ვაშლის მოსავლის  აღება აქტიურ ფაზაში შედის

ვაშლის მოსავლის აღება აქტიურ ფაზაში შედის

access_time2018-10-18 12:03:00

ვაშლის მოსავლის აღება აქტიურ ფაზაში შედის. წლევანდელი წელი უხვმოსავლიანობით გამოირჩევა. ამის შესახებ „კომერსანტს“ გარემოს დაცვის და სოფლის მეურნეობის სამინისტროდან აცნობეს.



პროდუქციის ხარისხის გასაუმჯობესებლად, 2015 წლიდან სახელმწიფო პროექტი „დანერგე მომავალი“ ხორციელდება. სახელმწიფოს ფინანსური მხარდაჭერით, ქვეყნის მასშტაბით ახალი, თანამედროვე სტანდარტის მრავალწლიანი ბაღების გაშენება მიმდინარეობს. დღეის მდგომარეობით, პროექტის „დანერგე მომავალი“ ფარგლებში, საქართველოს მასშტაბით, ვაშლის ახალი ბაღების გაშენება 869 ჰექტარზეა დაფინანსებული. სახელმწიფო დაფინანსების მოცულობა 7,035,807 მილიონ ლარს შეადგენს.



აღსანიშნავია ის ფაქტიც, რომ სახელმწიფოს მიერ მნიშვნელოვანი ღონისძიებები გატარდა საექსპორტო ბაზრების დივერსიფიკაციის მიმართულებით, რაც ფერმერებსა და მეწარმეებს საშუალებას აძლევს კონკურენტუნარიანი პროდუქცია ექსპორტზე გაიტანოს.



2013 წლიდან დღემდე, სახელმწიფოს დახმარებით, „ერთიანი აგროპროექტის“ ფარგლებში, 180 ახალი საწარმოს შექმნა დაფინანსდა. ასევე სახელმწიფოს მხარდაჭერით, გადაიარაღებულია 880-ზე მეტი საწარმო. აქედან, 40-მდე საწარმო გადამმუშავებელია, სადაც ფერმერებს ვაშლის ჩაბარება შეუძლიათ.



ვაშლის მოსავლის დაბინავების პროცესის გაცნობის მიზნით, გარემოს დაცვისა და სოფლის მეურნეობის მინისტრის მოადგილე გიორგი ხანიშვილი, შიდა-ქართლის გუბერნატორთან, გიორგი ხოჯევანიშვილთან ერთად, გორის მუნიციპალიტეტში, თანამედროვე სტანდარტებით აღჭურვილი ხილის გადამმუშავებელ საწარმოში შპს „ბიოჯუსი“ იმყოფებოდა. საწარმო სოფლის მეურნეობის პროექტების მართვის სააგენტოს „ერთიანი აგროპროექტის“ ფარგლებში შეიქმნა. შეღავათიანი აგროკრედიტის ოდენობა, რომლითაც საწარმომ ისარგებლა, 185,000 ლარს შეადგენს.




საწარმოში, სადაც სეზონზე 55 ადამიანია დასაქმებული, წლიურად 15,000 ტონა ვაშლს გადაამუშავებენ. პროდუქციის რეალიზაცია ადგილობრივ ბაზარზეც ხდება და გერმანიაში ექსპორტზეც გადის.
წლევანდელ სეზონზე საწარმომ უკვე მიიღო 5,000 ტონა ვაშლი და კიდევ 10,000 ტონის ჩაბარებას გეგმავს.



გიორგი ხანიშვილი ხილის გადამმუშავებელ ახალი საწარმოში გორის მუნიციპალიტეტის სოფელ შავშვებშიც იმყოფებოდა.



თანამედროვე სტანდარტებით აღჭურვილი ახალი საწარმო „ხილარი“ სახელმწიფოს ფინანსური მხარდაჭერით, „ერთიანი აგროპროექტის“ ფარგლებში შეიქმნა. საწარმოში ჯამურად 1,500,000 ლარამდე ინვესტიცია განხორციელდა, აქედან, 600,000 ლარი გრანტია, ხოლო 710,000 ლარი შეღავათიანი აგროკრედიტი.



გარემოს დაცვისა და სოფლის მეურნეობის მინისტრის მოადგილემ, გიორგი ხანიშვილმა, ახალი საწარმო პროექტების მართვის სააგენტოს დირექტორთან, რევაზ ასათიანთან და შიდა-ქართლის გუბერნატორთან გიორგი ხოჯევანიშვილთან ერთად, გახსნა და ვაშლის ჩაბარების პროცესს გაეცნო.



