მას შემდეგ, რაც აშშ-ს პრეზიდენტმა ჯო ბაიდენმა საბიუჯეტო სფეროს თანამშრომლებისთვის ვაქცინაცია სავალდებულო გახადა, რესპუბლიკური შტატების გუბერნატორებმა ფედერალურ ხელისუფლებას ომი გამოუცხადეს.
ბაიდენის წინააღმდეგ ერთხმად გამოვიდნენ ფლორიდა, სამხრეთ კაროლინა, მისისიპი, ტენესი, ალაბამა და ჯორჯია. ანუ სამხრეთ შტატები, რომლებიც 1861-1865 წლებში სამოქალაქო ომში ჩრდილოეთ შტატებს მონათმფლობელობის შენარჩუნებისთვის ებრძოდნენ.
შტატ ალაბამას გუბერნატორმა კეი აივიმ განაცხადა, რომ პრეზიდენტის გადაწყვეტილება აღმაშფოთებელია და ის თავის უფლებამოსილებას მნიშვნელოვნად აჭარბებს.
ჯორჯიის გუბერნატორი ბრაიან კემპი პრეზიდენტს სასამართლოში საჩივრის შეტანით დაემუქრა, მისისიპის გუბერნატორმა ტეიტ რივზა კი საზოგადოებას შეახსენა, რომ „ეს ამერიკაა, და ჩვენ ტირანიისგან თავისუფლების ჯერ კიდევ გვწამს“.
ყველაზე შორს ფლორიდის გუბერნატორი რონ დე სანტისი წავიდა და განაცხადა, რომ დააჯარიმებს იმ მაღალჩინოსნებს, რომლებიც ბაიდენის ბრძანების შესრულებას დააპირებენ. მანამდე კი დე სატნისმა ომი განათლების სისტემას და სკოლებში პირბადეების სავალდებულო ტარების წესს გამოუცხადა.
გუბერნატორი ასევე აღაშფოთა ბაიდენის კიდევ ერთმა გადაწყვეტილებამ, რომლის თანახმადაც აცრა სავალდებულოა არა მხოლოდ საჯარო სტრუქტურებში, არამედ იმ ბიზნეს კომპანიებში, სადაც 100-ზე მეტი ადამიანი მუშაობს.
ფლორიდის ხელმძღვანელობის წინააღმდეგობას გამართლება არა აქვს, ბოლო კვირებს მანძილზე სწორედ ეს შტატი ლიდერობს ამერიკაში კორონავირუსით დაინფიცირების და სიკვდილიანობის კუთხით პანდემიის დაწყების შემდეგ ფლორიდაში კოვიდს 48 000 ადამიანი შეეწირა, მათ შორის აგვისტოში 8000, ხოლო ბოლო 1 კვირის მანძილზე ფლორიდაში 100 000-ზე მეტი დაინფიცირდა.
სწორედ ამ ფონზე ფლორიდა ვაქცინაციის მომხრეთა და მოწინააღმდეგეთა ბრძოლის მთავარ არენად იქცა. ბაიდენი ანტივაქსერებს ერის გამოჯანმრთელების გზაზე მთავარ დაბრკოლებად მიიჩნევს. ქვეყნის თითქმის 35%, დაახლოებით 80 მლნ. ადამიანი, აცრას კატეგორიულად ეწინააღმდეგება.
პრეზიდენტი თავის სიმართლეში დარწმუნებულია. გამოკითხვების თანახმად, 5 ზრდასრული ამერიკელიდან 3 საყოველთაო ვაქცინაციის მომხრეა, თუმცა აქაც სამხრეთს და ჩრდილოეთს შორის მკვეთრ დაპირისპირებას აქვს ადგილი. თუ ჩრდილოელებში ვაქცინაციის მომხრე 80% - ია სამხრეთელებში ეს მაჩვენებელი მხოლოდ 33% ზეა.
ბაიდენის გადაწყვეტილებას მხარს უჭერს ის მსხვილი ბიზნესები რომლებმაც ვაქცინაცია საყოველთაო ოფიციალურად გახადეს. პეტიციას ხელი ისეთმა გიგანტებმა მოაწერეს როგორიცაა General Electric, Amazon, Goldman Sachs, და ამერიკული ეკონომიკის კიდევ ათეულობით ლიდერი.
როგორც ჩანს, არა ავღანეთში სამარცხვინო მარცხი და ეკონომიკური პრობლემების გადაწყვეტის ტემპები, არამედ სწორედ პანდემიასთან ბრძოლის წარმატება თუ წარუმატებლობა გახდება ბაიდენის მომავალი საპრეზიდენტო კამპანიის შედეგის მთავარი განმსაზღვრელი.
ამ ეტაპზე ქვეყნის მოსახლეობის უმრავლესობა პრეზიდენტის ქმედებებს მხარ უჭერს, რის გამოც რეგიონულ არჩევნებში რესპუბლიკელები მარცხდებიან. მაგალითად, კალიფორნიაში დემოკრატმა გევინ ნიუსომმა ხმათა 65% მიიღო, მაშინ როდესაც რესპუბლიკელმა ლარი ელდერმა მხოლოდ 35%.
ასეთი შედეგების მიზეზი ის არის, რომ კალიფორნიის მოსახლეობის უმრავლესობა კორონავირუსთან ბრძოლას პრიორიტეტად მიიჩნევს, მაშინ, როდესაც რესპუბლიკელი კანდიდატი ვაქცინაციის წინააღმდეგია, ხოლო ნიუსომი ამ საკითხში ბაიდენის აქტიური მხარდამჭერი იყო.
მოამზადა თენგიზ აბლოთიამ
წყარო: Haqqin.az
ვაქცინაცია
