გაზსადენ „ჩრდილოეთის ნაკადი-2“-თან დაკავშირებით გერმანიასთან დაძაბული მოლაპარაკებების დროს ბაიდენის ადმინისტრაცის თავის მოკავშირე ქვეყანას, უკრაინას, ამ საკითხზე დუმილს ურჩევდა.
უკრაინას, რომელიც ამ პროექტის კატეგორიულად წინაამღდეგია, ეს, რა თქმა უნდა, არ მოსწონს.
წყაროების ინფორმაციით, ამერიკელმა მაღალჩინოსნებმა უკრაინელებს აცნობეს, რომ გაზსადენის დასრულების წინააღმდეგ ზომებს არ მიიღებენ და კიევმა ამერიკულ-გერმანული შეთანხმების კრიტიკისგან თავი უნდა შეიკავს - წინაამღდეგ შემთხვევაში, ეს კიევის და ვაშინგტონის ურთიერთობებს ზიანს მიაყენებს.
მათ უკრაინელებს ასევე სთხოვეს, არ განიხილონ ეს საკითხი ამერიკელ კონგრესმენებთან, რომელთა უმრავლესობა „ჩრდილოეთის ნაკადი-2“-ის შეჩერების მომხრეა.
ახალი გაზსადენის ამუშავებით ყველაზე მეტად სწორედ უკრაინა დაზარალდება - მაღალი ალბათობით, რუსეთი უკრაინის ტერიტორიით ევროპაში გაზის ტრანზიტს შეწყვეტს, რაც კიევისთვის ფინანსურ დანაკარგებს და პოლიტიკური საფრთხეების ზრდას ნიშნავს. გასაგებია, რომ უკრაინელებს ამერიკელების მხრიდან ამ კუთხით რუსეთის და გერმანიის წინაშე დათმობა არ მოსწონთ, მაგრამ ამერიკელი დიპლომატების თხოვნის იგნორირება მათ მაინც გაუჭირდებათ.
ამერიკელების ზეწოლა კიევზე ამერიკულ-გერმანული გარიგების კრიტიკისგან თავის შეკავებასთან დაკავშირებით, მნიშვნელოვან წინაამღდეგობას შეხვდება. უკრაინის პრეზიდენტ ვოლოდიმირ ზელენსკისთან დაახლოებული წყაროს ინფორმაციით, უკრაინის ხელისუფლება დარწმუნებულია, რომ ამერიკას თითქმის დასრულებული პროექტის შეჩერება ჯერ კიდევ შეუძლია.
ვაშინგტონის ზეწოლის მიუხედავად, უკრაინა პროექტის კატეგორიული მოწინაამღდეგე კვლავ რჩება.
ამ საკითხების განხილვა თეთრ სახლში ბაიდენის და ზელენსკის შეხვედრის დროს იგეგმება - ის უახლოეს პერიოდშია მოსალოდნელი, თუმცა, ზუსტი ვადა ჯერ უცნობია.
ამერიკულ-გერმანული გარიგების მოწინაამღდეგეთა აზრით, ის რუსეთის ინტერესებს ემსახურება, ხოლო უკრაინის მიმართ მიდგომა აშკარად უსამართლოა.
„ეს ტრამპს რომ ექნა - ყველა გაგიჟდებოდა, მაგრამ ეს ბაიდენმა გააკეთა, მას კი ბევრი რამ ეპატიება“, - განაცხადა უკრაინის ევროპული პოლიტიკის ანალიზის ცენტრის დირექტორმა ალინა პოლიაკოვამ.
კიევში, უკრაინის ხელისუფლებასთან დასალაპარაკებლად, აშშ-ის სახელმწიფო მდივნის მრჩეველი დერეკ ჩოლეტი ჩადის. ის ასევე პოლონეთს ესტუმრება, რომელთანაც ამერიკამ ენერგეტიკული უსაფრთხოების საკითხებში მრავალმილიარდიანი შეთანხმება გააფორმა.
უკრაინის საკითხებში პენტაგონის ყოფილი წარმომადგენელი ეველინ ფარქსი მიიჩნევს, რომ მოკავშირეებთან ვაჭრობა რუსულ გაზსადენზე ბაიდენის ადმინისტრაციის მხრიდან წარმატებულ ნაბიჯად ვერ ჩაითვლება.
„ეს ყველაზე გიჟური გარიგებაა, რომელზეც შეიძლება ლაპარაკი დღევანდელ დროში. მსოფლიოში კლიმატის ცვლილებაზე დიდი პრობლემა არ არსებობს და ამ ტიპის მოძველებულ პროექტებზე დათანხმება - სრული სისულელეა“ - მიიჩნევს ის.
politico.com