29 აპრილის მდგომარეობით საქართველოში კოვიდვაქცინა 43 568 ადამიანს აქვს გაკეთებული, მათგან ორჯერადი დოზა 5218-ს. ვაქცინაციის დაწყებიდან 1.5 თვის შემდეგ აცრილია მხოლოდ მოსახლეობის 1.2%. მძლავრ ანტივაქსერულ ფონზე დაავადებათა კონტროლის ეროვნული ცენტრის ხელმძღვანელი ამირან გამყრელიძე აცრილებისთვის შესაძლო პრივილეგიებზე ალაპარაკდა.
მსოფლიოში ვაქცინაცია გასული წლის დეკემბერში დაიწყო. ერთჯერადი დოზით აცრილია პლანეტის მოსახლეობის 13.4% - 1.065 მლრ ადამიანი. პროცენტულად ყველაზე მეტი - 121% ისრაელშია აცრილი, 104% - არაბთა გაერთიანებულ საამიროებში. 100%-ზე მაღალი მაჩვენებელი ორჯერადი ვაქცინითაა გამოწვეული. ისრაელში ვაქცინის ორივე დოზა მოსახლეობის 62%-მა გაიკეთა. შედეგად თუ იანვარში კოვიდით ყოველდღიურად 8-9 ათასი ადამიანი ავადდებოდა და 70-80 იღუპებოდა, აპრილის ბოლოს ვირუსის გამოვლენის მაჩვენებლი 150-300-მდე შემცირდა სიკვდლიანობა კი ერთნიშნა მაჩვენებელლამდე შემცირდა, რომელიც იშვიათად აღემატება 5-ს.
წარმატებულ მაგალითად შეიძლება მოვიყვანოთ ასევე ბრიტანეთი, სადაც ვაქცნის ორი დოზა უკვე გაიკეთა მოსახლეობის 48%-მა. ამ ქვეყანაში ახლდადინფიცირებულთა ყოველდღიური რაოდენობა 50-60 ათასიდან 2-3 ათასამდე შემცირდა, გარდაცვლილთა ყოველდღიური რიცხვი კი 1200-1500-დან 20-30-მდე. სიკვდილიანობა 4-ჯერ შემცირდა შეერთებულ შტატებშიც, სადაც ვაქცინის 1 დოზა მოსახლეობის 69%-მა ხოლო 2 დოზა მოსახლეობის 40%-მა გაიკეთა.
საქართველოში ვაქცინაცია დაგეგმილზე გვიან 15 მარტს დაიწყო, რასაც 3 დღის შემდეგ უბედური შემთხვევა მოჰყვა და 27 წლის ექთანი გარდაიცვალა. როგორც დღეს ირკვევა ანაფელაქსიური შოკის შემდეგ პაციენტს სათანადო დახმარება დროულად ვერ აღმოუჩინეს და გარდაცვალების მიზეზი სავარაუდოდ სწორედ ეს ფაქტი გახდა. მომხდარმა ანტივაქსერული განწყობები კიდევ უფრო გააძლიერა და აცრის მსურველთა რაოდენობა კიდევ უფრო შეამცირა. შიში თავად ექიმებსაც კი დაეტყოთ.
წმინდა სამედიცონო თვალსაზრისით დასმულ კითხვებს რაც შესაძლო გვერდით მოვლენებს უკავშირდება გაჩნდა შეთქმულების თეორიებიც, რომლის თანახმადაც ვაქცინა მასონებმა მსოფლიო მოსახლეობის გასანახევრებლად და დარჩენილი მეორე ნახევრის დასაჩიპად შექმნეს. პრეზიდენტისა და მინისტრების საჯარო აცრის შემდეგ უამრავი კომენტარი დაიწერა, რომელთა ავტორებიც ამტკიცებდნენ, რომ შუშაში სინამდვილეში სხვა სითხე ესხა და „ასტრაზენეკა“ მხოლოდ წარწერა იყო.
