ტურიზმის სამნიშნა პროცენტული ზრდის ფონზე, ამერიკის შეერთებული შტატების სახელმწიფო დეპარტამენტი საკუთარ მოქალაქეებს კოვიდის გამო საქართველოში მოგზაურობისგან თავის შეკავებიკენ მოუწოდებს. დამატებით რისკებად კი შესაძლო ძალადობის შემთხვევებს ასახელებს. გასათვალისწინებელია ის ფაქტიც, რომ ანგარიში 16 ივნისითაა დათარიღებული, მაშინ როცა კოვიდის შემთხვევათა 7 დღის საშუალო მაჩვენებლი 704-ს შეადგენდა და უცხოელებზე თავდასმხებიც არ იყო გახშირებული.

ივნისში ვიზიტორების რაოდენობა, გასული წლის ანალოგიურ პერიოდთან შედარებით 287%-ით, ტურისტების კი 362%-ით გაიზარდა. ძალიან მაღალი 3251%-იანი ზრდა დაფიქსირდა შეერთებული შტატებიდანაც, მაგრამ 1709 ვიზიტორი, 2019 წლის ივნისთან შედარებით მაინც 3-ჯერ ნაკლებია. რა გავლენა იქონია სახელმწიფო დეპარტამენტის გაფრთხილებამ შეერთებული შტატების ან სხვა ქვეყნის მოქალაქეების გადაწყვეტილებაზე ემოგზურათ საქართველოში უცნობია. საკითხზე კვლევა არ ჩატარებულა. ცნობილი ისაა, რომ აშშ-ის სახელმწიფო დეპარტამენტის ანგარიშსა თუ რჩევებს სხვა ქვეყნის მოქალაქეებიც ეცნობიან და ნეგატიური შეფასება როგორც მინიმუმ დადებითად არ მოქმედებს.

სახელმწიფო დეპარტამენტს საქართველოსა და რუსეთისთვის უმაღლესი მე-4 კატეგორია აქვს მინიჭებული. მოწოდებაც იმპერატიულია „არ იმოგზუროთ!“. საქართველოს შემთხვევაში ძირითად მიზეზებში კოვიდი წერია, რუსეთის შემთხვევაში ჩამონათვალი გრძელია – კოვიდს ტერორიზმის საფრთხე და რუსეთის უშიშროების სამსახურების თვითნებური ქმედებებიც ემატება. სომხეთს, აზერბაიჯანსა და თურქეთს მესამე კატეგორია აქვს მინიჭებული და მოგზაურობისკენ თავის შეკავების მოწოდება უფრო რჩევის ხასიათს ატარებს.

მნიშვნელოვანია საერთო კონტექსტის გათვალისწინებაც. ისეთ მაღალგანვითარებულ ქვეყნებსაც კი, როგორებიცაა: ნორვეგია, შვეიცარია, ისლანდია მესამე კატეგორია აქვს მინიჭებული. მესამე კატეგორია აქვს მინიჭებული ასევე ავსტრალიასა და ახალ ზელანდიას, სადაც კოვიდის გავრცელების ტემპი დანარჩენ მსოფლიოსთან შედარებით მკვეთრად დაბალია. ესპანეთსა და ევროპაში აშშ-ის უმთავრეს მოკავშირეს ბრიტანეთს საქართელოს მსგავსად უმაღლესი მე-4 კატეგორია აქვთ მინიჭებული.

საქართველოს შემთხვევაში ოკუპირებულ ტერიტორიებს ცალკე აბზაცი ეთმობა და საფრთხეებზე განსაკუთრებითაა ხაზი გასმული. რაც შეეხება გავრცელებულ სქრინებს, სადაც შესაძლო ძალადობის შემთხვევებზეა გაფრთხილება, ის დამატებით ინფორმაციაშია მითითებული და არა ძირითადში. შესაბამისად, 16 ივნისით დათარიღებულ დოკუმენტში პირდაპირ წერია - Do not travel to Georgia due to COVID-19 - არ იმოგზაუროთ საქართველოში COVID 19-ის გამო.

16 ივნისს როდესაც სახელმწიფო დეპარტამენტმა ანგარიში განაახლა, საქართველოში კოვიდით ინფიცირების საშუალო ყოველდღიური რიცხვი (ბოლო 7 დღეზე დაყრდნობით) 704-ს შეადგენდა, დღეს ის 3.94-ჯერ 2775-მდეა გაზრდილი, 1.5-ჯერ 16-დან 24-მდეა გაზრდილი კოვიდით გარდაცვლილთა საშუალო ყოველდღიური მაჩვენებელიც. ბოლო 1.5 თვეში კოვიდით 68 ათასი ადამიანი ინფიცირდა და 360 გარდაიცვალა. ვაქცინაციის ტემპი კი კვლავ დაბალია. 2 აგვისტოს მსგომარეობით 2 დროზით სულ 162 ათასი ადამიანია აცრილი, რაც მთლიანი მოსხლეობის 4.38%-ზე ნაკლებია.