ვასილ სოფრომაძე გიორგი გახარიას - დამირეკე, როცა ჩვეულებრივი მოქალაქე იქნები, შევხვდეთ ერთმანეთს, როგორც კაცი კაცს და მაშინ გეტყვი ყველაფერს, რისი თქმაც მინდა

ვასილ სოფრომაძე გიორგი გახარიას - დამირეკე, როცა ჩვეულებრივი მოქალაქე იქნები, შევხვდეთ ერთმანეთს, როგორც კაცი კაცს და მაშინ გეტყვი ყველაფერს, რისი თქმაც მინდა

access_time2019-06-22 12:00:42

დამირეკე, როცა ჩვეულებრივი მოქალაქე იქნები, შევხვდეთ ერთმანეთს, როგორც კაცი კაცს და მაშინ გეტყვი ყველაფერს, რისი თქმაც მინდა!“, - ასე მიმართა „ფრესკოს“ დამფუძნებელმა, ვასილ სოფრომაძემ ვიდეომიმართვაში საქართველოს შს მინისტრს, გიორგი გახარიას.


„შეიძლება, ძალიან ქუჩურად და ძველბიჭურად გამომივიდეს, თუმცა ძველი ბიჭი არასდროს ვყოფილვარ - მინდა მოგმართოთ თქვენ, ბატონო გახარია: როცა მინისტრი არ იქნები, როცა ჩვეულებრივი მოქალაქე იქნები, დამირეკე, ჟორა, შევხვდეთ ერთმანეთს, როგორც კაცი კაცს, და მაშინ გეტყვი მე, ვასო სოფრომაძე, ყველაფერს, რისი თქმაც მინდა შენთვის!“, - მიმართა „ფრესკოს“ დამფუძნებელმა შს მინისტრს.


მან ასევე მიმართა საქართველოს მთავრობასა და პარლამენტში მყოფ პოლიტიკოსებს, მმართველი პარტიის წევრებს და მოუწოდა, რომ მათ ხალხს არჩევნების საშუალება მისცენ.



„მივმართავ მოქმედი მთავრობის იმ წევრებს, რომელთანაც მე პირადი, ადამიანური ურთიერთობა მქონდა ჯერ კიდევ მაშინ, როდესაც არც „ქართული ოცნება“ არსებობდა და არც ისინი იყვნენ მთავრობის წევრები; პარლამენტარებს, ვისთანაც ადამიანური ურთიერთობა მქონდა, როცა პარლამენტში არ იყვნენ: თქვენი შვილები დასისხლიანებულები რომ დაბრუნებულიყვნენ, თვალის გარეშე დარჩენილიყვნენ და თქვენ არ გადამდგარიყავით და არ დაგეტოვებინათ პარლამენტი, გამარჯობას არ გეტყოდით. შეიძლება, რომელიმე თქვენგანმა თქვას, შენი გამარჯობა არ მჭირდებაო, მაგრამ მე არ მჭირდებით თქვენ. პოლიციელის ხელის შემხები უნდა დაისაჯოს, მაგრამ მეტად უნდა დაისაჯოს ის, ვინც მიიყვანა ქვეყანა ამ მდგომარეობამდე, ვინც ვერ უზრუნველყო, რომ ეს ამაზრზენი სიტუაცია რუსთაველზე არ მომხდარიყო.


არავის მოვუწოდებ, პოლიტიკოსი არ ვარ, ვამბობ ერთ რამეს: დააფიქსირეთ თქვენი პოზიცია და ნუ შეახოცავთ ხელს პარლამენტის დაცვას და პროტოკოლის ხელმძღვანელს. ეს იგივეა, „ფრესკოს“ ოფისში, ჩემს კაბინეტში, ჩემს სავარძელში ჩემი კონკურენტი კომპანიის ხელმძღვანელი და მე პასუხი მოვთხოვო არა ჩემს მენეჯმენტს, არამედ ჩემს პირად მდივანს და დაცვის უფროსს. გრცხვენოდეთ! მხოლოდ არჩევნებით შეიძლება მთავრობის შეცვლა და მიეცით ხალხს საშუალება, თავისუფალი ნება გამოხატონ. თუ ეს ხალხი ისევ თქვენ აგირჩევთ, მათ ნებას დავემორჩილები, მაგრამ ამ ქვეყანაში აღარ ვიცხოვრებ. არ მინდა, ვიცხოვრო იმ ქვეყანაში, სადაც მონობას აძლევენ ხმას“, - განაცხადა სოფრომაძემ.


მანვე პოლიტიკოსების გარდა, ახსენა იმ სფეროს წარმომადგენლები, ვინც მისი აზრით, ქვეყანაში შექმნილ მდგოამრეობასთან დაკავშირებით საკუთარი პოზიცია უნდა დააფიქსიროს.


„სად არიან მომღერლები, მსახიობები, მეცნიერები, მასწავლებლები, ის ხალხი, რომელიც რაღაც ავტორიტეტს წარმოადგენს დღეს ჩვენი მოსახლეობისთვის და ახალგაზრდობისთვის?! სად არის საქართველოს პატრიარქი, ილია მეორე? რატომ არ აფიქსირებს თავის პოზიციას? სად არიან მეკომბლეები, რომლებიც კომბლებით დადიან და პოლიციას პირდაპირ ეუბნებოდნენ, რომ თავში ჩაარტყამდნენ, თუ მათ შეეხებოდნენ? სადაა ეს ხალხი, სად ხართ ქართველებო, შეგეშინდათ? რისი და ვისი შეგეშინდათ? შიშმა წაგართვათ ადამიანობა?“ - განაცხადა სოფრომაძემ ვიდეომიმართვაში.