საკოორდინაციო საბჭო იძულებული გახდა, რომ მსურველთა ასაკი ჯერ 75-დან 65 წალამდე, შემდეგ 55-მდე და ბოლოს 18 წლამდე შეემცირებინა. რამაც მიმართვიანობა გაზარდა მაგრამ არა სასურველ ნიშნულამდე. ამ დროისთვის დაწყებულია საყოველთაო რეგისტრაცია, მაგრამ არა საყოველთაო ვაქცინაცია. იმისთვის რომ წლის ბოლომე ზრდასრული მოსახლეობის 60% ორჯერადი დოზით აიცრას საჭიროა დღიური 10 000+ ვაქცინა, დღეს ეს რიცხვი 1500-ის ფარგლებში მერყეობს.
როგორც აღმოჩნდა ვაქცინაციის წამახალისებელი აქტიობა, არასაკმარისი აღმოჩნდა. მეტიც სოციალური ქსელი მოიცვა ფოტომ სადაც ბანერზე ცხელი ხაზის ნომერი - 144 არასწორად იყო მითითებული და 114 ეწერა, რაც ბუნებრივი გაზის დისტრიბუტორის - „თბილისის ენერჯის“ ნომერია.
ადამიანთა არც თუ ისე მცირე ჯგუფისთვის კოვიდრეგულაციები გაცილებით უფრო დიდი პრობლემაა, ვიდრე თავად კორონავირუსი. შესაბამისად მაათვის აცრის სანაცვლოდ ამ რეგულაციების მოხსნა უფრო დიდი სტიმული იქნება, ვიდრე კოვიდისგან დაცვის დაპირება.
იმის შესახებ, რომ ვაქცინირებულებს გარკვეული პრივილეგიები უნდა გააჩნდეთ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ პირველად ტელეკომპანია ფორმულას ეთერში ისაუბრა.
გამყრელიძემ კონკრეტული აქცენტები უფრო კოვიდისგან თავისუფალ რესტორნებსა და კლინიკებზე გააკეთა და კონკრეტულად რა შეღავათებით შეიძლება ისარგებლონ აცრილმა პირებმა არ დაუკონკრეტებია, თუმცა აღნიშნა რომ ინიციატივები საკოორდიბაციო საბჭოშია წარდგენილი. გადაწყვვეტილება მიღებული ჯერ არ არის, თუმცა შემდეგ დღეებში გაკეთებული უფრო კონკრეტული განცხადებების საფუძვე3ლზეშეიძლება ითქვას, რომ ორჯერად აცრილები შეიზლება კომენდანტის საათისგან და ღია სივრცეში პირბადის ტარების ვალდებულებისგან გათავისუფლნენ.
პოზიტიურ ფაქტად შეიძლება ჩაითვალოს ისიც, რომ ჩინურ სინოფარმზე მაღალი აქტივობა დაფიქსირდა და თბილისში ადგილები პრაქტიკულად მთლიანად შეივსო,ტუმცა რეგიონებში მიმართვიანობა კვლავ დაბალია.
ე.წ. კოვიდპასპორტების მიმართ მსოფლიოს სხვადასხვა ქვეყანაში დამოკიდებულება სხვადასხვანაირია. ინიციატივას ემხრობიან ჩინათში, ისრაელში, ესტონეთში, საბერძნეთსა და ბრიტანეთში. დოკუმენტი, რომლის მფლობელიც გარკვეული პროვილეგიებით ისარგებლებს, რისი უფლებაც პანდემიამდე ისეცაც გააჩნდათ, მიიღებს პირი რომელიც აიცრება, ან ის ვისაც უკვე მოხდილი აქვს კოვიდი. მართალია რეინფიცირების შემთხვევები არსებობს, მაგრამ რისკი მაინც შესამჩნევად დაბალია. კოვიდპასპორტის მფლობელი შესაძლოა გახდეს PCR ტესტზე ნეგატიური პასუხის მქონე ადამიანიც, მაგრამ ამ შემთხვევაში დოკუმენტი დროებითი იქნება.
ისრაელში,სადაც ვაქცინაციის ტემპი ყველაზე მაღალია, ღია სივრცეში პირბადის ტარების ვალდებულება საერთოდ გაუქმდა. შეღავათებად შეიძლება განხილულ იქნას ასევე თავისუფლად შეკრების თავისუფლება, ღამის საათებში გადაადგილება და სხვა.
გიორგი ელიზბარაშვილი