ვასო ურუშაძე: „საზღვაო ფლოტის შექმნა რეალურია, მაგრამ არა ამ ხელისუფლების პირობებში“

ვასო ურუშაძე: „საზღვაო ფლოტის შექმნა რეალურია, მაგრამ არა ამ ხელისუფლების პირობებში“

access_time2019-01-29 15:30:58

საზღვაო ფლოტის შექმნა რეალურია, მაგრამ არა ამ ხელისუფლების პირობებში. დღევანდელი პოლიტიკური გარემო სრულად შეუსაბამოა, რომ მსგავსი მასშტაბური პროექტების განხორციელბა შესაძლებელი იყოს. გვაქვს სრულად არაადეკვატური სატრანსპორტო პოლიტიკა, განსაკუთრებით კი საზღვაო მიმართულებით, ამიტომ არანაირი საფუძველი არ არსებობს, რომ ქობულიას განცხადება დავიჯეროთ“,-  ასე აფასებს “hub Georgia“-ს დამფუძნებელი  ვასილ ურუშაძე ეკონომიკისა და მდგრადი განვითარების მინისტრის გიორგი ქობულიას განცხადებას.


საუბარია საზღვაო ფლოტის შექმნასა და ამ მიმართულებით სხვადასხვა სერვისის დანერგვაზე.


ჩვენ გვაქვს დღესდღეობით საკმაოდ შორს წასული მოლაპარაკებები ჩვენი საკუთარი ფლოტის, საქართველოს ფლოტის შექმნასთან დაკავშირებით, - განაცხადა The Economist-ის მიერ ორგანიზებულ ფორუმზე - მსოფლიო 2019 ეკონომიკის მინისტრმა გიორგი ქობულიამ.


როგორც ვასილ ურუშაძე ჩვენთან საუბარში განმარტავს, საქართველოში ზოგადად საზღვაო ფლოტის განვითარება სავსებით რეალურია, ქვეყანას თავისი გეოგრაფიული მდებარეობის გათვალისწინებით პერსპექტივებიც გააჩნია, მაგრამ მეორე საკითხია ხელისუფლების მხრიდან სატრანსპორტო პოლიტიკის მიმართულებით გადადგმული ნაბიჯები. ურუშაძის თქმით, საზღვაო ფლოტის შექმნას არაერთი ფაქტორი უშლის ხელს და ყველა მათგანი პოლიტიკურ ნებას უკავშირდება. ამიტომ ქობულიას განცხადება უფრო დილეტანტური და პოპულისტურია, ვიდრე რეალური.



„მთლიანად სატრანსპოროტო პოლიტიკაა დღეს მოშლილი და განადგურებული, მათ შორის ყველაზე მძიმე მდგომარეობა საზღვაო მიმართულებაშია. ადგილობრივი ბაზარი არის სრულიად არალიბერალური, მოქმედებს უამრავი ბიუროკრატიული ბარიერი. საგადასახადო ნაწილიც კი სრულად მიუღებელია, რის გამოც, უამრავი ქართველი ვიცი, ვინც ფლობს საზღვაო ხომალდს და ოპერირებს, ეს გემები დარეგისტრირებული ჰყავს თურქეთში, საბერძნეთში და ა.შ. რატომ? - იმიტომ, რომ საქართველო საზღვაო მიმართულებით არის არამიმზიდველი ქვეყანა და ეს ყველამ იცის. ასეთ დროს ქობულიას განცხადებები, რა თქმა უნდა, უფრო ფორმალურია, ვიდრე განხორციელებადი“,- განმარტავს ვასო ურუშაძე.


სატრანსპორტო მიმართულებით რომ სწორი რეფორმა გატარდეს და ადგილობრივი ბაზარიც მეტად ლიბერალური და მოქნილი გახდეს, ამ შემთხვევაში ურუშაძის თქმით, საზღვაო ფლოტი იქნებოდა ქვეყნის ეკონომიკის ერთ-ერთი დასაყრდენი. “hub Georgia“-ს დამფუძნებელი რამდენიმე ძირითად პერსპექტივაზე ამახვილებს ყურადღებას, რაც შესაძლოა საზღვაო ფლოტმა მოუტანოს საქართველოს. ესენია:


„საზღვაო ფლოტი ორი მიმართულებით შეიძლება განვითარდეს: ერთი, როცა ჩვენი დროშის ქვეშ მცურავი საზღვაო ხომალდები მთელი მსოფლიოს მასშტაბით ახდენენ ოპერირებას და ტვირთების გადაზიდვას. მეორე ვარიანტია, როცა ჩვენი საზღვაო ფლოტის უდიდესი ნაწილი, რომელიც იქნება რეგისტრირებული ასევე საქართველოს დროშის ქვეშ, მოემსახუროს ჩვენივე ქვეყანას და მთლიანად რეგიონს. პირველი ვარიანტი, ბუნებრივია, უფრო მეტ ბენეფიტს მოუტანს საქართველოს ეკონომიკას, მაგრამ ორივე ძალიან მნიშვნელოვანი და დადებითი მოვლენაა სფეროს გასავითარებლად“,- აღნიშნავს ვასილ ურუშაძე.


სალომე ლემონჯავა




დაკეტილი სკოლები - სექტემბრიდან სწავლება შერეული სისტემით გაგრძელდება

დაკეტილი სკოლები - სექტემბრიდან სწავლება შერეული სისტემით გაგრძელდება
access_time2020-07-04 18:00:12
გაეროს ბავშვთა ფონდის საქართველოს ოფისის წარმომადგენელმა დღეს მმართველ გუნდს პირდაპირ უთხრა, რომ სექტემბერში სწავლა ჩვეულ რეჟიმში უნდა განახლდეს. ღასან ხალილი ხელისუფლებას მოსწავლეთა საუკეთესო ინტერესების დაცვისკენ მოუწოდებს. მისი თქმით, სკოლების დაკეტვა ბავშვებზე ნეგატიურ გავლენას ახდენს, ქვეყანაში...

საპენსიო დანაზოგებით, შესაძლოა, სახელმწიფო საწარმოები დაფინანსდეს

საპენსიო დანაზოგებით, შესაძლოა, სახელმწიფო საწარმოები დაფინანსდეს
access_time2020-07-04 16:00:24
ფინანსთა მინისტრის მოადგილის, ნიკოლოზ გაგუას ინფორმაციით, დაგროვებითი საპენსიო სქემის დანაზოგებით, მთავრობა სახელმწიფო საწარმოების დაფინანსების შესაძლებლობას...

Hotsale.ge-ზე განთავსებულ 400-ზე მეტ სასტუმროში ერთ კვირაში 2000 ჯავშანი გაიყიდა

Hotsale.ge-ზე განთავსებულ 400-ზე მეტ სასტუმროში ერთ კვირაში 2000 ჯავშანი გაიყიდა
access_time2020-07-04 17:30:40
დას­ვე­ნე­ბის სე­ზო­ნი მალე აქ­ტი­ურ ფა­ზა­ში შევა, დამ­სვე­ნე­ბელ­თა დიდი ნა­წი­ლი კი, სა­ქარ­თვე­ლო­ში არ­სე­ბულ კუ­რორ­ტებს შე­არ­ჩევს. სა­ინ­ტე­რე­სოა, წელს სად შე­იძ­ლე­ბა ხა­რის­ხი­ა­ნად დას­ვე­ნე­ბა და მნიშ­ვნე­ლო­ვა­ნი და­ნა­ზო­გე­ბის გა­კე­თე­ბა. რო­მე­ლი სას­ტუმ­რო­ე­ბია ყვე­ლა­ზე მო­თხოვ­ნა­დი და რო­გო­რია მათი ფა­სე­ბი? ამის შე­სა­ხებ  HOTSALE.GE-ს დი­რექ­ტორს თა­თუ­ლი ზა­კა­ლაშ­ვილს...

ნიუ-იორკის უძრავი ქონების ბაზარი ჩამოიშალა

ნიუ-იორკის უძრავი ქონების ბაზარი ჩამოიშალა
access_time2020-07-04 13:00:42
კორონავირუსის გამო შემოღებული 3 თვიანი კარანტინი აშშ-ში უძრავი...

გერმანიაში 2038 წლისთვის ქვანახშირის ყველა ელექტროსადგურს დაკეტავენ

გერმანიაში 2038 წლისთვის ქვანახშირის ყველა ელექტროსადგურს დაკეტავენ
access_time2020-07-04 11:30:07
გერმანიაში 2038 წლისთვის ქვანახშირის ყველა ელექტროსადგურს...


მსგავსი სიახლეები

up