საწარმოში წელიწადში 300 ტონაზე მეტი ხილი გადამუშავდება. პროდუქციის რეალიზაცია ადგილობრივ ბაზარზე მოხდება. დაგეგმილია ექსპორტზე გატანაც. გადამმუშავებელ საწარმოში სეზონურად 20 ადამიანია დასაქმებული. კომპანიაში, მიმდინარე წელს, სოფლის მეურნეობის პროექტების მართვის სააგენტოს მხარდაჭერით, სურსათის უვნებლობის საერთაშორისო სტანდარტი - ISO 22:000 დაინერგა.
საწარმომ წლევანდელ სეზონზე უკვე ჩაიბარა 35 ტონა ვაშლი და კიდევ 265 ტონის ჩაბარებას გეგმავს.








"ყაზტრანსგაზი" და კალაძის ინტერესები - კომპანიის წამყვან თანამდებობებს თბილისის მერის პროტეჟეები იკავებენ

access_time2019-01-20 21:29:31
დიდ დიღომში დატრიალებული ტრაგედიის შემდეგ სულ უფრო აქტუალური ხდება კითხვა - ვინ არის მომხდარზე პასუხისმგებელი? დედაქალაქის მერია პასუხისმგებლობას იხსნის და ხელს კანონში არსებული რეგულაციებისკენ იშვერს, რომლის მიხედვითაც, ექსპლუატაციაში მიღებამდე კორპუსში ადამიანების ცხოვრება დაშვებულია. დიდი დიღომში მომხდარი უბედური შემთხვევისგან ქალაქის მერის მიერ პასუხისმგებლობის თავიდან არიდების მცდელობას პოლიტიკური ოპონენტები უზნეობად აფასებენ. კახა კალაძე...

როგორ გამოიყურებიან ცნობილი ბრენდების ნაკლებად ცნობილი შემქნელები

როგორ გამოიყურებიან ცნობილი ბრენდების ნაკლებად ცნობილი შემქნელები
access_time2019-01-20 20:00:48
მსოფლიო ბრენდების მფლობელების და დამაარსებლების...

ფარული ჩანაწერი, რომელმაც კვირიკაშვილი გადაიყოლა და საბედისწერო სიტყვა „ოლიგარქი“

ფარული ჩანაწერი, რომელმაც კვირიკაშვილი გადაიყოლა და საბედისწერო სიტყვა „ოლიგარქი“
access_time2019-01-19 21:30:38
ფარული ჩანაწერები, რომელმაც პრემიერი გიორგი კვირიკაშვილის პოსტი შეიწირა - ამბავი, რომლის გამოც ბიძინა ივანიშვილი ქვეყნის მთავარ ბანკირს - მამუკა ხაზარაძეს, დაუპირისპირა და გიორგი კვირიკაშვილს გადადგომა აიძულა, ფარულ ჩანაწერს უკავშირდება. წყარო კურიერს უყვება, რომ...

10 წლის ჩელენჯი - 10 ფაქტი საქართველოს ეკონომიკის შესახებ

10 წლის ჩელენჯი - 10 ფაქტი საქართველოს ეკონომიკის შესახებ
access_time2019-01-20 12:00:01
გასული 10 წლის განმავლობაში საქართველოს ეკონომიკამ მნიშვნელოვანი გარდაქმნები გაიარა, ამიტომ გადავწყვიტეთ წარმოგვედგინა რამდენიმე ფაქტი საქართველოს ეკონომიკის შესახებ 2008 წლისა და 2018 წლის...

ზურაბ გურული - „ ისტერიკა იმაზე, რომ დიღომში მომხდარ ტრაგედიას კავშირი არა აქვს პოლიტიკასთან, არის უშედეგო ფარსი“

ზურაბ გურული - „ ისტერიკა იმაზე, რომ დიღომში მომხდარ ტრაგედიას კავშირი არა აქვს პოლიტიკასთან, არის უშედეგო ფარსი“
access_time2019-01-19 20:00:36
ზურაბ გურული — აშშ-ის მონტგომერის სახელობის ფედერალური კლინიკის ანესთეზიისა და ქირურგიის დეპარტამენტების დირექტორი, ასევე მისისიპის უნივერსიტეტის კლინიკური ანესთეზიოლოგიის პროფესორი — დიდ დიღომში მომხდარ ტრაგედიას და ბოლო პერიოდში განვითარებულ მოვლენებს სოციალურ ქსელში გამოეხმაურა, რომელსაც „კომერსანტი“ უცვლელად...


მსგავსი სიახლეები

up