ვასილ სოფრომაძე მის ნაცნობ პარლამენტარებს გადადგომისკენ მოუწოდებს

ვასილ სოფრომაძე მის ნაცნობ პარლამენტარებს გადადგომისკენ მოუწოდებს

access_time2019-06-22 12:28:34

"ფრესკოს" დამფუძნებელი 21 მაისის ღამეს რუსთაველის გამზირზე განვითარებულ მოვლენებს ეხმაურება. მან ამ თემაზე ვიდეომიმართვა ჩაწერა, სადაც მთავრობის წევრებსა და პარლამენტარებს საკუთარი პოზიციების დაფიქსირებისკენ მოუწოდებს.


"მივმართავ მოქმედი მთავრობის იმ წევრებს, რომელთანაც მე პირადი, ადამიანური ურთიერთობა მქონდა ჯერ კიდევ მაშინ, როდესაც არც „ქართული ოცნება“ არსებობდა და არც ისინი იყვნენ მთავრობის წევრები; მივმართავ პარლამენტარებს, ვისთანაც ადამიანური ურთიერთობა მქონდა, როცა პარლამენტის წევრები არ იყვნენ: თქვენი შვილები დასისხლიანებულები რომ დაბრუნებულიყვნენ, თვალის გარეშე დარჩენილიყვნენ.... და თქვენ რომ არ გადადგეთ, არ დატოვოთ პარლამენტი და არ განერიდოთ ამ უმსგავს საქციელს, მე თქვენ გამარჯობას არ გეტყვით. შეიძლება, რომელიმე თქვენგანმა თქვას, შენი გამარჯობა არ მჭირდებაო, მაგრამ მე არ მჭირდებით თქვენ. მე ვაფიქსირებ, რომ არასოდეს ხელს არ გამოგიწოდებთ.


გეთანხმებით იმაში, რომ პოლიციელს ხელით არ უნდა შეეხონ და მისი ხელის შემხები უნდა დაისაჯოს, მაგრამ კიდევ უფრო მეტად უნდა დაისაჯოს ის, ვინც მიიყვანა ქვეყანა ამ მდგომარეობამდე, ვინც ვერ უზრუნველყო, რომ მსგავსი უმსგავსოება, ამაზრზენი სიტუაცია, რაც მოხდა რუსთაველზე, არ მომხდარიყო", – აცხადებს სოფრომაძე.


ასევე, ბიზნესმენი ხელისუფლებას მოუწოდებს, მოსახლეობას არჩევნების გზით თავისუფალი ნების გამოხატვის უფლება მისცეს.


"მხოლოდ არჩევნებით შეიძლება მთავრობის შეცვლა და მიეცით ამ ხალხს საშუალება, რომ თავისუფალი ნება გამოხატონ და თუ ეს ხალხი ისევ თქვენ აგირჩევთ, მე ამ ხალხის ნებას დავემორჩილები, მაგრამ მე ამ ქვეყანაში აღარ ვიცხოვრებ. არ მინდა, ვიცხოვრო იმ ქვეყანაში, სადაც მონობას აძლევენ ხმას, სადაც გაუსაძლის სიტუაციას აძლევენ ხმას.


დააფიქსირეთ თქვენი პოზიცია. ვინც ხართ დღეს ნებით თუ უნებლიეთ მოხვედრილი ამ მთავრობაში, პოლიტიკურ ძალაში, რომელიც მართავს, დააფიქსირეთ თქვენი პოზიცია და მე გაგიგეგბთ, ქართველი ხალხი გაგიგებთ და და ნუ შეახოცავთ ხელს პარლამენტის დაცვას და პროტოკოლის ხელმძღვანელს. ეს იგივეა, „ფრესკოს“ ოფისში, ჩემი კონკურენტი კომპანიის ხელმძღვანელი ჩემს კაბინეტში, ჩემს სავარძელში იჯდეს და მე პასუხი მოვთხოვო არა ჩემს მენეჯმენტს, არამედ ჩემს პირად მდივანს და დაცვის უფროსს. გრცხვენოდეთ!", - განაცხადა სოფრომაძემ.


განცხადების ბოლოს მან პირადად შინაგან საქმეთა მინისტრს გიორგი გახარიას მიმართა.


"შეიძლება, ძალიან ქუჩურად და ძველბიჭურად გამომივიდეს, თუმცა არც ქუჩის ბიჭი და არც ძველი ბიჭი არასდროს ვყოფილვარ - მე მინდა მოგმართოთ თქვენ, ბატონო გახარია: როცა თქვენ მინისტრი არ იქნებით, როცა ჩვეულებრივი მოქალაქე იქნებით, დამირეკე, ჟორა, შევხვდეთ ერთმანეთს, როგორც კაცი კაცს და მაშინ გეტყვი მე, ვასო სოფრომაძე ყველაფერს, რისი თქმაც მინდა შენთვის!", - მიმართა სოფრომაძემ შინაგან საქმეთა მინისტრს.