შარლ მიშელის დოკუმენტს „ქართულმა ოცნებამ“ და ოპოზიციის ნაწილმა ხელი მოაწერა - შეთანხმების ტექსტს ამ ეტაპზე არ უერთდება „ნაცმოძრაობა“ და „ევროპული საქართველო“

შარლ მიშელის დოკუმენტს „ქართულმა ოცნებამ“ და ოპოზიციის ნაწილმა ხელი მოაწერა - შეთანხმების ტექსტს ამ ეტაპზე არ უერთდება „ნაცმოძრაობა“ და „ევროპული საქართველო“
access_time2021-04-19 22:30:00
შარლ მიშელის დოკუმენტზე - „საქართველოს წინსვლის გზა“ ხელისუფლებასა და ოპოზიური პარტიების ნაწილს შორის შეთანხმება შედგა. დოკუმენტს ხელი რამდენიმე წუთის წინ, ორბელიანის სასახლეში მოეწერა. კერძოდ, შეთანხმების ტექსტს ოპოზიციური სპექტრიდან ხელი მოაწერეს „სტრატეგია აღმაშენებლის“ თავმჯდომარე გიორგი ვაშაძემ, „ლელოს“ ლიდერებმა - ბადრი ჯაფარიძემ და მამუკა ხაზარაძემ, „რესპუბლიკური პარტიის“ თავმჯდომარე ხათუნა სამნიძემ, „მოქალაქეების“ თავმჯდომარე ალეკო ელისაშვილმა და „გირჩის“...

სუპერლიგას ევროპელი ლიდერებიც ეწინააღმდეგებიან - ყველაფერი ახალი ლიგის შესახებ

სუპერლიგას ევროპელი ლიდერებიც ეწინააღმდეგებიან - ყველაფერი ახალი ლიგის შესახებ
access_time2021-04-19 19:00:59
სუპერლიგის შექმნა ასეთი რეალური არავის ეგონა. თუმცა გუშინ ღამით ოფიციალურად შექმნეს ახალი ტურნირი და მაშინვე დაიწყო ვარაუდები, პრეტენზიები და მუქარები. მივყვეთ მოვლენებს.   12-მა კლუბმა გადაწყვიტა, რომ უეფასა და ღარიბი გუნდებისთვის ფულის გაყოფა არ სურთ და ახალი ტურნირის შექმნა მოიფიქრეს. ინიციატორები ფლორენტინო პერესი და ანდრეა ანიელი იყვნენ. რეალის ბოსი პრეზიდენტი იქნება, იუვეს ხელმძღვანელი და მანჩესტერის მფლობელი ჯოელ გლეიზერი - ვიცე-პრეზიდენტები.   ლა...

დოლარისგან გათავისუფლება და მოსახლეობის კონტროლი - რისთვის ქმნის ჩინეთი ახალ ციფრულ ვალუტას?!

დოლარისგან გათავისუფლება და მოსახლეობის კონტროლი - რისთვის ქმნის ჩინეთი ახალ ციფრულ ვალუტას?!
access_time2021-04-19 20:00:01
გასულ წელს ჩინეთმა  საკუთარი ციფრული ვალუტის გატესტვა დაიწყო, რომლის გამოყენებისთვისაც საჭირო არ იქნება ბანკში ანგარიშის ქონა და არც ინტერნეტი. ხელისუფლება აცხადებს, რომ ეს გადახდის სისტემას უფრო ხელისაწვდომს გახდის, ხოლო ეკონომიკას დოლარისგან დამოუკიდებელს. ექსპერტები კი ეჭვობენ, რომ ამ გზით მთავრობა მოსახლეობის კონტროლის კიდევ ერთ მექანიზმს ქმნის. რისთვის სჭირდება ჩინეთს ციფრული ვალუტა,  რომელიც გამოსაცდელად უკვე რამდენიმე მილიონობით გადაეცა...

დღის top 10 საინტერესო ამბავი

დღის top 10 საინტერესო ამბავი
access_time2021-04-19 21:00:13
დღის top 10 საინტერესო ამბავი: რეფინანსირების ისტრუმენტი , რომელსაც ეროვნული ბანკი იყენებს ლარის კურსზე დამატებითი წნეხია ლარის კურსზე გავლენას ეროვნული ბანკის ქმედებები, ბიუჯეტის ხარჯვის გრაფიკი და მოლოდინებიც ახდენს, მთგან...

19 აპრილი - რეგიონში ქართული ლარი გამყარდა, თურქული ლირა და სომხური დრამი გაუფასურდა

19 აპრილი - რეგიონში ქართული ლარი გამყარდა, თურქული ლირა და სომხური დრამი გაუფასურდა
access_time2021-04-19 18:00:59
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 19 აპრილის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 19 აპრილის ვაჭრობის შედეგად (რომლის ოფიციალური კურსი 20 აპრილისთვისაა) ეროვნული...


მსგავსი სიახლეები

up