ვანო მთვრალაშვილი: „თუ გვინდა ეკოლოგიური ეფექტი, საწვავის ხარისხთან ერთად, ავტომობილების პარკიც უნდა განახლდეს“

ვანო მთვრალაშვილი: „თუ გვინდა ეკოლოგიური ეფექტი, საწვავის ხარისხთან ერთად, ავტომობილების პარკიც უნდა განახლდეს“

access_time2019-03-11 17:00:52


„დიზელის საწვავის ნორმებთან დაკავშირებით არსებობს საქართველოს მთავრობის დადგენილება, რომლის საფუძველზეც 2019 წლის 1 იანვრიდან დიზელის ხარისხის სტანდარტი ევრო 4 სტანდარტს შეესაბამება. ბოლო წლების განმავლობაში დიზელის საწვავის ხარისხობრივი მაჩვნებელი მნიშვნელოვნადაა გაუმჯობესებული. მაგალითად, გოგირდს თუ შევეხებით, წლების წინ იყო 300 მილიგრამი კილოგრამზე, დღეს არის 50 მილიგრამი კილოგრამზე,“ - განაცხადა კომერსანტთან“ საუბარში ნავთობპროდუქტების იმპორტიორთა კავშირის თავმჯდომარემ ვანო მთვრალაშვილმა.  


 ის, რომ 2020 წლის 1იანვრიდან ქვეყანაში დიზელის საწვავის ხარისხი „ევრო 5“ სტანდარტამდე აიწევს, ამის შესახებ გარემოს დაცვისა და სოფლის მეურნეობის მინისტრმა ლევან დავითაშვილმა პარლამენტში, „მინისტრის საათის“ ფარგლებში სიტყვით გამოსვლისას განაცხადა. 

როგორც ვანო მთვრალაშვილი აღნიშნავს, საკანონმდებლო ცვლილებები ეკოლოგიური მდგომარეობის გაუმჯობესების კუთხით წინ გადადგმული ნაბიჯია. მისი თქმით, დიზელის საწვავი საქართველოში დინამიურად უმჯობესდება.

 


ნავთობპროდუქტების იმპორტიორთა კავშირის თავმჯდომარე აცხადებს, რომ, თუ გვინდა ეკოლოგიური ეფექტი გვქონდეს, საწვავის ხარისხის გაუმჯობესებასთან ერთად, სასურველია, საავტომობილო პარკის განახლებაც ხდებოდეს.



 

დღეს დიზელზე მომუშავე სატრანსპორტო პარკის დიდი წილი, დაახლოებით  90 %, 15 წელზე უფრო ძველია, ამას კიდევ თუ ჩავშლით, 45 % არის 25 წელზე ძველი. ეს არის სატრანსპორტო საშუალებები, რომლისთვისაც მწარმოებელს გამოყენებისთვის მითითებული აქვს „ევრო 2“, „ევრო 3“, „ევრო 4“-ის ხარისხის დიზელის სტანდარტი. ამიტომ, თუ ჩვენ გვინდა ეკოლოგიურად სუფთა გარემო მივიღოთ, აუცილებლად უნდა განახლდეს საავტომობილო პარკი,“ - ამბობს ვანო მთვრალაშვილი.


 

„კომერსანტის“ კითხვაზე ავტომობილების სავალდებულო ტექნიკური ინსპექტირება აგვარებს თუ არა ავტოპარკის განახლების პრობლემას?  ვანო მთვრალაშვილი გვპასუხობს:


 

ტექდათვალიერება არის პრობლემის მოგვარებისთვის გადადგმული მნიშვნელოვანი ნაბიჯი. იქედან გამომდინარე, რომ ქვეყანაში ეკონომიკურ-სოციალური ვითარება რთულია, გამონაბოლქვთან დაკავშირებით დღეს დასაშვები ნორმები, ევროკავშირის ნორმებთან შედარებით, არის საკმაოდ ლიბერალური. მიმდინარე ეტაპზე ხელისუფლების დამოკიდებულება სწორია. დღეს რომ დავუწესოთ მკაცრი მოთხოვნები, ეს მოსახლეობას სერიოზულ პრობლემებს შეუქმნის. ვთვლი, რომ ტექნიკურ ინსპექტირებას შედეგი აუცილებლად ექნება, თუმცა ის შედეგი, რაც ჩვენ გვინდა, სამწუხაროდ, არ გვექნება, ამ ყველაფერს დრო სჭირდება.

 

“ახალგაზრდა ფინანსისტთა და ბიზნესმენთა ასოციაციის” ვიცე-პრეზიდენტი პაატა ბაირახტარი აცხადებს, რომ  დიზელის საწვავის ხარისხის „ევრო 5“ სტანდარტამდე აწევა ბიზნესს მდგომარეობას არ დაუმძიმებს.


ვროპის ქვეყნები „ევრო 6“-ზე და „ევრო 7“-ზეც არიან გადასულები, ჩვენ ნელ-ნელა ვცდილობთ დავეწიოთ. ეს არის ძალიან კარგი. მეეჭვება, ამ საკანონმდებლო ცვლილებამ ნეგატიური ზეგავლენა მოახდინოს ბაზარზე, რადგან ბრენდული კომპანიები დიდი ხანია თავს იწონებენ „ევრო 5“  სტანდარტის საწვავის იმპორტით. ყოველ შემთხვევაში, ნავთობ იმპორტიორები განცხადებებში ასე ამბობენ, თუმცა ,ხარისხის სტანდარტის ოფიციალური კვლევა არ ჩატარებულა. ამ ეტაპზე საფუძველიც არ გვაქვს იმის, რომ ეჭვი შევიტანოთ მათ განცხადებებში,“  - განმარტავს პაატა ბაირახტარი.

