც – 1484.

 

 სალომე ლემონჯავა 

 

 

 

 

 

 

 





აშშ-ს ყოფილი პრეზიდენტები - ობამა, ბუში და კლინტონი კორონავირუსის საწინააღმდეგო ვაქცინას საჯაროდ გაიკეთებენ

აშშ-ს ყოფილი პრეზიდენტები - ობამა, ბუში და კლინტონი კორონავირუსის საწინააღმდეგო ვაქცინას საჯაროდ გაიკეთებენ
access_time2020-12-04 18:54:11
ამერიკის შეერთებული შტატების ყოფილი პრეზიდენტები, ბარაკ ობამა, ჯორჯ ბუში და ბილ კლინტონი, მზად არიან, რომ ავტორიზაციის შემდეგ, კოვიდ 19-ის ვაქცინა საჯაროდ, კამერების წინ გაიკეთონ და ასე მოსახლეობას დაუმტკიცონ, რომ ის უსაფრთხოა.   ამერიკის ბოლო სამი პრეზიდენტი იმედოვნებს, რომ მათი ეს ნაბიჯი იქნება მყარი გზავნილი ამერიკელი ხალხისთვის, რომ ვაქცინა მართლაც უსაფრთხო და ეფექტურია. სწორედ ამაში ცდილობენ საზოგადოების დარწმუნებას სფეროს ექსპერტები და ვაქცინაზე...

„გამოქვეყნებული ახალ რეიტინგები მნიშვნელოვანი გზავნილია პოტენციური ინვესტორებისთვის - საქართველოს ბიზნესასოციაცია

„გამოქვეყნებული ახალ რეიტინგები მნიშვნელოვანი გზავნილია პოტენციური ინვესტორებისთვის - საქართველოს ბიზნესასოციაცია
access_time2020-12-04 17:55:18
საქართველოს ბიზნეს ასოციაცია Trace International-ის და ტრანსეროვნული ორგანიზაცია SolAbility-ის კვლევებს ეხმიანება და რეიტინგებს პოტენციური ინვესტორებისთვის პოზიტიურ გზავნილად აფასებს. Trace International-ის წარმოებული კორუფციის რისკისგან თავისუფლების ინდექსის მიხედვით, საქართველო მსოფლიოში 28-ე, ხოლო ევროპაში მე-19 ადგილზეა, ხოლო SolAbility-ის გლობალური მდგრადი კონკურენტუნარიანობის ინდექსის მიხედვით, საქართველო 180 ქვეყნიდან, 37-ე ადგილზეა.   ბიზნეს ასოციაციის პრეზიდენტის...

დღის Top 10 საინტერესო ამბავი

დღის Top 10 საინტერესო ამბავი
access_time2020-12-04 21:30:27
დღის Top 10 საინტერესო ამბავი: 1. ლარის გაცვლითი კურსის მორიგი შოკის შემთხვევაში, სახელმწიფო ვალის ნიშნული შესაძლოა მშპ-ის 72%-მდე გაიზარდოს ლარის გაცვლითი კურსის მორიგი შოკის შემთხვევაში, მაღალია ალბათობა სახელმწიფო ვალის ნიშნული მოულოდნელად მშპ-ის 72%-მდე გაიზარდოს. ასეთია აუდიტის სამსახურის ანგარიშის დასკვნა,...

„ადამიანის მისწრაფებას მოგზაურობისადმი ვერაფერი მოსპობს“ - როგორ გადაურჩა პანდემიას Airbnb?

 „ადამიანის მისწრაფებას მოგზაურობისადმი ვერაფერი მოსპობს“ - როგორ გადაურჩა პანდემიას Airbnb?
access_time2020-12-04 20:30:24
დეკემბრის შუა რიცხვებში საცხოვრებელი ფართების დაჯავშნის სერვისი Airbnb-ი თავისი აქციების გასაყიდად გამოტანის პროცედურას დაასრულებს. პირველ ეტაპზე საუბარი იყო 30 მლრდ. დოლარის ფასიან ქაღალდებზე, დღეს კი - 35 მლრდ-ის.   წერილში, რომელიც კომპანიის პრეზიდენტმა ბრაინ ჩესკიმ ბირჟების და ფასიანი ქაღალდების კომისიას გაუგზავნა, ნათქვამია, რომ აქციების განთავსება ჯერ კიდევ მარტში იგეგმებოდა, თუმცა ეს გეგმების პანდემიამ...

OPEC Plus-ი ნავთობმოპოვების ზრდაზე შეთანხმდა

OPEC Plus-ი ნავთობმოპოვების ზრდაზე შეთანხმდა
access_time2020-12-04 19:30:45
OPEC plus-ში შემავალი ქვეყნები 2021 წლის იანვრიდან დღე-ღამეში ნავთობმოპოვების 500 000 ბარელით ზრდაზე შეთანხმდნენ.   შემდგომში გარიგების პირობების ყოველთვიურად გადაიხედება, და მოპოვების მოცულობები მოთხოვნაზე იქნება დამოკიდებული.   ბაზარმა შეთანხმებაზე რეაგირება უკვე მოახდინა - 3 დეკემბერს, ინფორმაციის გავრცელების შემდეგ,  Brent-ის ტიპის ნავთობი 1,2%-ით, 48,8 ბარელამდე გაძვირდა. წყაროების ინფორმაციით, შეხვედრის დროს...


მსგავსი სიახლეები

up