საცხობების ქსელი ანტრე ლონდონში გაიხსნება

საცხობების ქსელი ანტრე ლონდონში გაიხსნება
access_time2020-02-22 19:10:48
საცხობების ქსელი ანტრე ლონდონში გაიხსნება. ქსელის პირველი კაფე ნოთინგ ჰილ გეითის # 138 ში სტუმრებს 2020 წლის ზაფხულიდან უმასპინძლებს. “ანტრე ლონდონი” კომპანიის საერთაშორისო ექსპანისიის ნაწილია, რომელიც თბილისის და ბაქოს შემდეგ მესამე ქალაქს წარმოადგენს.ანტრე თანამედროვე, ჯანსაღი ცხოვრების მოყვარულთა არჩევანია, რომელმაც რეპუტაცია უმაღლესი ხარისხის ხელნაკეთი პროდუქტების წარმოებით მოიპოვა.“ანტრე ლინდონი” ბრიტანულ ბაზარზე საინტერესო სინთეზით...

„დემნა გვასალიამ თავისი საბჭოური ნოსტალგიით გადაუარა მოდის სფეროს და ჩვენც იგივე შეგვიძლია გავაკეთოთ კულინარიით“

„დემნა გვასალიამ თავისი საბჭოური ნოსტალგიით გადაუარა მოდის სფეროს და ჩვენც იგივე შეგვიძლია გავაკეთოთ კულინარიით“
access_time2020-02-22 18:00:21
თუ გაქვთ სურვილი და, იმავდროულად, თანხაც, თბილისში ახალი ადგილი შექმნათ, სადაც ადამიანები სიამოვნებით ივლიან და გემრიელ კერძებს დააგემოვნებენ, ეს სულაც არ ნიშნავს იმას, რომ ოცნების რეალობად ქცევისთვის ყველა საჭირო ბერკეტს...

ელექტრო სიგარეტების მწარმოებლებს ახალი რეგულაციების დაცვა მოუწევთ

ელექტრო სიგარეტების მწარმოებლებს   ახალი რეგულაციების დაცვა მოუწევთ
access_time2020-02-22 17:00:16
 მშვიდობით, არომატიზირატორებო ტკბილი ბამბის, ხილის ნარევების და კრემ-ბრიულეს გემოთი. ახლო მომავალში, ყველა ეს არომატი, რომელიც ახალისებს ელექტრო სიგარეტების - ვეიპების -  მოხმარებას შტატებში, გავა მოდიდან, ხოლო მწარმოებელ-კომპანიებს  ახალი რეგულაციების დაცვა მოუწევთ.აშშ-ის კვების პროდუქტების და წამლების ხარისხის სანიტარული ზედამხედველობის სამსახურის ბრძანებით, ვეიპების სითხეს უნდა ჰქონდეს  კლასიკური თამბაქოს და მენთოლის გემო, სხვა  ყველაფერი დანარჩენი...

„ხან ერთი ტრანსფორმატორი ფეთქდება, ხან - მეორე“ - მაინინგის გამო ჩაბნელებული სვანეთი

„ხან ერთი ტრანსფორმატორი ფეთქდება, ხან - მეორე“ - მაინინგის გამო ჩაბნელებული სვანეთი
access_time2020-02-22 16:00:15
სვანეთში კრიპტოვალუტის მაინინგის გამო მოსახლეობას ელექტროენერგია შეზღუდვით მიეწოდება. ადგილობრივები პრობლემის მოგვარებას ითხოვენ, თუმცა გამრიცხველიანების წინააღმდეგნი არიან. „ენერგო-პრო ჯორჯიამ“ აღმოაჩინა, რომ შარშან სვანეთში ელექტროენერგიის მოხმარებამ მოულოდნელად მკვეთრად იმატა. კომპანიის ანალიზით, გასული წლის დეკემბერში მესტიის რაიონმა იმდენივე ელექტროენერგია მოიხმარა, რამდენიც ერთად აღებულმა 19 რაიონმა. კომპანიაში განაცხადეს, რომ დენის მოხმარების...

„სქაი ბარი“ პეკინის 3 - სახიფათო ზონა ტურისტებისთვის

„სქაი ბარი“ პეკინის 3 - სახიფათო ზონა ტურისტებისთვის
access_time2020-02-22 14:10:33
ეთნო რალის დამფუძნებელი ალექსანდრე გიორგაძე სოციალურ ქსელში წერს, რომ პეკინის 3 ნომერში განთავსებულ ბარ “სქაიში” მასთან სტუმრად მყოფ ტურისტებს 2 ლუდში 3100 ლარი გადაახდევინეს. „კიდევ ერთი თაღლითური შემთხვევა. 2 ლუდში გადაახდევინეს 3100 ლარი. ამჯერად ჩემს სტუმრებს შეემთხვათ. მესამედ არიან უკვე ჩემთან. ვმეგობრობთ, სიგიჟემდე უყვართ საქართველო. სქემა მარტივი. შევიდნენ ლუდისთვის, მიუჯდა 2 გოგო, სთხოვეს დალევა. ამათ უარი უთხრეს. ცოტა ხანში მოდის შამპანური. ეს გოგონები 5 წუთში...


მსგავსი სიახლეები

up