ამერიკულ ბირჟებზე ინდექსების ზრდა დაიწყო და ეს დაკავშირებულია ფარმაცევტულ კონცერნ Pfizer-ის მიერ გავრცელებულ ინფორმაციასთან იმის შესახებ, რომ კომპანიის მიერ შექმნილი კორონავირუსის საწინაამღდეგო ვაქცინამ ცდების მე-3 სტადიაზე 90%-ანი ეფექტურობა აჩვენა.
კვლევებში მონაწილეობა 43 538 ადამიანმა მიიღო და ვაქცინაციის შემდეგ, მხოლოდ 94-ს დაუდასტურდა ვირუსი.
სავარაუდოდ, აშშ-ს სანიტარული ზედამხედველობის სამმართველო ნოემბრის ბოლოს ვაქცინის უსაფრთხოების და ეფექტურობის საკითხს განიხილავს.
BioNTech და Pfizer-ის გარდა ვაქცინის შექმნაზე მეტ-ნაკლები წარმატებით ისეთი კონცერნები, როგორც AstraZeneca, Moderna, Novavax, Johnson & Johnson, GlaxoSmithKline და CureVac- მუშაობენ.
ინფორმაციამ ვაქცინის შესაძლო გამოჩენის თაობაზე ევროპელ ინვესტორებს შორისაც ოპტიმიზმი გააჩინა - ევროპული ინდექსი Euronext 100, მილანის საფონდო ბირჟის ინდექსი, გერმანული DAX, ფრანგული CAC40, ევროპული - Euro Stoxx 50 — ყველა ეს ინდექსი საშუალოდ 5-7%-ით გაიზარდა.
შტატებსა და ევროპაში აქციები ასევე აშშ-ს საპრეზიდენტო არჩევნებში ჯო ბაიდენის გამარჯვების გამო ძვირდება.
ოპტიმიზმი ასევე დადებითად ნავთობის ფასებზე აისახა - Brent-ის ღირებულება 10%-ით გაიზარდა და 43 დოლარი შეადგინა.
პარალელურად იაფდება კრიტიკულ სიტუაციებში ყველაზე მოთხოვნადი და უსაფრთხო აქტივი - ოქრო, რომლის ღირებულებაც 3%-ით შემცირდა.
მასობრივი ვაქცინაციის გამოჩენა ეკონომიკის აღდგენას და ნორმალური ცხოვრების განახლებას ნიშნავს, შესაბამისად, ბიზნეს-კომპანიების აქციებიც ძვირდება.
მაგალითად, ამერიკულ ბაზარზე მკვეთრად გაიზარდა ავიაკომპანიების ფასიანი ქაღალდების ღირებულება - American Airlines აქციები 15,18%-ით, Delta Air Lines — 15,82%-ით, United Airlines — на 20,88%-ით გაძვირდა.
პარალელურად იაფდება კომპანიები, რომლებმაც პანდემიის დროს მოგებულები დარჩნენ - მაგალითად, ვიდეოკონფერენციების სერვის Zoom-ის აქციები შტატებში 16%-ით, ხოლო სახლის ტრენაჟორების მწარმოებლის Peloton-ის 20,7% გაიაფდა.
rbc.ru
მოამზადა თენგიზ აბლოთიამ