 

ბაჩო ადამია




ქართული არხები ხვალიდან, შესაძლოა, ფასიანი გახდეს

ქართული არხები ხვალიდან, შესაძლოა, ფასიანი გახდეს
access_time2021-07-31 13:04:25
ხვალიდან, ქართული არხები შესაძლოა, საკაბელო ტელევიზიებისთვის ფასიანი გახდეს. აღნიშნულის შესახებ საკაბელო ტელევიზიების კავშირის მიერ გავრცელებულ განცხადებაშია აღნიშნული.   კავშირის ცნობით, 2021 წლის ივნისში მაუწყებლობის ტრანზიტზე ავტორიზებულმა პირებმა მიიღეს შპს “მედია რაითს ჯორჯიას“ წერილი, ტელეარხების - „იმედი“, „ჯიდიეს tv“, „რუსთავი 2“, „პოს tv“, „tv პირველი“, „ფორმულა“, „მთავარი არხის“ ფასიანი ტრანზიტის ხელშეკრულებების გაფორმების მოთხოვნით.   კერძოდ,...

საქართველოს საფონდო ბირჟაზე 5 თვეა ნულოვანი ბრუნვა ფიქსირდება

საქართველოს საფონდო ბირჟაზე 5 თვეა ნულოვანი ბრუნვა ფიქსირდება
access_time2021-07-31 12:00:02
საქართველოს ისედაც თითქმის უმოქმედო საფონდო ბირჟა 2021 წელს მთლიანად გაჩერდა. თებერვლის შემდეგ 1 გარიგებაც კი არ შემდგარა. 7 თვის განმავლობაში კი ყველა გარიგების ჯამმა 2453 ლარი შეადგინა, რაც იმდენად ცოტაა, რომ შეიზლება 0-დაც ჩაითვალოს. 2021 წლის ივლისში საქართველოს საფონდო ბირჟის ვებგვერდზე ზოგადი ინფორმაციის ველში წერია, რომ 1-ლი ივლისის მდგომარეობით ბირჟაზე სულ 26 კომპანიის აქციები იყო განთავსებული, რომელთა კაპიტალიზაცია $754 მლრდ-ს აღწევდა, მაგრამ ივნისში დღიური...

ლარი დოლართან და ევროსთან გაუფასურდა

ლარი დოლართან და ევროსთან გაუფასურდა
access_time2021-07-30 18:00:43
30 ივნისის ვაჭრობის შედეგად ლარი დოლართან მიმართებაში 0.47 თეთრით 3.1244-მდე გაუფასურდა. Bloomberg-ის პლატფორმაზე კი დღის ბოლოს კურსმა 3.1100 შეადგინა. დოლარის მსგავსად ლარი ასევე გაუფასურდა ევროსთან 1.31 თეთრით 3.7174-მდე, ბრიტანლ ფუნტთან 1.28 თეთრით 4.3670-მდე, თურქულ ლირასთან 0.46 თეთრით 0.3713-მდე, აზერბაიჯანულ მანათთან 0.67 თეთრით 1.8391-მდე, 100 რუსულ რუბლთან 1.88 თეთრით 4.2829-მდე. გამონაკლისი სომხური დრამი აღმოჩნდა 1000 დრამი 2.73 თეთრით 6.4197-მდე...

AstraZeneca-ს ვაქცინების გაყიდვიდან მიღებული შემოსავლები 1,17 მილიარდ დოლარს, Pfizer-ის კი ათჯერ მეტს აღწევს

AstraZeneca-ს ვაქცინების გაყიდვიდან მიღებული შემოსავლები 1,17 მილიარდ დოლარს, Pfizer-ის კი ათჯერ მეტს აღწევს
access_time2021-07-31 16:00:06
ბრიტანულ-შვედური ფარმაცევტული კომპანიის AstraZeneca-ს ვაქცინების გაყიდვებიდან მიღებულმა შემოსავლებმა 2021 წლის პირველ 6 თვეში 1,17 მილიარდი დოლარი შეადგინა. როგორც ანგარიშში ვკითხულობთ, ვაქცინების გაყიდვები მეორე კვარტალში მოსალოდნელზე მეტი აღმოჩნდა და 894 მილიონი დოლარი შეადგინა.   როგორც დოკუმენტშია აღნიშნული, კომპანიამ და მისმა პარტნიორებმა მიმდინარე წლის 6 თვეში 700 მილიონი დოზა ვაქცინის რეალიზება მოახდინეს მსოფლიოს 170 ქვეყანაში, მათ შორის 80 მილიონი დოზა...

იანვარ-ივნისში სამშენებლო ნებართვების რაოდენობა 4400-მდე გაიზარდა

იანვარ-ივნისში სამშენებლო ნებართვების რაოდენობა 4400-მდე გაიზარდა
access_time2021-07-31 14:00:49
ოფიციალური დეკლარირებული მონაცემებით, საქართველოში 2021 წლის იანვარ-ივნისში შენობა-ნაგებობის მშენებლობაზე 4400 ნებართვა გაიცა, რაც წინა წლის შესაბამის პერიოდთან შედარებით 5,5-ით მეტია.   საერთო ჯამში, ნებართვა გაიცა 2955,0 ათასი კვ.მ ფართზე. ეს მაჩვენებელი წინა წელს 14,7%-ით უსწრებს.   აღსანიშნავია, რომ ნებართვების 71,8% მოდის ქვეყნის 4 რეგიონზე. კერძოდ, ჩასატარებელი სამშენებლო სამუშაოების 47,3%- ქ. თბილისზე, 9% - ქვემო ქართლის რეგიონზე, 8,6% - იმერეთის...


მსგავსი სიახლეები

up